魚池拾捌 (已結業)

近排見呢間新開既飲品店 都多人飲下喎 ，就開始留意下啦 竟然俾我見到啲特別得來 又健康嘅飲品 買左枝五榖花生果珍珠奶茶 🥤🥤 $29 花生味既珍珠 真系未飲過 🤣🤣 我走左甜 ，珍珠帶岀既少少甜度 岩岩好 珍珠軟適中 帶少少花生味 感覺幾特別 👍🏼 五榖味嘅奶茶 ， 感覺即刻健康左唔少 帶啲榖物味 個人好喜歡 💕 鍾意食麥皮嘅人 會愛上 ！！

With all these drinks joints in Hong Kong, I feel like a guy going through red light district being approached by hookers.Apart from a few favourites, each new joint I try is like a one night stand with no return.Tea eighteen was a little different, I got the cold brew.When she gave me the drink, she said I could add water to the teabag when I finished to make more tea.Not the end of the story yet, she said if I bring the finished bottle back I could get a fresh tea bag for HKD10 in return!!To b

除了開店至今都一直保持水準的手作珍珠奶茶店，店員良好的服務態度都是我一直支持你們的原因，希望你們繼續努力，好店就是要支持💪🏻 幾欣賞他們成日有新口味珍珠推出，平時飲開黃金手作珍珠鮮奶茶 今次就聽店員介紹試了五榖手作珍珠，有胚芽味和芝麻味，我想他們是每日只出一款 個日試了芝麻，珍珠入面有芝麻粒好特別好有咬口 果然無介紹錯 下次再試其他味先但是放學時間真的太多人了 所以都無再係個段時間買 #五榖手作珍珠鮮奶茶#珍珠控福音

啱啱開鋪嘅時候好欣賞佢地態度產品有問題都會盡力解釋補救以前嘅店長Steven同員工仲有個台灣人嘅服務態度更加係吸引人幫襯嘅原因之一更加有香港數一數二珍珠奶茶嘅實力自從舊個批男員工唔係到做之後成間店變左質無論係產品質素同服務態度都大不如前首先係產品質素黃金珍珠一食就知唔係以前嘅手作黃金珍珠咬落去得啲水味抹茶珍珠無抹茶味 上次買嗰杯甜到我喊鮮奶茶啲味似奶水味唯一可以食嘅係水果同埋黑糖但係黑糖都漸漸變差緊除左味道上杯奶茶永遠都係幫你自動走冰，攞到出門口啲冰融哂凍奶茶變唔熱唔凍嘅奶茶令人十分失望服務態度係我唔想再回頭嘅主要原因我就唔點名喇但係其實間鋪話就話幾大 但係好傳聲架大佬周不時入面啲人就爆幾句粗口出黎 屋邨地區小朋友咁多就唔可以收斂下咩？你係入講粗口ok都算啦成間店啲女員工都黑口黑臉又臭串 見到都唔想入去啦仲有，成間店啲人都好鐘意係一堆人排隊點左野飲之後係度打牙骹，一係就龜速做野有時候我一個人入黎買杯奶茶都等成5-10分鐘成條龍係到等你沖野飲就唔可以專注返係工作上面？請問老世請你地返黎做乜？總括而言我自己寧願買貢茶我都唔想去漁池買野飲漁池拾捌主打嘅服務質素已經大不如前

真心唔錯，開張嘅時候見到佢嘅裝修已經好想去試，抱住一試無妨嘅心態買咗兩杯手作珍珠，點知原來好好飲！真係唔會輸比其他喺香港可能更多人知嘅牌子。P.S. 佢嘅服務態度都好好啊～

住喺附近見到間舖都開左一段時間，諗住d飲品應該都穩定d，可以試下冇咁易中伏，嗌左杯黑糖珍珠鮮奶同埋黃金珍珠鮮奶茶，未出門口其中有杯杯蓋貼唔實，佢就加左個膠蓋俾我，但我唔明點解唔可以撕左佢再貼過。點知另外嗰杯一出門口就漏，即時拎返去同佢講，佢就反轉話冇漏，只係抹唔乾淨，咁我就算啦照拎走，點知行到一半又漏，已經對呢間野好有保留。到達目的地開始飲，杯黑糖都ok嘅，另外嗰杯黃金真係同用奶水開冇分別，一d味都冇(已經冇小甜冇冰)，珍珠又冇咬口。總括黎講，唔值得浪費錢同quota去試。

