魚眾不同酸菜魚 (啟德一號) (已結業)

繼較早前給檸檬酸菜湯底辣到敗走後，一年後重來，餐牌變精美，選擇亦增多，燈光繼續明亮，環境依舊新淨，舖內廁所亦企理。「花膠濃湯湯雞煲配薯粉」$80由機器人送來，滿滿一鍋黃油雞湯，湯底有微微雞味，如再濃更覺暖胃。雞件十件八件，一半雞胸一半翼髀，就是花膠一大片、娃娃菜一大棵，要自己分裝。未等30分鐘，接着的「窩蛋免牛煲仔飯」$69，傳餐遮遮提醒冚蓋焗一會再吃更美味倒有反效果：菜變黃及過腍、窩蛋幾乎熟蛋。所以如要鮮嫩狀態，拿走蓋還好，牛肉肉餅是沒下鬆肉粉的保留牛味，而煲仔周邊亦有煙靭飯焦。酸菜魚鮮有鯛魚片可選，今回點「青花椒酸菜鯛魚配豆腐豆皮黃喉薯粉」$98索性試個半麻半辣。天真地以為剔走浮面的辣椒乾會減到一半辣，料不及是湯底正是7分辣避不過，剩下的3成麻不致嘴部麻痺。並發現鯛魚片具魚鮮之餘某些部分亦兼具豬肉眼筋質感，黃喉即牛喉嚨，爽口質感媲美象拔蚌，薯粉浸不過幾分鐘已吸收麻辣湯汁，吃到中辣會感大滿足。還好跟餐特飲青蘋果、利賓納梳打特飲$12都夠大杯，勉強可卸一下辣。

啟德人最愛酸菜魚～😂住啟德嘅朋友都明白無乜好食，其中呢間酸菜魚算係區內最好食的餐廳之一，水準一直都算保持得幾好。1. 蕃茄湯底配鱸魚蕃茄濃湯，味道尚算濃郁，鱸魚味道會較濃味，質地較實身，有口感多少少的價錢：$80好味程度：😋😋😋😋/5個滿分價錢抵食度：💰💰💰💰/5個滿分整體感覺：❤️❤️❤️❤️/5個滿分推介程度：👍🏻👍🏻👍🏻👍🏻/5個滿分—————————————————————————2. 檸檬味酸菜鱸魚呢個係今日新試，可能近收工時間，檸檬煮得太耐，所以味道較苦澀，如果，你都係咁夜先嚟食的話，係唔建議叫呢款的。價錢：$80好味程度：😋😋/5個滿分價錢抵食度：💰💰/5個滿分整體感覺：❤️❤️/5個滿分推介程度：👍🏻👍🏻/5個滿分—————————————————————————餐廳整體感覺：作為日常的午餐晚餐，我覺得佢真係幾唔錯，$80有一款魚，再加2款普通餸菜，成個餐感覺都幾健康，算係啟德好選擇之一，大家行開嚟都可以一試。餐廳名稱：魚眾不同酸菜魚（啟德一號）電話：29855558地址：九龍灣沐寧街8號啟德一號(II)1樓A號舖Hi 👋🏻 大家好～我係食物小黑洞，我嘅正職係食盡全世界嘅餐廳，讓食

今日約左同事食晏，唔想行太遠，過左嚟啟德一號呢間「魚眾不同酸菜魚」。餐廳環境雅致，裝潢新派，設有落地大玻璃，景觀十分開揚，加上座位又夠闊落，感覺超舒服。店鋪主打酸菜魚，有辣有唔辣，另外仲有一人專享嘅麻婆豆腐、口水雞、花膠雞煲、經典炒飯同一系列煲仔飯等供應。我哋點左個一入份系列嘅唔辣老壇酸菜湯 同 薑蔥田雞煲仔飯。酸菜湯先揀主題，有鱸魚片、生魚片、龍利柳、墨魚片等等，選了鯛魚片 ($78)。每個餐都會跟兩款配菜同一款主食，揀左豆卜、豆腐皮及手打薯粉。湯底因為揀左唔辣，所以味道頗溫和，入口酸酸地、好開胃。鯛魚片白滑鮮爽，入口細嫩鮮美，加上每片都切得好大塊，夠厚度，食完好有滿足感。豆卜索滿了酸菜湯汁，非常惹味！豆腐皮有咬勁，食落爽口彈牙。薯粉水準亦唔錯，份量夠多，晶瑩剔透，質感滑溜，而且嚼勁十足，即使浸湯後也沒有變腍。至於另一客薑蔥田雞煲仔飯 ($76)  亦非常足料，田雞肉質結實，煙韌彈牙，入口挺鮮味，配上飯底嗰層脆而不燶嘅飯焦吃，份外滋味。跟餐飲品同事點左凍咖啡 (+$10)，而我就揀左菠蘿梳打特飲 (+$12)。杯特飲好 fresh，味道唔會過甜，入口充滿菠蘿香，夠晒解渴。

