魚鈁 (汝州街) (已結業)

深水埔區食小菜,依家唔去d 乜乜大排檔架啦,去魚鈁大把野食啦,又冇d 嘈冤巴閉既大叔,又有得舒舒服服坐卡位,今日食左咩呢...麻辣魚卜魚春煲,超邪惡,又麻又辣,魚春脆口,魚卜彈牙,好鬼正.酸菜魚,新鮮魚,唔太酸,唔太辣,適合入門人士.原味焗蜆,新鮮蜆肉,鮮甜冇沙,好自然隻接一隻咁啪.乾煸四季豆,爽脆四季豆,鹹度剛好,食到想扒飯.炸饅頭配練奶,男人最愛,我一粒都食唔到.紅豆沙冰,綿滑沙冰,啖啖紅豆甜香.青檸沙冰,酸甜冰凍,食完辣野啜一冰,腦袋爆炸~仲有好多想試,但胃口有限,下次再食.

魚鈁原來以前係大排檔 依家變佐中式既小餐館～～ 除佐川菜 仲有好多地道小菜 連雞煲同魚鍋打邊爐都有 小店最出名應該麻辣魚春煲!! Lunch都已經見到好多枱食緊🙈好似好惹味咁🤤下次黎真係要試下～.◽️水煮牛肉上海麵 $58😋👍🏻：👅👅👅👅.8/5分Lunch仲包例湯同飲品～ 菜乾湯飲落一啲都唔馬虎 每碗都有好足料既菜乾 好住家咁好飲😍勁大碗!! 水煮牛肉食落都幾辣🤭 係我至愛既麻香味🤤 牛肉片份量都好多同大大塊 咬落唔會過韌 仲落佐好多芽菜同木耳做配料🙆🏼‍♀️.◽️酸菜鯰魚片上海麵 $58😋👍🏻：👅👅👅👅.7/5分同樣地可以轉水煮/鮮茄湯底～ 一黎到就見到勁大塊既魚片舖面 唔會好鬆散 食落幾嫩滑 不過就有啲多骨😶 (可以+$5轉桂花魚)湯底落佐好多酸菜 芽菜 菇 蘿蔔片 泡椒去熬 酸味同魚既鮮味好夠～～酸味較重中和佐泡椒既辣 所以辣味唔係好重🙈 不過個蘿蔔太索味好酸🤫 上海麵好有彈性 卦汁之餘又唔會過林 亦都可以揀配粉條/米線/飯🙆🏼‍♀️ .總結，Lunch真係好抵cp值好高🙆🏼‍♀️以後想食重口味就知去邊😛今次試佐依兩款都好地道好正🤤味道同平時出去食一大煲冇乜分別😍除佐依兩款仲有好多款可以

呢間好岩同一大班朋友黎食 座位又夠闊落之前食過已經覺得小菜好夠鑊氣 全部都覺得好好食清炒土豆絲 雞煲 d雞肉夠多 唔似其他鋪頭個d細細舊肉 骨又多 炒萵筍絲薑蔥魚春煲 呢個真係推介 次次黎親都必食炸饅頭炸大腸

朋友急call,要搵飯腳打邊爐,本來唔想出街,仲要今日下午昂船洲火燒貨船,成個深水埔都係燒膠味,煙霧迷漫,我地帶豬咀都仲聞到少少味,咁我就話近近地魚鈁食啦,跟手打去訂枱同留份麻辣牛骨髓,我地上到佢朋友已經到左,仲叫埋雞煲,椒鹽豆腐,同埋生煎包.牛骨髓上枱啦,麻,香,辣,同軟滑牛骨髓配埋實在太正啦,佢地食唔辣既雞煲,反而唔太習慣添XD平時食開辣既,雞煲有冬菇,椒鹽豆腐外香脆,內滑溜,生煎包我冇食XD跟住我地叫左D 火鍋料打邊爐,牛呀羊呀雞子呀蠔呀鵝腸呀咁啦,仲有炸魚皮芋絲啦...不得不提佢地既沙冰,有菠蘿沙冰,青檸沙冰同紅豆沙冰,邊食熱辣辣火鍋,邊飲凍冰冰沙冰,爽呀.到走果時d 煙都散左好多啦.

