高流灣海鮮火鍋

營業中

休息中

📝 想當年舊同事 “滔滔” 帶我去大角咀 “肥強” 打邊爐, 大開眼界, 之後再冇食過任食或者酒樓打邊爐. 過去十年試過 “新明記”, “小肥牛”, 同埋 “鍋心” 等等.食嘢講緣份, 話說十幾年前舊同事 “大師” 推介 “高流灣”. 當年去過一兩次, 可能冇(錢)點啱嘅食物, 印象唔深. 後嚟食多咗, 主要係大伙兒飯局. 近年, 不論春夏秋冬, 差唔多每個星期都打邊爐, 選擇高流灣次數多咗. 高峰期每星期嚟高流灣一次, 試過一星期食四次. 前前後後食咗冇一百次都有 “半百” 次. 舊址喺山林道, 兩年前搬咗去寶勒巷. 高流灣有幾出名? 當年啱啱搬舖, 幾個朋友 “打的” 去 “高流灣” 都自動去錯咗舊舖.🎣 “高流灣” 其實係一個位於香港西貢北的海灣, 又名 “較流灣”, 與 “赤門口” 嘅 “塔門” 相對. 高流灣村村民以養魚維生. 聽講老闆 “飛哥” 係高流灣原居民.🥢 今日久別重逢, 照舊點咗高流灣海鮮鍋, 手切牛肉, 牛展, 珊瑚蚌, 桂花蚌, 墨魚丸, 烏冬.餐廳大廳光猛, 有圓枱, 有卡位, 另外仲有幾間廂房. 我鍾意坐大廳圓枱, 除咗食, 仲可以睇下人生百態.🌶 調味

高流灣，又名較流灣，是香港的一個海灣，位於新界西貢北, 其實我係講緊尖沙咀嘅高流灣海鮮火鍋！喺山林道嘅時候已經食過一次, 原來搬左去寶勒巷！易揾好多👍🏻！先黎個象拔蚌刺身打打底, 嘩嘩嘩！爽口又鮮甜真係好正大家近排比較燥底,今次個湯底比較清啲, 一個係雞湯一個係海底椰！不過清得黎先食到海鮮嘅鮮味！佢哋嘅手切本地肥牛真係好有牛味, 越食越好味！蝦蟹貝殼類都好鮮甜！仲有好多其他就等大家去發掘喇！最後最後食埋佢個雪米糍就收工啦！

一年四季我都會打邊爐. 高流灣係我至愛. 有時一個月食五六次.新店坐得幾舒服. 整體服務唔錯. 老闆同員工都十分親切.首先我會推介高流灣海鮮鍋. 裏面有魚蝦蟹. 每次食完都會飲好多碗海鮮湯.極品手切牛肉係必點嘅. 牛肉味同口感一流.不過好多時都賣晒. 要預訂.有時都會試吓牛展同埋牛粒.珊瑚蚌桂花蚌十分鮮甜. 都係必點.人多嘅話一定要加埋鬼馬油條. 再加墨魚丸. 美國筒蠔. 魚較位. 水餃.手打烏冬同個湯好夾. 再加個油麥菜.最後仲送雪米滋.

高流灣之前都食過，但係佢啱啱搬咗新鋪咁呀梗係去試吓啦！保持一貫水準，叫咗一個推介嘅海鮮湯底，奶白色嘅魚湯鮮味無窮！飲完一碗又一碗！最重要飲完唔會口渴！去得高流灣打邊爐梗係要食海鮮啦，所以第一時間坐低就叫條黑海𩶘剌身。另外叫咗兩個送酒小食，炸雞軟骨同埋炸魚旦。佢哋啲炸嘢做得非常好，唔會有油膩感！個魚旦係餐廳推介嘅，魚蛋入邊有葱，唔同啲同平時啲炸魚旦唔同~另外，竹蔗茅根水都可以，唔會淨係得個化學甜味！新鋪裝修好光猛，座位好寬闊！坐得幾舒服！不妨去一試！

