魔法甜品屋

營業中

休息中

鋪頭：魔法甜品屋地址：粉嶺百和路88號花都廣場地下115號舖​💰111蚊💰 Order左d咩？​1️⃣ 榴槤飄香豆花 $45用真榴槤肉，個底應該用左榴槤肉mix奶🤔仲有爆珠同西米露，嗯～入口幾creamy​2️⃣ 生磨芝麻糊燉蛋白 （熱）$38之前試過淨芝麻糊係唔好食，但佢呢個加左燉蛋白係底，連埋芝麻糊又幾好食，蛋白夠滑​3️⃣ 醉雞翼 $28即係花雕醉雞，個味校得唔錯，每隻雞翼都有好均勻嘅花雕香，又唔會嗆喉，唔會太濃味，而且雞皮爽彈，估唔到甜品店都有唔錯醉雞翼​總結：呢餐整體味道中上（呢間野表現好飄忽）​🗒️以下評分最高分五粒🌟​味道：🌟🌟🌟抵食程度：🌟🌟🌟環境&服務：🌟🌟🌟粒（正常環境同服務）

🍨魔法甜品屋​​👉🏻menu​圖1️⃣醉雞翼 $26之前未食過，估唔到咁好食，連雞肉都有香酒味，雞皮爽脆，好食圖2️⃣​芒果至尊 $45冇左許留山，都仲有芒果小丸子食😋芒果班戟夠creamy，芒果布甸好香芒果味，滑嘟嘟，好味圖3️⃣桃膠椰奶燉蛋白 $46桃膠滑，有奶香味（但似用牛奶🤔）燉蛋白滑，甜度適中，好食（評分：5杯☕️最高分）食物：☕️☕️☕️☕️環境：☕️☕️☕☕️CP值：☕️☕️☕️服務：☕️☕️☕️️️️️️️️️️️️☕️​✨會再幫襯? 會，真係幾好食，唔怪得屹立不倒咁多年😂​#clsfoodie#nofoodiwilldie#hkfoodie#hongkong#foodie#hongkongfoodie#foodiefriendly#香港#粉嶺#粉嶺甜品#香港美食#粉嶺美食#魔法甜品屋#粉嶺花都#fanling

屋村甜品店呢間已經開左好耐食過好多次今次比返個食評佢呢間不過不失屋村黎講算吾錯 解下渴😂😂😂😂😂#魔法樂園生果/蒟蒻/涼粉/綠茶凍/亞麻籽/寒天晶球這個是👩🏿媽媽的最愛💯不太甜 乜都有 雖然綠茶凍沒有很濃 但我喜歡😍#西瓜雪糕珍珠小丸子西瓜/雪糕是姐妹最愛小丸子就辛苦👩🏿媽媽了😂😋#椰香芋圓燉椰皇 ♨️應該是不敗的甜品❤️再加上寒天晶球 好好吃但芋圓有點硬🉐加$10一球雪糕滿足d小朋友

🎈食物：🌕🌕🌕🌕🌑暫時未食過唔好食既甜品，比較推介即我成日食既甜品：芒果至尊，朱古力芭菲，薑汁燉蛋白，今次就食熱既腐竹雞蛋糖水，都好好食🤤🤤🤤熱食小食我都推，都好食😁😁😁🎈環境：🌕🌕🌕🌑🌑現場環境都衛生乾淨，多人既時候會有少少迫🎈服務：🌕🌕🌕🌑🌑忙起上黎，都未必服務到你，因為有時得一個職員係舖面，又要做外賣，又要做舖面，都辛苦，態度都好既😁😁😁🎈回購：🌕🌕🌕🌕🌕粉嶺都無咩糖水舖，想食糖水都會揀magic 😁😁😁

都係朋友帶我黎先知呢邊有間甜品店，呢邊好似都係得呢間🤔同朋友叫左芝麻糊燉蛋白同埋朱古力芭菲芝麻糊燉蛋白 （$35）朋友話都幾好食，芝麻糊唔會太鞋/太甜，下面燉蛋白好滑，2樣野一齊食幾好食，朋友話出面食燉蛋白有d鋪頭會燉到好水，呢間唔會，幾好幾好。朱古力芭菲（$45）朋友推薦食呢個，但冇佢講得咁好食，佢有個雪糕球，中間夾住cream同有d脆脆，最底有布甸，但我食完覺得冇乜特別，因為d料唔係特別出色，都係普通料

