魚一丁刺身居酒屋 (已結業)

同久未露面的朋友食飯，約在時代廣場等。兜左銅鑼灣一個圈也找不到心水食肆，結果還是去羅素街的魚一丁，真有點混吉。兩個人吃，無須太多，一個飯、一個烏冬、一份小食便可。睇睇餐牌，就點了雞球飯、日式牛肉炒烏冬和炸薯餅。雞球飯一點醬汁也沒有，好難送飯。雞肉也只是一般，肉質都不夠嫩。烏冬炒得毫無色澤，看見都食慾太減，吃落感覺像food court貨色。炸薯餅最後來，都等左好耐，不過這是全晚最出色的一味，等耐一點也值得。薯餅是剛烤起的，十分燙口。上面鋪上菜絲，美觀之餘也增加口感。一口咬落，皮脆，裡面有點粟米粒，令薯蓉口感更佳。看見鄰台客人的小食賣相都不錯，相信佢小食既質素要比飯麵好很多。日式餐廳，預期服務要好一點，不過事實並非如此。

26/10/2007中午同女朋友o係尖東食完buffet，夜晚仲有咁好胃口食得落咁多野。可能係我大食掛1) 燒帆立貝個汁稍甜，可能鹽燒會好一點。2) 牛油果海蝦鮮腐皮卷好清，好鮮的感覺。3) 燒日本赤豚肉飯唔錯，但d豚肉太肥了......4) 日式牛肉炒烏冬烏冬好有質感。第一碟上，嚇親女朋友。因為好大碟，佢怕食唔晒。5) 西京燒雞扒好特別，用「包」包住食，雞燒得好香。真的很不錯，很合我倆的口味啊！^^

魚一丁本身冇乜吸引, 唯一係個一丁拉麵沙律!所以是日lunch, 都有佢份1. 沙律 仍然係咁好食, 好喜歡個芝麻醬, 而拉麵都頗彈牙, 同個醬係絕配! 我地仲叫佢俾多一個醬我地添!2. 一口牛定食 要control點燒d 牛令佢唔"um"原來都幾難! 所以都有幾口係失敗, 不過幾得意啦... 而且有d熟哂得黎都仲有肉汁, 不錯3. 南瓜雪糕 以半價叫的, 將雪糕"鑲" 係切件的南瓜上, 好得意! 個雪糕好creamy, 不過其實唔太食得出南瓜味. 作為飯後甜品都ok啦~閒日lunch time都唔算係好多人, 如果唔係要大的話, 基本上1點到都冇問題!

四人飯局, 地點由朋友決定, 之前來過覺唔錯所以都無異議. 炸海鮮餅- 有三件, 新鮮即炸, 外脆內軟辣吞那魚蓉壽司- 吞那魚蓉放係卷物上, 味普通蟹粥- 原煲係爐上慢慢煮, 滾後加隻蛋整蛋花就食得, 蟹切得細細舊用筷子一夾D肉就出來, 食得都算方便, 而粥方面尚算鮮甜燒牛舌- 有6塊放係陶板上燒, 有3款調味供點, 個人就比較喜歡綠茶鹽五色刺身拼盤- 三文魚, 油甘魚, 甜蝦, 八爪魚, 吞那魚, 每款刺身都新鮮有光澤, 其中八爪魚外邊帶煙韌, 中間就軟腍, 平時唔好八爪魚既我都覺得唔錯三文魚卷- 卷物內有芝士, 牛油果, 上面再放三文魚同黑魚籽, 味覺上有多重口感越之松露- 酒身味偏淡鬼之x - 比之前個支酒味醇厚叫左唔係好多野, 但因開左兩支酒既關係所以埋單都唔平飲飽食醉後朋友提議去耀華街, 雖然係平日但難得有興緻, 就陪陪朋友飲下野

9-8-07 (四) 午餐T : 一口牛肉定食，自己燒的牛肉粒，肉質不錯。L : 二色定食，有鰻魚和牛肉，這裏的定食很豐富，原來鰻魚和牛肉都分別配有一小碗飯，還有另選的，幸好選了天婦羅烏冬，還有Ｔ幫忙，才吃得完。

My brother wanted to take me out for my birthday and I suggested this one cuz I've never been here. It was so disappointing!!!!!! The service wasn't good, and the food was just bad! It's expensive for the quality of food that we get. We should've just gone to the food court in Citysuper instead. I don't feel well after eating there, I think it's cuz of their fried food. The salmon sushi was $15 for one piece and the quality is even worse than the ones I can from Park'n Shop. Save your mon

