鮮芋仙 (荃新天地)

營業中

休息中

昨天中午突發好想吃甜品，來到荃新天地，朋友說銅鑼灣的分店好吃，但我未吃過，所以進去了，一看價格，平均最少都要港幣45碗，上月在台灣堂食一碗燒仙草紅豆芋圓珍珠小丸子是80台幣，今次我點了熱的「芋圓4號」，但這碗紅豆芋圓湯一端來時是暖的，不是熱的，一看下去只是一碗紅色的水，要用湯匙撈起才見到沒起沙的紅豆，兩塊芋頭，芋圓，地瓜圓及珍珠。芋圓和地瓜圓是有嚼勁的，但吃不出任何味道，芋頭味道是整碗糖水中最特出的，但由於這店是標榜賣芋頭甜品，如果連這個都做得不好，不如算了。朋友點了招牌仙草冰沙，沒有糖水，「杰杰的」不夠糖水，反而店內有兩位中年婦，正在投訴紅豆湯沒有紅豆，水汪汪的，希望店家不要當香港人是傻的，請改善一下。

原來荃灣開左間鮮芋仙呀 之前番大陸一直都想試下 今日夜晚嚟度見到有條人龍排哂長龍 一於試下啦 排左成20分鐘先到 如果想堂食就要搵人去搵定位先 不過大部分人都係拎走食 望下menu先我叫左佢芋圓4號 有芋頭 紅豆 珍珠 個度寫住凍嘅配刨冰 熱係紅豆沙 我高估左佢嘅刨冰 都唔係碎冰嚟嘅 只係一大舊冰 凍住d糖水咁 糖水勁甜 完全失望 佢有3大舊芋頭跟住仲有多10幾粒嘅芋圓啦 同埋佢有啲紅豆仲有珍珠喺晒個底度 芋圓係幾有咬口嘅 味道唔錯 不過其他嗰啲就好普通啦.成碗野我覺得自己係食緊一個糖水浸芋圓珍珠同紅豆 嗰啲刨冰完全係食唔到又甜 對於佢呢一個嘅糖水底真係好失望 我見到如果係揀熱食配紅豆應該係好稀囉 都唔係紅豆沙嘅lvel.$45一碗仲要我排成半個鐘先有得食 我係以後唔會再食 性價比超級低

由台灣起家嘅鮮芋仙除左銅鑼灣店外十一月中走進左荃灣喇🎉 夜晚時間條隊都成7-8枱難得唔洗過海 就照等試試啦😏📔香港店老闆黃到出汁 之前銅鑼灣店仲有開放比人避難同派野飲🇭🇰👍🏾另外近日經過原來屯市都開左分店😯！———————————————————1.布丁Q麻糬牛奶冰 $52🍮🍧材料: 雞蛋布丁 杏仁布丁 小芋圓 Q麻糬 冬瓜凍🤩一上枱每個行過都望望呢碟野擺碟一流 有好多款嘅料 最頂有球牛奶雪糕🍦雪糕味似雪糕車個種 杏仁布丁嘅杏味好濃 我麻麻🤭雞蛋布丁同樣嫩滑震震震⚡️小芋圓雖然無芋味但有得撈冰食𡁻下都幾得意Q麻糬同冬瓜凍都好qq有驚喜😋仲有啲黃色四方粒粒果凍唔知係咩 但都好清甜對於有選擇困難又為食嘅人黎講好岩😀另外兩人食一份都好夠 千祈唔好浪費食物♻️最鍾意係冬瓜凍 好台灣味 而且冰面有黑糖 但唔太甜整體分數: 6.5/10🤓⛅️

較早前見到有雜誌報導，話荃灣開間仙芋鮮，上網了解過原來是在台灣都幾有名氣既甜品店，我當然要去試試，咁我閒日中午時間跟女朋友去試，當日睇就一不多，但都坐滿，先睇餐牌，發現除到了芋圓外，還有其他，咁就事不宜遲，我馬上叫左個芋圓4號熱既，我女朋友叫左個招牌仙草沙冰，大約排左10分鐘左右，我哋原先叫咗兩個但都想試多一個，所以共叫左3個，第一個正，紅豆沙唔係好甜，芋圓好正，第二個芋頭蓉好正，仙草正常，紅豆正，第三個湯圓好味，芋圓好味，冰就麻麻，價錢最貴，總結第一二樣係會再食，下次再來

