魚蛋佬

營業中

休息中

嚟親都大排長龍，不過好快就排到，講真其實食物冇乜特別，重點係個沙嗲醬————————————————————————⭐️齋 $7 “索”晒啲醬汁，調味啱啱好👍🏻•魚蛋🍢$6 5️⃣粒 冇煮過龍，仲有少少彈牙，只係表面有少少醬汁，食落唔係特別入味•腸仔$3 煮咗好耐，煮到腸仔已經冇晒味，好淋，都係食到表面少少醬汁嘅味道😅————————————————————————整體來講，冇乜太特別，經過太安樓就過嚟朝聖下😂齋係必食之選👍🏻

千祈唔好俾佢個名呃咗佢叫魚蛋佬，但唔係只係魚蛋好味其實佢醬先係靈魂濃郁嘅沙嗲汁，真係點乜都好味！個人最推薦係叫齋，因為最索汁，可以食到最多最正嘅沙嗲汁😋最後一個提醒，因為買完立即喺店側邊食所以小心，小心啲汁整污糟自己件衫 同地下 🙏🏾

魚蛋佬，從名稱都知道與「魚蛋」有密不可分的關係。但原來，魚蛋佬最強勁的不是魚蛋，而是沙嗲醬……..話說賣魚蛋、牛丸，在太安樓起碼有3-4間，人人都賣，但最特別在於魚蛋佬賣到大排長龍，閒閒地20-30個人不在話下。但在云云競爭對手中可以鶴立雞群，魚蛋佬憑的是其沙嗲醬。沙嗲醬在店員手上接過，已經充滿香氣，強烈的沙嗲味已引人入勝，不是一味辛辣的感覺，是實實在在的沙嗲味。沙嗲醬入口起初不算辛辣，反而有獨特的花生味道，是沙嗲醬的靈魂，沒有濃烈的花生味道，根本算不上是沙嗲醬。入口後才爆發的辛辣感覺便是劃龍點精，沒有辛辣味便不是沙嗲醬，能將沙嗲醬拿捏到恰到好處，相信是魚蛋佬致勝的原因。但是魚蛋佬所賣的魚蛋卻較為遜色。魚蛋入口口感較鬆散，口感較參次，雖然重點在沙嗲醬，但相信換上陳皮魚蛋甚至爽口彈牙的墨魚丸會更美味。溫馨提示：買後即食，即食才可第一口品嘗個中美味。

太安樓最出名就係呢間魚蛋佬啦，上次嚟佢都冇開，今次嚟到真係超級多人排隊，排咗半個鐘終於有得食~佢哋嘅沙嗲汁得一個辣度，最平$3就有交易，最貴都係$10，好平好抵食，食多幾串都唔會心痛呀😆🍴魚蛋 $6 (8/10)$6有五粒，魚蛋好軟淋，係普通四海魚蛋味，魚味唔算濃，但絕對唔係麵粉魚蛋，沙嗲汁超級香濃，甜甜地，真係好惹味，直情想飲過沙嗲汁🤤🍴齋 $6 (10/10)有四舊，類似腐皮嘅豆製品，煙煙韌韌，非常吸汁，配沙嗲汁係一流呀！🍴牛柏葉 $10 (6/10)牛柏葉比較普通，雖然都爽口嘅，但好似有少少怪味，咁濃嘅沙嗲汁都cover唔到🤣🤣推薦指數: 9/10咁嘅價錢咁嘅質素，真係好高質，老闆好良心，咁平嘅價錢都比足份量，最好食係佢個沙嗲汁，如果冇咗個沙嗲汁嘅話就真係一般🤣但值唔值得排半個鐘去食一串魚蛋就自己考慮啦XD

今日嚟到西灣河太安樓 試一試魚蛋佬 一嚟到勁多人排緊隊 可能之前張敬軒有拍YouTube介紹過所以呢排勁多人食 咁排咗一陣就叫咗兩吋腸仔兩串魚蛋試一試佢個汁 其實都唔期望佢有好大質素因為其實睇佢價錢都係好平 應該都係普通來貨 所以主要應該都係食佢嗰隻汁 味道其實講唔出有少少咖喱味佢有啲似沙嗲味有少少辣但係主要都係屬於甜甜地嘅 整體味道其實就唔算話好好食 腸仔都係煮得唔夠熱 魚蛋都唔係好入味 醬汁太過流於表面其實就唔算好好食 不過依個價錢其實都算係咁 口痕嘅朋友都可以一試嘅