這裡的食物雖然是不便宜，但質素一定不低。有機會的話，可以光顧它的lunch set~ ==========================================三文魚生tomato sauce salad - 把薄薄的三文魚sashimi 卷起來吃。清清的，好吃~~~==========================================一丁拉麵沙拉: 份量多喔。很好吃!!! 有芝麻醬和豉油醬選擇，當然是選擇味道香濃的芝麻醬了~ ==========================================陶板燒牛肉粒: 牛油和蔥在熱火上融合出香味==========================================請到my blog 看看更多的pics吧~:http://hk.myblog.yahoo.com/mei_ciel/article?mid=562&fid=11

同朋友五點半上到魚一丁，reception 話table 比人reserve 晒，要7 點前走。ok 既，但以為間野會好好食咯。同朋友兩個人叫左煙鴨胸凱撒沙律、魚一丁創作壽司、白汁豆腐焗蠔(唔記得exactly 個名, sorry). 煙鴨胸凱撒沙律: 50 幾蚊，得4 片煙鴨胸，個size 係比一般元氣三文魚壽司既長兩倍同厚兩倍咁. 真係覺得佢比較少。d 菜都ok 新鮮，佢上面有d 芝士粉，配撘都唔錯... 但有點奇怪，當我問個待應比多少少芝士粉我時，佢好似唔想比咁，最後係當我差唔多食晒佢先黎到。都唔明點解佢地用邊隻芝士粉，咁值錢？創作壽司: 唔好意思，真係覺得好似加洲卷，亦都唔明點解要成78 蚊。有兩款，一款上面係舖左芒果，都ok 的; 但另外一款就有蘆薈。食落去好腥... 唔知係蘆薈本身既味道，定係佢同蟹籽夾埋一齊散發既腥味。白汁豆腐焗蠔: 呢個算果日最好既一碟菜。白汁唔會太稀or 太澀，奶味香濃但唔「溜」，豆腐同蠔配合得岩岩好。d 蠔係就係細粒左d，但都幾多下，d 豆腐都幾滑。可以一試。老實講，如無必要，我諗我唔會自己再走入去食~ 因為唔難搵到好食and 抵食過佢既餐廳。

好耐冇去魚一丁，上次食蟹粥，份量又少又唔甜人又多冇個待應睬你，勁勞氣。碰巧今日開完會已兩點幾，果然有位。今日吃了個三色飯，Ｄ魚生午間夜晚一樣新鮮，份量不少；同事食我至嫌尖的拉麵，試了一啖湯，OK啦，但麵就真係「渣」。仲有一個食天婦羅，蝦係新鮮但太多油啦！論食物同招呼，總是覺得最早期的魚一丁最好，唉，再不努力，Lunch都費事去。

星期六睇完"翻生侏羅館"諗住又係買外賣, 點知剛好有朋友來電叫食飯, 我同朋友仔就由太古城出發一丁拉麵沙律- 有蕃茄粒,雞絲,青瓜絲同最主要既拉麵等, 拉麵太腍, 撈麻醬汁同食, 味精酸酸甜甜, 但我覺得太寡, 麻麻地喜好壽司拼盤- 有十件壽司, 試了吞那魚腩(肥美, 入口有魚油甘香), xx壽司(唔知係咩魚, 有D腥)刺身拼盤- 有三文魚, 吞那魚, 墨魚片, 中間有個加左三文魚子,蟹肉同海膽既魚生飯, 仲有其他但唔係好記得, 每樣刺身都好新鮮陶板燒牛舌- 牛舌加左黑椒調味, 放上板上燒有D黐底, 普通燒大蝦- 要了兩隻, 蝦開邊燒, 蝦面茶上沙律醬, 同朋友一致都覺得唔好食, 隻蝦仲有D梅凍豆腐- 豆腐上放左好多蔥, 木魚絲等, 朋友話味道好似食緊白切雞咁, 豆腐豆味唔濃但尚算滑久保田- 特價中, $300, 入口清甜, 算抵飲壽司同刺身呢間都算交足貨, 但熟食味道就有改善既空間

