魚你相聚 (富景商場)

營業中

休息中

下星期天氣又開始轉冷，又係時候可以食返D暖笠笠既野。屋企附近開左間【魚你相聚】，打正旗好就是吃魚，現在魚都比較盛行全因蛋白質高又低卡，個個女士們都想要有一個健康既身型，吃魚就最好過。不過魚你相聚不只是魚的配搭，更會有煲仔飯、雞煲、米線等，都能夠照顧到食客的需要，當中有酸辣、麻辣，吃得令人開懷的確又暖胃。當中餐廳格局以橙色為主相當鮮明又有卡位的選擇，絕對以街坊熟客都感舒適度。花膠雞煲原煲奉上相當熱辣辣，絕對即叫即整。特別一提是至少有1/4隻雞，這個價錢$70，並可以配上白飯/米線/紅薯粉等，適合不同的人士。花膠不算好多，但內含桂桂菜及杞子吸收湯底精華；雞嫩又濃郁絕對唔錯。另外又點少得魚的出現，【魚你相聚酸菜魚魚好吃湯更好喝】客人可以挑選不同魚不過今次選擇鱸魚夠滑溜，份量十足絕對是不講笑吧！本身更可以搭兩款配料，當中選了豆卜及生菜夠曬均衡。薯粉帶有煙韌口感連同少辣的酸菜湯底份外美味。估不到小店都會有紅糖糍粑真係好好味，即叫即整帶有煙韌度並配上黄呈豆粉及紅糖，甜甜的倍感美味又滿足。同場的所有餐都只需要加$7包飲品。以小店來說都是不錯，下次可以試下煲仔飯相信都會有所驚喜吧！

和朋友入小西灣探人，附近最吸引的餐廳就是這間魚你相聚，而且評價不錯，一於—試。結果無令人失望，我們有食酸菜魚的，有食煲仔飯的，有食濃湯雞煲的，全都感到滿意。🏅酸菜金湯（鯛魚片+鱸魚片，娃娃菜、豆卜）🏅老壇酸菜湯（鯛魚片+鱸魚片，蘿蔔、豆卜）食酸菜魚的都追加多一份魚片，鯛魚爽，鱸魚滑，非常滿足。金湯即是南瓜湯，微微辣；老壇酸菜可選微辣。金湯有大量惹味蒜蓉，老壇酸菜湯則較多酸菜，全都酸辣得來順喉。🏅胡椒豬肚雞煲辛辣香濃，，娃娃菜和腐皮吸收湯汁精華，非常好味。豬肚份量多。🏅豆豉排骨煲仔飯排骨滿滿的鋪滿飯面，雖不見豆豉，但也入味濃郁。白飯口感100分，乾身、粒粒分明，飯焦脆而不燶。

今次喺屋企附近搵咗間酸菜魚食，本身經過過幾次見到價錢都幾吸引😗餐廳都係食川菜為主，不過嚟得嘅多數都係食酸菜魚😏味道估唔到有驚喜，個湯底好好飲，而且份量真係好好多好多😳.🐟2-4人酸菜鱸魚片 $268非常推薦呢一度嘅酸菜，份量超級多，兩個人如果再叫其他嘢食應該會食唔晒😂除咗魚片之外，仲有好多配料，本的呢個價錢唔使額外加錢叫配料都真係幾抵食🥳魚片幾嫩滑，鮮甜又冇骨☺️最緊要都係個湯底，酸酸辣辣真係超級開胃，送飯食可以食到幾碗😂.💰人均消費: ~$200.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

上次食過長沙灣店嘅魚你相聚最近响小西灣再開左新分店比較近我地港島區人過去 坐巴士到達很方便去到都人氣十足都幾滿 但也很快安排到座位今次叫咗上次一直都好想嗌嘅大大盤酸菜魚2-4人鯛魚酸菜超大大盤 今次揀咗檸檬酸菜湯小辣色香味俱全 內裏有埋闊薯粉 薯仔豆腐皮大豆芽海帶 娃娃菜，金針菇 豆腐，萵筍鯛魚片有啲爽口嘅 酸菜湯精心炮製仲配埋薯粉同埋米線各一碗添再叫咗啲小食青椒皮蛋 個辣汁少少辣超級好食鹽焗手撕雞 夠咸香嗌咗兩杯飲品都大大杯仲有嗌埋甜品紅糖糍粑總數都係$385 比連鎖店酸菜魚店更為超值下次再來食過魚你相聚 (富景商場) (柴灣)柴灣小西灣道18號富景商場地下49-50號舖#魚你相聚富景商場#魚你相聚柴灣#小西灣美食#酸菜魚#hkfoodblogger #hkfood ##hkfoodblog

叫咗一碗墨魚片酸菜湯底。墨魚片同食擦膠冇分別，異常地堅韌，完全吞唔落。酸菜湯底有一浸螺絲粉嘅怪味，入邊嘅配料都充滿住依種怪味，湯底好咸，而且食得出科技十分之高超。

