鮨穴

營業中

休息中

限聚令第一日，同老婆購物完經過，看見這間餐廳八點都這麼多人等枱，決定試一試。我行過去話唔該兩位，可能接待員經理太矮望都唔望我，就話要等枱，心諗我都知要等，其實可以講得詳盡啲又或者叫我睇Menu⋯⋯入到餐廳坐左係張細枱，如果唔係因為限聚令坐細枱三張連埋都好迫⋯不過值得一讚嘅地方，服務員好細心見到我們一袋二袋購物袋都會比個儲物籃我哋放野，叫嘢食嘅時候靚仔經理都用心回答我們問題，亦都介紹我們食甲羅燒石鍋飯，食飯途中旁邊也聞到陣陣天婦羅香味，下次會試下！總結餐廳環境一般，座位過於逼夾，食物質素優質，模特兒的服務👍🏻先苦後甜的經歷，不過老婆和我都會再次光臨。

之前係time square 買嘢換左啲餐飲卷，當然要好好利用食啲好想試嘅餐廳啦。呢間日本野就係其中一間喇，平時路過見到都幾旺埸㗎，但望到餐廳出面餐牌嘅價錢都屬於貴價，難得今次time square 餐飲券可以用到，首選已經喺呢間餐廳兩點幾walk-in以為冇乜人，但竟然full house，留低電話四圍行吓，大概20至25分鐘就有枱。佢嘅lunch set選擇好多，熟食，魚生飯，壽司，天婦羅，應有盡有。最後揀咗北海道刺身丼好快已經有沙律同埋螺肉小食，沙律份量超大，夠冰凍，麻醬亦都夠份量。螺肉size好大粒，好食。之後就到茶碗蒸同麵豉湯，茶碗蒸味道較淡，麵豉湯就好足料，食到有啲滯，不過我個人就比較鍾意用豆腐配麵豉湯，口感會清新啲是日重點黎啦，北海道刺身丼，份量比我想像中細，亦都突然明白點解之前嘅前艾小食種類同份量都偏多刺身分別有鮮帶子，海膽，三文魚，蟹肉，三文魚卵。全部刺身都好新鮮，不過鮮帶子同三文魚就切得比較薄身，好似食咗陣風咁，可能加埋只係得一粒鮮帶子。相比之下，海膽就顯得好闊綽蟹肉同三文魚卵就冇咩驚喜，整體來講，都係好食嘅不過以價錢來講，二百幾蚊一個刺身丼，我會期望份量會多啲，特

因為有coupon所以要黎時代搵野食到達時間大概下午2點，但係都幾多人等位等左大半個鐘頭左右不過好在可以留電話 到你既時候佢會打俾你咁就可以落住樓下行住街等唔洗企門口咁悶叫左3個Lunch set刺身個雪味有點兒重壽司normal正常 冇特別 啲魚都係食到雪味仲叫左個天婦羅烏冬餐廳提供三款調味配以天婦羅，由於冇人介紹所以我淨係認到海鹽🙉🙉最好食係啲熱食蒸蛋同麵豉湯都唔錯如果下次去應該唔會再食佢啲魚生類既野因為佢喺時代所以個價錢算係咁個性價比就真係唔太高🥲

食左45 分鐘就話我夠鐘 但reception 話交枱係個半鐘食完交枱無問題你好好聲氣話食完安排埋單但話我夠鐘 但依個唔係事實佢同一句說話同隔離枱講同一翻說話都俾人嘈唔推介！

