鮪屋日本料理 (已結業)

今天友約，重來鮪屋。再訂御膳定食。我跟店長說，上次的牛粒飯，牛粒很老、很硬，粒粒都咬不進，可否換其他？店長謂可換鰻魚飯。那好，再來一客御膳定食試試。1. 麵豉湯，我循例不渴，今次再試一口，還是那麼鹹！不渴也罷。不可現代的日本人是否還愛這種湯。2. 三占刺身，三種魚生，也還是三文魚好吃，滑而厚，顏色又艷。3. 霜燒三文魚冷麵沙律，是這個定食最好吃的一碟，但三文魚甚少，只兩片而己。冷麵染著冰凍沙律，加上爽脆青瓜，吃來有一種熱天消暑之感。4. 鰻魚飯端來了，醬汁好味。想不到鰻魚香且滑，有點驚喜。這肯定比牛粒好吃。真奇怪，大廚究竟有沒試菜和常常檢討，牛粒長久咬不入也不知，亦有很多善心食容不忍心告訴他們，免傷了他們的弱小心靈。5. 甜品還是雪糕，可選咖啡味、朱古力味、或雲呢拿，我還是要了雲呢拿，其實他們可以在甜品多想些花款來吸引客人的。

早排經朋友介紹灣仔區有呢間日本餐值得一試..今日咁啱經過呢區就去咗試一試 .. 經侍應介紹有幾款新推介定食 .. 最後決定食蔥吞拿魚腩帆立貝飯定食 .. 跟味噌湯同沙律一份..味噌湯同沙律普普通通冇乜特別 !但個魚生飯就真係值得一讚.. 份量頗大 .. 帆立貝亦好鮮甜!!咁樣配搭都係第1次試.. 下次會再幫襯 !!

灣仔區午飯，現時人山人海，不敢坐得安樂食一餐。以前來鮪屋，也要等位。今天來到，人不多，頗為意外。也再吃了個御餐，有麵豉湯、三占刺身、霜燒三文魚冷麵沙律、牛粒飯、甜品、$148.00。東西還是來得遲，先上一個麵豉湯，但我最怕這個味精湯，一入口就喉嚨死火，出唔到聲，今次淺嚐，呷一口，還是那麼鹹，立刻止步，速速退回。三占刺身，要等了好久才來。也不錯，三種魚生，各不同口味，只是雪得太凍，吃不出魚的鮮味。吃魚生，還是偏好三文魚，呑拿魚等魚都太硬，沒三文魚的柔滑。霜燒三文魚冷麵沙律，三文魚也雪得太凍。牛粒飯端上來，一只生蛋蓋著，心裡打了個突兀，因現代人開始認識到未熟雞蛋，含菌量高。再與飯混著吃，有太糊之感。但最壞事是牛柳粒，以我的靈牙利齒，也有九成咬不開，怎麼攪的，一是牛肉不佳，二是弄得太熟了。吃下，一盤牛肉渣，不是味兒。甜品沒驚喜，就是小雪糕一份。如要茶、咖，有蒸溜咖啡供應，索價特平，十八元正，叫來一嚐，一小杯很普通的。此行覺得環境清靜了，但出品也相應差了。如有選擇，可以不來也。

今日又係OpenRice揾未去過嘅日本料理，最後選了鮪屋。午市套餐八十元至百五元左右，含沙律及麵豉湯。沙律以生菜為主，大路配上麻醬。麵豉湯偏淡，不算很香。主食西京燒銀雪魚拼雜錦刺身，西京燒銀雪魚肉質白滑度一般，調味稍稍鹹了一點。雜錦刺身有兩片魚立魚及三文魚吞拿魚各一片，魚立魚吃彈牙口感，三文魚及吞拿魚皆厚切，同樣富口感，論肥美度吞拿魚稍勝一籌。主菜拼白飯一碗，因加了芝麻粒，幾香口好食噃！

近食肉多，老思食清的、健康的。故多天來都吃日本菜，今聞此店地方好、食物佳，乃來一試。鮪字如何讀，侍者一口，介紹單讀惠，不知正讀如何？午飯定食，由九十八元開始，也很多選擇。叫了一個御膳，＄148.00/位。鮪屋御膳，包括有：麵豉湯三占刺身霜燒三文魚冷麵沙律牛粒飯甜品先來一個麵豉湯，湯很濃，味很重，麵豉極鹹，味精也重，敬而遠之，我最怕這個蘿蔔頭湯，故淺嘗輒止。三占刺身上來，只有五片，先嚐帶子，一般。再吃三文魚，也可以。再吃呑拿魚，很厚身，但解凍不夠，有咬冰之感，最後是日青魚，甜蝦可以。刺身可作熱身吧，但覺太冰凍。霜燒三文魚冷麵沙律，厚切三文兩片，雖板燒而仍湅，我覺得三文魚，一定要生吃，那種鮮、滑、潤惟生吃才產生，一過鍋就鞋了。冷麺則一般。主食牛粒飯，量多，差不多有十粒牛柳，然細嚐，肉鬆化，有牛味。打了一隻生蛋在上，好看但今時今曰來說，就不太衞生，把它撈飯一齊吃，有一種滑潺潺感覺，不太好。牛柳粒十粒中有三粒咬不動，可能太熟太厚了。最後奉上綠茶雪糕，現時綠茶已不吃香，都覺苦，大家都喜歡芝麻雪糕了。朋友叫了一個燒三文魚扒拼什錦刺身定食，＄128.00。有刺身分開上，魚燒了有燒烤香味，跟白飯，也不

