魚鍋小甜甜 (已搬遷) 新店位置

本人好鐘意食魚，同食辣。所以成日都會周圍找辣魚食。今次男人話筲箕灣有間食水煮魚吾錯，所以專登去到咁老遠去試下啦。但食過之後...都覺慈雲 山是最好吃的水煮魚！～原來小甜甜分2間，飲酒同不飲酒選擇，如果打去訂座同一入去已經開口問飲吾飲酒。最後2個人叫左3樣野，2枝啤酒和1杯青檸樹。麻辣魚春煲係比較少地方會的餸，而我都係第一次食這個，比我心目中易入口，但其實都好油，但送啤酒最好選擇！1）麻辣魚春煲 $88：跟爐一起來，熱呼呼的辣味加上有炸過的魚春，很香口。但可能炸得吾太好，有一半都係爛了，但魚春碎吸了麻辣香更好味。而底部有蘿白和青瓜，因為都 吸了麻辣香有少許辣，但還有蘿白和青瓜的味道，不錯之選。2）水煮桂花魚 $198：水煮底部應該有的都齊，紅薯粉另上，可以吾會全部淋晒食吾到。桂花魚味道都滑，但可能太薄關係，好易爛。辣度一般，不叫十分出色。但勝在價錢合理。3）手拍青瓜 $32：太大舊，如果可以碎返少少入味之餘好易入口。最後食左2個幾鐘頭，味道整體好味道，價錢又合理。客人其實都吾少，2個鐘頭沒有空位，最好一係早點來（今次7點），如果吾係最好訂座為上！

天寒地凍，夜麻麻又肚空空，同朋友仔決定去食下辣野暖暖身，選擇魚鍋小甜甜因為鍾意佢D野新鮮又夠辣，而且開到零晨4點可以慢慢坐，傾下計。今次點左麻辣生蠔煲，係除麻辣魚春煲以外既第2最愛。下單時特意要求生蠔不要煮太熟，而辣度則選擇了正常辣（嗜辣者可選大辣以上的辣死級別😅），食落口剛剛好，辣中帶甜。除左生蠔之外，呢個煲還內藏薯仔，羅白及青瓜，食完主菜，配菜都入晒味，因為太好食，結果主菜及配菜都比我地清晒，一件都冇淨。正！

星期六上午同阿媽飲完茶，晚上相約幾位友人去筲箕灣東大街「魚鍋小甜甜」食飯GATHERING。本人係第一次去呢間食店，由於係我其中一個朋友推介呢間店，所以當我知道去呢間店我就去OPEN RICE SEARCH 下，結果只得一個食評，仲要係食家當時係幫襯午飯時段，所以本人抱住好奇心態去試下。當日我朋友已經係一星期前訂了位，我哋一行6人亦好準時7時到達，所以我哋都可以即刻可以安排入座。間店舖不是好大，環境一般，枱與枱都好窄，背對背，坐得唔舒服，希望能改善一下。至於服務又麻麻地，連水都唔比杯人，今時今日食晚飯好少唔比水，要食客開到聲就冇引啦 !我朋友首先點咗個鍋「奇味雞煲」先，講開呢個湯鍋，材料有好多雞件(即雞雜)，洋蔥，雞紅……所以個湯底比較濃，但大家好堅持試下個湯底先，結果….好鹹，好油，好”傑”，好似汁咁，跟本唔可以當飲湯，我估佢哋知道之後不斷加水個湯底會希，所以特別濃。不得不提，由於個湯底有D雞紅，大家都未能每人一件，而且大家又想ENCORE再食，原因只得一個因為太好味，D雞紅好入味，好鬆，但又唔容易爛，推介之一。之後我哋叫咗手切肥牛肉，蠔，黑柏葉，鵝腸......... 不過又再講

通常火鍋店都唔做午市,印像中只有北倒翁有做LUNCH點心和火鍋.估唔到係東大街搵食中既我,比我見到呢間叫魚鍋小甜甜既火鍋店有LUNCH食,仲要係食粉麵.抱住好奇心入去睇下有咩賣點MENU中有粉麵類亦有客飯.但係我一心想食有湯既物體,所以由粉麵出發,簡左鮮辣魚頭粉條$62,因為寫住鮮辣都唔知係咩,而且有魚頭食好似幾爽.鮮辣魚頭粉條SIZE超巨型,如果你食過馬來西亞既咖哩魚頭,就係類似咁既SIZE,十足人頭咁大,魚頭炸過放落湯,吸收鮮辣湯既味道十分惹味.而這個湯味道有點似譚仔加上小肥羊既湯底,帶香料味而且辣椒味突出,辛辣度不過份,可能魚頭既關係,湯的確帶點鮮,改鮮辣呢個名又真係O岩.你可以看看我的SPOON,就可以幻想下個魚頭有幾大粉條類似薯粉,但煮過火帶軟身為美中不足.除了魚頭,亦有芽菜咸菜做配料,增加口感.上圖是食左一半的樣子,仲要有一半係湯入面.我都唔知點解有咁大個魚頭,仲要供應落粉麵類.證明了飲食業既隨機應變係好重要.有腦既,可以把各種食材配合出美食.