朋友同我慶祝生日，我揀咗一間疫情前經常去嘅火鍋海鮮酒家，佢嘅手切肥肉，大部分火鍋配料，尤其係海鮮，全部都好新鮮好味。原本book咗7:15pm, 上到去先發現原來book錯咗日期，但係適逢星期五晚，座位已經全場爆滿，最快要等到9pm先有位，好彩我同朋友都已經食咗一個好豐富嘅下午茶，決定周圍行吓等到9pm.我哋一行三人，叫咗個花膠雞窩做湯底，材料豐富，湯底濃郁充滿雞湯味。當然要叫海鮮拼盤，因為得三個人，我哋叫咗半份，但係分量十足，每樣海鮮都非常新鮮，尤其係海蝦同埋貝類海產，仲識郁嘅。必叫嘅仲有鮮蝦珍寶水餃，超級大隻，有沿着鮮蝦喺裏面非常爽口。四寶丸裏面嘅墨魚丸簡直係鎮店之寶，每次嚟到必叫，非常彈牙爽口，好香嘅墨魚味👍👍👍另一推介係佢嘅水上飄，魚肚包住墨魚膠，咬落去充滿雞湯味嘅魚肚仲有爽口嘅墨魚膠，非常好味。手切本地肥牛，亦都充滿濃濃嘅牛肉味，又唔會太肥。反而炸響鈴有待改善，唔夠新鮮酥脆。整體來講，高流灣係一間非常高質嘅粵式海鮮火鍋專門店👍👍

有朋友要移民了，疫情關係成年幾冇見過大家，於是就趁住呢個機會一齊好好咁聚下吧我哋一行八人，所以要搵啲type c 嘅餐廳，由於咁多人，所以打邊爐就係最好㗎啦，自己鍾意食啲咩就落啲咩！唔使煩！尖沙咀最就腳，地點好方便，食物質素都幾好，不過當然價錢亦都唔平啦！一分錢一分貨嘛！不過想講一講，我覺得服務質素可以再改善下！話說我哋嗰晚開咗間房，房有電視播緊某台，同行嘅朋友唔想睇，想轉台，發現原來房係冇遙控掣，要問侍應拎先有最慘係，問咗個侍應幾次，佢先施施然拎個遙控掣俾我哋，轉完枱有立即收返走個遙控掣心諗乜有人會偷遙控掣嘅咩？使唔使咁珍貴呀？

呢排瘋狂食海鮮 平時最愛十下十下 適逢好友準備移民 所以相約呢間港式海鮮火鍋店聚一聚 朋友推薦呢度嘅海鮮出名新鮮又高質花膠海參湯底超鮮 花膠同海參份量一啲都唔少 仲有爆過嘅魚肚 記得落料前先飲一碗🥣不過我地主打海鮮🦞同蔬菜🥬 只係叫左一碟牛🐂 所以打完邊爐個湯底都仲好清 淥完海鮮個湯仲更加鮮甜好味😋叫左個時令火鍋海鮮拼盤 如果覺得太多可以叫半份 有海蝦 琵琶蝦 花蟹 蟶子 脆肉皖 鮑魚 同好多蜆 四個人食再加埋其他火鍋料其實都好足夠🐟另外仲叫左碟手切本地牛牛肉超嫩滑 肥瘦分佈平均 有一塊唔小心喺個煲到無限輪迴淥左好耐都唔會韌🐮丸方面呢度都勁多種類 不下十款 推介飛哥蟹子墨魚丸 一粒粒脆卜卜蟹子包著彈牙墨魚丸 好味🦑仲叫左珊瑚蚌 爽口新鮮 嗰陣鮮甜味同急凍冇得比