愛比較，就拉食友來試試。和民、魚一丁及火間土，看似「都係o個堆囉」，甫坐下分別立見。先不談食物，光猛的環境及吵翻天的氣氛，來的多是後生仔女，亦有中年客路，幾闊的客路。唔怕煙味的話，坐到近窗邊的位置會比較靜，非吸煙區的話，要抵得住「環徊立體聲」呢。食物的款式唔少，見每檯都總有壽司及冷麵，前者賣相對版價錢相宜，好過大排長龍吃板前、一、峰呢。但對壽司有少少堅持，還是叫冷麵去好了，人人叫斷估衰極有個譜吧，然後加了陶板燒牛舌、支豆、蘿蔔炆牛根。聽食友說女生貪玩，燒餅、陶板燒唔好食都會叫，又試試燒牛舌加了校過的醬汁，牛舌雖然是普遍料子，但燒出來鹹而夠味，幾好玩。蘿蔔炆牛根是自己喜歡之物，食友笑道：「你愛吃的就是女生不會考慮的，以後乾脆做些自己不愛吃的題目吧？」，又真的是呢～笑著吃著，做得幾普遍的，但在居食屋吃到此品，又不能要求太高，甜甜地幾對口味，交足功課。冷麵是普通得緊之物，麵、雞絲、番茄配調過的麻醬，勝在清新及健康，麵撈勻麻醬來吃，酸酸甜甜幾開胃的，但要快吃，凍吃的話需然會吃到更香的蛋味，代價是麵變成腍腍的，不討好。光猛的環境下有傾有笑，雖然privacy唔高，還是吃得幾開心的，每人一百多些，

係銅鑼灣幾間都試過,最好食係呢間!尤其窗口位最正!一丁拉麵當然係首選!鹽燒三文魚頭都幾好!魚生拼盤就睇「彩數」,和民就抵d~明珠改左buffet,係魚一丁裡面算係首選!至於世貿個間,真係太「迫」,以後都唔會再去囉!

(23/8/06)我&男友都鍾意食沙律,這晚黎為左食個「一丁拉麵沙律」。七點幾唔洗等位。見拉麵沙律都幾多人order下,咁我地揀左麻醬汁,有蕃茄粒,雞絲,青瓜絲,洋蔥。麵好多,如果再多D汁就好喇。鱈場蟹粥,好大鍋,似潮州粥,飯湯味如日式車仔檔的魚蛋汁味,甜甜o地,蟹腳都OK鮮o既...。食完之際,侍應好快收野,又問D野黎齊未。就是趕人走吧.

今晚去左食魚一丁.2個人, 叫左三文魚子凱撒沙律, 上壽司盛盒, 燒雪場蟹.沙律好食0丫...三文魚子新鮮, 煙肉粒香脆...!!!壽司的魚生都好新鮮呀...最好食係魷魚同吞拿魚~~~至於個蟹, 就唔係太特別啦~ d肉ok 0既...但係同普通蟹好似無乜分別~~~不過, 我就覺得佢地d鼓油好似太咸~~~

今晚女友去銅鑼灣做yoga，自己打完波之後就去接佢，順便揾食。查實我係好怕响銅鑼灣揾食--- 又要唔好咁貴(因只係平日，唔想食太貴)，又要好食，真係考起人。唔想去Times Square food court，見好耐無去過呢間嘢，決定返去試吓。星期五，實要等陣位，等咗三張檯就OK...打開MENU，見到換咗唔少菜，自己淨係想試番佢哋最拿手嘅一丁拉麵沙律，其他俾女友揸主意。叫咗蕃茄芝士豆腐扒、精選箱押壽司及煙肉蠔卷。拉麵沙律--- 係四樣餸入面最可取嘅，拉麵頗煙韌，配合蕃茄粒及西生菜，再加上不太濃杰嘅芝蔴醬，非常清新可口；蕃茄芝士豆腐扒--- 失敗之作，用陶板加熱上菜，但竟然不夠熱；茄醬係用茄糕，味道大打折扣；豆腐當然係雪藏貨，不夠軟滑；精選箱押壽司--- 呢個重大鑊，六件(三文魚、吞拿、蝦、帶子、油甘魚及一件類似牛肉嘅東西)壽司，差唔多無一件係新鮮嘅，佢嘅綽頭就係用一塊大大嘅紫菜包住件壽司嚟食，但最慘就係塊紫菜重韌過柴皮，唉.....煙肉蠔卷--- 可稱之為"油浸煙肉蠔卷"..D油重多過我身上嘅肥糕，煙肉太鹹，蓋過咗蠔嘅味。埋單重要收我330蚊，真係响屋企食出前"一丁"重好過。