之前喺Times Square買嘢送飲食coupon，有HK$50美食優惠券四張，可以喺指定餐廳使用！惠顧滿$100可以用一張$50蚊coupon，滿$200可以用兩張$50蚊coupon，如此類推！每次交易最多只可以用10張，相當於成個餐半價㗎👀今次揀咗去鮨穴，之前未食過所以想試下新嘢！鮨穴位於時代廣場食通天12樓，出𨋢門就會見到，一行過去周圍啲人都拎住美食優惠券😂 ⚠️要留意返呢間餐廳喺12月24-27日、12月31日 & 2021年1月1日係唔接受使用$50 coupon㗎！呢間以午餐嚟講價錢都偏貴，有半價coupon就食豪啲啦😜 今次我哋無book位就咁walk-in，見到餐廳入面咁full已經心知不妙，好彩職員都安排到位置，用餐時間一個半鐘。入到去你會見到右手邊係bar枱兼係師傅工作枱，可以近距離離望下師傅製作料理過程。左邊就係餐枱擺放位置，不過餐枱排得都幾密，食客同食客坐得好近😅餐廳裝潢幾靚，主題係深木色同方格，餐廳中間仲有個貼牆嘅展示櫃，後方有個和式趟門，分隔餐廳做3個區域。天花吊住好多發光燈泡，配上牆上壁畫，都幾有feel！一坐低見到張墊枱紙介紹先知原來呢間係集團式經營，

收藏了一段時間的餐廳，朋友有Times Square dining coupons，約上來吃午餐。環境：#餐桌排得很擠，中間有透明膠板分隔#旁邊桌的老伯，打了個很響亮噴嚏，我覺得那膠板，作用不大！#燈光非常喑#目測全場坐滿 (門口還有很多人等位)，食肆須保持社交距離，只能接待上限50%的客人！食品：#美國照燒牛扒御膳，點菜時沒有問幾成熟，應該有七成熟，不會太生，但肉質嫩滑不柴，好吃！#特上壽司御膳，有８件手握壽司和２件小卷，味道很不錯！午市御膳標配以下的：#野菜沙律#味噌湯#日式蒸蛋#和菓子用餐環境是扣分項！

去攞位前，查詢係咪可以用卷可能最近好多人用卷既關係啦，生意多左，唔休做啦，企門口既西裝人員面口衰到一個點，好似我乞求佢俾個位我，問多句都好煩咁，答我野又唔望住人，趕客囉，唔食

鮨穴 @ Times Square 壽司拼盤壽司非常新鮮，在order後立即在附近的bar抬旁由師傅煮出來，壽司包括帶子、三文魚子、油金魚等，很不錯的組合鰻魚石頭窩飯燒好的鰻魚放在蛋絲飯上，焦香的飯焦配搭上美味的鰻魚，的確是好吃的一餐

朋友推薦過依間日本料理店好出色，今次經過就決定黎試下！環境暗暗的，好有feel。而店員講野有啲細聲，要重複叫麻煩講多次先聽到😅睇到其他客人都有同樣問題，可能係岩岩完lunch time未回氣🙈但整體服務都唔錯！Menu樣樣都好吸引，今次就簡咗依個御膳。🐷吉列黑豚御膳配以沙律、前菜、味噌湯、茶碗蒸同甜品好豐富嘅set！而且每道菜都味道好好，茶碗蒸好滑溜！而主菜嘅吉列黑豚十分有驚喜，炸粉薄薄的，唔會咬到成口炸粉，而且咬落係脆到有聲，水準比我預期中高。肉質見到左右兩邊有少少脂肪，好香，而中間位嘅肉質嫩滑唔鞋，好難得係香港食到能夠平衡油香同肉質嘅炸豬扒！甜品係一款類似水晶糰子嘅小甜點，口感軟糯，亦唔會過甜。總括而言食物水準有驚喜，環境亦寧靜適合同朋友談心嘆美食。由前菜食到甜品，意外地份量頗多，對一個普通食量嘅女生黎講滿足感好大🥰相信不久將來，我又會為咗吉列黑豚御膳而再訪依間餐廳🤤