一大班朋友最開心就係去打邊爐食飯！呢排冇咁多疫症約埋一大班朋友出嚟食飯！食餐好啲嘅，揀咗呢間食過好多次嘅高流灣😋揀咗好多款嘢食一時之間寫唔哂😁最值得一題就係佢嘅龍蝦刺身，非常之新鮮啖啖肉😋湯底我哋就揀咗花膠雞湯！超級濃味，而且膠質豐富😋😋肥牛方面質素都唔錯喎！份量又夠多！手打墨魚丸粒粒夠彈牙！出面其他打邊爐嘅餐廳好小有呢種款式蠔🦪夠大隻夠肥美夠鮮甜總體來講高流灣啲食物質素係講新鮮！價錢就偏中高😅

一間食物新鮮又質素高的火鍋店！蟲草藥材湯底真材實料用料十足！象拔蚌刺身魚生刺身鮮甜美味肥牛嫩滑，火鍋料碟碟有份量！就連小食都好有驚喜，雞泡魚干製法特別、脆而不硬！呢次係我兩年後再幫襯，搬左都果然冇令我失望！朋友都讚我冇介紹錯！

曾經出席一餐有同事萬歲的貴價火煱宴，地點是山林道高流灣火煱館，做東那位同事在公司出名濶绰，所以柯打到成枱海鮮，刺身，牛肉及其他火煱配料，衰就衰在當晚該火煱店因爆場關係衹能安排我們六個XL身裁食客，坐一張應該是容纳六個M形身裁食客的卡座，攪到大家成餐飯都好似連體嬰咁嘅情況下進食，加上當晚個場非常嘈吵，在這兩種情況夾擊下，雖然面對滿枱美食都食而不知其味，衹求快快食完快快走就算，最近知道高流灣火煱館在尖沙咀寶勒巷開左新舖，在姑且試吓新野的心態情況，與老婆及细仔在該店吃了一餐火煱，個感覺又非常良好喎，首先個新場地方大，擺位夠濶落，加上疫情關係三個人可以坐一張六人枱，真係同上次有打邊爐同打屎忽的比較，由於人少關係衹叫得幾碟火煱料及一個餐前小食，個味道係OK嘅，尤其是個兩碟不同部位手切牛肉亦無令我和小兒兩位牛魔王失望，而該店待應招呼態度亦到位比上不足比下有飯，至於價錢則見人見智，我就覺得OK吾算超值都係等價交易，會返公司吹鷄再去食餐勁嘅。

我地叫左金雞湯底見到個顏色就知真材實料吧奶白色的 非常濃郁另外叫左碟花膠自製花膠雞湯 😛 超正先飲三碗湯 入面有一整隻雞 飲到咁上下 店員會黎幫手切開黎食其實真係淨食呢個湯底食埋隻雞都會飽左😂飲完湯店員會開始幫手加水打邊爐整體黎講 食材高質肥牛/ 魚片/ 丸類都ok響鈴都又薄又脆即食萵筍夠清新幾好 餃子係自家製 又大粒又爽脆真材實料最後仲有甜品雪米糍送是晚大滿足 💕

呢日平安夜，想食好啲，又受政府限聚令影響，又懶得煮，就上網search下有冇外賣邊爐食，點知比我搵到呢間！喺平安夜前一日就落左訂了！我whatsapp佢地查詢有關套餐、收費、menu等，對方都超有禮貌同耐性咁逐一回答。非常值得一讚！準時送到食物之後，一打開，眼睛一亮，2-3人套餐包括有以下食物:醬料芫荽皮蛋湯底兩大碗超多料，有粟米、皮蛋、豆腐、白菜、芫荽、大葱等，非常鮮甜自製四寶餃 (魚皮餃、水餃、雲吞及韭菜餃)全部都非常好食同新鮮，皮薄多料手打四寶丸(蝦丸、墨魚丸、鯪魚球、豬肉丸)全部都超彈牙，好好食響鈴及炸魚皮好脆好好食！嘩鬼蝦條 油炸鬼入面包蝦滑，上面再放魚子粒，第一次食，好好食！超特別！水上漂漂腐皮包住墨魚滑及魚子粒，都好特別！第一次食，好好食！推介！田園雜菜有四款時菜，菜心、生菜、小唐菜及油麥菜新鮮！安格斯肥牛及西班牙黑豚肉呢碟牛同豬都超好食，肥瘦均勻！加購了$118 墨魚超級新鮮，份量又多，好爽脆，推薦！最後重點黎啦！包括有蟹、白鱔、海中蝦、蜆、桂花蚌、貴妃蚌等，全部海鮮都超級新鮮！係非常新鮮！鮑魚同蜆，係明顯見到佢地識郁！呢餐足料海鮮火鍋真係非常滿足！另外仲有2個烏冬冇影