呢間可謂西灣河名物 究竟有咩驅使香港人排長龍 打哂蛇餅去呢呢串魚蛋呢？聞名不如相見 等我直掏龍門 一試見真章😛————————————————————————🐕 魚蛋 ($6/5粒）聽聞沙嗲汁喺呢間重心人物魚蛋會喺沙嗲汁沾兩次先上盒所以即使質感偏液態 都夠味港式沙嗲汁冇想像中濃郁帶有丁點辣嘅後勁魚蛋屬於偏中小size咬落偏軟非彈牙 略略都帶有魚味呢個價錢的確幾平不過又未到要專登嚟食嘅程度🐕酸齋 （$6/ 4件）酸齋好似塊海綿咁嗦咗幾多汁入口先被沙嗲汁搶奪先峰後來滲出酸齋嘅甜的確係幾特別————————————————————————

【#肥波街頭小食系列】🎈尋日免費搭車，肥波就捉左肥成去赤柱聖誕市集，排左半個鐘隊，行左一個鐘都唔夠，因為裡面實在太細太多人；食嘅野唔算特別但又係要勁排隊，所以我地就返出西灣河太安樓掃街。🎈不過因為下晝食左個麵好飽嘅關係，所以都唔係食左好多野！而且呢檔真排左好耐，排左一個鐘！但老闆娘超有禮貌，係咁話唔好意思要排咁耐，咁有禮貌真係排幾耐都抵～🎈大學時代已經幫襯過魚蛋佬，今次終於同到肥成黎食喇，yeah yeah 💛個醬汁係精髓！依然係好好味！係回憶中嘅味道🥢價錢依然好平👍🏻不過牛栢葉可以淥多一兩下會更加好，魚蛋同腸仔就正常😋💵 總共$22/4串；超抵！💵 腸仔 $3🍢魚蛋 $6🍡牛栢葉 $10🥢📍 魚蛋佬 @fishballman_taionbldg 📍 西灣河筲箕灣道57-87號太安樓地下A28號B舖#肥波掃黃行動 #西灣河美食 #西灣河黃店 #西灣河太安樓 #太安樓 #太安樓美食 #魚蛋腸仔

睇介紹太安樓美食個個都話魚蛋佬必試，講到個咖喱汁要飲埋，10點左右去唔算太多人，人龍保持住10幾個人，唔會再排第二次，個醬咁難食都可以咁多人排個咖喱醬一d都唔濃，偏甜，無咖喱香味，似用水溝稀晒既咖哩汁，但又好杰身，個汁完全唔得，普通到根本不值一試，如果大家去太安樓不如留番個肚試其他野魚蛋$6魚蛋烚到霉晒，好淋，一d都唔彈牙腸仔$3腸仔反而比較好，長期烚住所以無咁咸，但都係好淋，食到少少腸仔味同咖哩醬牛柏葉$10牛柏葉無特別

黎太安樓掃街前已經做足功課瘋狂上網睇有咩係必食然後發現幾乎每個人都會介紹魚蛋佬於是就決定黎會一會佢由於聽聞魚蛋佬條人龍十分誇張既關係我同友人6點鐘已經準時黎到門口已經發現前面有大概三十人排隊友人排左大概半個鐘之後終於輪到佢買左3串魚蛋 1串牛丸 1串芝士腸魚蛋 - 一串5粒，係正常既貨式，唔算話十分彈牙牛丸 - 一串3粒，size比起魚蛋大，食落好彈牙有驚喜芝士腸 - 一串3條，都係正常發揮，入面唔算太多芝士雖然食材本身既質感唔算好高不過最最最重要既係加係食材上面既沙嗲汁直頭令所有小食既好味程度直線上升汁本身非常稠身好掛身食落有少少辣但係又非常惹味搞到我同友人食晒都想飲埋碗入面d汁呀