放工諗住隨意搵野食，發現到呢間新開既餐廳😳見到餐牌上好多四川風味既菜式已經胃口大開，價錢仲係平民價😳緊係要試吓🥘大盤鴛鴦至尊（2-4位用）$348選擇困難症既朋友呢個絕對滿足到你🤩一邊係辣味既肥牛，另一邊係鱸魚片🐮鮮嫩肥牛（香辣味）配菜有黃喉、肥腸、毛肚、鴨血同午餐肉。肥牛多到成座山咁😂仲有好特別既黃喉😳爽脆。鴨血都好入味。肥腸夠哂肥夠煙韌😋🐟鱸魚片（藤花椒酸菜）配菜有大豆芽、豆腐皮、娃娃菜、海帶、薯仔。有鱸魚片夠哂滑啖啖肉☺️酸菜配上藤花椒，酸酸辣辣仲有少少麻，好開胃。薯仔同娃娃菜都吸哂魚湯既味👏🏻🍚另外贈送2碗主食：手工薯粉/絲苗白飯/軟滑米綫🍹凍鹹檸七$12酸酸甜甜仲帶點鹹味，哂岩食辣時飲🍹紅豆冰$12紅豆甜度岩岩好份量絕對夠4個人食，座位都幾闊落，另外仲有米線、煲仔飯等等既一人份量餐牌

放假和友人入小西灣逛街。小西灣無什麼景點，入來純粹是懷舊。小西灣同樣無什麼好食肆，最後決定在魚你相聚食個酸菜魚，之前在長沙灣的分店食過，所以有信心。*無論是小西灣還是長沙灣，餐廳都走樸實路線，四川來的主廚主理，風味正宗，價錢親民。一人套餐假若不追加其它東西，最平只需$58，已可吃到飽飽。除了酸菜魚，還有煲仔飯和雞煲。*我們叫了兩套酸菜魚套餐和一份雞煲，以及幾種小食。*酸菜魚有好幾種魚類選擇，口感各不同：我覺得鯛魚片爽脆，鱸魚片柔軟，生魚片軟滑。全都無骨新鮮。*湯底方面，選了微辣的酸菜金湯和唔辣的番茄濃湯，全都濃香夠熱，鹹中帶鮮，吃來不覺油膩。*套餐已包兩款配菜，也可加$追加，份量可不少。*套餐還贈送主食，薯粉、米線、白飯任揀。我喜歡米線多些，薯粉較粗和韌。*花膠濃湯雞煲非常香濃，雞件嫩滑，花膠軟腍。食完全身滾熱，個胃好舒服。*小食的鹽焗鳳爪和脫骨鴨掌都入味好吃；紅糖糍粑外皮香脆，內裏軟糯Q彈。

呢間餐廳見佢一人餐有酸菜魚、毛血旺、水煮牛🌶️等幾抵食，仲要有煲仔飯tim🍲一人套餐 $76滕花椒酸菜湯鱸魚片配薯粉套餐可以自由任揀主菜、湯底、配菜🥔同主食🍚，配菜要左薯仔同豆腐，呢個湯底麻味好足，魚片好多，薯粉亦好彈牙，正🙌🏻🐥花膠濃湯雞煲 $75唔食辣既朋友可以試呢個，主食要左米線🍜，裡面真係有花膠，湯底幾清甜，雞夠滑，唔想重口味既可以食呢個😋🍛北菇滑雞煲仔飯 $58推介呀❣️我地仲加左臘腸(+$10)，煲仔飯即叫即煲要d時間，建議等一陣先撈咁就有一大片飯焦，又唔會太硬咬唔到，個飯粒粒分明，冬天食呢個好幸福🥰🍡紅糖糍粑 $28有6條，有埋黃豆粉同紅糖漿比你點，糍粑外脆內軟，好味😚overall：餐廳食物選擇豐富，價錢抵食份量又足，個人覺得煲仔飯真係要試下😂一人套餐都係必食，可以一試呀

最近經過富景花園商場見到呢間魚你相聚見到佢生意好好 大排長龍外賣都要排好耐一於入場試吓睇吓係咪真係咁好味！.我叫咗個番茄濃湯生魚片薯粉，跟餐仲可以加配兩個餸我就健康啲揀咗萵筍同豆腐係充滿蛋白質同鈣嘅健康餐.薯粉同湯係分開上 都幾細心可以俾客人自己控制腍度.蕃茄湯好濃 唔會好油生魚片肉質好新鮮好滑 唔會好鞋或者好腥豆腐就正正常常萵筍都幾爽口 冇乜草青味嘅整體都算幾好食不過價錢就真係貴咗少少咁樣一碗米線要成$60-70唔係好抵

難得小西灣開左酸菜魚，緊係要試一試啦其實已經食左好幾次啦，仲係覺得好值得推薦,決定介紹俾大家麻辣牛展份量唔多，但都幾有麻香，可以試下佢有幾款魚俾大家揀，我就叫左生魚，有兩個配料可以揀，揀左金菇同萵荀，魚都有成10片，配料都好多，仲包埋薯粉，真係好味又超飽😗凍飲熱飲都係5蚊，大大杯，奶茶唔錯，檸茶就一般～除左酸菜魚，仲有毛血旺，口水雞，花膠雞煲，煲仔飯食添，唔岩酸菜魚既你，仲有好多選擇，值得試一試