魚鱻魚湯專門店

營業中

休息中

個湯難食又淡都算服務態度差到未食完已經想收野想趕人走離遠指住人鬧人又話人食完唔走係到講野以後都唔會再食服務差都算仲要望住人黎鬧我黎幫襯仲要受氣?咁既服務質素不如汁左佢?

香港人很喜愛吃米線，魚湯米線更是本人愛吃食物之一。這間出名魚湯米線的店舖一向很多人等候，這次在機緣巧合之下不用等位，我便進去一試。午餐時段有套餐只是$50，可選3餸。我分別選了豬扒、魚滑及鮮魚片，餐飲方面選了凍檸茶，正當我向店員要求少甜時，原來枱面有糖水自己配搭，十分方便自己調配適當甜口味。米線到枱有一陣淡淡的魚湯味，其實一進店內已在，如果不太喜歡魚的朋友就不用試了，因為湯底是用魚煲的，有少許魚啲腥味，如果無愛吃魚的可能受不了。正如吃羊的朋友喜愛羊羶味一樣。回到正題，鮮魚片有骨，懶人就會想哭，不過鮮魚片吃得出新鮮，魚滑是沒有陳皮的那一種，豬扒炸得不乾不油，不錯。如果下一次我會選擇少米線，三餸加上米線對我而言有點多。

一向都知呢個短髮戴眼鏡嘅阿姐態度衰！講真其實佢唔想做就不如唔好做啦！！！！喺間鋪度大大聲又鬧d客！！！！都係諗住食完快快走個啦！坐呢度又鬧咗嗰度又鬧！叫野食問多句都唔得！！！未食完呢佢急住收！搞笑執完枱仲喺度鬧人！不如佢唔好做啦！！返屋企唞唞，希望呢個阿姐有病就快啲睇醫生啦！唔好影響香港，影響成個飲食行業啊！影響呢間鋪喇形象！

在這一間魚湯店食飯，叫一碗淨餃子 + 冬菇 + 肉片，餐牌寫着淨餃子是半打數目，叫來後，先吃完3粒冬菇，跟著吃完數片肉片，再跟著發現餃子只有 5 隻，但是思想是否有配餸就減數目呢？於是就照繼續食，當食完後，店員在自己桌上沬桌，便勾起剛才的思想，於是向店員詢問，在有配餸下是否會減餃子數目？店員說不會，肯定說淨餃子是6粒的，接下詢問我為何這樣詢問？我說因為我剛才碗內只有5隻餃子，所以向店員詢問一下，店員聽到後就立即表示幫我詢問一下廚房，店員再回來說，廚房回答只會放4粒或6粒在碗內。在我仍然思考中，便聽到廚房那邊有一位女職員很大聲說：“可能是她自己食了，自己唔記得。” 我走向收銀處付款時，再次向收銀員說，我清楚只見有5粒餃子在碗裏，收銀員只細細聲說甚麼都不知道，一邊她手照單收錢。如果是妳，妳覺得可以怎樣做 ？也許廚師自己認為習慣沒有改變，這也算……，最唔好的是那一位在廚房前的那一位大大聲的女職員，倒轉來說是我自己食咗自己唔記得…… 這番說話。使我感到不公，可能我一個人來食，又不是熟客，又不是樣惡，在無助下離開 ！ 而我又不敢反駁… (,,•́ . •̀,,)這樣被屈一個結論，服務態度不好，應該不

這家小店在荃灣已經有很多年的歷史，這次經過，便進去試試。我叫了魚鲛湯湯飯，湯汁有鮮甜的魚香味。還加上了胡椒的味道，沒有魚腥味。此外她還加上了豆泡，它吸收了湯汁，吃起來特別美味。米飯也不糊，不錯。此外他還下了蔥花，作點綴，把味道更提升了一個層次。

