魚匠屋

營業中

休息中

Lunchtime之選😌😌Lunchtime同同事經過見到人流唔多，就入去坐低，見到餐牌選擇都唔少，價錢都合理。🙂🙂我地叫左安格斯牛肉鏗魚湯烏冬set同燒雞扒蕃茄湯烏冬set，每個set包一杯飲品，試左凍日本乳酸同凍檸茶，都幾飽。😙😙安格斯牛肉鏗魚湯烏冬的牛肉得幾塊，有小小咬口，湯底有點咸，烏冬面爽口有彈性。燒雞扒蕃茄湯烏冬的雞扒外脆內juicy，炸得幾香，蕃茄湯有點咸，烏冬面爽口有彈性。

Lunch time同同事過黎蝴蝶商場搵野食見到呢間餐牌選擇都唔少價錢又唔算好貴都幾多學生哥入去食所以就同同事入去試下我嗌左咖哩漢堡扒飯 飲品揀左可爾必斯咖哩汁係傳統日本咖哩甜甜地唔會辣 好惹味漢堡扒煎得好香有兩大舊 所以唔會食到後尾得返d飯同汁仲有薯角跟 炸得好脆成個餐食完都幾飽肚前菜就無咩特別 正正常常😂😂😂如果以呢個價錢黎講就幾抵食Cp值高 不過配搭上就少啲選擇如果可以正餐再加錢配沙律或小食甜品就會更加好

今日經過蝴蝶邨商場，見到一間叫魚匠屋嘅日式餐廳，見佢下午茶幾吸引，於是入去試吓！呢間餐廳座位都算寬敞！下午茶有多款選擇，我揀咗編號T53嘅下午茶餐！個餐嘅賣相真係不俗，蒜蓉包夠熱、夠鬆脆，湯烏冬嘅豬骨湯底鹹味啱啱好，飲品有幾樣嘢揀，我揀咗麵豉湯，麵豉湯都唔錯，好多材料，仲有蜆肉喺裏面！吉列豬扒同樣夠熱，皮夠脆，豬扒肉質不錯！成個餐$44我覺得抵食！

下午在附近工作 見裏面人唔多就入左去食估唔到午餐都幾多野食揀下·豬軟骨（鰹魚湯烏冬）＋是日前菜＋熱蜂蜜柚子估唔到豬軟骨會有咁多 好入味個鰹魚湯底都好好飲😋烏冬軟硬度都啱啱好👍🏻成個嘅份量都唔少 好飽肚🤭·豚角煮丼伴溫泉蛋＋是日前菜＋麵豉湯可以揀少飯 好肥美的豚肉 溫泉蛋混埋一齊食真係好正😊跟餐可以揀飲品/乳酸/麵豉湯+是日前菜·Lunch time真係好多學生過嚟食應該係有學生優惠吧~但$50+可以食到這個份量和質素 真係唔錯 抵食！👍🏻😋

住碼頭有時唔去出去就會食呢間好中意佢既牛油果豆腐沙律雖然好簡單但係一個人又食唔到成個牛油果有時都食得清清地都會叫呢個$52 已經包埋野飲+前菜同自己整差唔多價錢又唔洗洗碗🤣🤣推薦另一食過豬軟骨同豚角煮都幾入味中意配蕃茄湯😉😉因為咁岩食親都係穿白色衫所以一路都未有機會試咖哩湯🤣我通常都係食晚餐不用有時經過見到佢下午茶好抵食 $30幾就有交易搵次有機會都要試下整體覺得餐廳質素係對得住價錢唔可以話好好食但咁既質素幾十蚊仲想點

每次黎都吾洗排隊等位，一坐低叫完野食都好快上，最中意食既前菜，吾知係邊度買到呢？今次最驚喜係安格斯牛溫泉蛋飯，完美組合。咖哩飯個汁都好好味，漢堡扒好juicy，薯條炸得好脆口，雞肉棒入面有軟骨，食落好有口感，讚！#香港美食 #屯門 #蝴蝶廣場 #魚匠屋 #curry #beef #乳酸 #前菜好好食 #牛油果豆腐沙律

食過一次堂食，兩次外賣，都表現一般，今次黎再試堂食，食左滑蛋雞飯，可以滑蛋好水，個雞都有種奇奇怪怪既味道，普通填飽肚可以接受，但質素有待改善，不遇堂食外賣都只是剛合格

蝴蝶廣場嘅食肆真係唔多選擇，見呢間門面靚靚仔仔就入去試下～1. 安格斯牛扒丼伴溫泉蛋 $82味道唔錯，牛扒有口感，而且好香口，配埋溫泉蛋真係好易餸飯！2. 滑蛋鰻魚丼 $85 鰻魚份量算係多，而且夾埋滑蛋食真係perfect match ! 3. 細讚岐烏冬 $20 正常味道，好岩小朋友食～ 飲品：1. 抹茶蜂蜜分子 抹茶加蜜糖波波，味道唔錯👍2.哈蜜瓜乳酸 個人覺得麻麻地，唔岩我口味 呢間食晚餐黎講算係咁，價錢算係街坊價了!

