鮨嵐

營業中

休息中

我平時喺大角咀返工， 朋友介紹， 呢間係好既日本菜逢星期一至五中午午餐免加一可以開一個會員帳號儲分， 滿100分就可以當$100扣錢，通常我會揀星期六日先扣。 我平時食開呢個壽司餐最抵就呢個餐，$98 - 6 塊壽司仲有海膽食睇住師傅新鮮做壽司，海膽壽司味道好新鮮唔似出邊有時候會食到有尿味。 仲有沙律， 麵豉湯 ， 燉蛋佢個面試當同其他舖頭唔同，有心思 ， 形容唔到佢加左啲咩料不過好好飲燉蛋入邊仲有蝦肉同冬菇十分好評我介紹每個人都變常客 ， 推介！

放工同同事去chill吓，揀咗公司附近呢間試試。睇餐牌好似有d貴，6:15pm去到好多位，就睇吓值唔值先讚吓雞軟骨，炸得好香好靚，唔油膩，有軟骨又有d肉咬吓，加上點少少沙律，正丫！吞拿魚壽司肉厚喎，入口唔腥，成個好完整，唔爛，好味！燒三文魚加上一pat明太子醬，好咸香開胃！爆到漏嘅三文魚籽軍艦，又係好咸香，好新鮮壽司飯唔係純白，係少少啡黃色嘅高質飯，好香好食喎仲有唔係間間日本店有嘅沖繩海葡萄，用黎一路傾計一路食，正呀！同同事雖然同枱，但可以分單點菜，一張$223，一張$168，好方便呀！有咁嘅質素，呢個價錢算係咁啦

家人想食日本菜，在大角嘴區內尋一下。初遇鮨嵐，星期六晚上八時只有一枱客。日本小店環境舒適，一坐下已被桌上精緻配襯過的杯碟筷子座，大象暖水壺吸引著視線。已感到店主細心和有要求。食飯物價格正常，種類也夠選擇。QR code 點餐後，螌籽青瓜，壽司和手卷先上桌。好味，新鮮，有heart。炸物雞軟骨及軟殼蟹熱辣辣，所有食物質素好好。是一次愉快嘅餐飲經驗。

香港近年嘅夜市 經濟唔係咁好見到好多 有心做嘅 小店都做唔住應該要多多留港消費支持下香港有心經營嘅食肆香港嘅美食其實好多好似喺大角咀其實都有好多唔同嘅美食可以選擇今次就嚟咗呢一間 美味 嘅日本小店入面嘅裝飾同埋坐位都好舒服店舖嘅位置檯面都好乾淨當然最出色嘅係佢裏面嘅食物首先最想讚一讚嘅就係佢每一件嘅壽司都好大件而且每一日份嘅食材都好新鮮例如海膽壽司 係非常之新鮮甜味 而且份量都唔少超正geh 鵝肝壽司 大愛鰻魚同埋三文魚都係大大件新鮮好食魚子嘅製作方式亦都係非常之好味獨特整體嚟講我覺得 性價比都算好高 值得一試再試

平時喺南昌附近食嚟食去都係壽司郎同峰壽司難得遇到依間喺大角咀附近嘅壽司小店食過之後變咗我嘅飯堂忍咗好多次唔寫食評諗住自私食但係質素真係十分好，所以我都忍唔住要打返篇食評俾佢哋。鮟鱇魚肝 - 酸汁同埋辣蘿蔔蓉都配合得好- 價錢唔算貴之餘，份量都算好多各款刺身都好新鮮甜蝦蝦尾都已經剝殼食起上嚟好方便，蝦頭好新鮮平時唔食三文魚刺身嘅我喺佢哋舖頭都會叫三文魚刺身食落去好新鮮好爽好清甜我通常都會散嗌自己鍾意食嘅壽司你見到佢啲劍魚腩/白蝦同醬油漬三文魚都做得好靚仔每件壽司上面嘅配料都有精心諗過入口充滿幸福感牛舌芯都做得好好上枱都仲出緊煙咬落去完全冇筋 好爽脆因為真係食咗太多次，我又唔係次次影相今次食評介紹唔到太多佢哋舖頭嘅壽司佢哋會返一啲時令嘅魚/蠔或者海膽亦都會提供一啲$10一粒嘅壽司軍艦又有其他壽司套餐/ 熱食套餐所以我唔同意其他食評話佢價錢貴平有平食 貴有貴食我同啲朋友食完都覺得好fair而且服務態度良好地方10分乾淨連啲茶水都係好熱值得推介希望佢可以繼續堅持落去！