當你好想食酸菜魚、水煮魚、火鍋但係又無人陪你食嘅時候，呢間餐廳真係恩物！佢有大大煲，最正係佢有出一人份！用app落單，有得揀唔同嘅小食，我揀左萵筍、豆腐皮，前者好入味，後者都好食！今次揀左檸檬🍋湯底，小辣。主食有飯、紅薯粉，仲有得加底，岩晒男人的份量！魚好滑，好食😋不過份量小左啲，可能都只係一人份量。另外仲order左胡椒豬肚雞湯飯，個湯底出奇地好食，濃味！有呀媽細個煲湯個味道😂不過食到最尾有小小咸，但整體都good!

平時見得多大大兜酸菜魚，2個人食的話，呢個一人份量嘅酸菜魚真係岩岩好份量，唔憎食唔哂又浪費📍青花椒酸菜鱸魚片📍豆腐皮、海帶，鱸魚片，加上少辣嘅酸菜湯配白飯真係一流📍老壇酸菜湯鯛魚片📍豆腐、娃娃菜，加上超香濃嘅酸菜湯配薯粉，鯛魚肉質爽口。個人建議如果湯底揀左 辣嘅配飯好似再開胃啲 如果湯底揀左唔辣 配粉好似會再入味啲🔹🔹🔹🔹🔹🔹🔹🔹🔹🔹#魚眾不同酸菜魚九龍灣沐寧街8號啟德一號(II)1樓A號舖🔸🔸🔸🔸🔸🔸🔸🔸🔸🔸#啟德好食 #啟德食好西

黎到啟德呢個商場入面朋友帶我去食酸菜魚，呢間酸菜魚入面座位好多好大，職員安排左我地坐卡位位置，食品款式選擇多有酸菜魚，小菜同煲仔飯等等，我地叫左一碗老壇鱸魚酸菜魚湯米線，呢度既湯底可以自選有辣有唔辣，配料都係自由配搭好似車仔麵甘，連魚肉都有得揀我地揀左爽滑彈牙口感既鱸魚片，配左蒿荀，牛丸等配料，同埋米線係分開裝唔驚會浸淋晒，另外仲叫左個臘味臘腸煲仔飯，同埋飲品叫左紅豆冰，紅豆好粉嫩，加埋多奶既配搭好好味，利賓納soda都唔錯嫁。

話說返工係房間坐到好凍，打算搵啲熱野食下，Openrice 見呢間野都有幾多好評，所以我就去試下佢個一人套餐😃檸檬酸菜湯（鱸魚）上到嚟睇落去好似好細碗， 不過一位人食差唔多👍🏼 魚嘅份量都算多..食曬啲飯都未食完啲魚😂我覺得佢嘅酸菜湯都幾好食， 都幾似大陸食嘅酸菜魚， 加左檸檬又唔奇怪，感覺仲唔錯👍🏼唯獨是間中食到魚鱗同魚骨...有啲唔開心...如果清得乾淨D會好少少🤔另外，佢有得比你揀白飯嘅份量， 我叫咗正常， 發現唔夠食... 如果自問大食就真係要叫多飯😂最後，佢的菜蜜其實為檸蜜嚟😂感覺呢間味道都唔錯，lunch可以再去😁#酸菜魚 #啟德 #啟德美食 #食好d食平d #食評 #食好西 #食好d #食食食 #hk #hk90s #hkfood #hkfoodie #hkfoodblogger #foodie #foodblogger #followforfollowback #foodiehk #中菜 #想要更多真實食評搜尋ig黃怪獸覓食