【屯門區】【魚匠屋】我同其他 foodie 唔同嘅地方，就係我唔會跟住潮流去邊就去邊，反而係遊走於各大街小巷，起唔起眼嘅嘢都走去食一餐。而今次就同上次一樣，碌咗入屯門嘅美樂站嗰頭，本身諗住行吓美樂花園，但係行咗個圈都搵唔到啱食。之前呢度係新開咗間粉麵店叫潮成園，不過我喺 1am0878 已經寫咗，無謂翻炒。行行吓就行返去蝴蝶邨個商場，本身見佢都係得啲爭鮮之類嘅餐廳，點知畀我見到有間嘢，門口有人等入座之餘，仲有唔少人等緊外賣喎。行多陣等佢退咗一浸人先埋去，一位有位喎，見幾多人食呢度啲鍋物，我都唔執輸，叫個「一人前火鍋」，佢係一個「野菜鮮菌鍋」嚟，有啲菜同菇 default 咗喺度煮架喇。跟住仲有魚餅、年糕福袋、珍寶仿蟹棒同埋牛蒡卷。呢幾樣嘢都不過不失，個餐配唔同肉係唔同價錢，我配「安格斯牛肉」係 $108，湯底揀咗「壽喜燒」配「日本生蛋」，仲有個「紫菜飯素」都幾好食，毅然放棄咗佢嚟錯咗嘅讚岐烏冬。而個湯底同啲肉都幾好，係滿意嘅。我有落火鍋追加，加 $48 食埋「豚肉梅片」，我覺得不比牛肉遜色，幾好。嘢飲可以優惠價加配，我叫咗杯 $12 嘅「抹茶蜂蜜分子」，係凍抹茶加蜜糖波波，幾好飲。咁樣

去得屋邨商場入面食，佢哋都算唔錯。坐得都幾舒服，服務員又有耐性。會細心解釋餐牌。叫咗個叉燒烏冬同埋燒雞扒咖喱烏冬。上菜都非常之快。咖喱烏冬，咖喱味唔會太鹹。烏冬軟硬適中。雖然個碗睇落好細，但係好夠飽。個燒雞扒都幾大件下。雖然話佢係燒雞扒但似係炸多啲。個皮好脆，肉質Juicy. 整體來講比我想像中好好多。嘢飲可以揀乳酸，檸檬柚子或者麵豉湯。平均每個餐50幾蚊，有小菜，又有嘢飲。份量又唔細。對得住呢個價啦。

學生新常態~在家zoom 上堂，忙得連出門食個午飯也不能，好彩外送服務也成為新常態，想食咩幾乎都能足不出戶亦可以食到！今日小女揀左魚匠屋的日本丼飯，order至到達大約半小時，送到時仲熱辣辣，讚👍🏻點了生薑汁黑豚丼及親子雞肉丼，追加了明太子玉子燒！套餐丼飯會跟前菜及蜆肉麵豉湯，麵豉湯味道ok，普普通通但不過咸，前菜是中華沙律跟蜆肉，酸酸甜甜帶少少辣味，薑汁黑豚丼醬汁唔錯，豚肉爽口，不過食唔到薑汁味，而雞肉丼可能因為外送關係，啲蛋已經全熟冇滑蛋嘅質感了，冇辦法啦，堂食應該會好好多！最欣賞嘅係明太子玉子燒，入口即溶，好滑好creamy,明太子係辣味的，少少辣，小朋友如果唔食得辣未必食到，整體來講都唔錯，價錢亦合理，會再encore

疫情嚴重嘅情況之下，大部份時間都係叫外賣多，但星期一至五已經work from home 加叫外賣🥲，weekend總想出去走走，想坐低食得安全啲，我通常都會自私食個lonely lunch或者早早食😝，唔駛迫又唔怕交叉感染。經過魚匠屋俾佢期間限定餐牌吸引咗，今日唔知聽日事🤫，試咗先算。💎黃金安格斯牛肉丼碟牛肉飯目測應該用咗一碗半飯鋪底😯，用黑椒等調味料煎香牛肉再鋪係上面，最後洒上芝士燒溶。牛肉🐮有四大塊而且牛味濃，連埋煎香咗嘅調味料一齊舖係飯面，成碟飯都即時香口咗😋。主食配前菜係蜆肉中華沙律，再配蜆肉麵豉湯或飲品，我揀咗日本乳酸😉。💎一口芝士追加小食我揀咗一口芝士🧀，好香嘅日式芝士味，而且芝士份量都唔小。人均消費💰 ： ＄60至＄80總結✍ ： 份量多都幾飽下，呢個丼$68係算抵食，可以回頭再吃👻

13.02.2022 星期日魚匠屋疫情期間，多了留在家中，於是想叫外賣做午餐；這間位於蝴蝶廣場的「魚匠屋」其實之前叫過一次，安格斯牛扒丼伴溫泉蛋和豬軟骨丼伴溫泉蛋，印象中不錯，所以今次再encore。日式豬軟骨丼 伴溫泉蛋 家人吃這個，應該味道不錯，全吃光炸八爪魚丸(2粒) 套餐加$12。始終是炸物，堂食應該會好得多，外賣已經變淋，不好吃了巨峰 乳酸 套餐加$12。家人說這個有點像藥水味的糖水手工奶茶 套餐加$14，偏甜，不合我口味特上鰻魚丼 伴溫泉蛋 蜆肉麵豉湯 鰻魚本身肉質不錯，加了溫泉蛋更滑溜，可惜下了不少鰻魚汁，對我來說，太多太鹹，下次要叫走汁或少汁。後來吃完才發覺送漏了蜆肉麵鼓湯，只是小事而已。牛油果豆腐沙律 （小）套餐加$18牛油果溏心蛋豆腐沙律 牛油果偏生了一點，豆腐份量不少，沙律菜也很新鮮有些啱自己口味，有些又不太啱，大家有興趣可以自己嚐嚐！