Today marks my third visit to this exceptional sushi restaurant nestled within Tai Kok Tsui— a rare gem amidst the area's limited selection of high-quality sushi establishments. It's become my sanctuary of choice for a sumptuous dining experience, especially when a special occasion calls for culinary celebration.The restaurant's commitment to quality is unwavering, as evidenced by the enduring excellence in both taste and ingredient freshness. An array of succulent sashimi greets me upon each vi

由開業到現在經常幫襯 質素一直都咁好 性價比極高 尤其係lunch set10件自選壽司套餐 只是168蚊 魚生十分新鮮 飯亦軟硬適中 壽司醋更用成本更高的赤醋店舖衛生亦非常好 誠意推介另外 唔明白為何上一篇評論話店舖轉咗手 明明都係呢幾位老闆 質素亦一如以往 希望繼續保持

食開嗰間冇位，見呢間換咗招牌，比次機會試吓新嘢，不過減緊肥嘅我，好吾開心，因為浪費左我澱粉既qouta 😨, 蠔好魚星，魚仲未完全解凍，冇味，同爭鲜差唔多，以為呢個價錢會好啲，原來自己太天真😂。呢個價錢大把選擇，我會揀玥，但係lunch 都叫做多人，可能因為多位唔使排，好多office 番工，建議老闆可以將價錢調整少少，合理番d, 畢竟民生區。

大角咀呢個鋪位已經轉咗好多日本餐廳除咗之前有 月字名既餐廳， 呢間真係好高質素，睇住師傅做壽司上菜速度非常快，用手機點餐後大概10分鐘就已經送上啱啱做好既壽司壽司飯唔係普通白色壽司飯，呢間餐廳另外調過佢個壽司米飯。 午餐每個餐都有沙律，湯，同埋蒸蛋呢度每道菜同出面壽司店 都會有啲唔同蒸蛋加咗蟹肉嘅汁， 味道好濃郁。 沙律菜新鮮添嗰個麵豉湯，我比較唔識欣賞， 感覺實在太鹹。 每件壽司嘅份量都好足料了，例如叫咗三文魚子，佢用咗成個碗裝會d 額外嘅三文魚子。 總體嚟講，呢個質量對得住個價。

因為轉咗新工，所以想請屋企人食飯順便慶祝埋生日。係壽司關注組見到有人推薦呢間鮨嵐，見openrice有得book檯決定嚟試吓。因為屋企人生日，所以係whatsapp同店員夾好咗到時叫甜品佢地會幫我點埋蠟燭。一嚟到叫咗4隻獨眼龍生蠔，一食落口好濃烈嘅海水味，甚至覺得有啲過咸，但好快就過咗陣咸味，變得好鮮甜，食完好回味！不過想留肚試其他嘢。叫咗好多唔同款嘅壽司，最鐘意食左口魚邊、蟹膏蟹肉軍艦好鮮！仲有牛油赤蝦都好香好好食！辣味三文魚都好正，海膽軍艦好鮮甜唔會有怪味，呢幾款全部都有再encore刺身方面，覺得蝦類嘅刺身比較出色，油甘魚腩個啲都正常發揮啦。熟食方面叫咗明太子烏冬，天婦羅，大家都搶住食炒雜菌同炒野菜連平時唔食菜嘅我都覺得好好食，上面有啲柴魚片加咗好多分最後食得7788，就叫咗個心太軟甜品，店員好好咁照我所要求安排咗蠟燭，屋企人都好驚喜好開心呢度係用qr code落單我自己就幾鐘意，不過下面會keep住show價錢，可能會令客人凝住凝住叫咗幾多錢而減低咗消費意慾。但整體嚟講體驗好好，會再嚟！