我又介紹酸菜魚啦🙈🙈老老實實，我都食過好多間酸菜魚，每一間嘅酸菜湯都各有特色，真係各花入各眼，今次依間嘅湯底同埋選擇我就超欣賞！另外欣賞一點，係佢有三種魚俾你選擇，鱸魚、鯛魚、仲有生魚片，睇吓自己鍾意食先甜定爽脆嘅質地啦。😛🥰青花椒酸菜鯛魚配料選擇很多，大概有10樣，我就揀咗金針菇同埋豆腐皮，當然唔少得薯粉啦😍😍湯底好夠味，配埋花椒仲有少少麻麻哋嘅感覺😍簡直一湯兩享受🤓🥰蕃茄濃湯墨魚片特登嗌過同酸辣湯完全冇關係嘅湯，試吓佢蕃茄湯底點樣，都唔錯。配菜叫咗萵筍同娃娃菜，夠晒健康！手打薯粉都好煙靭😛😛叫埋嘢飲都係加$7 ，我就叫咗一杯熱柑桔🍊，朋友就叫咗杯熱柚子蜜，仲可以好貼心咁揀少甜！🥰🥰🥰

酸菜魚黎講呢間算係選擇多之選，可以揀魚類、主食、湯底、配料老壇酸菜龍利 $62可以揀1款麵類/白飯 + 2款配菜今次揀左龍利、蘿蔔、薯仔同薯粉。酸菜味濃，微微的辣味，配上足夠嘅香麻感。龍利肉身滑溜，份量頗足，都唔係太薄身。薯粉是朋友推薦的，屬於幼身款式，夠煙韌，真心不錯。總而言之，呢間酸菜魚選擇眾多，豐檢由人，可以試唔同種類嘅魚肉，吸引人一試再試。環境方面都十分舒適，有足夠空間。是次用餐體驗不錯。👍🏻

之前同朋友食酸菜魚 都係一大盤大家share食🤣 有次傾傾下計先知 原來係有一人份量嘅酸菜魚食🫣 🍀青花椒酸菜鯛魚片上枱嘅時候已經聞到好香😍 而我加左豆卜同埋金針菇 配手打薯粉😉 湯底嘅味道好香辣味 係我鍾意嘅湯底😋 豆卜吸晒啲湯汁 一咬落口 啲湯係個口到爆晒出黎🤤 金針菇都好吸湯汁 好好食👍🏽 鯛魚魚味較濃 口感嚼勁 幼骨會多啲啲 好適合鍾意魚味嘅人😜 薯粉偏淋身 如果想要有咬口嘅話 可以落單嘅時候同職員講要硬麵🤣🍀老壇酸菜湯鱸魚片依個湯底都吾錯 適合一啲吾想要太辣嘅朋友囝☺️ 加埋萵荀 娃娃菜 感覺好健康🤣 配軟滑米線 每食一啖就飲一啖湯 好過癮🤩 鱸魚好滑好淋身 一咬就散得開 冇咩骨 可以一整塊放落口🐟 🍀青蘋果梳打特飲青蘋果🍏加埋檸檬🍋 配上梳打 全部都係夏天消暑解熱之選 係食辣野嘅時候飲 真係好爽🤣

上星期諗住返屋企煮野食，係啟德行返去港鐵站時見到有間米線幾正咁，重點有我幾愛嘅豆腐皮，立即放棄返屋企煮野食嘅念頭，入去食碗米線先走。我地點左一碗老壇酸菜湯米線搭配左鱸魚片、萵筍和豆腐皮，唔會太酸，湯底都幾濃，同萵筍好夾，豆腐皮口感十足，鑪魚片肉質勁滑。另一碗點左山城毛血旺米線，配左海帶和黑木耳，依碗唔洗再揀湯底，會配一個麻辣湯底，裡面有鴨血、豬大鴨、黑柏葉，份量十足，入口勁惹味，不過當時揀左米線，如果配白飯應該重正。辣得過癮，當然要飲返杯凍咖啡和凍檸茶。

