魚蛋佬

營業中

休息中

太安樓其中一間要排隊既其實我都唔知係明點解會排咁耐人唔算好多但去得好慢但到我地買果陣店家成個流程明明好快完成又真係幾好食但醬汁就好辣，我已經叫唔辣喇……（完全唔食得辣既人）不過唔計太辣，醬係好好味而且一d都唔小氣，比海量既醬浸沒左幾串野魚蛋同牛丸好出色，魚蛋實同彈牙之間岩岩好，唔係好粉果種牛丸濃郁牛味，彈牙有口感，我覺得仲出色過魚蛋齋就一般，我都係鐘意一係炸到脆，一係酸既齋多d食完後悔冇試多幾款，但唔想再排多次

咁啱今日去附近諗住試下，但真係勁失望。魚蛋無咬口，汁又無乜味，話係沙嗲又唔似沙嗲，反而有陣豆豉味，辣辣地咁，總之就食完都唔知自己食左啲乜。啲人話係因為平，但我覺得唔值囉，分分鐘自己買沙嗲醬返屋企整仲開心。

【西灣河•太安樓掃街之選】魚蛋佬 & 章魚無雙📍西灣河太安樓👅9 / 10💵7咖哩魚蛋+咖哩齋呢間既咖哩出曬名就真係唔洗多講咖哩味夠曬香中意偏甜既朋友 佢地既咖哩就岩曬你喇!杰身既咖哩係可以原原全全咁掛曬係食材每一粒既魚蛋同齋都係滿滿既咖哩醬呢個價錢 真係經過都忍唔住要整返串過下口癮

每次去太安樓都必食, 雖然每次都好長人龍, 但係真係好值得排隊, 因為本身我唔太食得辣, 佢既辣度正合我心意, 而且好惹味, 一串魚蛋$7 真係無得挑剔, 仲有佢既魚蛋係用白魚蛋, 正!!其實老闆都好快手, 所以每次人龍長但其實好快, 仲有除左魚蛋之外, 我必點腸仔同墨魚丸, 都係好正, 墨魚丸絕對唔係cheap貨👍當然如果想再吸汁既就可以選齋, 其實食材真係唔洗多, 個汁已經夠令人回味, 一邊打一邊不 斷吞口水😂😂🤣我都試過去太安樓佢係無開店😵‍💫😵‍💫所以大家為左去食的話, 睇清楚營業時間同埋人地幾時休息

西灣河太安樓，真係次次都咁多人食就好似台灣版嘅士林夜市呢間魚蛋佬，簡直係次次都咁多人排所以今次都去咗試吓嘩，佢個汁真係好好味掉咗牛柏葉同齋 入晒佢啲汁私心試咗佢嘅腸仔仲有不得不點既魚蛋 真係好彈牙😍😍😍😍

🇭🇰Hong Kong - Sai Wan Ho📍魚蛋佬 魚蛋 齋 牛栢葉_____________________________經過開太安樓嘅您唔知你每次有咩係必食，我心中太安樓必食清單必定係「魚蛋佬」。但唔一定每一次去都食到架，係要睇彩數，因為會不定時收休息。所以每次去之前一定會上佢地Instagram 睇下有無開！同埋佢地只係夜晚開！每次都要排20分鐘以上，但我覺得都值得！最特別係佢地個汁，係秘制沙爹汁！雖然係沙爹但佢唔係話平時食開啲印尼沙爹汁有好重花生味！個汁帶有小小辣味，但唔會係超辣辣到接受唔到個啲。每次一定要叫當然係魚蛋，但我個人覺得最出色係齋。吸晒所有汁！因為我太中意個汁，所以每次都求老闆比多小小。返到屋企煮個公仔麵撈啲汁落去食，勁好味！📍 西灣河筲箕灣道57-87號太安樓地下A28號B號舖