今日約左朋友聚下，之後又太耐冇食火鍋，所以就黎左呢間魚鈁食。我地叫左大鍋嘅重慶雞煲、原味焗蜆。至於飲品方面我地就叫左珍寶菠蘿雪山(菠蘿+椰汁)同珍寶紅豆冰。先講個雞煲，佢有分同辣嘅程度，可以滿足唔同人嘅口味。而且個雞煲真係好大煲，我地幾個人都係差D食唔曬。而佢D雞好好食配埋D辣味簡直一流。至於焗蜆我覺得真係必食，因為真係好好食，食嘅時候可以將蜆肉放落去D汁度，個汁有麻油味，所以聞同食嘅時候好香同好好食。另外野飲方面，呢杯珍寶菠蘿雪山大就真係大杯嘅，而且佢可以消消雞煲嘅辣味，但美中不足嘅就係杯野冇乜菠蘿味。而杯紅豆冰就冇得講，因為大杯、多紅豆，而且好好飲，一流。

開放晚市堂食第一餐， 當然支持一下香港人店舖。 午餐食咗西餐， 夜晚食返啲中式野。叫左青椒魚鍋(鯰魚)， 味道很有家的感覺， 魚湯底（其實有啲似濃湯寶陣味）， 有足夠酸味麻味而不蓋過其魚湯味。 鯰魚口感正常，唔會一夾就散， 份量也正常。 配料就比較單調， 只有萵苣。 另外叫了涼瓜炒肉絲, 份量也不少，涼瓜也能保持爽脆，有苦瓜應有的苦味，肉絲偏肥，口感不佳而且整體偏油另外點了一杯青檸沙冰有青檸味，不會太甜

建議：N訪水準一樣keep到，繼續Encore 魚卜 🐟魚鈁絕對稱得上係 Fd 子食堂，每當唔知食咩好就一定又係去魚鈁🤣 依家凍凍地，好岩食。今次試左：薑葱炒魚卜魚春 (HK$108) 、蒜泥白肉 (HK$58)仲有超爽蕃茄莎莎冰 (見圖3)上次食試麻辣，今次薑葱炒。一樣好惹味，魚卜好彈牙。配上酸酸甜甜既蕃茄莎莎冰，真係食得好爽。未食完餐飯，已經plan 幾時再黎🤭

本身都係佢度嘅常客，魚春魚卜，水煮牛肉食過無數次都唔再講喇但lunch都竟然有驚喜！我唔expect係一間食辣野嘅鋪頭食D 普通炒飯客飯都會咁正法式牛尾，賣相靚又超入味生炒牛飯，睇相都知唔錯啦四十幾蚊有湯有野飲咁質素超晒班之前食過楊洲炒飯，係好香同堅好味，估佢唔到係咁嘅環境入邊，真係好希望呢D有 heart嘅鋪頭可以生存到落去，先唔講佢顏色，野食係真係有水準又有heart，價錢份量都非常合理，真心難得

天氣凍最適合食辣野，衝住魚春魚卜煲黎魚鈁試一試🤩麻辣魚春魚卜煲$108唔好睇佢好似好辣咁，其實辣得適中，唔太食得辣既人都食得好滋味（小）酸菜魚（桂花魚）$218留意返個酸菜魚本身係唔辣，要自己同佢要求辣，因為我地怕食唔到太辣，揀左少少辣，出到黎一啲辣味都冇，所以可以放心大膽啲叫辣啲🤣不過其實唔辣反而食到佢既鮮甜味，連埋湯咁飲蒜茸萵筍絲$52

💛 魚鈁 💛..............................因為油渣同南瓜要約飯局所以油渣就揀咗間睇落好好食嘅黃店試下😈.🔅想知黃店原因請Pm💛..............................🍽麻辣魚春拼魚卜煲 $108 （👏🏻7.5/10）.魚春有預先炸過再煮 所以食落比較實淨食落都食到啲魚油香 唔會比麻辣味搶哂😳對比之下魚卜就無咩特別啦 都係爽口彈牙咁魚春同魚卜都唔腥 帶少少豆豉味辟腥雖然呢味餸份量偏少 但比較特別 出面好少有😈.🍽原味焗蜆 $108 （👏🏻8/10）.湯汁好鮮味 好重薑蒜味 感覺好補咁😂個湯飲落好鮮甜暖胃 一定要飲🤤啲蜆隻隻都好肥美 食落好新鮮唔會霉不過有幾隻有沙 吐沙吐得唔夠乾淨😫.🍽重慶雞煲 (少辣) $88 （👏🏻8/10）.雞件嚿嚿都好滑 都幾重雞味🤪另外仲炒到焦焦香香 唔會求其放入去就算配料方面有冬菇 秀珍菇 同埋豆卜同行5人都話豆卜索晒啲汁超正！！雞煲醬食落唔會好麻 有輕微咖喱味呢個推薦大家叫 好味好味😋.🍽乾煸四季豆 $58 （👏🏻6/10）.四季豆啲絲無搣乾淨 食落有啲渣😖食落好重鑊氣 甜甜地咁 醬香味濃不過食落有絲同埋好細

