鮮芋仙 (荃新天地)

營業中

休息中

今日朋友話去D park行台灣夜市展喎。眼見太多人，就喺附近間鳥山名食個飯後再食小食，甜品甘🐷點知。。。8點半經已截左，唔比入啦！條氣唔順，一定要食個台灣野結尾！最近係鮮芋仙。之前喺銅鑼灣分店都見到佢既人氣！一路都無食過！去到都幾多人！排左一陣。係分兩條隊排，堂食一條隊，外賣一條隊。朋友叫左，芋圓檸檬愛玉冰: 食落好似檸檬茶加冰架芋圓，清新既。Q麻薯抹茶布丁拼盤冰: 麻薯都煙韌。抹茶布丁重查到未比較苦，小朋友唔岩食。芋圓2號: 份量都幾大份。好味😋招牌仙草沙冰: 都ok清清地。芝麻湯圓紅豆沙: 同中式有啲分別。比較淡。無甘甜。係無陳皮架，另一反風味。芝麻湯圓正常，有2粒。

曾經有一排好迷食芋圓，幾乎一星期有幾晚都要買碗糖水食，鮮芋仙食芋圓就出晒名，今次一於試吓佢🥳🥳🥳🥳望落好似大雜燴乜都有，仙草芋圓再加珍珠，就算食飽飯都要食佢，整體來講都冇令我失望。見到出邊長長嘅人龍就知呢間真係長做長有😆

呢間芋圓店成日都大排長龍，無論堂食定外賣都好多人。今次小編去咗荃灣嘅分店，面積都算大，唔會太迫夾。落單之後會比機仔你坐埋位等，不過都等咗10分鐘以上。🧚🏻‍♀️芋薯圓Q麻糬牛奶冰+地瓜💰$52+$6入面有芋薯圓、小芋圓、Q麻糬同冬瓜凍。芋薯圓係有餡嘅芋圓，非常Q彈煙韌，入面嘅地瓜、芋頭餡好香，又唔會太甜👍🏻反而其他配料就平平無奇， Q麻糬味道好淡，小編唔係咁鍾意食。地瓜都係必嗌嘅配料，香甜軟滑🤤成個牛奶冰超級大份，兩個人食剩一半😭但計返抵食過其他甜品。小編之前仲食過仙草凍，超級香滑，又唔會假甜，值得一試👍🏻不過就覺得唔值得排咁耐，整體而言有啲普通同偏貴。順帶一提鮮芋仙都係黃店，可以去支持下💛味道：7/10環境：7/10CP值：6.5/10

今晚食完晚飯後，就同老婆搵甜品食，見好耐冇食過芋圓，所以就決定去鮮芋仙，今日係星期六所以有好多人排隊，一條外賣一堂食，堂食太多人，所以決定外賣，先睇睇餐牌先大約排左半小時，終於入到，我哋叫咗個芋圓4號，同埋麻薯雞旦布丁拼盤，埋單$79，返到屋企就開始食得，見到個芋圓4號，都好足料，有芋圓，有芋頭，紅豆，糖水都正，好滿足，至於另一位麻薯雞旦布丁，我就覺得麻糬好味既，但只有4小舊，我覺得就小左小小，至於布丁我就覺得唔夠甜，所以下次都係食返芋圓算

小編超鍾意食芋圓，差不多一個星期有一兩餐會食到芋圓。最鍾意台灣既芋圓有一種Q彈煙韌既感覺，咬落去唔易散，仲會散發岀陣陣芋頭香。荃灣難得開左間鮮芋仙，小編就覺得一定要去踩踩場，試試佢地既芋圓。當日大約七點到場，排左五至十分鐘隊就可以落單同入坐。天氣轉涼，當然要食一碗熱辣辣既既芋圓4號啦！芋圓4號系有紅豆湯，珍珠同芋圓，佢仲會加兩舊大芋頭落去添。味道方面，小編覺得芋圓略為失色。唔知系咪熱食，感覺芋圓煮耐左，所以口感唔煙韌而系偏淋身，細細力咬一啖就爛，無想像中既口感，少失望。不過佢既紅豆底同芋頭都好食，芋頭甜甜地同好粉，贊！

芋薯圓Q麻糬牛奶冰 $52牛奶冰旁邊伴著芋薯圓、小芋圓、Q麻糬、冬瓜凍😍，上面再加上一球云呢拿雪糕，就咁望到已經令人垂涎欲滴🤤~先講下牛奶冰，食之前仲有啲擔心只係係冰既頂層淋上煉奶，而下面既冰會好淡。但呢度既牛奶冰每一啖都食到淡淡牛奶味，再加上頂層淋上既黑糖醬，恰到好處、甜而不膩。不過略嫌部分冰比較大舊，不夠綿密💁‍♀️Q麻糬有原味同黑糖味，軟彈煙韌、不黏牙。黑糖味非常濃郁，而且唔會過甜👍冬瓜凍亦有驚喜！平時冬瓜茶就成日飲，但將佢變成果凍食真係第一次。冬瓜凍爽口微彈，入口后淡淡冬瓜茶味隨即而來😛而湯圓般大細既芋薯圓則係由芋頭做既皮包裹住番薯餡，一啖可以同時品嘗到芋頭番薯。兩者唔會搶左對方風頭🍽整體黎講，佢真係好大碟🙊建議起碼兩至三個朋友一齊分享，唔係會食唔晒🤣 另外，夜晚食完飯大概七點幾八點開始有好多人排隊。我地大概排左半個鐘先可入座💁‍♀️溫馨提示: 係門口點餐、俾完錢先可入座~

