魚鱻魚湯專門店

營業中

休息中

我唔係打手之強烈推介呢間餐廳比我既朋友～～食過好多次都係覺得好好食，好想食哂佢成個menus 有既野😂😂😂原因係真係好高質我通常都會食自選魚湯米線，有大大碗米線同娃娃菜。佢地既炸雞翼係生炸全雞翼，成個炸到好香，肉質又唔乾，而炸豬扒都係生炸，大大塊！！琵琶豆腐好juicy，一啲都唔會乾，又係好香。另外我會簡魚咀同魚標，份量都唔係得一舊兩舊，好足料！！小食方面，薑蔥魚皮就係我最愛，係香港食白灼魚皮既地方越來越少，而呢間既魚皮既調味係剛剛好！唔會失左魚皮本身既味道，爽口！！真係食過返尋味～～椒鹽黃花魚又香脆有又啲魚肉食到，真係好特別好好食～～～～除左環境上唔係太好以外，食物係推薦推薦推薦

收工收得遲，10點鐘路過諗住幫襯下啦，見佢話收11點。入到去話10點3截單，話10點半到清場，諗住都仲有30分鐘，就比錢照食。結果上菜上得遲，10點3先有，都算。然後食左5分鐘，10點4就開始熄哂d冷氣，比說話你聽，話叫我唔好掛住睇電話食快d。喂你咁趕時間收工一開始就唔好接單啦，一開始話食到搭半，我一路食野一路睇片中間係無停過食。臨尾勁焗勁熱咁食，真係貼錢買難受。我最後都係10點半離開，係無阻佢一開始既收工時間，15分鐘食哂，可想而知我有冇掛住玩電話唔食佢兜野。個湯又無味，d野食一d都唔好食，魚湯無魚味，魚滑勁鞋，個豬肉片質素好差。炸豬扒不過不失，仲要兜野熱然後熄冷氣比說話你聽，絕對好差勁體驗。以後絕不幫襯。都係個句，咁趕收工一開始就唔好接單啦，超級趕客永久blacklist 。

招牌魚滑魚湯米線 $44湯底偏清淡，冇想像之中濃郁清甜，不過勝在無落味精，吃完唔會口渴幾健康招牌魚滑其實只係普通鯪魚球，魚滑都幾大舊幾多，冇魚腥味，都OK好食既，但無咩驚喜。招牌炸魚餅魚湯米線 $44魚餅值得食過魚滑，魚餅新鮮炸得幾香口，好食自家製炸琵琶豆腐 $30個人最中意食依個，熱辣辣，香噴噴，外面脆口，內裡好嫩滑阿姐服務態度唔太好，野食一般好食啦，老店環境坐得唔算舒服，唔值得山長水遠特登去食

經開荃灣，本來想食酸辣米線但係諗諗吓都係想食清啲醒起路德圍有一間開咗20幾年嘅魚魚魚湯米線八點幾去到唔使等位坐低之後，就叫咗一個炸雞翼，加炸魚餅清湯米線叫多蔥真係俾咗好多可能呀姐認得我，所以俾咗一大碗米線俾我😆👍🏻

很久沒有來此小店食魚湯米線！由於每次碗米線都好大碗，所以每次落單都必定要求「扣底」。不想浪費食物！選來選去，最終都係選擇咗「招牌魚腩米線」。米線一到，便先飲啖湯。講真，味道是ok! 但相比以前，魚湯的味道及鮮味好多沒以前咁濃郁，較以前淡左。但仍然好食。 米線今日便偏「林」（過熟）。所以不夠彈牙。至少魚腩都是新鮮，都好食！我都有用店內辣椒醬點下魚食，不過，個辣椒醬唔算好辣，未算好香。不過，整體來說都是比外面一些魚湯米線好食嘅。仍會支持。