🔻終於一試「魚魚魚」🐟🐟🐟1️⃣招牌鯇魚腩 魚湯泡飯💲54🌟 推薦指數：★★★☆☆試招牌菜係指定動作，魚腩份量4大舊，肉質鮮甜滑口🙂 湯底如果濃d相信一定會整體加分。2️⃣蕃茄鮮肉碎 魚湯米線💲41🌟 推薦指數：★★★★★我係蕃茄腔😛有私心😂，論賣相就真係一般既🤣 ，但呢個蕃茄肉碎配搭真係好岩配魚湯底😍真係開胃，酸酸地吊起魚湯既鮮甜 👍🏻 真係好少食完米線會連湯都飲晒😋😋😋3️⃣招牌炸魚餅💲18🌟 推薦指數：★★★☆☆即叫即炸，味道可以，但感覺爭咁d調味，有d配料點下 應該會無咁單調🙂評價：7/10

其實哩間野我食左佢十幾年，耐唔時都會黎幫襯下，次次黎都叫原條魚湯飯再加小食，其實d野食係ok既，舊時一個舖位，我都係咁係到排隊等，依加多個舖，係排少左，個時有個瘦瘦地男人唔知係未老細，態度都唔錯，好忙都唔會發皮氣，但都好耐冇見過佢了，依加d阿姐真係好X惡，早兩日去食，個條阿姐叫用安心，咁我都即時係門口用左，之後入去，佢就話：do左未呀？ 我答：Do左喇，咁佢就大大聲話，do你要比我睇加麻，做咩收埋呀？ 我根本就手拎住個電話，你話要睇未睇羅，我又冇話唔比你睇，你駛唔駛咁惡咁大聲呀？我心諗， 你超係禮貌，不知所謂，咁老做得咁辛苦就未做啦，做咩羅d客黎出氣呀？ 唔怪得加下少左咁多人食啦，一來都冇以前咁好味，二來就要多謝哩d阿姐羅，趕客呀，加下有生意做都偷笑啦，仲咁即態度，炒得啦😡

之前住荃灣嘅朋友都介紹過呢間餐廳俾我知，其實都想試咗好耐，不過有時經過要排隊，而天氣又咁熱所以都放棄。今日去開荃灣就去睇吓多唔多人排隊，見佢淨係等四張枱就到所以試一試佢。叫咗個魚片魚湯泡飯同埋椒鹽魚球，個椒鹽魚球係好食嘅，都算係外脆內嫩。而個魚片魚湯泡飯就普普通通，佢啲魚片厚切所以啲骨比較長，令到每食一塊魚片就要係咁Lun骨。個魚湯係幾清，但我覺得唔夠濃。試過一次就OK，短期內未必會再encore。

適合食緊炸豬扒嘅時候，發覺自己食緊嘅豬扒仲係生嘅，炸唔熟之後食客同店員講：「唔該晒豬扒重生既」之後店員走過去睇，同時食客，將佢食緊嘅豬扒展示俾店員。店員睇咗之後，發覺係生既，打算攞走。食客就同店員講：「我食返而兩豬扒就得」之後店員就將塊豬扒，俾返廚房。過咗一陣，店員將佢之前食過嘅豬扒拎返俾佢。店員問食客：「你睇吓得唔得？」大家諗諗，廚房會將塊豬扒放返塊平時炸野鍋油去炸？定係開新既鍋油去炸返食過既豬扒？我唔敢想像😅😅😅😅

呢間魚魚魚我真係無論荃灣定新蒲崗我都去過無數咁多次，隔一陣就想食，應該同好多朋友耐唔耐想食三哥/譚仔咁上下感覺不過我每次都好任性。。。地食😛，食一次等於人地食2-3碗🤤🤤🤤，對我來講來呢度食野的最佳時間係6點半前，因為魚的選擇比較多同會有魚卜魚標🤤🤤🤤我好專一架，每次都係叫「大條」馬友/金古（唔係成日有）多蔥加芫荽米線，加魚標（無的話。。。唔開心😔）師傅將魚切左半，一邊無咩骨啖啖肉，一邊連住大骨都好易食，黃芽白加埋蔥呀芫荽同湯飲好好味，仲有兩條菜心加豆卜，熟悉的味道，魚湯我每次都會飲7-9成，姐姐可以吉碗拎走😆如果唔食魚的可以食生炸豬排/琵琶豆腐/魚滑/魚餅，或者潮州炸魚片（推介推介推介呀），圖中個碗就係潮州炸魚片加番茄米線，都好好味架，潮州炸魚片可以用小食咁去叫半份或一份，經驗來講我會叫半份，你地叫過就明點解架喇😂通常10次裡面有9.9次我都會叫多一份小食，就係炸珍珠立膠，不過晏試少就無架喇，今日叫左炸黃花，一個人食左兩條半魚真係好滿足椒鹽/炸的魚十分香口，有D骨位可以咬開食得落不過當然大家都要小心慢慢食鍾意魚的朋友真係要來試下呢間鋪，個人鍾意荃灣鋪多D，食物質素係明顯好D😁好多人講

