鮨鮪居酒屋

營業中

休息中

同女朋友lunch過咗嚟食 新開支持下啦 餐牌選擇都幾多 仲有折頭 又有沙律湯仲送埋布丁 ！ 可能而家個個都返大陸 希望多啲舖頭都好似呢間小店咁 做多啲優惠，振興下香港嘅飲食 點咗啲密金雕刺身 同埋深池 仲有一款就唔記得咗叫咩名😆😁 有仲火隻壽司 同個老細傾咗幾句請咗我食 🤪仲有試咗佢嘅黑板推介 帶子海膽滿瀉卷 超好食 同埋啲壽司上枱嗰陣見到都爆得幾靚 女朋友即刻影相 睇得出用心整 👍唔錯唔錯 下次lunch介紹吓啲同事過嚟試吓先 到時可以食多幾款野 不過呢幾日落雨 希望下次過嚟天氣好啲啦 以後又多咗個新飯堂

中午食飯行過見到新開一間日本野，見到88折，同事話入去試下水，午餐set幾多選擇，叫左個壽司餐，12件舊零水可以接受，海膽算甜，三文魚子粒粒分明，仲有三文魚腩同油甘魚腩，哩個價真係冇得頂😁，玉孑燒就煎得太乾，有啲焦，麻麻地，食完唔夠喉，加多只海膽手卷，新式做法賣相唔錯，份量都OK，諗住埋單，點知送多個布甸甜品，飽曬😌多個食飯地點，下次試吓熱食🌟總結整體都OK嘅，希望保持水準，唔好開咗一排就下降

樓下間嘢開咗喇終於 不過今日好大雨 好彩住樓上 都幾多選擇 居酒屋嚟講，價錢都唔算貴 因為佢埋單八八折 走嗰陣驚喜左一下🤣 叫咗牡丹蝦刺身同埋甜蝦刺身仲有一份三文魚 啲刺身都幾新鮮 特別係牡丹蝦 好耐冇食！ 同埋叫咗個壽司12件 其中一件海螺壽司幾特別，有啲柚子味！ 再叫咗四隻燒蠔同軟殼蟹手卷 食落都唔差 唔會好油 ！ 手卷有少少辣 幾特別差唔多食晒啲嘢 佢哋主動拎咗啲布丁俾我哋曲奇布丁 好似話係自己整 幾好食🤤 不過差唔多走嗰陣先發現原來佢哋主打拖羅 但已經好飽 下次試吓先！！

今日經過北角見到有啲花牌，原來開咗間新嘅居酒屋。出面仲寫住新開張八八折優惠，我就帶屋企人去食。我哋食咗芝士吉列蝦卷同埋叫咗一個海膽刺身，仲有一個壽司拼盤同埋幾串串燒。啲芝士吉列蝦卷好好食㗎。佢個外層脆脆嘅，裡面有鮮蝦同芝士，食落好豐富，蝦肉同芝士嘅鹹香好配合海膽刺身好新鮮一啲都唔苦澀，入口即化。質地好軟滑，有啲淡淡嘅甜味👍😋壽司拼盤係我哋另一道點嘅菜，入面有各款唔同嘅壽司。每一個壽司都好精緻，米飯軟糯，魚肉鮮嫩最後係幾串串燒，肉質唔錯，帶出嚟濃郁嘅口感同香氣，串燒仲有各款醬料同蔬菜，增加咗層次同口味嘅豐富度。除咗食物好味之外，呢間居酒屋嘅環境都好舒適。室內裝潢簡潔，氛圍溫馨，好適合放鬆同享受美食。服務態度友善！總括而言，呢間新開張嘅居酒屋比我嘅印象。食物好味多樣，環境舒適，服務周到。我肯定會再帶屋企人嚟呢度食飯！！