鮨樂 (D2 Place ONE)

營業中

休息中

周圍都有分店，不過一直都冇入去試，推介吞拿魚壽司，非常新鮮和高質。今次試咗鹽燒牛舌、本鮪拖羅丼、竹壽司盛盒。鹽燒牛舌牛油脂香濃，咬落去有嚼勁。本鮪拖羅丼入面有大拖羅、吞拿魚、拖羅魚茸，大拖羅入口溶化，吞拿魚刺身脂肪比例較少，質感較腍，拖羅魚茸鮮美。竹壽司盛盒有10件壽司，其中2件係大拖羅壽司，非常肥美同新鮮；仲有牡丹蝦刺身壽司，好鮮甜爽口；油金魚魚肉白皙有彈性，脂肪含量適中，口感清淡略帶甘甜，刺身整體新鮮。