魚眾不同酸菜魚 (啟德一號) (已結業)

一共三個人食，叫咗幾樣嘢食水煮魚：叫咗小辣，剩係得個辣字，無層次，唔香都唔惹味。碗野入邊有好多娃娃菜，索晒啲辣油，油到完全食唔到，好唔正宗。魚片都唔新鮮，食落口好似梅梅地咁，好唔吸引。之前都嚟過食過酸菜魚，魚片都係唔好食，酸湯味道一般，食唔到個種酸辣爽嘅感覺。口水雞：上面有好多辣豆瓣醬，個醬嘅味調得啱啱好，鹹辣適中，雞件都算滑，呢個ok紅糖糍粑：正常發揮整體而言，水煮魚同酸菜魚都唔係特別出色，非常之普通，對食有要求嘅話唔建議嚟食，會好失望。

The restaurant impressed me with its inviting ambiance and attentive service, but it was the exceptional flavors of their fish dishes that truly stole the show.One of the standout dishes I tried was the "Old-Town Sour Fish Slices with Green Peppercorns." This delightful creation featured thinly sliced fresh fish topped with a generous portion of pickled vegetables and a sprinkle of fragrant green peppercorns. The fish was incredibly fresh and tender, complemented perfectly by the tangy and sligh

我外賣自取拎去俾住院嘅家人食，個滷水雞翼得個樣，雞翼入面完全係生嘅，全部都係血淋淋！好似冇煮過咁，點解咁樣都可以出貨比客人？雞翼呢樣野已經本身唔難煮，竟然可以隻隻都血淋淋一啲都唔熟，其實你哋係咪求其煮定係完全冇煮過咁樣出貨俾客人？！？我家人仲要食咗一兩啖，真係黐線！投訴foodpanda就只係俾返啲優惠券你，因為當時家人住院食完都好晏，所以都冇得去舖頭投訴，唔該你哋舖頭負責人睇到呢個食評要改善下，咁樣會食死人㗎！

之前一直都是吃檸檬湯底🤤，配米線同薯粉都好好食，魚片最推薦係生魚片，甜啲嫩啲，但重點係冇骨！！😍同檸檬湯底比起其他冇咁辣，啱曬唔食得太辣嘅我👍今次去試就食酸菜金湯，試鯛魚片，不過又額外加咗生魚片。鯛魚片就係爽脆啲，但都會有少少骨，食嘅時候要小心，不過都好嫩好好食😝不過雖然已經少辣椒，但都係有少少辣，係喺側邊攞水洗洗先食到🙈材料可以加2款，揀咗金針菇同萵筍，金針菇真係好夾，嗦曬啲湯汁😚另外又試咗新出嘅紅糖糍粑，脆炸嘅外皮加埋軟糯嘅內裡，配埋隔離濃郁嘅紅糖醬，哇，要試😋😋真係好好食😍

夜晚放工想食辣嘢，叫了外賣，見到有得揀酸菜魚，好新奇，就想試吓。價錢同堂食差唔多，配菜多選擇，就食肥牛，下次想食魚肉。總體都OK，一人份算抵食，味道唔錯，推薦酸辣金湯

嗰日叫咗個一人火鍋麻辣湯底配海鮮鍋，湯底味道唔錯，但唔知係咪食材定太辣嘅緣故，隔咗幾個鐘就嘔返出嚟，仲要肚屙。（利申：平時都有食開辣都冇咩事）一人邊爐嘅邊爐設計又係奇怪，個熄爐嘅蓋係冇手柄，究竟要點放入去爐底熄火？！試咗幾次，仲要搞到差啲辣親手！後來真係搞唔掂，就叫侍應幫手熄。但其實如果點都要叫侍應嚟，先可以關到個爐，咁一開始就唔好放底熄爐嘅蓋，唔好令人哋有機會試熄爐而受傷。總結，-味道係唔錯，十分食得辣同腸胃好嘅人可以去試吓-食一人邊爐，唔好自己熄火-專心喺食物上，慢慢食可能會有助消化，唔好太在意服務