呢間好似係新開張，係其他地方都有唔少分店但係香港唯一一間分店係調景嶺名為魚池拾捌————————————————我就嗌左海岩芝士奶蓋（$23）（大杯裝+3）呢杯對我嚟講真心有好大驚喜，首先我覺得芝士奶蓋要做到好好飲係一件幾難嘅事，但係佢呢杯真係做得好好，完全可以感受到有兩種層次😍😍其次係因為以芝士奶蓋嚟講真係算幾平，香港好似冇咩舖頭咁平，再者平得嚟係有水準可言，總括而言，我一定會再幫襯呢間舖頭👍👍👍不過下次想試下其他嘅產品，希望其他嘢飲都可以有呢杯嘅質素啦⭐️⭐️⭐️

去調景嶺搵朋友出去食飯 咁啱就見到呢台式飲品 放學時間見到多啲學生排隊買嘢飲 見到佢啲人氣有幾多 台式飲品係香港比較少見 就一於試吓佢啲嘢呀嘛 我朋友話佢其他嘢飲都唔錯 尤其是係奶蓋同珍珠 睇到佢啲珍珠五花八門 多都好有興趣試。咁一陣就同朋友去食飯咁就唔飲到咁飽啦 咁就帶咗呢一杯洛神花沙冰 無糖飲落去酸酸甜甜 飲飲下仲會覺得有少少鹹鹹地 佢係用洛神花打汁而成嘅 幾開胃 啱晒轉頭去食嘢喇 幾清新。鋪頭側邊可以見到佢哋平時手作珍珠嘅 等嘅過程可以睇下佢哋點整 都幾特別就唔會怕悶親啦，依家佢仲做緊一個優惠買10送一 唔錯。間中飲下都唔差

調景嶺新開左間台式飲品店 吸引左唔少學生哥而我媽咪都好鍾意飲 仲儲緊印花滿10個印花就會送1杯飲品媽咪想飲d fresh d既呢個”洛神花茶(沙冰)”飲得出係將果肉攪拌製成咸咸地, 酸酸地, 又甜甜地 幾好飲

2019年2月27日星期三今日去咗間餐廳食晏晝冇叫野飲，所以食完晏晝返返公司嘅途中專登去買杯珍珠奶茶呢間奶茶店新開，都有唔少人幫襯尤其是係學生。野飲都有唔少選擇！同事話俾我聽呢度主打系列手作珍珠。原來淨係珍珠本身都有唔少選擇我就叫咗杯黃金手打珍珠奶茶，珍珠嘅味道又真係幾唔錯好似同平時嘅珍珠奶茶譜有少少分別珍珠咬落去又真係幾有口感。同事叫咗杯芒果珍珠。佢就話芒果珍珠咬落去真係幾有芒果鮮肉嘅味道都值得試吓仲有一張買10送一嘅印花卡。即係平均91折

見到佢裝修已經想試左好耐，平時經過又見到佢嘅珍珠係人手每日自己整，都已經好吸引。但因為一開張太多人，次次都排長龍，所以等到今時今日先試。我同朋友分別試左波霸珍珠奶茶，洛神花沙冰同埋黃金珍珠鮮奶茶。最有驚喜一定係黃金珍珠鮮奶茶，朋友係叫左微糖， 但原來黃金珍珠即係焦糖珍珠， 兩者加埋就啱啱好，唔會太甜，又有少少焦糖味都真係幾唔錯。波霸珍珠奶茶就一般茶味唔係太濃，啲冰溶左就會冇乜味，不過珍珠都幾煙韌👍🏻👍🏻至於我杯洛神花沙冰就有啲甜，我已經叫左一半糖，但都係太甜，可能係驚冰溶左之後會淡，但對於我黎講就太甜。下次再飲我一定會揀黃金珍珠奶茶😋可惜唔記得影相，下次飲補返🤣🤣🤣

