影片
港鐵長沙灣站 A3 出口, 步行約2分鐘
繼續閱讀
電話號碼
23282699
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
經過長沙灣，見到呢間食酸菜魚嘅餐廳，於是就試下。除咗酸菜魚，呢度仲有好多主打正宗四川風味嘅菜式，有辣有唔辣，所以都適合唔食得辣嘅朋友，而價錢亦都好親民。我同朋友點咗兩個小食，同一個2-4人份嘅酸菜魚，非常豐富，每人200蚊都唔駛，超級抵！⭐涼拌海蜇呢碟唔辣，幾香麻油味，海蜇幾爽口，份量比想像中多。⭐麻辣牛展呢個牛展醃得幾惹味同幾淋，辣度算幾舒服，而啲花生幾脆幾香口。⭐大盤酸菜魚（鱸魚）叫咗呢個2-4人份嘅酸菜魚，揀咗老壇酸菜湯，啲酸菜多到好似唔駛錢咁，好澎湃，而魚就揀咗鱸魚，因為比較鮮甜。湯底有魚嘅甜味，亦充滿濃郁嘅酸味。呢盤酸菜魚份量真係大，入面嘅配菜比出面食開嘅多好多，有闊薯粉、薯仔、萵筍、豆腐、豆腐皮、大豆芽、娃娃菜、金針菇，仲要額外跟2份手工薯粉/米線/白飯，兩個人根本冇乜可能食得哂，4個人share應該都冇問題。⭐利賓納梳打⭐凍檸樂如果一大班人想食平民價錢嘅酸菜魚，呢度係個唔錯嘅選擇，而小西灣亦都有分店。
繼續閱讀
餐廳主打酸菜魚，有2-4人套餐，亦有多款自選一人套餐。魚類要咗生魚片同龍利柳，前者鮮甜入口即化，後者啖啖肉，兩款都值得一試。湯底分別為番茄濃湯同老壇酸菜，番茄湯底真心夠濃，味道出，好有驚喜，酸菜就正常發揮，有辣有唔辣老少咸宜。而配料可以自行選擇兩款，白蘿蔔、生菜、大豆芽、薯仔，經典配搭，吸滿湯汁，無可能唔好食😂花膠濃湯雞煲值得一試，熱辣辣上，湯底鮮甜，飲落滑順，仲有好多娃娃菜同雞塊搭配，適合配白飯。見旁邊要咗煲仔飯所以貪得意要多份，即叫即整要等25分鐘左右。窩蛋免治牛肉厚度適中，豉油唔係用出邊嘅甜豉油，另外建議焗耐少少，唔係嘅話就冇嗰種特別嘅焦香氣。小食都有幾多選擇，大力推介涼拌海蜇，少少凍好開胃，而且入口滑溜唔係硬繃繃。手撕雞味道調得唔錯，口感真係一絲絲，不過份量偏少。鳳爪切得好散，但估唔到食落都唔錯，帶有咬口，好似零食咁越食越上癮。最後以紅糖糍粑作結，軟軟糯糯，搭配旁邊嘅醬汁，讚。
繼續閱讀
長沙灣要數大盤夾抵食的酸菜魚，都係呢度。大大盤配粉麵或飯，都不過$268。今次試一下老壇酸菜湯配鱸魚片。大大盤真係好足料。湯底好香芝麻味，我地揀嘅小辣剛好，酸麻度剛好，唔會太辣又好送飯。酸菜魚配料除了魚片，仲有金針菇、豆腐皮、大豆芽、娃娃菜、薯仔、萵筍、豆腐和薯仔片，面頭仲有滿滿的。鱸魚無骨且肉質鮮甜，夾一塊魚片再唊一啖湯黎送飯就最好！如果覺得辣，就點杯凍飲咸檸7就好。口痕痕再點了個麻辣牛肚絲，份量不少，牛肚食落煙煙韌韌，辣得好過癮。紅糖糍粑都好好食！街坊小店，價錢親民，足料又抵食，難怪9點幾仲有好多人黎食。
繼續閱讀
大眾化價錢就食到酸菜魚地點又方便正宗四川口味**********一人套餐（$76）酸菜金湯、鯛魚、薯粉萵筍、大豆芽，另加墨魚片（$39）-酸菜金湯濃郁甜美，酸辣balance，配爽脆嘅鯛魚，好夾萵筍唔太腍，大豆芽同薯粉都索哂湯汁額外➕墨魚片份量唔少，灼得剛剛好，好彈牙**********老壇酸菜湯（唔辣）、鱸魚、米線豆卜、生菜，另加肥腸（$20）-同行友人唔食辣都有得選擇，酸菜湯唔辣又醒胃鱸魚雖然冇鯛魚咁爽脆，但係勝在夠鮮甜豆卜同生菜🥬吸哂湯底精華；肥腸洗得好乾淨，可以放心食**********小食最欣賞花生🥜脆卜卜-鹽焗手撕雞（$42）好有家嘅味道，食落啖啖肉就算連埋雞皮食都唔會覺得有罪惡感，雞皮好有彈性**********麻辣牛𦟌（$42）牛𦟌厚薄適中，辣度好夠🔥
繼續閱讀
每次搭巴士都會經過魚你相聚，剛好這次要去長沙灣拎貨，於是我決定順便試試呢間的酸菜魚。大盤酸菜魚 （2-4位）我選了鯛魚片酸菜魚 $268，適合2-4位分享。鯛魚片鮮嫩滑口爽脆，搭配酸菜的微酸味，很不錯。配菜方面有闊薯粉、薯仔、萵筍、豆腐等多樣選擇，特別是金針菇和娃娃菜，吸足了湯汁。由於小編無睇到配菜已有薯粉，小編係主食上又選擇了薯粉，份量多到嚇親，隔離枱啲人一定誤以為我係薯粉迷😂咸檸七和凍檸茶有比較之下就見到大盤酸菜魚的份量驚人，真真正正的大盤，2個人食都食唔晒。花膠濃湯雞煲 $75主食可選薯粉、飯和米線。湯底的花膠濃湯香滑醇厚，帶有雞肉的鮮香，喝上一口，暖心又暖胃。雞肉嫩滑，與湯底很配。餐牌如下
繼續閱讀
您可能會有興趣的...