近日去咗九龍灣食魚眾不同嘅酸菜魚，味道好鮮美，啲魚肉都好嫩。餐廳嘅裝修好中式，氣氛好舒服。除咗酸菜魚之外，仲有好多川菜可以揀。唔記得啲名，不過有啲菜食落去好香辣，有啲菜又幾清淡，好適合唔同嘅口味。食嘢嘅時候，叫咗老壇酸菜生魚片同青花椒酸菜生魚片，兩款生魚片都好鮮，仲有啲微微嘅酸味同辣味，非常開胃。另外仲試咗臘味煲仔飯，好濃郁嘅臘味汁同飯煮得好香，令人食嘅時候就好有胃口。

呢個星期天氣又涼返，所以燃起了煲仔飯嘅心！放工後嚟到啟德嘅「魚眾不同酸菜魚」。呢間餐廳自稱係酸菜魚專門店，但食過幾次之後，反而覺得呢間最好食嘅係煲仔飯。今日我哋食咗臘味煲仔飯、麻辣濃湯墨魚片同埋紅糖糍粑做甜品。臘味煲仔飯 ($72)呢度啲煲仔飯要等30分鐘，不過每次一食就覺得30分鐘係值得等！臘味夠油(肥)夠味，而且見到啲鼓油好似有煮過，唔係一般市面上買的甜煲仔飯鼓油。不得不講、最出色就係佢啲飯焦，每次食都可以整碗飯焦起到出黎，加埋鼓油好食唔膩口，超有滿足感！麻辣濃湯墨魚片 ($85)利申:我食到一半先發現唔記得影相......墨魚片好新鮮，咬落去都有啲Q彈，而麻辣湯底幾濃味。呢度最好係佢可以比你自選調味同配菜，如果平時唔食得太辣就記得揀少辣少油啦！份量唔算特別多，價錢如果可以平少少就更好了。紅糖糍粑 ($28 - 半份)最後叫左半份紅糖糍粑，外層似飯焦咁脆，而入面口感似麻糬，加埋紅糖(=黑糖?)都幾好味！雖然知道「魚眾不同酸菜魚」有好多分店，但唔知係咪間間分店嘅煲仔飯都咁出色呢，所以每次食都一定去返啟德！

呢間鋪頭新開張時好多人，隔咗一排再嚟，晚市已經少返好多客，可能同區有同類型做酸菜魚嘅競爭對手，所以客源被分薄咗。嗌咗個一人套餐，以前有得免費配鱸魚片，而家冇咗，要加錢嗌其他魚，最後揀咗生魚片，再配娃娃菜同海帶。另外飯、米線、薯粉三揀一，最後揀咗薯粉，貪佢夠入味。呢碗薯粉份量唔少，食完好飽，金湯非常香口，但略嫌油膩，生魚片滑嫩，但魚味不足，整體嚟講不過不失。另外一人餐加錢有嘢飲，絕不推薦嗌凍奶茶，因為冇乜茶味，只有死甜，凍檸茶就正常。

每次去魚眾不同我一定選青花椒湯底，夠麻夠辣，白飯、金菇、蘿蔔同湯底更加係絕配！基本上每次都選呢個組合😋 如果鍾意偏酸湯底，就可以揀老壇湯底～最後配多罐可樂，呢個組合真係百食不厭～有時唔想食酸菜魚，會選花膠濃湯雞煲，又係一試難忘，久唔久都會想再食，湯底美味濃郁，雞件嫩滑，係酸菜魚外另一個好選擇！因為次次都想食魚或者雞煲，都未有機會試其他菜式添☺️另外啟德店環境非常舒適，非常適合同朋友聚餐～眾所周知啟德最出名就係酸菜魚😂推薦大家下次到訪

