鮨味居

營業中

休息中

服務態度100分，食物出品有米芝蓮級數，七味豆腐係我食過既最好質素既一間，我本人唔太喜歡這菜式，但呢間私房菜令到我對這菜色改觀了，我易唔太喜歡咕嚕肉但係...佢既咕嚕肉竟然可以令到我嚇了一跳，絕對係6星級酒店水準，但個胡椒蝦就有少少失望，蝦肉出到嚟比較上係有過熟現象，但味道就可以...，炸蝦箝須大大隻但..食落比較膩口，當然唔係全部都滿分，但絕對係一間可信任的私房菜，總括嚟講...有95分👍👍👍

第三次黎呢度食生日飯， 因為將近新年， booking都好full, 一房難求。今次黎到當然會試下其他新菜單， 今次個餐真係好豐富， 好足料好大份， 仲要好好味!我地個餐單係:蠔皇鮑魚花菇扒翡翠啲鮑魚好大隻呀!好有睇頭炆得啱啱好呀波士頓龍蝦上湯伊麵個龍蝦伊麵雖然成日有得食， 但鮨味居整得真係好好味， 個湯汁唔會太杰，個麵又唔會太淋， 但索埋啲湯汁一齊食，味道正過我平時係酒樓食! 正!百花釀龍蝦鉗呢個唔係蟹鉗係龍蝦鉗， 真係不得之了!個size同我手掌差唔多大， 好跨張呀咬落去啖啖肉，好彈牙， 食完都飽左一半!黑獨蒜蒸龍躉腩呢碟龍躉都係起晒肉， 每一舊都好厚肉， 但肉質唔會鞋， 配埋黑蒜甜甜地既味道， 都好好味呀姬松茸螺頭燉雞湯呢個湯飲落去就知足料!好多湯料!味道濃郁又唔太油， 每人都飲左2碗當紅炸子雞隻雞保持到水準， 炸得剛剛好， 肉質保持嫩滑唔會鞋，而且唔太油膩紅燒乳鴿隻乳鴿真係好食既， 皮脆肉嫩又唔油， 食完唔會成手滴晒油， 但又好香口濃湯浸芥菜食左咁多肉，食返啲菜就完美， 個芥菜都好味呀清炒時蔬生炒臘味糯米飯煙煙unun炒得幾香， 軟硬適中， 份量適中， 相信好食得既朋友仔都會夠

第2次同屋企人黎食晚飯，慶祝生日都父親節🎂🍾🎉。今次啲食物一樣咁有水準👍啲野食好好味之餘又夠份量， 夠晒飽。今次揀左另一個menu試試， 當中自選轉左幾個餸。今次個menu係:三蔥爆炒鮑魚頭抽煎北海道元貝黑椒海鹽和牛粒清蒸生猛海斑花膠螺頭燉雞湯XO醬露荀炒蝦球秘製新鮮蔥油雞櫻花蝦蟹肉蛋白炒飯蒜蓉白菜仔時令糖水上面每款餸都好食， 但都想特別一讚既係爆炒鮑魚好惹味但唔會太鹹， 口感彈牙。海鹽和牛粒呢個真係正，口感好淋仲好香牛味! 我地一致好評!個花膠螺頭燉雞湯一飲就知足料， 好濃郁但唔油膩，好好飲! 櫻花蝦蟹肉蛋白炒飯都炒得好香， 啲飯炒得粒粒分明。仲有我地成家人都好鍾意食菜，鮨味居呢度最好係可以因應需要， 選擇加錢响某個餸加菜底或者轉菜款， 我覺得好彈性又可以揀心水既菜食，值得一讚。我覺得呢度真係好適合一家人，朋友公司gathering慶祝， 佢有4間私人獨立房， 每間房都可以打通，真係擺幾圍都得。而且唱k打牌食飯仲一次過滿足晒😍其實每個菜單入面包晒咁多野食， 又冇加一冇茶介冇開瓶費冇切餅費。食物服務環境又好。所以我覺得係物有所值! 大家想食私房菜可以多一個選擇👍今次仲送埋限定自家制XO

好耐無寫食評， 今次係第2次寫🤭但今日食完之後就好想同大家分享一下呢間位於沙田區既好味私房菜~呢間私房菜位於石門萬怡酒店後面， 石門馬鐵站行過黎亦好近好方便!上到去環境舒適~私人房間又靚又大仲有埋厠所响房入面~仲可以唱埋K打麻雀!!!超正😍服務娛樂簡直一流👍🤣食物方便亦都好好味，冰鎮鮑魚好大隻，河豆炒虎蝦彈牙又爽口，芝麻蝦多士拼百花蝦球好香口~大澳蝦醬蒸豬下青炒飯亦整得好香~總之樣樣餸都好啱食👍另外鮨味居有多個菜單供自由選擇， 彈性大。下次可以再試其他菜單同加菜👍👍👍我啲屋企人食完之後已經話下次幾時再黎食過🤣仲有服務真係好好， 我地打牌打到咁夜都無催我地埋單😆今晚食得好開心， 一定有下次😋