鮨樂 (D2 Place ONE)

營業中

休息中

同朋友玩完潑水節就上咗d2 place揾野食，就入咗呢間日本野，本身見冇人排隊都驚會唔好食，但原來都ok，價錢都好合理🤩嗰日食咗個丼飯，手卷，軍艦，同啲壽司，都正常，冇乜驚喜不過都好食嘅😉見其他人話拖羅好食，下次再去試下先😝

2023.04.16 early dinner 呢一日要出D2 place 附近做嘢，午餐只係食咗幾粒燒賣，所以諗住食早飯，俾我哋搵到呢間，發現佢有午市定食，仲要至到五點半！緊係試吓啦😃讚咗先！服務好，尤其是上菜嘅女服務員，好有禮貌，又定時定候加茶俾我哋😃👍🏼👍🏼唔食魚生嘅我哋，就剩翻一半選擇，又怕豚肉生薑燒係肥豚就冇揀到😝 咁我哋揀咗雜錦天婦羅定食 & 銀雪魚西亰燒定食😋個湯勁咸，但其實我鐘意呢款麵豉湯，都飲唒🤪 可惜真係過咸🫣  沙律汁好特別，好味道。個雜錦天婦羅定食都幾豐富下！仲有蛋添，不過係全熟蛋嚟，有啲失望😅 因為係日本食過天婦羅蛋，係流心，撈飯食好正🤤 所有天婦羅都中規中矩啦，未係食完會嘩一聲😅 不過蝦冇挑蝦腸要扣分！😑到銀雪魚西京燒，味道正常，不過不失，但份量都唔細，呀！係個飯麻麻地，又唔係好夠熱🤨 如果唔係，成件事就更加好🤪

今日一家四口第一次嚟食依間日本嘢，佢裝修得幾靚，好有日本feel,食物方面都好新鮮好好味道我地每人叫咗一個自選雜錦丼，好好食，個帶子加咗黑松露喺面入口味道好香…連大仔平時唔食黑松露都覺得好香好好味！指另外叫咗當日精選魚壽司六件，啲魚全部種類都好新鮮，我大仔都係話平時最怕食其他魚壽司會有魚腥味，平時指愛吃三文魚嘅佢都嘗試食咗兩款唔同嘅魚嘅壽司，佢都大讚啲魚好新鮮一啲都唔腥味，好好味道！我哋仲一人一件三文魚手卷，紫菜都係好脆卜卜，侍應好好，叫我哋第一樣時間即刻食左手卷先，怕遲左會比啲飯整林咗就會唔好食！壽司嚟到都有逐一介紹返壽司喺邊隻名，服務都唔錯！老公最愛食牛舌，佢話串牛舌好好味道，牛舌夠厚，但又嫩口同軟熟…佢讚不絕口整體來講食物味道幾好，值得再試！食物係有質素，大家有興趣可以試一試！

食物水準中上。 餐廳嘅table setting好差，全部都係四人枱，兩個人去嘅話就會同另外兩個人夾枱，近到完全傾唔到計，感覺好差。 其實只要收起一張兩人枱，就可以將所有四人枱分開成為有少少空間感嘅兩人枱，唔明白餐廳點解要安排夾枱。食日本嘢食出去中式茶樓飲茶搭枱嘅既視感。 食嘢嗰陣隔離枱嗰個人keep住撞到我隻手，可想而知個距離有幾近，感覺有幾差。 隔離枱講嘢大聲少少我就聽唔到我個friend講嘢，從來無試過去一間日本餐廳食嘢有咁unpleasant嘅感覺。 兩個人嘅話絕對唔推介，完。

午餐壽司set 有6-12件選擇見可以加$48 多個稻庭烏冬 就試試佢點知食落似奶油麵既質地完全唔似平時食開稻庭烏冬煙煙韌韌既質感真係好失望…..但壽司係正常發揮既每件壽司上既魚生片都大大片完全覆蓋到壽司飯而佢提供既wasabi 唔係好攻鼻可以蘸多d都無妨整體來講，壽司唔錯👍🏻但烏冬真係令我極度失望唔值得加錢要烏冬

周圍都有分店，不過一直都冇入去試，推介吞拿魚壽司，非常新鮮和高質。今次試咗鹽燒牛舌、本鮪拖羅丼、竹壽司盛盒。鹽燒牛舌牛油脂香濃，咬落去有嚼勁。本鮪拖羅丼入面有大拖羅、吞拿魚、拖羅魚茸，大拖羅入口溶化，吞拿魚刺身脂肪比例較少，質感較腍，拖羅魚茸鮮美。竹壽司盛盒有10件壽司，其中2件係大拖羅壽司，非常肥美同新鮮；仲有牡丹蝦刺身壽司，好鮮甜爽口；油金魚魚肉白皙有彈性，脂肪含量適中，口感清淡略帶甘甜，刺身整體新鮮。

