鮨千寿 (The ONE) (已結業)

同waiter問左一條問題，細聲講左一句唔知乜野既乜野扮答左，之後就飄走左！再問就黑面！！野食其實唔差，但態度堅唔好！唔怪得知晚飯時間完全無人！食得超唔開心呀！！

在尖沙咀覆診完，食完午餐先返屋企，在The One商場看看有什麼好吃，見到呢間餐廳裝修嘅日式，於是就試吓呢間，餐廳位置算寬躺，加上旁邊是玻璃，透光度10分高，陽光曬進來10分舒服，10分寫意，最後我選了一個壽司拼盤，壽司送上來的時候擺盤10分精緻，有不同款式的壽司，雖然每件睇上去小小的，但是吃下去的時候感覺10分飽，可能因為每件壽司都是飯的關係，間接食左好多飯落肚，能夠食得出魚生食材10分新鮮，海膽也10分鮮甜，不錯的選擇

今晚契媽發板黎左呢間尖沙咀THE ONE既鮨千壽食日本野我地一行三人下午五點幾黎到,我地係第一枱晚市,近窗既卡位都仲圍封緊俾店員訓覺,如果好似我咁鍾意坐卡位既朋友,建議可以六點後先好黎我地分別叫左章紅魚薄切黑松露帶子$128好香黑松露味既,同埋有啲酸酸甜甜既柚子汁味,都幾開胃既,但帶子就相當細粒什錦魚生沙律$98份量相當少,同埋本人唔食三文魚既,感覺好似得幾片生菜同幾舊仔不知名既魚生,個人覺得認真麻麻特選刺身盛合二人前$428呢個係二人份量,都足既,最正既係嗰兩舊大拖羅,即刻已經覺得抵左,但喺當時鋪頭得兩枱客既情況,店員都將個刺身落錯左人地張枱真係唔知想點,何況依家疫情,嗰張枱既食客當然無戴口罩啦,你都唔好話唔驚薯絲蝦佐蛋黃他他醬$58/4件好食既,薯絲炸得夠脆口又唔會油立立日本黑毛和牛鐵板燒$348呢碟超正,和牛肉質彈牙,有油香,另外碟邊有黑胡椒同鹽俾你點,再加埋個炸蒜片一齊食真係好正,不過份量都係超少海膽炒飯$158飯係珍珠米黎既,一粒粒好分明,亦唔會好油,炒得唔錯既

某日我哋喺美麗華睇完醫生，就過咗對面The One食飯，只要在商場內消費，就可以有免費泊車。所以我哋選擇左間日本餐廳。個銀雪魚非常之好食，入口即溶，刺身都非常鮮甜新鮮。推介指數10粒星👍🏻👍🏻👍🏻😃

怕星期六午餐時段要等位，於是透過Openrice app訂左位，到埗後，職員安排左我同朋友坐係近窗既位置，唔錯。。食物質素方面，首先我同朋友冇諗過佢地係星期六都有lunch set俾我地揀，因為lunch set 係抵食好多，於是我地揀左一個壽司拼盤同一個北海道刺身丼...味道好味且新鮮，只係佢既茶碗蒸就麻麻地價錢方面，以食物、地段同lunch時段黎講，算係中等價錢，都可以值得一試的，不過就建議想係最旺既時段(例如lunch時段)食呢間，就最好事前訂座

今日寫既評語就係尖沙咀The one呢間日式餐廳，我係lunch time呢個時段食，唔算多人。 睇完個menu，就決定嗌個軟殼蟹沙津＋壽司拼盤沙津算正常質素，有酸酸地既汁配合，都幾開胃，軟殼蟹偏腍，唔算鬆脆，口感差d.壽司拼盤質素亦算正常，食材食落亦算新鮮，魚生厚度亦足夠飽滿，唔會太薄身影響口感！算係合格。但價錢亦有返咁上下，lunch time黎講算高。總括而言，環境幾好，食物算正常，但性價比唔算高。

情人節晚市堂食仍未解封，惟有搵餐廳食lunch補飛。節日效應下好多餐廳都特別惟出情人節套餐，價錢亦係平日嘅倍數。我嗰位善解人意嘅女友又唔係一定要食情人節大餐結果我搵咗呢間連鎖日本料理，以前都有食過佢同集團嘅穴壽司，食物質素都好高，而呢間餐廳亦都一樣咁好。我哋叫咗八件壽司同一個炙壽司套餐，另加一杯炸雞軟骨。壽司方面，三文魚同鰻魚壽司口感都好正！三文魚無筋，鰻魚亦唔會一下散晒。炙壽司嘅帶子同海鰻都係我最愛。另外我哋仲叫咗件好精緻嘅玉子壽司，飯係收喺蛋入面，好有誠意。總括黎講連鎖店又咁嘅質素真係好抵讚！而且店員嘅服務態度都好好！

