魚鍋小甜甜 (已搬遷) 新店位置

中午同friend一起來食飯，服務態度差，明明叫左午餐，湯都唔俾，人地仲未叫野食，就已經端湯上來，叫杯凍檸茶飲，唔知擺左幾耐，飲落去有陣味...中午同夜晚食真係好大問題！

早排 妹妹傳左 2 張相俾我驚見魚卜魚春鍋(以為我睇錯)同一張大特寫立馬問地址 再問埋同事收完工 有無興趣食(夜宵時段)包埋我 3 個人地點好易去，筲箕灣c出口，行 2 mins就到了雖然妹妹都有推d好味但staff都有建議 重點菜事實上 仲有好多想吃， 奈何是夜宵 同得 3 個人叫極都有個限制 3 個起 4 個止如果仲有下次 希望可以食到 黃鱔，白鱔野食都係等10 mins左右就到la魚卜魚春鍋 都可以選 麻辣/薑葱/啫啫/仲有(我唔記得la)好吸引我ar 個鍋一上我見到滿full魚春 同 魚卜我個人就like魚春多d因為係有油炸過無散到 夾都夾唔到而魚卜 就係淋身d果隻唔好見咁紅 我只order 最微果個辣度原味焗蜆名叫原味 但會有 dd辣但係 係呢個 籽辣 可以接受的呢個真係好正 個個都食到人人都食到15-16粒 仲要無吉殼粒粒有肉 仲好入味jumbo青檸樹大大杯 沙冰唔快溶 清炒土豆絲好爽口 又大碟唔辣 但簡單味美

今天星期日，見有酸菜魚，便和老婆中午來吃。食物是正常，不難吃。但客人只有三位。但有個樓面人落單問食咩，說了三次，結果我果碗上海麵變刀削麵，老婆果碗魚片麵變魚腩麵。其他枱，食客食完走左，又唔執枱，只自己玩手機。單落錯，野唔願做，仲鬧阿婆不要亂坐位。真係感謝他老闆請了這個樓面人。bad bad bad service其實個樓面都算後生，點解咁早好似唔想做，作為顧客，你會由坐一刻，受他氣，又廢事話他，以免碗麵比他加料。没有下次。我是第一次寫評語的，原來要比評分，要寫滿200字，openrice, need change this requirement la...

朋友誠意推介下黎左筲箕灣食呢間川菜館～佢既午市套餐好抵食，去到五點都仲嗌得😆•🥘麻辣魚春 拼 魚卜煲（$108）🔸7/10叫左中辣，火鍋咁上既關係，愈煮愈辣🔥幾惹味，送飯一流。魚春口感幾得意，煮到後期好入味，但都幾碎，要用🥄食。魚卜滑得黎又幾爽口，唔錯。下面仲有好多蘿蔔，勁入味•🐔口水雞套餐（$42）🔸6/10包白飯 同 飲品d雞幾滑，好大舊，份量幾多，仲有好多青瓜絲墊底。但可惜個口水雞醬偏鹹😖味道唔算太好•🌶北川涼粉（$38）🔸6/10呢個粉幾得意係正方長條形。用左好多蒜頭，辣椒，蔥花，鼓油調味，令個味道好似平時打邊爐點個蒜頭辣椒鼓油咁🤣🤣個涼粉食落係暖既，一問先知要晚市先會放入雪櫃整凍佢🙈凍食應該會好d————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️💫味道：⭐️⭐️⭐️性價比：⭐️⭐️⭐️⭐️💫回頭指數：⭐️⭐️⭐️💫————————————

味道好，要介紹下。去鯉魚門渡假村玩，午餐搵野食。旁邊台灣嘢冇開，誤打誤撞去了這間，論裝潢真的不會自覺走進這間,但其實門口貼了很多電視採訪照，時間又趕，又有位，試下。這店裝修真的很殘舊了，但坐下就擺低兩碗湯，好足料，見餐牌幾驚喜，好特色，而且價錢不貴。午餐餐牌很多麻辣、酸菜及其它飯餐，睇真D會覺得有D怪， 點解酸菜魚麵會貴過飯，但因為想食，都叫了酸菜魚刀削麵麵。這裏真的很多麻辣的款式， 而且用了很特別， 不是在街常見到的，例如不同魚的款式，生蠔，雞子，魚春，牛骨髓，你未必會食，但真係幾特別。可能呢度係麻辣集中營。睇睇下環境， 其實這裏極像是大排檔搬入室內鋪的格局， 環境比較粗糙， 有大排檔的插筷子，所以環境真的比較佬味，這裡還有另一分店專做夜巿，這店也營業到4AM應該主打夜巿，午巿其實俾街坊食，而食客真的是佬味多，睇到呢度真係未必想來食，但食物真係好食，所以要繼續介紹。刀削麵的麵有質素，是扁款，值得吃。而汽水也整罐上，就是大排檔的豪氣風格。另外有健康飲品選擇，是王老吉，蘋果醋，綠茶，咁多飲品其實好有誠意呀！酸菜麵的湯是只有酸菜味 ,沒有辣味, 所以怕吃辣的完全不用擔心, 小朋友也可以跟我