呢間野由我中學到而家十幾年都屹立不倒，呢邊都係得佢一間甜品鋪，係呢區黎講價錢都唔平。食左呢間野都不下數十次，食物質素好飄忽(有時好好食，有時唔好食)今次打食評係因為我食左咁多年，竟然冇食過佢有個咁好食嘅甜品日式章魚小丸子 ($36)呢個算新野，記得以前冇，之前一直冇食會以為好伏，點知味道唔錯，唔會太淋。咖哩雙拼(魚蛋+白蘿蔔) ($26)我鐘意佢呢隻魚蛋(應該粉比較多)，蘿蔔同魚蛋都有咖哩味，又唔會太辣，甜品店黎講算係咁。西瓜沙冰蜂蜜爽 ($35)朋友話好好飲，我就覺得冇乜特別，普通西瓜沙冰一杯，佢個底有蜂蜜爽(咬口介乎蒟蒻同啫喱中間)。朱古力芭菲 ($45)重點黎喇，以前食左咁多年竟然冇叫過呢杯野，佢係雪糕係面，中間係cream+可可脆片，最底係布甸，食完會有種食到以前細個食芭菲個種感覺，會好開心呢個芭菲都大杯，45蚊絕對抵食。Overall好唔好食? 好食for朱古力芭菲會唔會再幫襯?下次黎淨係食朱古力芭菲

與好姊妹送別他人後，一起到此小店，為自己加一點甜味，感恩我們早了半小時坐下，不然就要在外面等等等了。店主親切提醒那邊座位不會太大冷氣，喜歡她的細心。我選了杏仁茶，那幼滑的口感，順滑清香，微甜令人沒有重擔。仲加了一碗芝麻湯圓，湯圓煙韌，皮薄芝麻蓉多，仲有係，好夠薑，好好薑味，好好好重薑（重要嘢講三次）。正到不得了。朋友選了養生的杏汁桃膠雪耳燉椰皇：超熱，好滋保養生，愛惜身體之選。好地方，一定要同大家推介。

見係街坊小店,本來都無乜期望~但係食落味道又唔錯~而且價位都合理,可以再嚟~我叫咗個芒果珍珠小丸子~小丸子軟糯又煙韌,係我最喜歡嘅甜品食材之一~而佢嘅珍珠就比較軟身一點,唔似黑珍珠咁硬淨~個芒果底唔會酸,仲有少少芒果肉,味道唔錯~另一半叫咗個綠茶蒟蒻雪糕涼粉~個綠茶蒟蒻都幾夠綠茶香味,配上紅豆,好夾~雪糕大大球,非常滿足~我哋食完走嘅時候,外面已經有客等緊~部份係外賣,部份等緊位~可見呢間甜品屋都幾受歡迎~

依家甜品店我真係中一食到而家，睇住佢以前舊舖裝修到而家都幾靚！佢嘅甜品都相當有質素，凡係同朋友聚舊都會嚟依間糖水舖食嘢🧡〰️〰️〰️〰️〰️〰️〰️〰️〰️〰️〰️〰️〰️〰️〰️🌈D24榴槤至尊 $47呢一set都係不得了！每次都要叫兩set先過癮！佢嘅set係有三款唔同嘅甜品—榴槤西米露 & 榴槤布甸 & 榴槤pancake！每一款甜品都落咗大量嘅榴槤肉去整，一開蓋已經聞到榴槤嘅香味🤤聽我講鍾意食榴槤嘅一定好鍾意食呢個！🌈草莓朱古力窩夫 $88呢個都係我每次都必嗌嘅，有得俾你揀半份或者全份，今次我就買全份！依度嘅朱古力窩夫，唔係淨係淋啲朱古力醬喺面，佢連本身嘅窩夫底都係用朱古力整，超級香濃！加埋佢嘅雪糕同埋cream一齊食🧇真係肥仔野黎