#魚唔魚 #您喜歡嗎.唔知您哋鍾唔鍾意食魚呢?其實魚都有好高營養價值架~不過我自己就唔算太識食魚不過好多時都比較鍾意食啖啖肉嘅魚架!.魚眾不同酸菜魚📌九龍灣沐寧街8號啟德一號(II)1樓A號舖.我哋分別叫咗2個唔同種類嘅魚🐟♦️ 麻辣濃湯鱸魚薯粉未上到枱都已經聞到佢係附近啦~因為碗中已經有麻辣濃湯必有嘅指天椒除咗有滿滿嘅辣椒都有好多蒜蓉架~我已經叫咗小辣，但係都辣到我🥲不過你係會想追住食嘅辣🤣🤣🤣都係講返魚先~魚肉煮到好滑，入口即溶啲魚肉又吸哂啲湯，超入味!!而且仲可以選擇多2個餸架我就叫咗豆腐同萵荀估唔到呢2款都夾到個湯好好味呀!!!♦️ 蕃茄濃湯鯛魚薯粉一個濃味一個就健康D啦~叫咗蕃茄🍅濃湯!而呢碗果2個餸就點咗豆皮同娃娃菜蕃茄🍅濃湯有香香蕃茄味食落口都覺得好健康呀~鯛魚肉質爽口好味~~.整體評分：最高為🟣🟣🟣🟣🟣味道：🟣🟣🟣🟣 服務：🟣🟣🟣🟣環境：🟣🟣🟣🟣地點：🟣🟣🟣.總括嚟講，魚眾不同酸菜魚出品唔錯！坐位寬敞，不會太窄！.@魚眾不同酸菜魚••••••••••••••••••••••••••••••#攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29pro

一人$78酸菜魚性價比說真係抵但係味道真係不行酸菜無味 鯛魚加鱸魚的都完全沒有魚的鮮味湯底更是油淋淋的。兩三口已經很來膩左邊那個小食土豆絲加萵筍絲 我只吃到紅油的味道。不推介！

酸菜魚黎講呢間都算幾抵食！除左魚片份量多之外，仲可以揀魚類、湯底、配料、主食😆 而且夠酸夠辣幾好味😋-✨老壇酸菜鱸魚🐟 $75每個餐可以揀2款配料+1款麵類/白飯～我揀左蘿蔔、金針菇同薯粉！老壇酸菜呢款酸菜味會比較突出，辣味會少啲。鱸魚口感滑身，肉質細嫩☺️ 每碗都有十幾塊魚片，都唔係好薄身果啲，而且薯粉份量都幾足🤟🏻，係比較幼身果種～✨青花椒酸菜鯛魚🐟 $75呢個餐揀左薯仔、萵筍同白飯，薯仔切片爽口得黎又唔會硬👏🏻 鯛魚比起鱸魚會爽身啲同埋有咬口，自己比較鍾意鱸魚😍 呢碗有落青花椒，所以比起岩岩果碗會麻辣啲，亦比較惹味🔥 但都食到酸菜果種酸味，睇下個人鍾唔鍾意麻麻地嘅感覺！✨滷水鴨舌 $45滷水味夠濃好香，食落甜甜地😗鴨舌口感柔嫩軟糯，有啲入口即溶嘅感覺！-✨麻辣豬肚 $42✨黑糖糍粑（半份）

啟德呢個地方如果冇地鐵真係唔太識黎🤣呢日咁岩探朋友就喺附近食啲嘢，見到呢間酸菜魚可以一人一鍋都幾岩2個人去撐枱腳🌖麻辣鯛魚 $75麻辣濃湯辣度都幾高，食落都好夠辣，類似Tam jai 3小辣咁店員話鯛魚比鱸魚爽口，冇咁多骨，所以揀咗鯛魚，食落真係冇乜骨同彈牙，配料可選3款，🤰🏻揀咗海帶+萵筍+薯粉，全部料都好索湯，非常惹味👍🏻🌝番茄濃湯肥牛 $69雖然呢間係主打麻辣/酸菜魚，但都想試吓佢啲番茄湯（🤰🏻是番茄迷）估唔到都有驚喜，番茄湯底好濃好稠甜甜地幾出色，一路食會一路𢳂到啲番茄蓉出嚟😋而肥牛就正正常常，份量都ok多