以前覺得魚窩只係做晚市打邊爐，完全唔知午市都有，所以今日專門試下。同事叫左酸辣魚腩麵，魚腩肉質細滑，有大骨，味道鮮甜，應該有煎過，所以比較香，仲有多年又大的魚腩，唔錯！麵質普通，寧願加$叫辛辣麵會更正！湯底呢？滿滿胡椒香，味道濃郁，唔覺落左味精。3餸1麵麻辣燙$32份量少少的，但配餸質素唔差，有豬手、蓮藕等，湯底跟魚腩麵一樣，只係加多左少少麻辣，感覺並不突出。例湯真係例湯味！場內人士都係街坊為主，食魚的餐確實很不錯，但其他野就好普通了

平時唔會寫任何評論..今次第一次寫差評。個日同女朋友行完石澳，出返筲箕灣行東大街穩嘢食，行曬成條街.見到尼間嘢有酸菜魚 又好似幾多人食咁 就揀佐尼間啦..入到去 坐中間隔離走廊 好逼 員工行過隨時都撞到..然後睇佐餐牌 見酸菜魚 有分大細鍋同埋魚，見最便細鍋 鯇魚138，諗住食好小小 就叫佐個桂花魚218 細鍋..上到黎 見個鍋都唔細 就咁肉眼望層面好似好多咁，點知我撈一撈個底...全部芽菜........明明好肚餓..白飯都唔諗住嗌了。魚片兩人食加埋都唔知有冇15片..仲要幾舊大魚骨....湯底又咸 酸菜都冇乜..全程勉強咁食曬鍋芽菜 開頭嗌佐杯菠蘿雪山，食完鍋嘢都未上..叫住杯水頂住先 我地食到8成鍋嘢先同佢地講1次杯嘢仲未上 就話唔好催 ..我見遲我地幾台既客杯嘢都上佐 係得我地杯嘢未上..最後食曬先上到黎 齋係到飲杯凍嘢 .仲有嗌碟小菜 清炒萵笋絲 尼碟可以嗌黎試下既 酸菜魚就.....唔推薦啦 仲要收加一最後都係要返荃灣再食小小嘢

今次第一次寫食評，原因係我睇左呢間魚鍋嘅食評，所以被導幫襯，点知比人伏左，所以忍唔住，寫D事實出黎，等大家衡量好唔好浪費金錢？呢到地方太迫太嘈，迫到同左，右，前，後唔識嘅人，好似坐埋一枱食飯咁。好唔衛生同唔方便。今日叫左水煮魚春魚卜 ，涼拌麵都ok, 乾扁四季豆，但係味道又甜又咸，想點呢？烏江魚鍋( 桂花魚)，要218加一，得幾片無味魚片，兼湯底又咸又油，真心想講魚鍋賣嘅魚鍋堅唔好食，加埋其中一個年紀較大戴眼鏡嘅男侍應九流服務，叫又唔睬，又無記性，睬左又唔做，想点呢?不如唔好做，免得阻住另一個勤快又友善嘅戴眼鏡男侍應啦!總括，埋單要472元，我不會再幫襯，用呢個價錢可以有好多選擇，重点係有安樂茶飯食，唔洗受那個男侍應的氣

筲箕灣多好嘢食係人都知這間魚鍋小甜甜我已經食了幾次，水準保持得很好，所以這次專程介紹朋友來食，最愛川菜店面不算大，但是整齊，還算坐得舒服首先上菜，麻辣魚肚煲，我每次都必點，其他餐廳比較少有的菜色，非常野味，辣度剛剛好，用來配白飯一流魚肚非常爽滑另一推介，魚春煲一道很特別的菜式，你沒有想到魚春會這麼好食，熱辣辣上菜，魚春非常新鮮，吸滿香濃的醬汁，太正酸辣土豆絲，開胃小菜蕃茄桂花魚煲，魚非常爽滑，新鮮，好味到連湯都飲埋，好正朋友都讚好食