印象中好似第一次食台式甜品專家 - 鮮芋仙作為芋頭 既粉絲 本身想試 雪山雙芋牛奶冰 見其他foodies影到啲芋頭好綿密🥰好似瀑布咁流落嚟😍即刻心心眼！諗都唔使諗啦😻點知原來係期間限定🙁 已經過期了⋯好可惜冇得食🙊.最後轉戰叫左個⋯芋薯圓Q麻糬牛奶冰 $52份量都好大！入面有一大舊牛奶冰⋯但個人覺得牛奶味唔重😳 似普通冰多啲圍邊仲有一圈配料😋圓轆轆既芋薯圓一堆好煙銀既小芋圓 仲有放到好似鋼琴🎹既牛奶麻糬同埋黑糖麻糬🤩仲有幾清爽既冬瓜凍ON TOP仲有舊雲尼拿雪糕😍呢個飯後甜品⋯完全足夠2-3人分享😋P.S 如果之後再出番芋頭牛奶冰一定要試下

同朋友係荃灣食完飯 唸梗食咩甜品 就醒起荃灣開左間台灣過江龍既芋圓甜品鋪 鮮芋仙 身為芋圓控既我就過左去試下！一去到發現門口外排左好長既隊原來咁受歡迎！最後排左大半個鐘左右終於輪到我點餐！ 點左佢地既季節限定 芋頭牛奶冰！！ 額外再加多個小芋圓甜品一上到黎就已經覺得大份😳而且上面仲有一球雲呢拿雪糕 但冇咩特別🧐 冰身方便加上大量嘅黑糖糖漿及煉奶 食落超級濃郁而且好甜 但我個人比較鍾意重口味所以對我來講可以接受 至於芋圓方面 由於我加嘅係小芋圓所以口感差啲食落都唔知自己食緊芋圓😂 要一啖食好多粒芋圓先試到佢嘅味道😟 但其實芋圓本身嘅味道唔差Q彈而且芋頭味重 所以建議加返正常size嘅芋圓❤️ 至於蜜芋頭方面 份量較多芋頭質感呈粉狀 芋頭size都算大粒 實心！☺️總括嚟講一份芋頭牛奶冰已經可以足夠兩個人食🤩 最後我同朋友都食唔晒😂 可能因為芋頭嘅份量特別多但係芋圓嘅份量比較少 如果芋頭條嘅份量可以多啲就更完美 會返去再試！！

芋泥滿滿 雪山雙芋牛奶冰🍧🍮好彩小JunJun趕得切係佢lastday個日品嚐到🥺，未試嘅朋友都可以睇吓佢配料嘅味道啱唔啱你😜，因為呢間芋圓專賣店嘅款式都係以某幾款配料為基礎😉🍧 雪山雙芋牛奶冰 $65 (6.3/10)冬日嘅名字秋夏嘅限定😂雙芋源於芋泥同小芋圓，牛奶冰應該指煉奶加刨冰，冰上淋有芋泥漿同奶漿，再加Vanilla 雪糕球在上，營造雪山效果🗻加上頗大份，做到視覺效果😍芋泥一大一大舊，芋頭打得綿滑細膩，有芋香，可能缺少空氣，質感結實，有機會頂胃小芋圓提升整體chew口，多咗份口感幾好😋小JunJun起初以為係綿密嘅牛奶冰，但其實係偏硬身嘅冰碎粒加奶漿芋泥漿🥺，比例大致平均，中間略有冰粒未被奶漿覆蓋漿汁形態唔會太稠，甜味偏重，即使食到中後段混合融冰變媡奶水都好甜😂雪糕普通，如果轉為芋頭味更好🍮 雞蛋布丁+$1 布丁超級滑溜，輕觸即有極大動L反應🤩 (可參考影片)雞蛋味唔算突出，但尚算自然唔太化學甜味唔會有負擔優惠限定係10月，好建議用優惠加購 😊 根據幾次光顧經驗，鮮芋仙性價比還可以，芋圓的確幾煙韌而且大粒，甜品份量亦足夠分享，不足係甜味略重，質素唔算有驚喜，不過甜品糖水店來