去灣仔溫莎聽研討會，由九點半到十二點幾，最期待就係午餐。喺溫莎行過少少，見到有間日本野，同個fd都想試。行近看看有無午餐，午餐有好多選擇。於是就進去了。店子好細，直直長長的，我地坐近門口嘅二人位，座位有點迫。午餐真係好多choice，有大約15款！我要咗蔥吞拿魚腩三文魚飯，朋友要咗壽司烏冬定食。配有沙律同麵豉湯。沙律同麵豉湯先來，生菜加上酸酸的芝麻醬，不錯。麵豉湯有好滑嘅豆腐粒，湯不會太咸。朋友嘅壽司烏冬定食先來，一碗湯烏冬，配以6款壽司。有甜蝦、吞拿、劍魚腩、海膽等，好豐富嘅配搭。再過五分鐘，我嘅蔥吞拿魚腩三文魚飯來了！賣相不錯，粒切三文魚放喺蔥吞拿魚腩上。蔥吞拿魚腩份量好多，當撈飯嘅時候就發覺肉多過飯，很慷慨！蔥吞拿魚腩非常新鮮，一丁點腥味都無，鮮味非常。粒切三文魚絕唔係瘦到無油嗰d，而係用上腩位，所以油脂豐富。才$100嘅定食就有咁高水準，用料新鮮，份量絕不姑寒，認真值得一讚！

班朋友話要同我慶生日，我二話不說就揀左呢度喇，因為見佢新開張同理d同事食過都話ok。我地4個人叫左好多野食，但係都全部食哂 (因為真係幾好味)，下面幾樣野我認為係必食既: 1. 刺身拼盆 – 牡丹蝦同劍魚腩必食，好鮮甜2. 帶子海膽卷 –海膽真係甜喎，證明新鮮3. 明太子炒露筍 – 有新意，好味4. 汁燒三文魚頭 – 本身朋友話賣相麻麻，但食落魚肉好滑，一d腥味都冇，好快食清光5. 炸魚骨 – 脆卜卜好香口，飲返杯sake，正!6. 芝士軟殼蟹 – 好特別，之前未食過，我覺得芝士拼落蟹肉度係好夾7. 沙律小柱多士 – 我最鐘意食呢個呀! 小柱新鮮，多士又脆我地4個人由7點坐到10點，店員好殷勤加茶，冇話要迫我地走，朋友帶左個蛋糕黎，店員仲幫我地分餅同埋影相，very nice! 埋單每人三百幾，日本野都差唔多，食物質素同環境都good ar！

約左朋友响灣仔吃午餐聚聚, 因為好想吃魚生飯, 見到雜誌介紹呢間新店, 所以就去試試.因為早到就試下WALKIN入去, 好彩都有位, 唔駛等, 但坐低一陣就好多人,滿晒坐.打開MENU就二話不說叫左個海膽吞拿腩飯, 仲要有MISO同沙津, 正! 朋友就叫左個鰻魚剌身定食.個海膽吞拿腩飯一上枱真係呆左呀, 因為平時去食海膽剌身飯都係得好少好少海膽, 但係呢個真係好足份量, 好抵呀!!! 其實好多時食海膽都會有陣腥味, 但呢個就真係好鮮味, 相信因為用材新鮮 加埋吞拿魚腩碎上, YUMMY~~朋友個鰻魚剌身定食亦都好足份量, 剌身每件都厚切, 一樣新鮮好味, 真係估唔到佢地呢間小店會用咁正既食材!不過唯一不足既係地方比較小, 座位比較窄, 適合人小小享用. 但服務員話人多可以上樓上, 會寛敞D, 下次同班同事大顆兒就可以訂樓上雅座喇.

上星期睇完雜誌, 見公司附近開左間日本菜, 就膽粗粗去試下.一點去到, 已經要等位, 好彩bar枱有人走, 坐住先. (我同事望住個靚仔師傅,佢話超開心喎!)叫左我至愛的吞拿魚腩海膽飯, 超大pat海膽(3大塊), 好新鮮, 入口即溶, 加埋吞拿魚腩, 油份啱啱好, 雜誌無講錯, 真係用靚料! 加左$18叫左杯特濃咖啡，入口幾好，少少sweety，夠咖啡味，不過好似細杯左！雖然$128 lunch都唔平, 但用facebook打卡有88折, 計落價錢算合理. 揾日放工試下晚餐先, 我見manual有好多野食.試完再報告.