魔法由讀書個陣食到畢業出嚟做野都仲係食緊佢，睇住佢開，睇住佢裝修，同睇住佢大冇分別。諗起個陣d 糖水舖成日開完冇耐就執，個陣都冇諗過魔法可以做到咁多年，都証明佢d 野食係有d 水準。天氣咁凍，緊係食返d 熱野，揀咗花生湯圓 $23，一碗有5粒。朋友揀咗熱嘅團團圓圓 $36 ，係椰汁西米露底加d 芋圓個類。花生湯圓都大粒，又唔算係超厚皮個d，入面d 花生餡略嫌唔夠幼滑，但都好香花生味。朋友碗團團圓圓其實d料係晒底，佢撈起個陣我冇影，因為掛住食湯圓🤣，朋友話唔錯幾好，因為我唔食椰汁西米露，所以就冇偷食佢碗野。魔法另外仲有野飲同小食，有機會大家可以試下，根據以往經驗都唔錯㗎。

魔法甜品屋我其實都食左好多年，餐牌都轉過好多次，但每次都冇咩驚喜，不過附近都係得佢一間甜品，間唔中都去食下，志在同朋友傾下計。今次試左個朱古力芭菲，士多啤梨芭菲，賣相幾吸引既，味道都ok。我見佢都多左啲小食，下次會再試下。

粉嶺南真係好少有食甜品既地方。 平時夜晚同朋友落街傾計, 都係去M記食雪糕。有時都會去下魔法甜品屋, 呢度都有幾多選擇既, 中式西式都有既~冬天就比較鐘意中式熱野, 紅豆莎就一般啦, 唔夠酒樓那些好味。我估係因為酒樓通常一大煲咁煲會入味D啦~朋友叫左芒果三食, 榴槤三食, 咁樣就可以一次過滿足哂三個願望。有Pancake, 布甸同西米露。芒果就好平易近人, 榴槤就真係重口味左少少。除非你真係勁鐘意食榴槤啦, 否則一個人食既話, 都唔好挑戰啦~

經常（勁多次）在這間屋的甜品裏發現蚊🦟的屍體 10分差！。 強烈建議不要在這甜品店裏吃！！！😤🤬🤬🤬🤬🤬🤬🤬🤬🤬呢度嘅服務一般 嘢食好差 食過嗰度嘅芭菲一啲味都冇 性價比絕對好差 唔好食但係就同人哋好食嘅嘢差唔多價錢 如果我唔係住喺附近一定唔會食 千其唔好特登去食!!!!!!!!!!!!!!!!!!!!!!!!!!!!如果你去食一定好後悔(自我認為）😡😤🤯🤬試過就知我嘅感受 有好多人都係咁覺得

我好有信心呢間應該係全香港最差既甜品店，芒果無果味只有糖精味，涼粉就只輪有塑膠味，環境又髒又臭，碟用水沖一下就比客人。甜品本身已經唔好食，但啲服務態度比佢賣既甜品差，真係差到無得再差，黑口黑面，收碗一句嘢都唔問唔講，收錢連多謝都無句，完全係零服務態度，仲臭過佢買的榴蓮，而且啲職員(尤其係黑面個位中年男性)嘅態度仲一次差過一次，連落錯單都唔肯認，今日食埋呢次應該會係最後一次，食得咁受氣，我做咩要再幫襯吖，雖然粉嶺無乜甜品店，但大家記住唔好幫襯，唔係只會一肚氣架。

外賣左幾次，都係d24榴連pancake is the best dessert!!! Super magic!!!!其實係boyfriend係外賣平台買，然後係門市自取拎番上樓食，所以唔知堂食係點🤣🤣不過我估pancake 堂食同外賣都係差不多未打開膠盒都已經勁濃榴連味😱😱😱果然係d24！超香濃！雖則榴連餡果肉唔算好多，但已經勁濃勁好味🙈🙈🙈強烈建議榴連控一定要試下，食幾次都覺得好正！