鮮芋仙 (荃新天地)

營業中

休息中

最近天氣太熱要黎返碗😝😚芋薯圓q麻糬牛奶冰 $52🍧頂頭有球大大的雪糕 是牛奶味的，仲有點點黑糖點綴🤤幾香滑 好鍾意!!!🍧有黑糖同牛奶味既麻糬😍口感超級煙韌❣️最鍾意就係個芋薯圓q😍😍😍入面有芋頭餡☺️軟糯香甜🤤最後想講真係超大碗🙈兩個人食完飯食都勉勉強強先食得曬🤣

今次好失望🤦🏻‍♀️一去到超級多人排隊等食，等咗9個字先有位🤦🏻‍♀️芋圓2號芋圓算正常，但太多冰同水，咁嘅價錢唔抵食布甸➕Q麻薯布甸似係超級市場買返黎，得個甜字！Q麻薯更加離譜，超細舊，食落好甜好難食！尤其係牛奶味🤢 呢個價錢更加唔抵食🤢

四個女仔食完晚飯，梗係要去食甜品啦~芋薯圓Q麻糬牛奶冰 $52 (👅 6/10)麻薯口感煙韌，整道味道還可以。不過沙冰並非牛奶冰，比較似普通沙冰，而且個人認為刨得太粗粒。完全被賣相吸引，無想像中好食。招牌仙草冰沙 $45 (👅 8/10)仙草夠滑，冰沙夠綿，芋圓夠香夠煙韌。值得食! 。。。。。。。。整體: 味道 6/10 | 抵食 8/101 - 4 分: 不好食、有進步空間、唔抵食5 - 7分: 中規中規、價錢合理8 - 10分: 有驚喜，想再幫襯Follow IG: foodiein_______

同完朋友食完飯之後，話好想食下甜品，朋友就帶咗我嚟荃新天地嘅鮮芋仙，舖頭係自助形式，幾方便，叫咗一個芋圓冰兩個人一齊食，估唔到有幾大份，又好啱打卡，仲有好多配料，質素唔錯😋

🥢 芋薯圓Q麻糬牛奶冰 $52呢個牛奶冰有齊鮮芋仙特別嘅煙韌配料：芋薯圓、Q麻糬、冬瓜凍同埋小芋圓😍 好濃嘅牛奶冰上面仲有一大球雲尼拿雪糕，再淋上煉奶+糖漿，好正👍🏼牛奶冰嘅冰粒有少少太粗，食嘅時候會咬到一粒粒，好似食得無咁爽😣 但係佢嘅配料真係好正！芋薯圓係好似湯圓咁，係蕃薯圓包住芋泥，有雙重口感～Q麻糬有2隻色，白色係牛奶味，黑色係仙草味，兩款都咁煙韌，不過個人覺得牛奶味有啲太甜，仙草味就比較香同埋無咁膩😋小芋圓就有啲太細粒，所以係好食到芋頭同蕃薯味～冬瓜凍就係硬身啲嘅冬瓜茶味啫喱，相對上light d。牛奶冰份量超多，再加埋好多款配料，真係最少2個人先食得晒🤣 •🥢 招牌仙草冰沙$45招牌仙草冰沙有芋圓、仙草同仙草冰沙，奶係另上的，可以隨個人喜好落幾多。鮮芋仙嘅芋圓真係暫時食過最好食嘅芋圓！😍口感煙韌Q彈，而且食到芋頭/蕃薯嘅粒粒，唔係其他地方食到就咁一舊有芋頭/蕃薯色嘅粉團。仙草好軟滑，仙草味濃得嚟一啲都唔苦🤩第一次食仙草冰沙，冰沙磨得夠細，所以唔會咬到一粒粒👍🏼不過以一人份嘅甜品嚟講，呢個有少少貴😣