等巴士見到間日本餐廳新開張Lunch有八八折咁荀, 諗住去食下啦!! 點知LUNCH日日都爆滿要排隊, 惟有約埋班老友記一行九人BOOK左夜晚去到 相敍試新野啦 ~~~~入到去即點左碟 [刺身盛] 一試，刺身有色澤魚肉質厚，賣相一流，吞拿魚尤其鮮甜，再試埋個 、及壽司] ，海膽夠新鮮無腥味。店員誠意地推介 刺身]，有特制醤料點上後帶魚的鮮甜味道…不錯不錯!!，充滿蒜蓉香味的蒜蓉法包加理上去帶子沙律，十分香脆可口，食到唔停口 ~~!!! 點了好多款，春魚、雞腎、雞翼及牛脷，不過最正係牛脷，入口鬆軟味道不錯，值得推介呀~~~。刺身沙律] 雜菜同粒切刺身都好新鮮， 炸豬扒做得不錯, 炸皮絕對不會油淋淋，肉質多而鬆口，醤料不算太濃剛剛口不太甜不太辣。 甜品最討人喜愛，我地成班老友記點左好多甜品，、 、 、 、 及 。 食完 真是齒夾留香喔~~~~!服務親切，就算不小心打爛左隻杯, 店員即時上先詢問及清走玻璃，無黑面!!! 位置方便近地鐵站，而裝修富有日本小店之特式。整體感覺良好有驚喜!!

第一次寫食評,所以搵番間新餐廳試下, 呢間鮪屋係剛新開張, 膽粗粗咪同男朋友入去試下... ...食後感如下:1) 小食-- 燒雞泡魚乾, 一如零食一樣, 會食上穩, 佢加左蜜糖去燒, 令到上穩指數又上升左... ...唔使3分鐘已經食曬2) 刺身-- 細刺身盛合, 我自己最鐘意食海膽, 叫見有兩大塊海膽就搶黎食, 冇腥仲好甜美, 問左服務員, 原來佢地海膽係每日番貨, 仲精選過先放會盛合, 有heart…3) 燒物 -- 鹽燒雞翼串, 我就麻麻地食雞, 不過男朋友話好正, 因為我食左佢d海膽,所以我冇試呢味...4) 壽司 – 帆立貝海膽加鵝肝卷, 服務員推介, 又見到海膽…初初以為咁多野加埋味道會好怪, 不過食完發現佢既配搭真係一流, 帆立貝加海膽, 呢兩樣都好鮮好甜, 再加埋燒鵝肝, 又係會上穩…3分鐘又食曬..5) 炸物─ 天婦羅盛合, 食完最正係炸蝦, 炸得剛好, 其他野無試…怕肥6) 甜品— 服務員推介柚子雪笆, 雖然唔係自家制…不過食完咁多野, 整番個醒下胃都幾好...埋單—因為服務員提醒打卡有88折, 所以埋單7百幾, 貴左d不過環境同服務都值既…兩人世界算浪漫 (因為

之前睇到傳單見到呢間新日本餐廳, 見到check-in同like都有折, 見媽咪生日就早兩日打去訂位...頭盤係刺身拼盤, 賣相好, 食落好新鮮...特別係矛單蝦, 真係好好味...跟住黎o既係海膽鵝肝帶子卷, 呢個睇佢地網頁係必食推介, 所以叫黎試下...嘩!食過真係同出面連鎖式餐廳好唔同...鵝肝同海膽配搭得好好...d海膽冇腥味,好甜美...真係想食多幾件...見到menu有好多串燒, 因為我地成11個人,如果全部叫曬都幾甘,所以叫廚師精選幾樣俾我地試, ..食左幾樣,最有印象係牛利, 食落好爽...跟係黎一味, 名太子露荀, 呢個真係正到爆, 新鮮o既露荀加左好多味太子，呢樣係出面真係未食過。。。再黎食鹽燒三文魚nam, 魚皮同埋魚脂燒完好好味, 平時我食日本野淨係食生三文魚(因為怕腥), 不過呢味真係正到爆!!食到咁上下見大家都未飽，問下服務員有咩推介食飽佢，佢推介左咖哩雞扒飯，黎到發現份量真係好夠（可能見我地大食），咖哩味道唔算好spicy, 完全係正宗日式咖哩...最後上甜品,叫左佢地推介既雪巴, 大家口味各有意見, 我個人最鐘意柚子...值得一提係佢地有切餅服務, (原