🇭🇰魚蛋佬·我地之前成日夜晚黎食宵夜架 但係疫情之後已經超耐無黎啦🤭🤭見近排天氣終於涼啲 我哋就決定再嚟 不過今次再黎佢啲鋪頭好似都轉左好多🥺·魚蛋 l 齋 $6之後就係呢間長期都超多人排隊既鋪頭啦 我自己覺得佢幾惹味既 超級掛汁 不過都係沙嗲佬既沙嗲汁惹味啲😉佢個魚蛋都幾彈牙既 但係我地就中意佢個齋多啲 佢係串到一層層咁 索汁啲之餘口感都豐富啲😎😎·📍西灣河筲箕灣道57-87號太安樓地下A28號B舖·

由係巷仔食到入舖!近呢幾年排長龍我一定唔排!見無乜人先會排!尋日見到無乜人就買嚟食!食材係keep住新鮮! 雖然都係攞貨!但啲質素都係好!講重點啦!個汁???搞乜吖!根本就唔係以前嘅汁!大大話話呢間嘢我係佢伯爺個代食起!以前個汁真係無得頂!早幾年食個汁淡咗都仲接受到!尋日一食!真係想講wht the fxxk!!淡咗咁多!無香味!我只吃到少少花生醬味!!大家未食個更好可能會接受!!!

而家10點鐘後好難搵到食，突然醒起西灣河太安樓呢個宵夜好地方，所以即刻黎到諗住買啲宵夜食下。一落車見到有條長龍係到排緊就知呢間魚蛋佬唔簡單，屹立左係太安樓咁多年真係有原因😋🟡 魚蛋 齋 牛丸 牛栢葉佢地嘅自家製沙爹汁簡直係宇宙第一，香得黎帶少少甜品，又唔會太辣，所以嗌齋同牛栢葉呢類掛汁一流嘅餸就啱晒。成串齋全部都係沙爹汁🤤🤤 呢兩個餸絕對係誠意推薦，冇得輸魚蛋結實彈牙，牛丸亦都有濃郁嘅牛味，不過其實咩餸都好，最緊要都係個沙爹汁🤤

來到太安樓，就像是發現新大陸一樣🤩很多不同種類的小吃，今天就先來介紹相信很多人都知道的人情味小店《魚蛋佬》，擁有超好吃的秘製沙嗲汁，平民價錢，窮人恩物！—————————————————齋$6第一次吃齋，有點像豆皮和豆卜的結合，更像是麵筋，非常掛汁和吸汁🌟腸仔$3超便宜的價格，雞肉腸的味道，煮得偏軟，但也不妨礙它的好吃，我反而喜歡煮得比較軟的腸仔，更入味😋魚蛋$6魚蛋相對其他串物就比較遜色，魚蛋皮比較硬，以致不夠彈牙，但沙嗲汁搭夠，便宜的價格，多叫一串也不為過份。牛柏葉$10非常非常爽脆，煮得恰當好處，好吃到要再買一串😍又是非常掛汁份量十足！大塊大塊吃起來！超級滿足🤩❤️————————————————環境：👅👅👅👅👅食物：👅👅👅👅👅性價：👅👅👅👅👅服務：👅👅👅👅👅

魚蛋很普通，從其量是中上，咖喱汁是關鍵，卻也离驚為天人還有一段距離，勝在價格實惠，魚蛋6蚊，齋6蚊。但齋有一股很古舊的味道，像是嫲嫲家里發霉的床褥，一股潮濕的，黏膩的，充滿歷史感的味道，不知道大家明不明白😂😂😂，如果純粹想嘗嘗咖喱汁的話，推薦叫一串齋，因為它皺皮的關係，吸滿醬汁，撇去豆腐串本身的霉味不說，還蠻惹味的，喜歡咖喱可以來試試

西灣河嘅太安樓出晒名多野食好多年前嚟過掃街 對呢到一直念念不忘可惜地點實在離我太遠 所以一直都未有機會再嚟咁啱呢日同朋友喺小西灣行完山就決定嚟呢度搵野食補充體力🐒呢檔魚蛋佬係我一直都記得嘅無論沙嗲醬定魚蛋都非常出色憑住幾年前模糊嘅記憶 終於搵得返佢喇🤩舖頭細細間 Keep住都有人排架 不過唔洗擔心 都會好快買到🤣嗌左一串魚蛋一串齋 ($6+$6)沙嗲醬好香好濃 有花生香 而且唔太辣魚蛋都幾彈牙 齋就吸晒啲醬嘅味道 兩樣我都好推薦隻醬真係第二到食唔到嘅香同好味性價比超高 食完真係好滿足！