昨日同朋友下午茶黎左E間店到食嘢，啟德近地盤位置嘅餐廳唔多，第一次食E間就鍾意左，首先因為魚類有唔同魚可以選擇，然之後湯底都有好多款，食得辣或者唔食得辣嘅人都有選擇，咁我自己就食左青椒酸菜湯個款同埋普通唔辣嘅酸菜魚，有麻椒個個湯底就麻嘅味道重啲，食落去麻多過辣，湯唔算好酸，所以我OK嘅，如果想要麻多啲嘅朋友就可以試下E個湯底，另外普通唔辣酸菜魚個個湯底就比較酸，唔食得酸嘅人應該會覺得好酸，咁主食方面有白飯/薯粉/米線可以選擇，全部都可以加多啲，啱晒大食嘅朋友啦！鱸魚同生魚就各有各好，鱸魚比較爽硬，而生魚就比較嫩滑，所以整體我係讚👍嘅，下次經過啟德都會再幫襯！

There are lot of tables available when we get into the restaurant. However, two of us were asked to share a table with others. We requested for a non-shared table in the same area. Ridiculously, the waitress still guides some one sit next to us even they were still empty table for two. The portion of the fried rice was unreasonably less. That’s not we expected since we ordered takeaway and dine in this restaurant before. We checked with the waitress and she stated that the portion of foods was c

星期日同屋企人去搵食。由於我地全家都鐘意食川菜 聽聞啟德站附近有間酸菜魚唔錯 就去拜訪下佢係商場一樓 由地面行樓梯上一層 唔知點解覺得個格局勁似大陸d大型屋苑裡面d餐廳feel由於新開 門面 用餐環境乾淨企理既 似茶餐廳feel 既川菜坐低一樣手機QR code 自助落單 , 水就自助形式 自己斟水 冇人招呼你😅三個人叫左個酸菜魚加薯粉、口水雞 、麻辣鴨腎酸菜魚揀左佢推介既鱸魚 份量超大份 個碗同個洗面盆差唔多大😂但唔明點解薯粉要分開上….味道合格既 係正常酸菜魚黎既。都係魚肉小配料多 ， 酸菜夠酸呢點好緊要。但佢唔夠香 係街坊落街食餐晚飯質素 價錢人均170蚊度總括黎講冇驚喜 唔食都冇蝕底個隻

一去到叫我哋用QR code落單，完全冇餐牌睇。以為剩係得大份嘅酸菜魚叫，點知原來有一人餐份嘅酸菜魚叫。魚嚟到之後又唔夠酸，同侍應講話想加醋，又話佢哋餐廳冇醋🤷‍♀️🤷‍♀️連辣都冇。。。味道勁淡，冇聞冇味。最尾完全冇食過咁濟，好似俾人老屈咗300幾蚊咁

位於啟德的酸菜魚餐廳，主打酸菜魚，除了一大鍋外，還設有一人份量的湯麵系列，自行配搭主菜、湯底及配菜。另外還有小食、煲仔飯、炒粉麵飯等。環境光猛，空間寬敞。餐廳還有送餐機械人，把食物送遞到客人枱。一人份系列： 主題配搭：鱸魚片 風味湯底：青花椒酸菜湯美食：萵筍、豆腐皮主食：手打薯粉湯底有蒜粒、辣椒、青花椒等，辣度會慢慢滲透出來，酸菜浸在湯裡，酸酸辣辣，嘴唇都變麻痺了，十分開胃。鮮甜白滑的鱸魚片，肉質較軟腍，沒有骨頭。配菜挑選了萵筍、豆腐皮，都是較有口感的配菜。一人份系列：主題配搭：鯛魚片風味湯底：麻辣濃湯美食：薯仔、黑木耳主食：手打薯粉湯及薯粉分開上，避免薯粉麵條變質。這款薯粉較幼細，不算太煙韌，但是很掛湯，吸收湯底味道，鯛魚片也很薄片，鮮味爽彈。麻辣湯很濃香，不過麻感不算太強，薯仔及木耳爽口。跟餐還可以優惠價配飲品。