影片
以上資料只供參考, 請與餐廳確認詳情
[[ 用錢買難受，沒有服務可言 ]] 🔸 菠蘿炒飯嚟到嗰陣已經攤凍晒. 🔸 青咖喱牛腩飯個醬汁勁甜，好似落咗糖水...🫠. 🔸 串燒加薯條串燒還好，但係薯條完全唔掂，黐埋一堆🌚.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌖🌑🌑🌑🌑自私評論：叫咗嘢食等咗一個半鐘先到，途中出去問左2次，問嘅途中見到原來佢哋係出邊叫外賣再入嚟用碟裝返俾我哋🤯🤯價錢仲要比起出邊買貴多幾倍😤😤😤最離譜係啲食物全部都攤凍晒...唯一可以比👍嘅就係音響設備新淨...超級不愉快嘅經歷➖➖ ➖➖ ➖➖ ➖➖ ➖➖ ➖➖ ➖➖ ➖
繼續閱讀
房間很細 非常擠迫同職員要求更換大少少嘅房間職員話已full,或者可以加$5000升級至VIP房廁所一大浸殺蟲水味，沒有分男女廁所，女仔去廁所有點尷尬，洗手嘅時候隔離係男仔食物選擇少而且偏貴價錢包一杯無酒精飲品都係得啲薯條 炸魚薯條 炸物 大概8款唔記得咗影低個餐牌可以選擇外賣 但要求+30%服務費本身已經需要+10% 即係成個價錢加咗40% 同埋一夠鐘就會即刻熄機1秒鐘都唔會多俾你總之就係不推薦 「貴 逼 人」哈哈
繼續閱讀
滿心期待新KTV品牌，原本約咗八點，已經係準時上去，上到去職員話等一陣，等咗15分鐘再追問個疑似經理嘅職員點解間房未得，個職員話我哋本身book咗嗰間房前一批客Extend咗時間，所以要我哋繼續等，可能要等多一個鐘，都無俾一個確實時間我。點解可以咁㗎？！聽到呢句嘅時候真係激嬲，追問職員點解可以咁樣俾啲客Extend, 咁樣我哋book咗等於冇book過，個職員只係回覆唱緊嘅客有優先權利續鐘。總之d Staff 服務態度極差，最後因為都唔知要等幾耐，一肚氣之下唔等走了。總之希望越大失望越大。
繼續閱讀
一知道魅香港開分店興𡚒到飛起！第一時間打電話去訂。但Happy hour 明明寫3-6點，打電話訂位話要3:15先可以開始， 準時到但security guard 又話3:30先可以上去。 房間很好，三人都覺得唔逼，舒服。歌同大陸魅分店一樣咁多，我哋一定會每個月去唱，但希望佢地做返好D，3:30-6:00得2.5小時太短了，應該要順延半小時，至少去到6:30。 香港好需要呢種K房，千祈唔好執笠，做得好一定有人支持！加油呀！
繼續閱讀
同朋友慶祝生日，壽星話想試下呢間新開嘅k房，我哋3個人，book咗8點至11點，book嘅時候特意問職員有冇生日優惠，職員話可以免費提供生日裝飾。我哋8點去到，職員話房間清潔中，叫我哋等10分鐘，點知企喺度等咗15分鐘都仲未得，然後職員安排咗一間冇人嘅k房俾我哋等，間房係冇冷氣嘅，又焗又熱，又再等多15分鐘。終於等到有房，已經係8點半，我哋一直以為搞咁耐係因為要搞生日裝飾，但原來係完全冇裝飾，說好的裝飾呢？！話就話間房清潔完，但地下都仲係有一撻痴立立疑似cream 嘅嘢，我哋亦都唔小心踩中咗，於是立刻叫職員清潔。清潔完終於可以開始唱k，但我哋又發現房入面其中一部電視壞咗，仲要係最大最主要嗰部，問咗職員得呢間房係咁，其他房冇事，於是我哋要求換房，職員話另一間房半個鐘後會埋單，之後就會幫我哋轉，我哋expect 9點鬆啲可以轉房，所以一直冇叫嘢飲嘢食，諗住轉咗房先嗌。Remarks 006號房大電視係壞嘅。等到9點半都未有房轉，問職員先知原來嗰間房delay咗，所以我哋要繼續等，最後差不多10點轉到房。經理話幫我哋extend 多半個鐘，同埋送兩個小食俾我哋，我哋就問係咪喺menu 揀就得，佢話係。我哋order埋嘢飲，問經理有咩飲，佢話‘’得可樂、橙汁、菠蘿汁……檸茶、檸水……不過冇檸蜜，可能夜啲會有柚子蜜，11點半左右，不過你哋都應該走咗‘’，最後我哋叫咗熱檸水、熱檸茶、熱奶茶，嘢食叫咗德國腸同埋炸魚薯條。奶茶同檸茶先到，勁細杯，一兩啖都已經飲完，碟上有匙羹但冇糖，咁所以俾匙羹我哋係做乜？又要再問職員攞糖。檸水唔係應該最簡單易整咩？點解仲遲過檸茶奶茶到？最後一杯嘢飲到，經理送嚟一杯熱咖啡，即係送錯啦，又要再等，杯檸水送到嚟都已經就快11點。11點15分左右終於有嘢食到，送嚟嘅係炸雞粒同炸雞翼，完全唔係我哋點嘅嘢，職員話因為係送，所以隨機出食物。咁當初點解叫我哋揀？揀完又唔係俾我哋。職員話問下經理先再答我哋，呢兩碟嘢食擺住喺度先。咩叫擺住喺度？咁我哋食定唔食？差不多11點半，我自己走出去前台問職員，究竟會唔會有我哋點嘅嘢食，佢話整緊，轉頭送嚟，房入面嘅嘢食都可以食。另一個問題係經理話幫我哋extend半個鐘，即係11點半啦，但11點半都未有嘢食到，我哋亦都唔會食得切，職員先話我哋可以唱到凌晨2點。最後德國腸12點左右到，而炸魚薯條1點都未有，我哋頂唔順，唔想再受氣，所以埋單走人。呢個時候我哋發現職員已經換咗另一批，明顯上一更已經收曬工。幫我哋埋單嘅職員一臉迷惘，進出房間兩次，我哋就話你冇睇錯，枱面嘅嘢食係free俾我哋嘅，唔應該計錢，而且應該只計我哋3個鐘嘅booking，我哋亦都話你可以問下經理，佢話經理已經放咗工，亦都冇交帶落嚟。但佢話信我哋，我哋計啱數，埋咗單去到lift lobby等lift，前枱女職員截住我哋，問我哋幾多號房，話我哋未埋單，我哋攞張收據出嚟俾佢睇，呢個時間幫我哋埋單嘅男職員都出咗嚟話我哋已經埋咗單，咁我哋先可以走。先唔講歌曲種類數量少，呢度嘅服務質素真係好差，要乜冇乜，唔係遲就係錯，唔係錯又係壞，每個職員講嘅嘢都唔同，唔知信邊個好，結論係全部都信唔過。應承俾我哋嘅嘢又冇，好似俾人當傻仔咁玩。職員之間冇溝通，冇交帶，換完更，下一更可以完全唔知發生咩事。我哋明白呢度係新開張，但硬件軟件都未ready，員工好似完全冇train過，如果未ready係咪唔應該開張住呢？原本係嚟慶祝生日，但係就激到一肚氣咁走，未試過唱k可以咁受氣，今次體驗真係極差，基本嘅服務都提供唔到，仲要俾咁貴，一啲都唔值，都唔洗旨意會有下一次！
繼續閱讀