因多人要排隊, 所以要攞飛, 到叫我時, 有個女人就話要掃安心或填資料, 我就話要填, 然後就比另一個傳菜短髮亞嬸鬧, 又話我企係出面時又唔填, 仲要喝我出番去填, 我即時感到難受及委屈話咪唔食囉. 1) 攞飛時個姐姐無講過話要填定先可以入坐 2) 我係客人比錢去食野, 到頭來要比氣我受, 3) 衛生又一般, 見廚房濕笠笠 4) 又唔係平, 成四十幾五十先有個lunch食 5)服務態度差已經唔係第一次聽, 估唔到自己親身經歷了, 懇請店主培訓員工的收養及態度, 事問將心比己會唔會覺得難受呢?

今日想食米線，同事介紹呢間魚湯米線，話個湯底好正😆😆😆我點左招牌炸魚餅米線 $41配料有豆卜同娃娃菜首先飲個湯係非常清甜，奶白色嘅湯底，好有魚味😋😋😋，唔覺有加到味精，食完唔會感到口渴👍🏻👍🏻炸魚餅非常好食，我好怕食熱氣野，但呢個都唔會覺得好熱氣。外層好脆口，魚餅好厚好足料！果然係招牌菜式呀！😋😋同事點了個套餐好抵，一個主菜配2款配料，再包一杯凍飲，都係 $50同事請我食左個炸魚片，脆卜卜好得意。炸豬扒賣相都好吸引，下次應該會試下😆😆回頭率 ⭐️⭐️⭐️⭐️/5

為試魚湯而來，依間魚鱻（讀音：鮮）魚湯專門店，鐘意魚湯🐟既人一定要試下！1️⃣招牌魚滑魚湯米線 $41 加蕃茄+ $8依款招牌魚滑米線，可以配米線或泡飯，米線分量多～但食落較淋身🧐魚湯既顏色呈奶白色，味道較清淡，係鮮魚味，好鮮甜，重點係完全唔覺得腥呀！！我飲左半碗，魚滑分量算多，大大舊，食落爽口同幾重魚味✨配餸方面：其實有好多魚製品揀，但個刻真係勁想食蕃茄～所以揀左，加八蚊黎講🍅分量係小咗啲，但食落酸酸都幾開胃😂下次我會試下枇杷豆腐、炸魚餅同泡飯😛😋

17/4等佢中午12點開門，個個乖乖門口排隊，負責人話開始入，咪人人搵位坐低。平時已惡形惡相的戴眼鏡阿嬸，已大聲呼喝食客，你哋走曬入嚟，個個駁哂懵唔量體溫及安心碼呀！大家都真心怨枉！阿姐，大家係門口排隊已做定啦！就算未做果啲，你咪提人哋囉，有乜嘢駁懵呀？人人叫佢落單，十問十唔應，望都費事望你，都算嘞！埋單食百幾蚊，俾張五百元你找，都要俾你鬧話點解你唔俾散紙。唔係卦，由頭受氣到尾！今時今日咁嘅服務態度，都唔使再嚟

真材實料魚湯，今次叫左原條黃立倉魚湯米線再加蕃茄肉碎做配料先講主角黃立倉，肉質一食就知新鮮，魚肉結實，體積仲大過個碗，加埋蕃茄肉碎，米線完全吸收晒所有湯汁，真係好味到湯都清埋，如果唔大食兩個女仔share都得。配料選擇多，可配飯或者米線，見到好多人都有叫琵琶豆腐，鯪魚滑，應該都係必點之一。店舖有好多選擇，炸魚，魚餅，雞翼，包羅萬有，下次再試埋啲小食先。👍店內姐姐親切有禮，笑容滿面，呢種服務態度真係值得一讚