今日生日，男朋友帶我來食打邊邊暖暖胃！這間在尖沙咀寶勒巷的樓上火鍋全層，是男朋友的朋友介紹的，一定有質素地方好寬敞好光猛乾淨，更有日本刺身部及大大個海鮮魚缸，難怪咁多海鮮選擇，保證一定新鮮！服務哥哥好友善有禮貌，細心留意客人的需要，更幫助添湯、收碟，好貼心又好滿意的招待湯底選擇唔少，我們點了芫茜皮蛋鍋！好大個鍋，湯底清甜好飲又下火，足料的：豆腐、皮蛋、芫茜、馬蹄、粟米、蔬菜等，唔會咸好正牛肉當然不能少，我們點了至尊平地牛肉片，唔會好肥但牛味香濃，易咬軟腍，顏色鮮豔又新鮮，好靚好吸引，我們點了大份好滿足珊瑚蚌大份又大件，新鮮又爽口，烚了5分鐘圈埋食得，男朋友超級開心四寶丸手打丸唔會好大粒，有4種不同丸類，但推薦爽口有墨魚粒的墨魚丸及彈牙爽口的蝦丸餃子這個也是有4種不同餃子：魚皮餃、雲吞、韮菜餃及鮮蝦水餃；大大隻，我個人喜歡足餡雲吞及韮菜餃子，包得好靚枝竹大份又多枝竹，浸湯軟軟吸湯好正皇帝菜好難得有皇帝菜，打邊爐這個菜我最喜歡更奉送每人一粒雪糕糯米糍（一粒香芋、vanilla)

4個月，等了又等，終於出山去打邊爐啦! 呢間係山林道人氣一向非常旺盛，今晚去寶勒巷新店(順帶一提佢樓上有間中菜叫瑪寶鮮，係隱世高水平酒家!)，水準依舊相當唔錯，食材新鮮! 清湯係真清湯，好多豆腐，好多菜，粟米好甜。美國雪花肥牛係厚切，好有肉味，有咬口得黎唔硬，物有所值。魚三角好滑，滑過BB塊面! 四式餃同菜籃都新鮮。唯一一般係墨魚丸，入面海膽味道平平。值得一提係待應好有禮貌，定期換碟加湯，殷勤服務，難得!係火鍋店林立，互相激烈競爭嘅尖沙咀能夠企得穩，當然有優勝之處，同區港式火鍋除禾牛薈，呢間水準絕對keep得到。

個人實在十分喜歡打火鍋，今天便來試一試這間火鍋店。首先說說餐廳環境，每個座位都十分舒服寬敞，我有些時候很怕到一些座位很狹窄的地方吃火鍋，但這家店絕對不會。一開始叫了一個高級雪花牛，牛嘅紋理分布非常均勻，再叫了一些魚頭骨，一看做知十分新鮮。象拔邦也十分新鮮，一咬下去口感十分彈牙，而且也沒有什麼渣。另外墨魚滑應該是手打的，十分足料，鮮炸腐皮非常鬆脆，上面還鋪有一層層的蟹籽！湯底比較普通沒有什麼特別，但是夠清淡的湯底也不錯，特別是配上海鮮的時候，食物嘅鮮味便更加突出。小食方面我們叫了一個鮮炸魚腐，上菜的時候是新鮮炸起，外皮金黃色， 十爽脆，而且魚肉鮮甜，很有質素。