新開台灣過江龍 魚池拾捌見佢新開又唔洗排隊 咁就試下喇🙈 佢主打奶蓋同手作珍珠 有時返屋企之前/食完飯又想飲野多左個選擇🤣🤣🤣開左一段時間我已經試左佢唔同嘅珍珠喇🤤🤤珍珠好煙韌好好咬🤤 各種珍珠都有有特色其實佢啲珍珠係用蔗糖 比較健康同埋唔會死甜..黃金珍珠我覺得ok 但特會覺得koi個間好食啲🤣🤣黑糖珍珠黑糖重 但佢又唔會過份甜喎芒果珍珠酸酸甜甜 好似食緊真嘅芒果咁 唔錯 因為好怕食到啲好假嘅水果味嘅珍珠 佢做得唔錯五谷珍珠（麥芽）好少見到有麥芽嘅珍珠 幾特別 仲有每粒珍珠都見到少少麥芽 但其實五谷珍珠之前去係芝麻味嘅珍珠黎嫁 我諗佢係兩隻味是旦整一隻掛經典波霸個職員有講過係咩味 但我唔記得左喇🤣🤣算係ok喇抹茶珍珠抹茶味都出 似食緊抹茶嘅軟糖多啲🤣佢啲珍珠好多都試哂喇 因為我飲左好多次😏🤣🤣🤣多數我飲奶綠（微糖）佢個綠茶底整得唔錯 好平均綠茶同奶嘅比例岩岩好奶茶個茶底都整得唔錯 因為得好怕啲奶茶某一方面太出會影響個口感 但佢整得唔錯 即使走左冰 都唔會令到佢茶底/奶味其中一面過份出另外佢啲奶蓋得都覺得唔太差 我唔食榴連嘅 但有時去買野有人叫左榴連奶蓋 離遠都會聞到啲榴連味 榴連味好

放假去調景嶺探朋友 係彩明商場見到一間朋友話係新開既台式飲品店，open kitchen 好大 見佢寫住有手工珍珠 就被吸引入去🙈飲品種類選擇都多 我要魚池拾捌紅茶加五穀珍珠 叫咗走甜 紅茶加埋珍珠既味道 就算走甜都唔會澀 最特別係五穀珍珠 感覺QQ 仲食到黑白芝麻粒 第一次食到咁既珍珠 呢個值得推介珍珠足料 會飽肚 可能走咗甜 五穀珍珠感覺健康 所以飲完成杯都唔覺得有負擔😆 見到鋪頭有賣榴連奶蓋 呢個邪惡又少見既組合 如果有機會再去調景嶺 會想返嚟試！

調景嶺俾我既印象係美食沙漠，但最近見到開左越來越多既新店舖😆其中一間又係賣珍珠奶茶，以後可以唔洗去咁遠都飲到珍奶🙂🤙開放式廚房，門口可以睇到入面既情況。—————————————————————#抹茶手作珍珠鮮奶茶 💰29黑糖珍珠就見識多，抺茶味既珍珠真係第一次見🤔作為抹茶控一定要試下。珍珠非常煙韌，唔會太過淋，好有咬口食落有啲似食緊抹茶味既像皮糖，好有驚喜👅🧡甜度已經叫左少甜，但都係非常甜，下次要叫微糖。建議大家唔好加大，太大杯唔會飲得曬。🤦🏻‍♀️

去開調景嶺，見到有新開的珍珠奶茶店，即係飲返杯先。點左中杯的四季青茶，加五穀珍珠，既可以試到佢的原茶味同招牌手作珍珠、又無咁高卡。下午三時左右，人潮未算好多，等左差不多10分鐘已經攞到杯茶。嗯，有差不多三分一杯的珍珠，份量足枰。呷左一啖，茶味不過不失，但手作珍珠真係有驚喜。有咬口 、煙煙韌韌、中間仲有d穀物纖維，真材實料，感覺都健康d，唔錯唔錯。飲完成杯茶，好有飽肚感，大滿足！