影片
更多
2025-01-31
0 瀏覽
最近發覺香港好少舖頭開到深夜，有時候夜得滯肚餓都唔知有邊間餐廳好食，咁啱朋友都算夜收工，帶我嚟食宵夜，啲魚真係新鮮到爆炸，食落去嘅時候覺得都拍得住omakase嘅質素，最近就做緊樽裝酒精飲品七折，超抵玩。‣ 南瓜天婦羅 $38南瓜嘅厚薄切得啱啱好，炸漿包裹住啲南瓜片，外皮香脆唔會太厚。南瓜本身好甜，而個炸漿都好特別，店員同我哋講話唔使擔心大大力點落去啲醬汁就得，發現點極個南瓜依然都係咁脆口，熱辣辣真係超正。‣ 炸雞皮餃子 $58咬落去嘅時候啲肉汁又係爆晒出嚟，雞皮炸得相當香脆，而我都幾鍾意佢係搭配新鮮嘅沙律菜，加埋啲菜一齊食就可以減低個油膩感，雖然其實炸得好好唔算好油。大家記住可以連埋啲菜一齊食唔好嘥咗佢，兩個都係主角嚟。‣ 免治雞肉棒 $68‼️超級推薦‼️免治雞肉棒一咬落去就覺得幸福感滿滿，唔講啲肉質有幾嫩滑，淨係隻蛋都真係冇得輸，夢王蛋用我肉眼所見都見到個蛋黃相當靚，食落口嘅時候相當濃郁，搭配甘口醬油，真係食完對眼識發光。‣ 中拖羅壽司 $78‼️超級推薦‼️魚肉油花分佈均勻，肥美嘅程度啱啱好，一放入口就化。師傅嘅刀功一流，拖羅切得厚薄適中，配埋溫潤嘅醋飯，食落去層次分明。你咬落口就會
‣ 南瓜天婦羅 $38
南瓜嘅厚薄切得啱啱好，炸漿包裹住啲南瓜片，外皮香脆唔會太厚。南瓜本身好甜，而個炸漿都好特別，店員同我哋講話唔使擔心大大力點落去啲醬汁就得，發現點極個南瓜依然都係咁脆口，熱辣辣真係超正。
‣ 炸雞皮餃子 $58
咬落去嘅時候啲肉汁又係爆晒出嚟，雞皮炸得相當香脆，而我都幾鍾意佢係搭配新鮮嘅沙律菜，加埋啲菜一齊食就可以減低個油膩感，雖然其實炸得好好唔算好油。大家記住可以連埋啲菜一齊食唔好嘥咗佢，兩個都係主角嚟。
‣ 免治雞肉棒 $68
‼️超級推薦‼️免治雞肉棒一咬落去就覺得幸福感滿滿，唔講啲肉質有幾嫩滑，淨係隻蛋都真係冇得輸，夢王蛋用我肉眼所見都見到個蛋黃相當靚，食落口嘅時候相當濃郁，搭配甘口醬油，真係食完對眼識發光。
‣ 中拖羅壽司 $78
‼️超級推薦‼️魚肉油花分佈均勻，肥美嘅程度啱啱好，一放入口就化。師傅嘅刀功一流，拖羅切得厚薄適中，配埋溫潤嘅醋飯，食落去層次分明。你咬落口就會明點解係呢個價錢，呢個質素絕對值得。
‣ 金目鯛壽司 $68
‼️超級推薦‼️呢條金目鯛嘅新鮮程度真係冇得講，絕對值得一試。師傅仲特別用火炙過魚皮，令到個香氣更加突出，啲魚油嘅香真係更上一層樓，而魚肉質地本身就結實又彈牙，一定要試。
‣ 帆立貝壽司 $98
帆立貝肉質爽甜，食落去清新爽口。帆立貝個size好足，真係夠晒厚夠晒大塊，俾得一啲都唔小氣，配埋醋飯真係天衣無縫。真係值得一試，特別係鍾意帆立貝嘅朋友，好鍾意師傅仲好有心機用個花裝飾吓佢。
‣ 三文魚壽司Salmon $28/1
我覺得個三文魚都帶到驚喜俾我，本身純粹係諗住平時都鍾意食三文魚所以嗌一兩件過下口癮，但係冇諗過食落口嗰陣覺得個三文魚肥美程度啱啱好，厚薄又適中，食得出相當新鮮。
‣ 蔥花拖羅蓉軍艦 $48
拖羅蓉新鮮得嚟油香濃郁，上面嘅蔥花增添層次感。出面有紫菜裹住啲醋飯，搭配拖羅蓉嘅油潤口感，一啖咬落去相當過癮好味。
‣ 鰻魚壽司 $48/1
師傅嘅鰻魚燒得啱啱好，外皮微微焦香，醬汁香濃但又唔會掩蓋咗鰻魚本身嘅香味。肉質軟滑，加上醬汁同醋飯嘅配搭恰到好處，每一啖都係享受。
‣ 池魚 $268
‼️超級推薦‼️呢條池魚真係新鮮到爆，師傅嘅刀工極之講究，而且仲特登分咗薄切厚切，啱晒鍾意唔同口感嘅朋友。肉質爽滑，油花分佈恰到好處，食落去滿口鮮甜。你鍾意配酸汁又得，豉油同埋山葵亦得，而佢嘅山葵都相當香，絕對可以提升到條魚嘅香味。呢個價錢開到成條魚，仲要咁新鮮，都算係咁。
‣ 果酒 $78
兩款嘅酒精度數啱啱好，飲落去順喉爽口。平時我自己都係比較鍾意飲梅酒，今次特別嗌咗個西瓜酒，冇諗過比想像中好飲好多，相當之驚喜，趁住而家做緊優惠，無論咩時間都係happy hour，真係值得過嚟瘋狂飲果酒。
張貼