農曆新年嘅節目就梗係去睇戲啦！梗係去我最鍾意嘅荔枝角D2戲院啦！睇戲前梗係要醫肚㗎啦!當然梗係上OpenRice睇吓D2有啲咩好食啦?見到有間食壽司嘅叫《鮨樂》，新店，裝修簡潔企理有feel，我意思去日本嗰啲feel，我仲以為要等好耐添，點知唔使等喎！唔好講笑，得一個鐘時間，其實係唔夠一個鐘嘅，嗱嗱聲嗌嘢食先。極速完成呢一餐日本餐，感覺非常好，下次一定會再幫襯，因為啲魚生的而且確好新鮮，暫時去唔到日本，解下相思之苦先。我超鍾意食嗰個味醂魚乾，佢竟然賣得一啲都唔貴，我一個可以食兩碟😬😬，北海道帆立貝係我嘅至愛，食壽司一定要order，條星鰻真係好長，仲要一啲都唔腥，最後我發現原來食咗好多蝦嘅壽司🤭，真鯛魚頭鮫係即刻燒㗎，真係等咗好耐，我哋為咗等食個魚頭搞到Miss咗自己想睇嗰場戲🫣🫣🫣，我個人覺得個魚頭鮫有少少燒得過火，都唔算難食嘅，成餐飯Very Nice

之前一路有行開D2 Place 啲市集，突然有日發覺鰭樂開咗分店，大大個lunch menu 牌棟咗係商場門口……就終於係年尾一日既lunchtime走去試,。平日午餐時段人流都ok,一個人去要等一陣間先有位。座位係吧台，對住師傅，座位不太寬敞，但都算明亮舒適。點了一個 118的魚生飯set,有魚生飯，沙律，麵豉湯。個飯有赤身，三文魚，墨魚等。墨魚軟諗， 赤身等四件魚都算有魚味，赤蝦普通。但118黎講，性價比頗高了。麵豉湯好飲。

轉眼就到了臘月廿三，還有１星期就過年，約了好朋友，送上八珍蘿蔔糕和椰汁年糕，寓意來年步步高昇！發現D2 Place１期新開了間鮨樂，我們來試試午餐，點了２份十貫壽司定食，包括以下的：#野菜沙律：蔬菜算新鮮，配胡麻醬，不錯！#味噌湯：鹹淡適中，加了葱花，我喜歡！#壽司10貫：中拖羅、吞拿魚、北海道帆立貝、油甘魚、赤蝦、墨魚、玉子、另有２件白身魚(看不出是什麼魚)，賣相吸引！食材新鮮，件件都好味！壽司飯偏少，有點不夠喉服務：我們經Open Rice訂座，準時到達，門口counter沒有人，我們進店，說出訂座明細，１位女店員叫我們到外面等等，一踏出門口，同１個店員又叫我們進去，first impression已經扣晒分！

光顧完朋友在荔枝角工廈開的facial 店，已一點幾，便在附近找東西吃，有人派單張，原來新開了鮨樂。店舖位於4樓，可能是只開了幾天，寬敞的空間，只有幾枱客。由於是新店，貨源應該新鮮，因此午飯也刻意試多一點魚生。（金目鯛、秋刀魚刺身等）各款魚生都不錯，三文魚籽很彈牙；原隻赤貝亦鮮甜；秋刀魚刺身也很肥美；壽司飯用赤醋，壽司握得不散又不實，一口一件，很好！唯獨加拿大海膽有點保留。熟食方面，銀鱈魚西京燒外香內滑，仍見肉汁😍；甲羅盛配白飯魚乾，甲羅盛中規中矩，白飯魚很好味，encore了一碟😋；鹽燒牛舌，厚切的，燒得一點都不乾，充滿肉汁；虎蝦天婦羅，意想不到的虎蝦很鮮甜，但脆漿不是我喜歡的那種，也是值得推介的！最後以海鹽雪糕作完結，無得彈！還有，可能新店兼少客，招呼好到不得了！賓至如歸！👍🏻

呢度係新開張，地方好新淨，重有唔少特價抵食套餐。有壽司剌身，食材新鮮但不算花巧，唔食魚生有燒物嘅朋友同天婦羅。重有甜品送，埋單都唔貴，幾抵食。服務員態度熱誠有禮拜，週末都唔算多人，可以唔使排隊就有個幾舒服嘅位置食嘢，抵讚