實在好耐好耐都冇食過川菜，所以心血來潮都想辣一辣，順便試吓自己食辣嘅功力有冇退步到真係見到個Menu都興奮，所以最後兩個人叫咗四樣嘢，最後竟然成功清晒，因為實在太好味。食辣野當然唔少得水煮魚，我哋俾貴少少揀咗桂花魚，因為可以啖啖肉又冇乜骨。我哋叫咗中辣，好彩惹味得尼都唔算太辣，桂花魚真係好滑，冇叫錯。朋友好想食麻辣魚春煲，本身唔係好食內臟嘅我，幾經掙扎都決定捨命陪君子。但係個魚春煲貌相一啲都唔討好最後鼓起勇氣食咗一細舊，竟然好好味。啲魚春係炸過比較乾身，加埋麻辣，一啲腥味都無，好香口，如果唔講其實唔知自己食緊魚春，係會食完想再食，送飯一流。嗌左兩樣辣嘅嘢，就嗌返一個唔辣嘅油鹽水煮蜆平衡返，個蜆就唔算好大隻，不過同個油鹽水煮埋就勁鮮甜，我差啲飲晒啲湯唔知點解我覺得食川菜一定要有土豆絲，所以埋尾就嗌左個辣炒土豆絲，冇乜特別，不過為呢一餐畫上完美嘅句號

朋友聚餐想烚下烚下，又唔想咁肥....最後揀咗呢間專食魚。內裡格局有啲似點懷舊味道，連招呼都有啲似 😂😂呢度有火鍋同好多配料，唔同魚煲湯底同魚款，好多菜式花多眼亂，結果大家都選擇困難症，最後伙記走過黎介紹完，大家即刻好有食慾咁叫菜，果然專業 🤭魚鍋選了青椒底，配桂花魚。青椒底湯底略嫌太清淡，另提供辣椒粒，但唔係一齊煲始終唔出味。但桂花魚鮮甜好味，裡面有配菜芽菜同萵筍。麻辣魚春魚卜超好味! 另叫咗火鍋料牛柏葉俾佢 😋😋 另有薑葱版俾唔食得辣既人。涼拌皮蛋豆腐，仲有蒜茸炒萵筍絲都大鎇值得推介，好好味。辣酒煮蜆雖然蜆鮮甜，但味道唔夠酒味....應該揮發洒，仲有點淡味，可能俾麻辣麻痹咗食唔出 😂

特意來呢間黃店揾食，果然都唔少人，平日晚上都要等一等位，但我哋到埗時都8點幾，依然要等15分鐘左右餐牌都多選擇可以自行洗碗碟水煮桂花魚配紅薯粉$218魚片嘅size都幾細，而且唔算多，好快都已經食曬鍋入面嘅魚片了。雖然寫小辣但都好辣下，惟獨好在有個細火keep住加熱，可以熱住食，但就越食越辣。整體嚟講都普通，價錢set得偏高麻辣雞煲 $88雞肉都好碎，冇太多肉食，煮到啲薯仔都幾入味，我反而鍾意食個薯仔最後人均都食咗$200，但整體覺得太辣太油而材料缺少鮮味，會唔會揀打邊爐好啲呢？

在西九龍中心附近，樓梯上一層就到，餐枱之間有距離，有紙板隔著。預約了七點半枱，大約八時多已經全場坐滿。青椒魚鍋 桂花魚小鍋 | $218要了正常辣，但都覺得沒有什麼辣味，餐廳另外給了我們一些辣椒加辣。桂花魚沒有骨很滑，湯底配料有青瓜、萵筍、芽菜，有椒麻味。麻辣魚春拼魚卜煲 | $108平時都不食魚春及魚卜，但這個麻辣煲十分惹味，令我忍不住也要試試。魚春及魚卜超入味，麻辣湯底好濃味。朋友說魚春煮得過熟，我以前未食過不認識，但味道是幾碟菜中最濃郁及辣度適中。剁椒焗蜆 | $82焗蜆有很香的酒味，不太辣，BB辣度，但蜆間中一兩隻有沙，份量都多，全部新鮮開口。涼拌皮蛋豆腐 | $32不食皮蛋的我只吃了豆腐，盒裝豆腐嫩滑，但不太能夠沾上醬汁，味道較淡但清新。蒜蓉萵筍絲 | $52朋友很喜愛吃萵荀絲，蒜蓉炒也不會油膩，萵荀絲清甜。當餐前小菜食也不錯。這間川菜令人幾有驚喜，有機會再來食多次魚春拼魚卜煲🤣🤣

無意中見到ig post分享麻辣魚春煲麻辣好多店都有 但魚春就唔係間間有個煲黎到一陣麻辣香 魚春浸住汁一路滾住 好入味 而且份量唔小 大大舊除左魚春 仲有魚春mix魚卜揀 下次要試埋呢個先得麻辣燙 見隔離枱碟牛肉都幾大碟不過最後都係揀左羊肉 特別啲黎到羊肉片幾厚份量都唔少 個煲入面有金菇做配料 正酸辣粉 粉條好食 但屬偏酸少辣個類炸饅頭 無咩特別 不過夠熱夠脆即炸呢到特別在 麻度 辣度有6個選擇 岩晒唔食得辣又想食麻辣既朋友 野飲大杯 解辣 爽