驊記糕點屋

營業中

休息中

細個既時候，屋企人成日都會買一樣叫「東莞鬆糕」既糕點比我地食。個糕點四四方方，中間有一點紅點，入面係啲花生餡，簡簡單單但都叫人回味無窮。可惜依啲傳統糕點真係買少見少，往往都得啲年紀大既婆婆喺街邊擺賣。喺偶然既情況下認識左「驊記糕點屋」，發現佢地有多款傳統糕點賣，當然要黎幫襯下啦。一去到已經見到條小人龍，一望過去原來有個姐姐喺度即製糯米糍。雖然唔係為糯米糍而來，但見咁多人食，都要買返盒睇下有咩咁特別。姐姐熟練咁搓麵團同包餡料，好快就包好一盒6個既糯米糍。依度既糯米糕果然係我食過最好味既糯米糍，依家形容返都開始想流口水。個皮好薄好薄，入面啲餡滿到就黎瀉出黎，完全係皮薄餡靚既寫照。皮薄得黎又好煙韌，個花生餡甜度恰到好處，真係冇野可以挑剔。試完糯米糍就黎到我最愛既鬆糕。原來鬆糕有另一個名，叫做手粉，係香港圍村既傳統祭祀用食品。鬆糕既皮比一般糕點硬身，唔係煙韌同稔既果隻口感，可以當係硬少少既光酥餅。入面包住既餡同糯米糍餡差唔多，連埋個皮一齊食又係另一番風味。對我黎講鬆糕係童年回憶，每次食到都諗起細個果陣既開心事，不過對於冇依種回憶既人黎講，鬆糕未必會係一種好美味既糕點。除左糯米糍同鬆糕，仲有唔同

2021年1月17日，約下午三時左右，我帶了在15日購買的角仔到該店向店主詢問大包的角仔有幾重？回答是一磅，我從環保袋內拿出之前在該店購買的角仔對她說這袋角仔只有 14安士，再從袋內取出一電子磅給她看，她笑一笑吩咐男店員拿去磅一磅，再吩咐磅要放平，之後店員請她查看我帶去的角仔重量，向我說是輕咗，隨後向男店員說：磅要平放呀！之後她在一輪心算後向我說：比番五蚊你啱唔啱，我說好，因店內的角仔都是一包包，沒有散裝的，無法補回短少的角仔，我用手指指向店內包裝好的角仔跟著說：喱度D都可能唔夠秤喎。咁笑口棗幾時有得賣呀？店主回答：星期二。

要寫食評，只能給予合格5/10⋯⋯買時非常熱，不知是否剛剛出貨？食落有少許黃糖味，咬落好有粉的感覺。是一般般，但比起街市....較好，因為好多都是淡而無味😔我不喜歡吃紅豆，所以要了$20四個無豆的。與此店無關的回憶：這個砵仔糕讓我想起了讀書時，以前在粉嶺讀書，中午食飯時間，在聯和墟有時會撞見賣砵仔糕的婆婆，雖然食完飯也會向婆婆買一兩個砵仔糕過口隱，那時婆婆已經年紀非常大，仍然會賣砵仔糕，也許不是為了糊口，是為了讓人可以吃到他親手整的砵仔糕，那是她獨特的手藝，砵仔糕那真濃郁的黃糖味，實在非常之懷念，咬落有煙煙韌韌的口感......好好味！

好耐以前已經聽過呢間士多，一直都好想試吓，今日有時間，專誠到訪一下因為之後仲要食午飯，所以少少地買一個試下先。果然好好味，皮薄餡靚，花生砂糖椰絲比例剛剛好值得繼續支持

現今越來越少地方有舊式糕點 傳統嘅味道 懷舊小食 只要搵到就一定要同大家分享 故意黎到元朗 試試老闆娘自家製糯米糍同其他新鮮、健康的糕品 見到老闆娘同屋企人一齊開工 我地係中午時間去到 條人龍非常之長 雖然又限購不過粒粒手造每盒6粒真係有排整 糯米皮夠薄 外皮質感細滑煙韌 花生粒大細都有 食上來有口感 餡料爆多 正 熱辣辣食好好味

清明假如期；係永順吔完豬扒麵做早餐經過見到驊記糯米糍得兩三個人排就跟跟隊🤘平時成十幾人係度排😨排隊尚算有秩序😇 不過我十點零開舖未耐, 兩位老細四拳難敵長龍😓 搞咗一輪先開始搓糯米滋👋 前前後後等咗半粒鐘, 睇住老細好比心機慢慢搓粉皮再包住啲饀，一隻又一隻碌過麵粉再入盒, 臨走見啲茶果新鮮出爐🥰順手接隻番屋企😎原來盪手山芋有個朋友叫盪手茶果，拿走向個陣真係辣手回家後先同綠豆茶果玩親親😘 暖和柔軟既表層包住老實簡單既綠豆蓉，無華麗香氣同強烈味道，只係少少咸味伴隨煙韌既粉皮🙂一盒六隻既糯米糍，緊貼地塞滿膠盒，了起舊糯米糍係要小心佢吹彈可破既米粉皮😯 咬入口，啲麵粉散落一地，入口一咬，就知佢既糯米皮漿力，薄得黎緊緻🥰🥰輕得黎稠密👍👍 入面既花生饀都好足秤🤭🤭一盒六隻糯米糍三十蚊🥰茶果十蚊隻😃平民價錢，天堂味道😇 不過唔等得就真係有吾好排，人手製作，新鮮味道係要時間架👋