西灣河太安樓人氣魚蛋佬 黎過2次都冇開 今次落雨有開 但竟然有近10-20人排隊 有小小誇張 點都試一次.叫左腸仔$3 齋$6 牛丸$11 魚蛋$7‼️呢到靈魂係佢地嘅沙嗲汁佢地沙嗲汁比較港式 香濃得黎 唔重花生味點咩都好食 所以嚟到唔一定點魚蛋👌🏻其實佢哋魚蛋都係好普通 👍🏻反而牛丸比較彈👍🏻而齋有凹凸位 係最掛汁嘅小食.係幾好食 但沙田人 表示推大圍小食個辣汁多d🙈.#hkfunfoodrecord窮遊香港#hkfunfoodrecord_西灣河.#魚蛋佬 (西灣河)地址：西灣河筲箕灣道57-87號太安樓地下A28號B號舖.⭐️評分：味道：4/5環境：1/5 掃街環境 又熱服務：-/5 盒同袋仲要加錢抵食：4/5.（如果鐘意睇飲食紀錄 記住 追蹤/like/分享 感謝你哋支持🙏🏻）

咁啱經過西灣河 點都去太安樓睇吓🤣 一去到就見到魚蛋佬排曬長龍🥺 身為最鍾意排隊嘅香港人 即刻去排隊試吓係咪真係咁好食🤪🥰🌟牛柏葉 $11 (6.5/10)本身對牛柏葉幾有期望🤣 一串入邊有三舊 但係就覺得普普通通 真係靠咖喱汁搭救🤣🌟魚蛋$6 (8/10)做得佢嘅招牌 果然冇令我哋失望😋 一串入邊有五粒 魚蛋本身好彈牙 配埋佢個招牌咖喱汁😚 真係值得去排咁耐💕🌟牛丸 $10（8.5/10）呢個先係令我驚喜😳💕 食完個魚蛋已經覺得好好食 點知個牛丸仲出色 一串有三粒 好重牛味 一咬落去feel到啲牛肉汁滴緊出嚟😋 重點係咖喱汁又唔會冚咗佢個牛味 呢個真係必食🥰🌟芝士腸 $6 (7.5/10)一串有三條金妹牌芝士腸🤣 因為小編好鍾意食金妹牌芝士腸 所以私心覺得佢加埋咖喱汁好好食💕🤣 整體：7.5/10其實全部都好食😋 只不過一開始對牛柏葉期望太高 所以就有少少失望🤣 但係其他都做得好好食😋

💭本身呢間鋪頭已經好多人食，近呢幾年排隊人龍越黎越長，呢日見到唔洗排好耐就買左幾串野食🤭🤭🤭雖然間鋪頭名叫魚蛋佬，但牛丸我覺得係必點既野食黎！牛丸配埋個汁真係好夾😍😍😍魚蛋腸仔都係每次黎都會食既野黎😍😍😍配埋個汁都係好惹味😍😍😍🌸牛丸 🌟🌟🌟🌟🌟👍🏻🌸魚蛋🌟🌟🌟🌟🌟🌸腸仔🌟🌟🌟🌟🌟

黎到太安樓就已經見到魚蛋佬前面有非常長嘅人龍，嘢食嘅選擇唔太多，主要係魚蛋、腸仔、芝士腸、牛柏葉、齋、牛丸同埋墨魚丸。今次試咗魚蛋、腸仔、齋。魚蛋吾太彈牙，但勝在性價比高，7蚊有6粒，而家好少地方做到，點左少少咖喱汁還不錯；腸仔係我哋平時食開嘅廚師腸，亦好抵食，3蚊1串，鹹味適中，質感較腍，不過不失。齋係比較推薦，完全吸收晒沙嗲汁，沙嗲汁唔算太辣，大約微辣嘅水平，沙嗲汁味道一流，配埋齋非常惹味。排隊等候嘅時間亦都頗長，預20分鐘。

農曆新年最好就係掃街，不過而家又同之前嘅氣氛差好遠，以前成條街都係啲小販檔，而家想搵都難。因為大家都唔係太肚餓，所以諗住周圍掃下邊度有呢啲小食。筲箕灣東大街冇開，轉戰小西灣太安樓呢度，好彩又相當熱鬧。巡左一個圈，最終決定排一條最長嘅人龍，就係魚蛋佬啦！因為好耐冇食過咖喱魚蛋，所以最想食呢一度！除咗魚蛋呢度嘅齋原來都好出名，我哋叫埋牛柏葉同腸仔。其實佢所有嘢都係同一個沙嗲汁，所以如果你覺得佢個汁唔好食嘅話，根本就唔使排隊。食完好坦白講，唔係我最希望食到嘅味道，真係食唔番以前細個嗰種味。魚蛋唔係陳皮魚蛋唔夠質感，真係所有嘢都同一個味道，新年期間又每串加一蚊，計落其實佢都真係幾好賺㗎。不過算啦都唔會成日食。本身仲諗住再去土瓜灣食煎釀三寶，點知佢唔開🤪