新年期間嚟到the one同朋友聚一聚，食得多中餐想食返啲唔同嘅嘢，所以就二話不說揀咗食日本嘢🤣餐廳環境唔錯，都有兩面嘅靠窗位可以睇到下面嘅九龍公園。餐牌上面嘅嘢食無論刺身定熟食睇落都好吸引🤤 由於想食海膽但又唔想食太貴（🤣）就叫咗set「北海道刺身飯」🤤北海道剌身飯 $178定食配沙律 木耳絲前菜 麵豉湯 甜品講真一上菜有少少失望😂 魚子好細粒，得兩三粒係好似平時食嗰啲咁大，其他係得一半咁大粒😅 海膽都係得一片仔，帶子都係比較細粒，本身唔好三文魚，所以冇評語，蟹肉還可🙈 剌身新鮮度還可，海膽同魚子bb都係甜嘅，係帶子好似爭少少🙈 不過諗返，百幾蚊有咁多款刺身係咪唔應該要求咁高😂 睇得出食材嘅選擇係因為價錢作出將就，不過已經冇衝動再試其他單點嘅嘢食喇，因為擔心最後都係呢啲貨🙈 感覺上寧願食物細份啲但啲貨靚啲🤣最後，甜品係一粒芝麻紅豆菓子，痴滿芝麻都幾好味😂😂😂

成日都覺得LUNCH食日本野抵食過夜晚食日本野!因為LUNCH好多時候餐廳都會OFFERLUNCH SET! 明明食同一樣既野, 但LUNCH可以平好多!呢到就係其中一間,今日就LUNCH黎幫襯~迷你DON物餐 –  好多選擇! 我今日想食熟食,叫左鰻魚飯,天婦羅飯+ 兩款串燒 $158另外叫左海膽三文魚飯 – SASHIMI好新鮮呀!佢比既份量一D都唔吝嗇,食得我好開心~I MISS JAPAN!個餐仲要配埋沙律, 前菜, UDON同埋甜品架,超夠飽!夜晚個餐都可以慳返XD如果想食多D款既話,2個人其實可以叫4款唔同,再SHARE!下次黎會再係LUNCH黎+咁樣叫法, 哈哈~

平日晚上6點落單，唔多人，好快拎得。某啲6折，其他8折。包裝精美，攞到返屋企都仲見得人。最緊要係用上新鮮wasabi，唔係牙膏裝或者包裝果啲貨色。 （左上）特上壽司御饍（6折＄125）份量夠，一定夠飽。用料唔馬虎，夠新鮮。海膽鮮甜多肉，成條穴子卷住舊飯。（右上）特上刺身御饍（6折＄131）跟個熱白飯，單人享受都唔錯。有吞拿魚腩，海膽，帶子等，全部質素中上，俾多少少錢唔好食樓下jusco劣質壽司喇。 （下）火灸壽司盛合（8折＄188）7件壽司，普遍太咸，一大pat醬，失去魚本身鮮味。豚肉湯烏冬（6折＄53）湯底超咸，豚肉同烏冬質素不過不失。 總結係，某啲菜式6折堅抵食，只要揀啱就外賣都可以食好西。

疫情下晚市禁堂食，外賣自取優惠又出動了，呢個餐廳都算好抵食，外賣自取有六折，出面仲有好多餐廳只係做緊九折八折。六折優惠下，就決定一試，因為呢間平時D刺身飯都唔平的。外賣唔算多人等，只有一兩個人。可以坐係餐廳度等外賣，大約十分鐘左右。特上刺身，$131，冇飯的我都只係主要想試D刺身，所以索性叫個最靚既特上刺身拼盤有吞拿魚、帶子、油甘魚、三文魚、蝦、鱆紅魚、海膽吞拿魚肉味有，但不算濃帶子沒什麼鮮味三文魚也沒什麼魚味蝦口感OK，不會霉，但沒什麼味，蝦頭幾腥，不鮮甜鱆紅魚比較膠，比較難咬到海膽，由於其他刺身都冇乜味，都唔expect海膽好食，不過估唔到比想像中好雖然都係冇乜味，不過至少唔腥，質感亦可接受雜錦魚生飯 $107首先要講佢另外比碗飯係熱飯，唔係壽司飯唔係醋飯內容有三文魚子、蟹籽、海膽、鰻魚、玉子、鱆紅魚、三文魚、帶子、蝦、吞拿魚內容幾豐富，乜都有得食咁不過如上一個飯一樣，刺身大多都係冇乜味玉子有少許甜蛋味三文魚子比較咸，不過唔腥總結刺身好似唔太新鮮，大多都冇味道，更莫講鮮味，唔知雪得太耐定本身品質問題以呢個價錢來說唔太值得食，不過係尖沙咀來說，百幾蚊有一盤刺身食，都已經係可接受，但原