話說這家店很久之前已經很喜歡，因為他的糯米糍內𥚃餡了很多！最近有很多報導所以多了很多客人排隊了，因為家人想食所以我特地去排隊，因為他的糯米糍是即叫即做，所以等的時間會比較長少少，但正正因爲這樣所以才真材實料👍🏻這次還買了砵仔糕、茶粿、鹽焗鵪鶉蛋，每樣都是他們自己製作的！用心真材實料！

見好多媒體不斷話佢嘅糯米糍好好食爆多餡料，真係好想試一試！之前入元朗已經想試一試，但因為趕時間又見到長長嘅人龍已經打道回府！今日難得有時間機會黎喇，真係要試試！去到嗰下人龍都唔長，10個左右，咁就排一排！開頭條龍無郁過，隔左多過30分鐘先郁下。。。可能事前有嘢要準備同佢係即叫即整，我諗排左近一粒鐘先到我！食出名嘅嘢真係需要代價！到我喇！買左一盒花生糯米糍，$24一盒有6粒！摸上手有微暖，6大粒係個盒度！食落去的確好多餡，皮都好煙韌，係唔錯嘅，但未至於要排一個鐘！

今天專程到了驊記試一試他們的糯米糍。驊記專賣一些舊式糕點，有茶果、 砵仔糕、薩其馬、手粉、稯等。今次試了他們最出名的糯米糍。糯米糍皮薄餡靚，一口咬下去，裡面的花生碎、芝麻碎、椰絲等餡料就會爆出。每一口都有滿滿的花生香，值得一試。

👫本身勁鍾意食糯米糍，今次嚟到元朗搵下邊間嘅懷舊糕點比較出名，就搵到呢間位於永順附近嘅驊記😍一一一一一一一一一一一一一一#花生糯米糍 <$24/6粒>糯米糍唔算大粒，皮無想像中咁薄😂食落比較硬身，完全無糯米香😢雖然一咬爆餡，見到好多花生碎🤔值得一讚嘅係花生夠乾身，好有口感🥜不過真係無咩特別，唔會再試🤦🏻‍♀️一一一一一一一一一一一一一一👾驚喜指數：❗️🔙翻撻指數：❗️（5個❗️最高）

由佢以前起大橋街市嗰度開個檔仔幫襯佢，到而家搬咗入舖。個時買佢 d 糯米糍都要排隊， 佢幾乎係即整，皮薄餡多。而為左食都會特登過去買，但係佢啲糯米糍被越嚟越厚。平時都買開一盒6件，好在今次只買了3件， 件件都係咁有part 厚皮。另外買多左2個 眉豆餡ge茶果，呢個都ok , 皮薄餡多， 外面比較油，食個時比較輪盡， 一路食 d 餡一路趺。雖然普遍眉豆餡ge 茶果是咸食，但以前食過係甜 , 如果有甜 ge 仲好！吾知邊度仲有甜ge 買？！

細個好鍾意食既小食~手粉， 我鄉下又名鬆糕， 呢間係元朗好出名糯米糍既小店，我覺得佢既手粉更值得一試，內餡其實同糯米滋一樣，都係香脆既花生碎，椰絲，芝麻，而外面就係軟林林但又冇糯米滋咁煙韌，而且唔係周圍有得買😏黎到一定要試下呀😎之前端午節，老闆娘話要趕住整糭，冇晒d手粉，依家再次出售✌仲有要講講我既另一至愛，砵仔糕，夠晒煙韌，有時係出面食到d軟pat pat，就知佢唔足料，呢度足料又夠新鮮，每次都要食返個😋

每次去元朗.無論落雨.熱到爆.我都會去食.好好彩咁條隊唔係好長.即使好長我都會等..不過好似加左價了..4蚊一粒.又細粒左.不過味道仍舊.皮薄多料.熱辣辣.即叫即製

我諗元朗人都一定會知呢間驊記！最多糕點同茶果😆一場入到黎，點可以唔試呢！👉🏿✨茶果/手粉/砵仔糕 Hkd 20/5個 💸📌可以自由選擇，我每樣要左啲😍佢既茶果我覺得眉豆最有驚喜喎😳食落係咸咸甜甜，好得意！而花生就有啲意外😅估唔到佢唔係甜個啲花生，而係咸花生，係未食過既口感呢！蘿蔔食落就係個回事了，入面仲有臘腸架，好有古早味呢☺️手粉都值得試下，味道又係好特別🤗👉🏿✨糯米糍 Hkd 12/3粒 💸📌知道佢既糯米糍最出名！係即叫即整架！個皮真係好煙un👌🏽入面啲花生又係爆晒餡！係脆架啲花生，入落好爽好正呀👍🏿

驊記係睇過網友分享先知道，並唔係元朗人，亦都唔算話係呢類糕餅嘅粉絲，但見放假過到來呢邊，就順便買番啲試一試。呢度鋪位都幾大，都係賣啲傳統手作糕點，糯米糍、砵仔糕、蘿蔔糕、年糕、粿仔等。花生糯米糍 $20/6隻6隻有盒，唔洗用個膠袋仔咁狼狽，幾抵食。佢就唔係好大粒，糯米糍最忌皮厚，呢度夠哂薄，軟綿綿，僅僅夠包住啲花生餡。入口冇一陣粉味，起碼新鮮，拎上手仲暖，呢隻size我喜歡花生餡夠多，足料，既香又豐富，唔會磨到冇哂口感，最重要係唔會太甜，男朋友都喜歡砵仔糕 $4/個；$10/3個砵仔糕，多豆，即時喺碗仔倒出黎，面頭鋪滿紅豆，密雜恐懼。砵仔糕可能係蒸久了，口感偏硬，亦都有少少乾。紅豆未算軟腍 好處係完全唔甜；質素較糯米糍失色。