驊記糕點屋

營業中

休息中

網上見到介紹這間小店，搵了一段時間，終於搵到，店子小小，有即製糯米糍，10元三個好平呀，還有其它糕點，茶果，砵仔糕等，仲有汽水櫃。門口大大招牌買了6個，真的即刻整，即刻包俾我們，仲熱的，有些粉係出面，唔係好大個的呀，個皮超軟綿綿，好淋身呀，咬一口就見到花生在裏面，花生多又足料，唔太甜，好好味的呀。花生又足料又香，亦不吝嗇。眉豆茶果，10元三隻好抵呀，外面層皮軟淋淋的，好煙韌，入面的眉豆蓉唔咸的，厚味，冇咩多餘調味，夠簡單！！

認識這家店是朋友介紹，此店出名的是花生糯米糍，即場製作，真材實料，皮薄饀多。舊店在大橋街附近，很早便賣完，待我放工後光顧，大多數因售罄，空手而回。現在在新店，因為即場製作，每次去到均能滿足我個肚另外，鹽香花生也是推介食品，老闆娘自家製，香脆可口，而且價格超超值，只是$10便有一大樽，買個樽也抵！我家老爺食過停不到口，3天把它清了，幸好便宜，否則被他吃至我破產見店舖還有鹽焗蛋、糭及各式油器，現今這些手作傳統食品已買少見少，要大力推薦，免得只成為回憶。