短髮帶眼鏡阿姐服務態度非常差！我都係第一次開聲比人趕😤😤一見我食起就即刻收走晒d野，不停係我隔離整塊隔板，但明明隔離冇人用餐。之後又搵兩個男人係我頭頂打掃，見我冇反應就開聲：小姐你唔好再坐 出面好多人等緊位！我就開聲：我仲有成杯檸檬茶未飲喎！我埋單出去時 門口根本冇停等位😡😡😡貼錢買難受，唔會再幫襯！

荃灣區內出名嘅老鋪頭真係有啲老餐廳入面都殘殘地魚魚魚就係主打魚湯同魚米線魚湯牛肉米線 普通 係魚但平平無奇嘅湯底另一碗配吉列豬扒炸嘢嚟講可以炸得話唔好味仲要等好耐先嚟到椒鹽魚球 都係普通

昨日係Tsuen Wan 食lunch 俾咗個劣評俾烱記碟烧鹅飯，今日终於食到好嘢。時間已近2點，魚鱻門口還有人排隊，心諗都唔會再中伏啦，攞咗ticket，等咗唔使10分鐘，可入座了。枱枱都幾滿下，坐就麻麻地，拿起菜牌，有厨司推介的田雞魚肚湯飯$99，就試下啦。都要等15分鐘才上枱，熱辣辣，香噴噴唔腥，湯底白雪雪，田雞有一隻破開七，八件，魚肚就大大件有五，六件，當然唔係靚花膠啦，遍硬。田雞火喉啱啱好，鮮甜嫩滑，脾肉不鞋，好味道，湯底甜美，沒有下味精，落勁多葱，美味非常！

呢間舖頭由我中學畢業時已經係度，個時成日同朋友過嚟食，大家都叫 魚魚魚 🐟 可以話係童年回憶。今日約咗中學同學食lunch 就話不如去食 魚魚魚🐟 我叫咗碗招牌魚滑米線，份量超多，件件魚滑都好大舊，口感夠滑，但食嘅時候都要小心啲咀嚼，因為中途咬到好細條魚骨插咗喺牙罅，湯底係好鮮嘅魚味，一啲腥味都無，湯底仲有豆卜同勁多黃芽白。另外叫咗出名嘅生炸豬扒同埋炸魚餅，豬扒唔係juicy但有咬口，而炸魚餅厚身大件，食落去好香口！唯一掃興係食嘢途中，明明未食完仲有一半野食，只係咁啱停左手傾下計，好快脆比姐姐問係咪收得野，有客出面等緊…. 呢下感覺唔好

今晚同朋友去開荃灣, 所以就帶佢去咗以前細個嗰時，屋企人帶我食開嗰間魚湯餐廳🍴入到去緊係叫返細個食開既潮州炸魚片米線🍜 唔確定位員工係咪老闆娘🤔但好有禮貌，好客，街坊生意咁多年都好棒場😆個米線🍜尼到，第一啖真係食返以前細個嗰陣感覺味道🥲咁多年來都冇十分大變化，不過感覺上好似當年個湯底濃魚味啲 不過而家仍然都有魚味，但如果再突出D會更有當年味🤭潮州炸魚片浸湯後，口感一流，煙煙韌韌，但如果可以做到無咁多油 會更出色👀但咁多年既變化唔大 都已經好好👍平民餐廳 推介 不過唔鍾意魚湯嘅人可能會覺得有啲腥

落開荃灣想食魚湯，就一定會選魚鱻！招牌炸魚餅魚湯米線：炸魚餅厚，啖啖肉好好食，最緊要唔腥！招牌魚滑泡飯：魚滑超多，大大粒啖啖肉，完全唔腥，不過間中都有啲碎骨，要小心！整體魚湯可能淡一點，但我覺得OK，起碼唔腥是好飲！