油尖旺吃貨系列🎏 — 🍣鮨千寿🍣早前有朋友推介呢一間日本嘢 原因係佢下午時間1500至1730 之前食完離座嘅話就有七折優惠 (only for lunch set menu)😱 見佢咁抵梗係嚟試吓佢啦🤑💸美味指數 😋: ⭐️⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨北海道刺身飯 $178 難得佢有折扣當然要入嚟試吓佢嘅魚生飯🍣 呢一個刺身飯上邊有三文魚 蟹肉 三文魚子 帆立貝 同埋少量嘅海膽 見到已經流晒口水🤤 整體刺身都算係新鮮嘅👍🏻 海膽都鮮甜 但比較突出嘅應該都係三文魚🤩 不過份量就唔算太大 下午茶嚟講就啱啱好😂 跟餐仲會送一個麵豉湯同埋一粒泡芙添😋‼️🔹 照燒雞扒御膳 $98試咗佢嘅刺身同樣都試咗少少熟食 叫咗呢一個照燒雞扒set🍱 跟餐仲會送埋個蒸蛋 個蛋都非常之滑♨️ 熟食就普普通通啦😂 最值得睇嘅應該就係跟餐比嘅醬汁 點雞扒食可能會有啲鹹 不過撈飯食就真係冇得輸🤤整體嘅食物質素同環境都唔錯嘅✅ 不過如果正價食嘅話可能就有啲貴 晏晝過嚟食有七折錫住個荷包仔心理上就覺得抵食啲😂💸 大家都可以趁佢仲有折嘅時候嚟試吓‼️😝

間嘢開1130，我好準時入左去即刻叫嘢食，等到1200都未上菜，但眼見比我遲黎既客人都已經有得食。叫侍應幫我跟跟啦，隔一陣上左蒸蛋同麵豉湯叫我食住先，轉個頭同我講唔好意思呢個唔係你嫁....呆左，等多陣終於有嘢食，諗住等咁耐啲嘢食應該好熱啦，點知唔係，睇在佢1245前埋單有7折就算，唔想計較咁多：)

本人與朋友於7/10星期三於該餐廳用膳，這餐廳用的茶杯傳道熱能非常好，簡直令人隻手拎唔到隻杯，而且又重，我朋友隻手都被佢辣親。建議轉用其他杯。另外個口罩套，一望落去就知唔清潔，唔知係邊到街邊買既咁，用黎入完個口罩都唔知個口罩仲乾唔乾淨。樓面職員不停加水，非常打擾我同朋友傾偈，而且有個貌似主任 既女仔不停叫佢加。咁鍾意㗎不如去做茶水姐姐啦。給我同朋友印象深刻，而且有個黑衫嘅樓面好高男仔成日行來行去唔知做乜又唔見佢做嘢。

. 呢間舖頭好似冇咩人知道佢係良心小店💛至於點解係就等大家去到就會知道架啦🤣.Happy Friday同同事食返個好野其實餐牌上好多野都想叫😋價錢黎講呢個位置呢啲野食都叫好合理💰而且兩個食坐得好舒服🛋.🥢北海道海鮮飯 $148刺身有蟹肉🦀海膽🐡三文魚🐠風魚子🐟同埋帶子🐚款款都好鮮味 大大件特別係三文魚好肥美加上個飯用左珍珠米加左啲醋🍚好開胃又夠煙韌仲有前菜食添🥗.🥢滑蛋炸雞飯 $88啲蛋真心好滑🍳而且啲蛋係半生熟仲有好多蛋汁🥚個炸雞亦都炸得岩岩好🍗外脆內軟好正配麵豉湯好夾