想小朋友開心下，帶佢去食牛奶冰！$52一大碟高高牛奶冰，上面鋪滿好多好有咬口嘅芋圓、麻薯，其實都分唔清咩打咩，總之全部好好口感！冰又甜甜地，凍冰冰最啱夏天食。好旺嘅荃新天地，星期六日食就要等下位，位置唔多，試過外賣，再係出面空地食。眼睇十個九個都會叫芋薯圓Q麻薯牛奶冰，相比其他甜品，呢款最抵食！（不過招牌仙草沙冰又另一種冰，另一種感受，推👍🏼）我仔食到個人打晒冷震仲唔停手🤣🤣三個人食都仲得！

芋薯圓Q麻薯牛奶冰 ($52)芋圓切得太細粒搞到無口感, 橙色嗰粒野, 味道唔錯, 有蕃薯甜味, 不過嚼頭都係差咁啲. 麻薯係糯米磁咁上下嘅軟, 但呢樣野本身好似就唔會有芋圓咁有嚼頭, 所以算係達標, 純粹未夾到自己嘴形. 冬瓜凍無特別, 無乜味嘅啫喱. 呢盤野佔得最多係牛奶冰, 頂頭似係雲呢拿雪糕, 雪糕無問題普通野, 問題啲冰係廢, 勁無味, 好似食碎冰飲雪水咁, 食幾啖就bye. 成盤野除左夠大盤睇上黎好勁咁, 毫無亮點. 仲試左個熱芋圓4號 ($45), 唔記得影相, 都係麻麻地, 湯底係紅豆沙好水, 芋圓大粒返都係唔夠嚼頭, 裡面仲有珍珠, 普通野. 無論凍食定熱食, 心目中都有好過佢嘅餐廳, 芋圓做得更好, 呢間唔難食, 不過無下次. 呢間野勁多人, 好似快餐點咁搵位, 唔係排隊係鬥搶, 食完要即走讓座, 群眾壓力山大.

食過兩次鮮芋仙都係覺得一般, d芋圓ok都幾煙韌, 但未試過佢呢個好出名嘅冰諗住試一次, 就覺得都係麻麻🙈. 芋薯圓Q麻糬牛奶冰🍧. $52見親都好想試嘅麻糬牛奶冰, 可惜無唒Q麻糬😢佢俾我地揀其他配料, 我地揀左粉粿, 食落好似黃金糕甜甜地😂其餘配料有芋薯圓, 小芋圓同冬瓜凍, 每樣都幾有咬口, 配上牛奶雪糕🍦但個冰無想像中咁綿, 真心係冰黎好鬼凍😂可能期望太高有d失望☹️推介: 🌟🌟🌟+0.5🌟(最高5星)

想食芋圓但係又想飲嘢，所以就叫咗一杯招牌豆漿，佢有小芋圓同埋珍珠做底，再加埋一大杯豆漿。我揀咗微糖，頭幾啖覺得好甜，應該因為未撈勻之後攪勻左就覺得OK，唔甜但好岩我口味～ 芋圓好細粒所以冇咩口感，同啲珍珠攪勻左一齊所以就唔係好分到味道，豆漿都幾香，整體味道唔錯。 不過價錢偏貴，唔會飲下次～

星期五晚飯後, 差不多10點, 老婆話好想食鮮芋仙, 因為係佢近期至愛! 去到發現已經排緊成10人, 諗住轉外賣。點知原來都係同一條隊, 哈哈! 等咗15分鐘左右, 終於買到啦! 佢既芋頭係我好欣賞 (我老婆反而最鍾意d冰....well), 好入味, 好鬆軟, 又唔算太甜。天氣熱辣辣, 食返一碗真心正! 2個人叫一碗已經好夠食啦! 

