魚鈁 (汝州街) (已結業)

今次都有叫左其他野，不過上次都有食，所以唔重複了，只想講今次食薑蒽魚卜魚春煲是有驚喜的。比麻辣更香更好食，而且仲原來可以叫佢再乾身啲（炸香啲），所以一定要推介。炸香左既魚春吸收左薑蒽汁實在一絕。另外四季豆走肉落麻辣炒是好食的。（一定要有麻，淨辣唔得）另外焗蜆都好正，今次叫左剁椒，啲汁其實有啲似湯，飲左幾碗辣湯，都幾好食。不過上次叫既原味好食啲，下次都係叫返原味。今次食飯組合得三個大男人，但魚春煲就叫左三個（二麻辣一薑蒽）。今次後薑蒽已成為新寵，下次應該只叫薑蒽算了。

一向有幫襯筲箕灣魚鍋，見佢開咗間姊妹店，所以去試吓。果然保持到質素鮮味，夠鑊氣，正！特別介紹，魚春魚卜煲，新鮮惹味，真係其他地方食唔倒! 淨魚卜無咁正，一定要order魚春魚卜先最正!焗蜆，我通常order原味，少少辣，啱啱好。椒鹽豆腐，皮脆脆地，入面滑，豆腐香。鱔煲，爆咗蔥，香口，鱔永遠新鮮，彈牙，正！我致愛甜品，擂沙湯丸，南瓜餅，出面少有，大滿足。PS. 位置方便，又有圓枱，好適合一大班朋友聚會!😃難得的小店~

難得細佬妹得閒食飯，經過新開既魚鈁又覺幾吸引，我又鐘意食辣，就走入去試下，估唔到咁有驚喜。細佬本身因為健康唔食肉，所以就叫左兩個菜兩個煲。點知魚春煲太吸引令細佬破戒食左勁多魚春XD。同埋服務好好，我地勁多要求都得，炒四季豆要走肉加麻又得（仲要煮得好食），加麻減辣又得（咁其實好多餐廳都得），地方又幾好坐。仲要因為未有酒賣可帶酒去飲，價錢又公道，近近地下次要再帶朋友過黎食先得。

早幾天發現深水埗新開了一間吃川辡店鋪，相約家人今晚到此一試，味道確一流。由其是薑蔥魚春魚卜冇得頂，麻辡田雞煲正，酸菜桂花魚窩好正，D職員服務好好，我喜酸菜要多些，員工立刻幫我加添，可能店鋪新開張，顧客人數不算太多。所以值得再去吃

2人行 想搵小菜食 傾下計發現西九龍中心附近有間川菜一於試下上到黎環境👌🏻喎夠曬乾淨舒服菜單款式比較特別 夠多選擇 最後嗌左麻辣魚春魚卜煲好食平時唔食魚既我都忍唔住食曬炸過既魚春口感唔錯鍋底仲有蘿白同薯仔條椒鹽豆腐粒 推介暫時食過最好食既一間再加多個海鮮泡飯