📍Hong Kong📍唔知大家最中意食咩街頭小食呢！雞蛋仔、魚蛋燒賣、牛雜！？今次又同大家去太安樓掃街！😍今次介紹既係Ami 每次去親太安樓必食既，次次都大排長龍，但我每次都會去排既「魚蛋佬」。次必叫魚蛋同齋！配上佢地個秘製沙爹汁😍呢個秘製醬汁唔係好似印尼沙爹汁咁超重花生味，帶有小小辣，但對於食唔到辣既你一定接受到。呢到會有魚蛋、齋、牛丸、墨丸、腸仔同牛栢葉！試過一次牛丸墨丸覺得口感一般般，但魚蛋同腸仔就唔錯！最最最重要係齋！😍真係真係一定一定要叫吸晒啲汁，好鬼正。🤤講講下又想食！Ami仔建議一定要比多$1蚊雞要個膠兜，如果環保啲就帶個盒去。因為第一次既我為左慳個$1，用紙袋。啲汁就默默痴晒上個紙袋到。🤯另外，Ami仔做有個私心食法。每次都會買成7 8串料外賣返屋企😂但因為我太愛個汁每次都會返屋企煮個公仔麵撈麵食。🤭提提您，魚蛋佬不定時休息，建議如果係為魚蛋佬去記得上IG FB睇下佢地有無休息。🤪______________________________
💰價錢: HKD $3-11😋味道: ❤️❤️❤️❤️❤️📍地址: 西灣河筲箕灣道57-87號太安樓地下A28號B舖

如果你周圍問人魚蛋佬係咩位置,西灣河人都未必知你問邊間, 但如果你問"太安樓沙爹牛丸魚蛋,日日排長龍"個間呢? 咁應該所有西灣河街坊都可以指到鋪頭位置俾你知.食物方面, 就係佢個沙爹醬,無論牛丸,魚蛋,牛拍葉,老味素都係點個款沙爹醬, 味道是很濃郁的.排隊方面, 由於是即叫即滾, 所以長期排長龍,老細係唔會一次過滾10串牛丸俾10個客, 而係每個客都係one on one即場滾熟牛丸魚蛋俾你睇.所以,如果你係一個超心急既人或超趕時間就千祁咪排隊, 但如果你千里迢迢慕名以黎就記住有心理準備,耐心等候,稍安無噪.

久仰大名 成日聽太安樓好多野食 🤓🤓可以掃街 🤓 連軒公敲碗都同林明禎去揾魚蛋佬😂😂😂身為九龍人嘅我 我真係廿幾歲人 第一次去😝 我5:30到左 佢6點先開門 😅😅所以就四圍行去等佢開門 周圍都好多小店 間間都有人排隊 不過可能太早到 好多都只係做晚餐宵夜。未開門😅6點02分 行番去揾魚蛋佬！ 嘩 ！ 已經排長龍！ 果然好受歡迎 👍🏻 買左一份牛丸 2份魚蛋1️⃣牛丸 👍🏻juicy 👍🏻超大粒 有酒樓牛肉球咁大粒2️⃣魚蛋 👍🏻不是陳皮魚蛋 👍🏻彈牙👍🏻沙嗲醬出色 唔太甜 有花生醬味 剛剛好 👍🏻沙嗲夠厚夠「傑」 好掛汁!!!! 店主唔吝嗇 比好多醬！

依日嚟太安樓搵食，聽聞依間魚蛋佬都幾出名，嚟到見到咁多人排隊就梗係唔執輸一齊排。當日去到唔算太多人，排左15分鐘內就有得食。最平3蚊就有條腸仔，最貴都係$10 就有牛柏葉，花枝丸😆😆今次想留肚食其他嘢，就試少少嘢食先，揀左$3 腸仔同$6 魚蛋。本身期望都唔算好大，但食完覺得個沙嗲汁真係幾正，沙嗲汁唔係得個辣字，係有沙嗲汁嘅香味🤪魚蛋唔係陳皮魚蛋，係類似四海魚蛋嘅口感。腸仔就係正常水準，$3唔會要求太高。咁嘅價錢咁嘅質素，真心好高質，依家依啲小店已經好少見，要多多支持💪🏻💪🏻💪🏻