東大街出名多美食，所以隨意入去一間食店也喜出望外！雖然是午市套餐，但完全不馬乎！真材實料，魚湯香甜，蕃茄厚肉及很香的番茄味，魚片又大片又新鮮，而且份量不少，以為午餐只比二、三片，但全碗都是鮮魚片及蕃茄，實在十份滿足!

魚鍋 我一向支持既小店雖然質素間中會唔穩定不過價錢係東大街算抵選擇多但都係叫車仔麵三餸連飲品都係$30刀削麪比擔擔面好食可能同759 既差唔多煮到剛剛好係有口感個層麻辣紅油幾惹味通常佢都唔會俾好多唔夠都可以叫佢再拿鍾意食辣其實都幾正魚蛋大大粒都幾彈牙白蘿蔔亦炆到啱啱好透曬吸曬湯汁好好味牛腩常常不經意大份大件到我要打包回去有時因為太大而唔林咁抵食之下無同佢講酸菜雞就一時一時時多時少時快時慢性價比相對無咁高

今日難得同啲仔星期二流流出街食飯，遇着間店有好服務。話說打邊爐大少叫咗個出前一丁，佢望住個粥底邊爐，實在吾想用。我同大少你眼望我眼之際，店主已明我地心意。仲問清楚大少麵嘅軟硬度，要味粉，係咪分兩碗。你睇佢地食得幾滋味！👍🏻多謝晒！🙏🏻

無辣不歡的我平時煮麵我都要加辣椒漿在香港區有一間小店、試過一次後一試難忘。店舖細小，帶我BB去是不容易的！所以我決定今次叫外賣今晚在家撐枱腳麻辣青瓜青瓜清爽、相當開胃干扁四季豆、是老公最愛！他喜歡吃素於是我要求老闆不要加肉！當然老闆亦答應了我的要求..沒有肉四季豆一樣很好吃！椒鹽豆腐粒炸的東西最好堂食，回到家 所有豆腐都不再脆卜卜了....川北涼粉他們混合了紅醋、蒜頭涼粉質感很軟，超級開胃麻辣魚子魚春煲這個真心推介魚子魚春超多！魚子囗感非常結實！絕對要配合白飯一碗！辣度適中剁椒焗蜆第二個真心推介最後兩道菜本人每次別叫蜆肉鮮甜、保證隻隻開！！這樣的價錢蜆肉超多！超級抵食！這個是很辣的我最愛它的湯底

已經幫襯了很多次，欣賞食店能一直保持水準。店內提供不同款式的魚煲同雞煲，食物新鮮，味道正宗。亦有經典的香口食品：椒鹽豆腐、椒鹽九肚魚、雞翼尖都好好味。每次都見到很多人在打邊爐，食物都很新鮮。沒有時限，唔會食得咁急。

我倆已經達到吃火鍋慶祝情人節的年資，第一時間想起東大街的魚鍋小甜甜！！雖然本人只有吃bb辣的level，但對其他不辣的火鍋總是提不起勁，一於bb辣就bb辣啦水煮桂花魚鍋，bb辣，小麻配粉條一碟！桂花魚片新鮮嫩滑，炒過的辣椒香味撲鼻，麻辣湯底惹味，辣度剛好！手切牛肉厚身，牛咪很重，油脂分佈平均，入口即溶！炸腐皮雖然有別於響鈴，但都同樣是吸湯好幫手，腐皮吸滿麻辣湯底真是好吃到無朋友！餃類相對共他新鮮生料較為普通，魚皮餃皮厚，感覺不太新鮮。隨魚鍋附送的粉條爽滑彈牙，吸滿辣湯的粉條份外惹味，越食越想食！幾乎每檯都有點的薑蔥魚春鍋，非常足料！魚春炸得香口，配白飯一配！現在很少餐廳會製作這款較傳統的懷舊菜式，絕對值得為佢而再來。在大陸一試便愛上的天地壹號蘋果醋，打邊爐時喝一口，簡直是絕配！發現原來都幾多情侶和我們一樣來慶祝情人節架喎... 呵呵呵!