🏹芋薯圓Q麻糬牛奶冰🏹牛奶冰既份量好大好足料, 有黑白⚫️⚪️麻糬,小芋圓,芋薯圓 ,冬瓜凍,雪糕🍨全部都勁有咬口🤣, 小編就幾鍾意食小芋圓細細粒,好煙韌,好好咬, 不過食唔出個味道😕😕冬瓜凍:冬瓜茶既味道芋薯圓:似湯圓, 內係芋頭餡 Q麻糬: 4黑4白 食落應該係黑糖同原味😄😄🍨雪糕上面放左啲煉奶, 最岩夾埋啲冰一齊食😋😋😋兩個人食都食唔晒D冰,4個人就應該差唔多😂😂😂😂

路過荃新天地，想買杯珍珠奶茶飲下，見到鮮芋仙，應該係食芋圓個啲啦，又見無人排隊就去睇下睇睇下menu，變左想食芋圓，飲冬瓜茶，最好有啲好蓋...跟住我叫左杯小芋圓冬瓜鮮奶露我飲左一啖就話下星期要再黎坐低堂食甜品！因為真係好好味咀嚼芋圓比珍珠容易，不太甜，奶蓋十足！真心推薦！

同屋企人喺樓上餐廳食飯，見好耐冇食過鮮芋仙 ，所以留肚黎食dessert。我地4個人叫左兩個甜品第一個係仙草4號加芋圓 $51第一次試呢度嘅芋頭，夠淋又甜甜地，但如果切到bite size會好d，仙草芋圓珍珠水準依舊咁好，紅豆大大粒，所有野都好夾。布丁Q麻糬牛奶冰 $52OH MY GOD😱😱😱估佢唔到咁大份，4個人都食唔晒。toppings 超多仲有雪糕on top。d小芋圓好細粒，味道唔太明顯，我覺得實際d落幾粒正常芋圓比較好。冬瓜凍質地同甜度啱啱好，但我覺得個冬瓜味可以再出d。雞蛋布丁同杏仁布丁，非常軟滑，味道恰到好處。至正係d麻糬，非常qq，黑糖嗰個味好出，仲要有好多舊講吓最重點嘅冰，如果d煉奶可以分佈均勻d就好喇，因為有一邊特別甜另一邊冇乜味。之前都係喺大陸食多，廿幾蚊人仔就食到，喺香港食貴好多吓，但而家呢個時勢只可以留港消費，平時四五十蚊食個dessert 算好reasonable 架喇 ，講真就算返到大陸，車錢都喺返度啦係咪？

一個人行街行到攰，係荃新天地諗住食個糖水，先知原來之前食個間執咗，開咗呢間鮮芋仙就試下啦叫咗個熱《招牌豆漿豆花》$48。入面有豆腐花，有芋頭，有珍珠，有芋圓，豆漿湯底唔會太甜，一般出面飲豆漿質地一樣，珍珠係細細粒我鐘意，珍珠亦唔會甜到搶晒d 味，個芋頭最好食，粉粉地少少甜甜地好味，芋圓無特別食唔到有味，最差係個豆腐花鞋口，唔滑，口感感覺好實好似好多石膏粉咁，我要熱嘅，佢係用 d 熱豆漿浸住，但入面係凍嘅。下次會試下其它，如果店舖清潔可以抺多小小就好啦，張枱黐立立

作為煙韌控既我，點可能唔食鮮芋仙？好耐以前係深圳食過一次，覺得平靚正，佢係香港開分店我係好開心既雖然預左價位一定會係貴 D，但勝在係香港容易去，今日黎完全唔洗等位，但買完野食之後，就突然勁多人，而且佢地要自己搵位同等位兩個女仔，叫左一碗仙草冰沙4號加粉粿，一碗冰芋圓4號加仙草，同埋Q麻糬布丁併盤🤣明明食完正餐都忍唔住叫，不枉我地係煙韌控二人組珍珠屬於細粒既，好煙韌，有咬口，質感好好。芋圓慢慢咬，會食得出有芋頭既香味，又夠曬煙韌，最正係個芋頭，非常好食，粉糯，勁重香甜芋頭味，真心好鍾意食佢既芋頭呀！係香港芋頭做唔到既味道。仙草唔苦，好嫩滑，好動感～成碗食完真係好幸福好飽足，整體唔會好甜，感覺幾好。呢個併盤就唔太建議叫，一黎多數佢呢度既甜品都已經會跟珍珠，二黎佢既布丁雖然滑溜，但有種大陸味？？？Q 麻糬夠曬 Q 彈彈　好正呀！下次黎可以單獨叫～