今天中午特登訂檯過來食晏就，落了order後，前菜很快上檯，我們邊食邊傾談，侍應問我們上咗甜品未😳？我們答她主菜都未上，仲食緊前菜😑😑。食完前菜，還有燉旦和日本味增湯，我們也是邊食邊傾，另一侍應又過嚟問同一條問題—— 甜品上咗未😠😠😠？點解一而再再而三咁問，我們都是答同一答案未食主菜。主菜來了，即食，但給錯了，我們也不知道是錯了，侍應即時取走😡，但我們食了一小部份。他也照收回，沒有道歉或給解決方案，只是即時回收錯了的食物😡😡😡，我相信他是棄掉的，但我們是可以以價錢換取的，但他們沒有。當我們食完了，應可上甜品，但沒有上，我們已經很嬲了。找經理解決，他只是回應：他們全部都是第一天返工。Omg, 第一天返工就要食客去理解嗎？食物是可以的，價錢並非便宜，食肆以咁既服務態度，消費者可以接受嗎？我絕不幫襯😤。

想食刺生，見個餐有海胆，試下佢先賣相已經吸引，有跟飯，湯，蒸蛋，沙律，前菜，最後仲有甜品。刺生屬標準級數，偏大件隻蝦好大，好鮮甜甜品特別，黑糖吉士，出面少有可以再戰，lunch都抵食，$298

每星期我們也是試不同的丼，我個人比較喜歡集團經營的日式餐廳，去貨快，就是新鮮。這一間 LUBUDS 集團也是我個人推介飯堂之一。集團有高、中價位餐廳，都集中在港島及尖沙咀。今天除了叫丼，叫了刺身拼盤，忘記了價錢，但是也算豐富，雖然三文魚不是我的最愛，但是這一篇三文魚真的非常有油香，入口即溶化，好滿足。油甘魚、帶子、蝦也十新鮮。三色丼基本上是我必吃。大概三百多蚊，便可以極滿足。吃海膽、拖羅、魚子吃到飽。想起也開心。😃😃

穴 既餐廳係朗豪坊同尖沙咀食得多，今次因為有coupon 所以黎到銅鑼灣食呢間。 原本以為呢到都一樣有唔同既丼飯或set，但原來呢到係以居酒屋形式咁運作，大多都係串燒或者精緻壽司，同埋唔少得既日本酒。相個如果想飲酒或者傾下計既人黎呢到就岩哂。 而我只為填包個肚而黎，所以我叫左特上壽司御膳。件件壽司都好高質，用料好新鮮。飯少刺身大，入口刺身比例佔7成。另外仲叫左我最鍾意食既蟹，蟹皇粥。🦀唔好以為得個蟹蓋，寶物沉歸底，其實佢有一隻蟹仔係面🦀，唔大隻既水蟹。但粥就散發出濃濃既蟹味，入口更加強烈。粥入仲有蟹膏同少量既菇類。 以為平平無奇既蟹粥，點知原來比想像中更好食。每樣都好食，始終呢到係講氣氛同埋重質唔重量。雖然食物比較貴，但食到高質食物。😋

12/F的鮨穴一直都想食，今日有機會一試！服務舒服，有不停為你加水同收碟以下感覺係好個人感受！五個係最好DTuna fish Tartare味道清淡左D！無得輸的剌身拖羅入口即容化，好美味油甘魚燒牛舌好彈牙！牛肉串沒有特別印象！有口感鰻魚超正，唯美中不足係有少許幼骨，要小心食……意想不到普通的雞串配上特製的蛋漿，一試難忘！石鍋鰻魚飯好夠熱，味覺不過不失，沒有特別！肥牛烏冬，最難忘係片肥真係夠多肥油！又夠牛味好夠滑！洞亭烏多普通嘢，可能食慣了！會再去食的！真心，好想再去尋找令人驚喜的美味！

👩🏻‍🍳 飛驒和牛($618)｜燒西京銀鱈魚($188)｜北海道刺身飯($218).單點了$600多的飛驒和牛，能吃出來牛肉的質素是不錯的，煎也煎得剛好，充滿牛香，可是對於肥豬來說過於油膩，如果脂肪比例少一點更佳🐂我更會推薦燒魚，超嫩外脆內軟，調味適宜，配上白飯真的🥰🥰🥰 刺身飯中等水平，蟹肉不新鮮，其他刺身中規中矩😌 有這個budget，建議吃同區的omakase😋