又係陪扮工男朋友食lunch嘅時候🤣荃灣地頭蛇嘅佢今次帶咗我嚟呢間令我心情好矛盾嘅餐廳🤣🤣🌟🌟炸雞翼魚滑墨丸米線🐟飲得出係足料魚湯，唔係味精湯，就算米線食唔晒，我都清晒d湯🙈餸嘅份量多到一個點，淨食餸都飽咗7成😲魚滑大大舊，好彈牙好彈牙，完全係誠意之作👍🏽墨丸都係，味濃彈牙，我冇任何complain🤤🤤🤤炸雞翼係兩隻全翼，炸得非常透，我對炸全翼嘅要求係翼尖位最尖嘅骨位係炸得脆、咬得碎、呑得到，佢完全做到！但又唔會搞到中翼同鎚乾淨淨，係非常出色❤️❤️男朋友揀咗生炸豬扒，同樣地都係香酥而唔乾👍🏽重點係星期一至五12:00-1730有自選一人餐，$50三餸米配凍檸茶/水，真係好抵食。不過…矛盾嘅位嚟喇🤣間嘢服務真係令人不敢恭維，d呀姐感覺好厭世，語氣態度都好似全世界欠嘅咗佢哋咁🥹🥹果然世事係冇完美🤣但係佢係好食到我會寧願受d氣都會再嚟食🙈🙈🙈📍魚鱻魚湯專門店 (荃灣)荃灣路德圍30號地下

今日去吃了一間魚河專門店，鋪面沒什麼裝修但食物也不錯。魚湯米線/泡飯只售四十多元。招牌魚滑米線，8粒大大的魚滑爽口彈牙，口感非常好，魚湯米線中還有蔬菜和豆卜，魚湯清甜唔腥。招牌炸魚餅米線，兩件大大的炸魚餅香口彈牙。生炸豬扒米線，冇帶粉醬的生炸豬扒剛剛炸起，入味也不錯。特色小色椒鹽魚球 魚肉嫩滑，炸得香脆。

荃灣路德圍周邊美食多，今天路過這…當然要 … 😀魚魚魚😊「魚鱻魚湯專門店」，這店頗受歡迎，熟客多，最好早點來吃，晚上6:00 時間尚早，ok 以多種鮮魚泡製招牌魚湯底，新鮮泡制，鮮味可口 不含味精，可選湯飯或湯米線。椒鹽敏魚湯飯 $69炸 香口，不油膩賣相 不錯咸咸椒鹽 ，肉質嫩今日推介鮑魚、花膠、鮮雞件（可選田雞）$99配米線 😊 色 香 味 😋嘩啦啦！好大 大大碗 😊湯味濃，鮮味十足，滑嘟嘟米線雞件份量多，煮得剛剛好，嫩肉仲有豆卜，菜心，黃牙白增添滋味鮑魚只得一隻😀，沒驚喜，小小花膠炸 香口，不油膩賣相 不錯咸咸椒鹽 ，肉質嫩特色小食自家制炸枇杷豆腐 $30每份有 6 個，香脆餐牌

以前每星期至少幫襯一至兩次，都叫做熟客，服務質素心中有素，但魚湯叫做純天然，ok。但冇幫襯一排，今晚再去真係有少少火都嚟！由於朋友遲咗到，所以入店坐住先（當時6:00左右）。坐唔夠一陣，亞姐問我另一個朋友幾時到，好似好不耐煩阻住個位咁，咁答佢話朋友已經行緊過嚟，大約幾分鐘之後到啦。過咗唔夠2分鐘，短髮戴眼鏡亞姐又過嚟問同一個問題，好明顯唔like，我忍唔住串咗佢：「依家呢個時間，你出邊都冇人排隊，又有空位⋯」跟住收咗聲。其實我諗，你知我兩個人又比我入嚟，呢個時間又未到peak hour，店入面又有空位，你催乜啫？！咁嘅服務態度真係熟客先忍得你！Btw，食物質素依舊，但咁嘅服務，我諗我身為熟客都唔會點樣再幫襯。