魚池拾捌 (已結業)

見到佢裝修已經想試左好耐，平時經過又見到佢嘅珍珠係人手每日自己整，都已經好吸引。但因為一開張太多人，次次都排長龍，所以等到今時今日先試。我同朋友分別試左波霸珍珠奶茶，洛神花沙冰同埋黃金珍珠鮮奶茶。最有驚喜一定係黃金珍珠鮮奶茶，朋友係叫左微糖， 但原來黃金珍珠即係焦糖珍珠， 兩者加埋就啱啱好，唔會太甜，又有少少焦糖味都真係幾唔錯。波霸珍珠奶茶就一般茶味唔係太濃，啲冰溶左就會冇乜味，不過珍珠都幾煙韌👍🏻👍🏻至於我杯洛神花沙冰就有啲甜，我已經叫左一半糖，但都係太甜，可能係驚冰溶左之後會淡，但對於我黎講就太甜。下次再飲我一定會揀黃金珍珠奶茶😋可惜唔記得影相，下次飲補返🤣🤣🤣