之前返大陸一家要去食一下鮮竽仙，星期日果陣去荃灣見到有位坐，即刻要係香港食一下，我叫左仙草4號加竽圓，佢份量同大陸一樣禁大份，價錢就貴少少。第一口就食個竽頭，有驚喜，覺得比大陸做得好食，又棉又唔會太甜，紅豆好淋身，好好味，不過唔太滿意佢加俾我既竽圓，得一粒，其他全部都係地瓜圓，不過整體都唔錯👍🏻

「台風🌀」再度襲港⚠ 台灣🇹🇼 人氣過江龍 <鮮芋仙> 以芋圓仙草🌿為香港🇭🇰帶黎黃色風暴💨人氣主打芋圓同招牌仙草🌿真心好大碗🥣 1️⃣碗絕對夠2️⃣個人開心Share🥳 料又充足😋 仲要台灣直送🇹🇼添～記住早d搵位再去counter落單📝喇😆<招牌仙草🌿沙冰🍧>面層係滑嘟嘟⛷既仙草凍🌿 底層就係透心涼😌既仙草沙冰🍧 就咁食已經有好強烈好香濃既仙草🌿味道 唔似係就咁用普通用水仲可以淋上淡奶🥛 感覺有少少似食緊涼粉😋 配合埋勁有嚼勁、質感Q彈既芋圓😬 煙煙韌韌，口感勁豐富😃 勁爽勁清甜😋 夏天消暑一流🤤 <冰芋圓2️⃣號>地瓜🍠 、薏米、迷你珍珠、芋圓再加埋沙冰(幾有仙草味道🌿)既組合，口感同樣好豐富😌 加左地瓜🍠同薏米感覺真係幾似飲糖水既味道😃

台灣過江龍《鮮芋仙》，銅鑼灣店未開我都已經好想試，因為本人係一個超級芋圓控，但奈何每次經過都見大排長龍，不論黃昏或晚飯過後，但等待對於我嚟講唔太熱衷。直至上星期，得知荃灣開咗分店，去一田掃貨同時，順便一圓鮮芋仙夢。［芋圓4號(熱)$45］⭐️⭐️⭐️Menu非常簡潔清晰，已將主角分門別類，既然我係朝著芋圓而嚟，當然會揀手工芋圓啦，據聞芋圓由台灣製作，再送到香港煮熟，所以我非常期待芋圓口感同味道，結果令我大感失望！芋圓入口無Q彈感覺，而且味道唔太像蕃薯同芋頭，反而其他配料比較出色，如紅豆又腍又起沙、珍珠煙韌彈牙、大甲芋頭香軟細綿，所以我下次唔會再食芋圓，反而大推大甲芋頭。一人共消費：$45

鮮芋仙是台灣出名的甜品店，每次到台灣必定去食，香港開了第一次去食，實在太失望，芋圓唔好食，在超市購買急凍的還好吃過這店的，糖水只有水，配料又不能轉換，成碗糖水只係得個甜，相比台灣食過真係相差太遠，唔會再有下次，大家唔好去試

招牌仙草芋圓冰沙，感覺普通，仙草有少少甘味，個人幾中意。不冰沙淋上黑糖同淡奶，淡奶可以再多啲，因為食到後期好似淨食冰咁。芋圓有咬口，彈口，不過價錢比較貴$45一碗，雖然大碗，但係感覺幾怪。

讚1. 紅豆湯都叫還好既，起碼紅豆煮得腍，入面既芋頭都好化身彈1. 拿野食既膠盤好多水跡，感覺好差2. 芋圓同地瓜圓實在係乜味都無，零芋頭味又零地瓜味，煮得雖然煙韌，但好似咬舊膠咁，食唔落3. 貴噃！咁賣四十幾蚊？！