鮮芋鮮一向都好多人，今日難得唔洗點等位就入黎。兩個人就叫左依個大刨冰。一黎到真係嚇左嚇，好大碟。配料都好多！先講個雲妮拿雪糕，加左蕉糖，好好食！個冰都係因為個蕉糖所以好味左。之後雪糕溶左流左落去，都好正！之後芋圓又多，好好食，又甜。麻糬都有兩款，又係好正。布甸更加唔洗講，估唔到咁夾，一個雞蛋味，一個杏仁味，我自己好耐無食過杏仁味，食落估唔到咁好食，同個冰又係好夾。兩個人真係食一個就夠，真心好大份，晚餐都唔洗食。

同搵食小伙伴捉著期間限定嘅尾巴，食雪山雙芋牛奶冰。睇圖都睇唔到有幾震撼，一上菜就知道share食呢個決定絕對正確。口感大豐盛！！最上有雲呢拿雪糕，我反而覺得唔係話好夾，有啲過甜。之後就有牛奶冰，好濃奶味，同坊間食食吓啲冰就冇味完全唔同，加埋最底有少少黑糖糖漿，可惜黑糖味唔係話十分突出。迷你芋圓增加左口感，芋頭足足有5大舊，芋頭味重，不過口感如果再綿啲會更好。Follow IG仲送蓮子，蓮子配搭冰食都係一個新嘗試，所以令到口感層次再增加。不過煉奶蓋過咗本身蓮子味，都係另一個可惜位，唔需要用太多奶因為本身蓮子有清甜味。適逢黃埔新店開張加一蚊可以有一個雞蛋布丁呢個絕對係出乎意料之外咁好味，有驚艶嘅味道。一食落去有淡淡雞蛋味，再加上成個布丁都好滑，私心推薦最佳食法係配埋芋泥。

🍠最近呢間芋圓店好出名 見到個個都去咗食我都忍唔住去咗試吓🤣-叫左個芋圓Q麻薯牛奶冰 份量好足料👍🏻👍🏻配料有包心番薯圓、小芋圓、冬瓜涷、雙色Q麻薯同雪糕Q麻薯食落好淋 冇乜咬口同埋兩款都係得甜味小芋圓真係勁迷你 食落都幾煙靭不過我唔係好慣 如果有得轉普通size會開心啲🤔包心圓都幾特別 食落似係番薯圓皮包住芋泥咁大約有五至六粒 都算幾多🤓雪糕就係最普通嘅雲呢拿雪糕 冇乜特別-另外叫左碗芋圓三號入面有紅豆芋圓珍珠花生 係一個好好嘅配搭👍🏻但係可惜紅豆湯只係近乎室溫嘅微暖食落怪怪地唯一可以讚嘅係幾隻芋圓都真係好煙靭同幾夠味 -但我應該未必會再食呢間 當日係平日晚上九點排隊排左差唔多九個字 帶位啲安排都幾混亂而且服務員啲態度都唔太禮貌如果要排咁耐隊就不了 整體性價比太低😥好味評分😋：3.5/5🌟🌟抵食指數🤑：3.5 /5 🌟🌟餐廳環境 🤪：4/5🌟🌟

每次去台灣必食的鮮芋仙，近年終於在香港開分店，雖然已在香港落腳一段時間，但間中仍然要排隊。今次試的是芋薯圓Q麻薯牛奶冰（$52），份量大到嚇人！其實2-3人share都夠食。由芋薯圓、小芋圓、Q麻糬及冬瓜凍組成，上面還配了一大球雲呢拿雪糕。最愛芋薯圓，軟糯的皮包著芋泥，感覺好像湯圓。冬瓜凍不會太甜，但味道不算出，可能是牛奶味太重被蓋過。麻糬有煙韌黑糖味，只是份量太多，食到後期感覺有點滯。招牌仙草沙冰（$45），沙冰有好香仙草味，甜度剛剛好，芋圓Q彈好食。

每次經過見到呢間鋪 都好多人排隊聽講好好味 心思思想食好耐了今次算好彩 前面排隊既人數<10個不過都等左30-45分鐘😅等到有d肚餓一路排隊～一路諗食咩好多野都想食🤩不過見到其他人枱上既碗/碟 份量真係超級多！！我地兩個人 好驚會食唔晒😬最後叫左 「抹茶布丁麻糬拼盤」作為抹茶控既我非常欣賞個布丁有少少抹茶既甘香味😋個麻糬係驚喜之作✨好有咬感 個甜度剛剛好 唔會太甜😍男朋友話想試埋「杏仁布丁」杏仁味好濃厚 不過我都係中意抹茶多d😆最後就係「招牌豆漿豆奶」豆味重 唔會太甜 都好岩我口味有得食之餘 仲可以飲 係唔錯既選擇下次想試埋仙草系列😬😬😬真係好好食 不過等好耐 唔趕時間先去😜

Have been here for serval times! I order the shaved ice whenever I visit it!The shaved ice is so huge that the waiter recommended us to share. Yet we wanna try out other things as well The shaved ice consisted of aiyu jelly, mini taro balls, taro balls stuffed with taro paste, mochi and a scoop of vanilla icecream!! Last but no least, it was drizzled with black sugar syrupHoly Moly it’s a bomb!We couldn’t manage it tho