🍣午市自選壽司定食 $168-深海池魚壽司三文魚壽司日本真鯛壽司吞拿魚壽司火灸左口魚壽司珍寶赤蝦壽司油甘魚壽司帆立貝壽司蟹肉蟹膏軍艦碎蔥吞拿魚軍軍艦🍣碎蔥吞拿魚手卷 $23-✎想看更多的請到IG @wd_bingetheworld

隔了幾個月，再約朋友到鮨嵐聚餐，質素仍然保持，食材新鮮之外，又配合期間限定款式，實在值得推介😊期間限定👏👏：1. 白子2. 日本昆布森生蠔3. 石垣貝4. 喜之次5. 八角魚新鮮刺身/壽司😋：油甘魚腩壽司、活帆立貝壽司、火炙鮫鰈魚背壽司、三文魚腩刺身最喜出望外係炸物、一品料理都同樣出色，尤其西京燒銀鱈魚好好食原來宜家仲可以即場登記成為會員，$10有1分滿100分，下次埋單可以當$100用👍👍😙

自從WFH之後番公司都未必次次可以齊人～ 難得個個都番齊，我地當然想食好啲啦～-呢間日本餐廳係大角嘴嘅日式小店，裝修當然走和式風格，店內仲有一個好似食omakase 嘅位置，仲有兩個師傅添！Lunch時段都非常爆滿，就算Bar 枱都坐滿人，但因為我哋人多所以只可以安排坐門口位😅 如果想試就記得要預先book 位啦-我哋今日叫咗好多刺身，有三文魚腩，油金魚腩，同埋劍魚腩！可能今日嘅貨源比較新鮮，所有魚腩嘅油脂都非常豐富，特別係三文魚腩！個個食完之後都有個驚訝嘅表情！另外特別要提就係火炙左口魚邊！火槍燒完之後左口魚嘅油脂迫晒出嚟，果種滿滿嘅魚油香令到我哋即時又要嗌多兩份😌 最緊要係佢一啲筋都唔會有，完全係入口即溶…最值得回味嘅一碟！另外仲叫咗一份上盛壽司，份量比較少，亦都冇乜邊一款比較特別呢間日式小店絕對可以Encore！不過如果想大滿足咁離開，就要食各款魚腩刺身，同埋火炙壽司！

同朋友想食日本野，朋友介紹嚟依間試吓。入到去小店裝修行簡潔和風，坐得舒服。朋友之前來過所以由他發辦，點了：原隻海膽：加咗三文魚籽同少少金萡賣相一流。海膽味道鮮味，加上三文魚籽剛剛好夾味。😍香箱蟹：蟹肉鮮甜上面加咗兩款軟硬口感蟹糕👍不過服務員話唔係時時有得叫💁🏻‍♂️幾款刺身/壽司：個大拖羅入口即溶🫠其他都好新鮮A級！特別要提個鮑魚整得好淋好入味!!! 🤤炸物：叫炸蠔同天婦羅都唔錯。都點咗支清酒飲，服務員介紹咗支「愛山」俾我哋，飲落陣陣桃香🍑清甜, 配刺身食又真係幾夾🍶

朋友係ig上面見到有fd讚呢間日本野又見啲壽司貌相唔錯 所以決定一試！係網上預約左下午5:30食平日呢個時間人流唔多 起初叫左個拖羅盛 好味道！所以追加左個紫菜火炙大拖羅 調味好甲 拖羅入口即溶其後散叫左一啲壽司 火炙三文魚火炙帆立貝等 都好滿意