鮮芋仙 (V Point )

營業中

休息中

《💛鮮芋仙之最愛｜my fav pick in meet fresh💛》.👩🏻‍🍳芋圓圓Q麻糬牛奶冰 ($52）我每次去鮮芋仙都會不斷不斷encore這個，因為真的太好吃💓冰底配上黑糖汁再加上奶味很重的雪糕，一條條很有咬口的麻糬，誠意十足的蕃薯圓，夏日炎炎吃涼涼的甜點真的很爽😌💛.👱🏻‍♀️Q Mochi w milk and shaved ice ($128)even though i have gone to Meet Fresh for so many so many times and have tried various dessert on the menu, this is always my FAVOURITE PICK😘 shaved ice with brown sugar sauce + milky icecream 🍦 + chewy Q mochi + fresh sweet potato balls = refreshing to make my day energetic🌸☺️

之前係內地就有食過鮮芋仙，價錢平香港接近一半，今次係銅鑼灣開左首間分店，個日晚上10點幾去，都有差不多7-8人排隊，人氣旺盛👍🏻落單好方便，先到前檯點餐付款，店員會比通知器客人，整好就會震動，再去自取甜品.招牌仙草沙冰 $45 8/10店舖出名芋圓同仙草，叫呢碗招牌就最好不過，因為有齊芋圓、仙草凍同仙草冰沙，首先仙草凍超滑溜😋食落甘甘地但唔苦，倒埋奶油一齊食，帶出甜味，芋圓份量都幾多，煙煙韌韌，好想加多一份芋圓黎食🤤

今日介紹呢間相信好多foodie都食過，係台灣過江龍。睇資料發現店員善待過示威者，甜品店算微黃啦，有錯請更正🙌🏻（大陸店奶左，留意番）！！·心思思想銅鑼灣食甜品🍮，有時都會諗起佢，試過下午茶、宵夜嚟食。·芋圓6號就有埋迷你丸子、紅豆、大大嚿嘅芋頭。一如既往啦，啲煙煙韌韌嘅嘢都幾彈㗎，有得咬下咬下都好開心。值得一讚嘅係：佢嗰舊芋頭竟然問得有啲溶身同甜甜地，意想唔到咁易入口。😎·仙草5號就有齊湯圓、豆、丸子🧆，配埋沙冰底同黑糖糖水；招牌仙草沙冰有大大粒芋圓係面，qq彈牙😌；中層係仙草，大大片遮住底層冰沙；冰沙算幼身🤣。仙草草藥味🌿比較出，整體QQ彈牙，應該係銅鑼灣之光🌟·呢間未算太黃，心思思想食甜品可以考慮下，不過唔駛仆去食，夜晚表示多人過星期日中環聚集嘅菲律賓人🧐各自努力，希望銅鑼灣開多幾間黃色甜品店💪🏻-招牌仙草冰沙｜$45芋圓5號｜$45仙草6號｜$45-鮮芋仙 (銅鑼灣)銅鑼灣登龍街18號V Point 地下1號舖-

喺香港來講已咁多間芋圓鋪頭係我心目中排第一位一定係鮮芋仙主打台灣芋圓古早味每次黎到銅鑼灣一定要食返碗每次嚟到都人山人海如果唔想排隊一定要早少少嚟菜單選擇非常之多主要分芋圓，仙草，刨冰，豆花，紅豆同飲品系列而咁多次俾我都係情有獨鍾淨係食呢一個招牌仙草沙冰招牌仙草沙冰入面有黑糖沙冰仙草同埋芋圓另外仲會有粒奶仔成碗嘅配搭食落去非常之清涼仙草唔使講，非常之順滑同埋易入口另外佢個黑糖沙冰係充滿濃濃嘅黑糖漿係唔會見到有白色冰底而佢嘅芋圓亦都係十分堅韌做得非常之出色勁彈牙有好口感而每一次嚟食我都會額外再加多一份蜜芋頭同再加多份芋圓份量咁多一碗兩個人食都夠以佢嘅蜜芋頭一定要叫因為因為煲得非常之棉蜜同成個招牌仙草沙冰非常之夾

CWB 銅鑼灣 • Meet Fresh 鮮芋仙 🍧📍銅鑼灣登龍街18號V Point 地下1號舖➰芋薯圓Q麻糬牛奶冰 $52 🍧仙草4號 $45 4️⃣➰牛奶冰的配料超豐富又好大碗😚有芋薯圓、小芋圓、Q麻糬、冬瓜凍、雲尼拿雪糕。芋薯圓是番薯包芋茸泥，Q麻糬有原味和黑糖味，小芋圓是番薯和芋頭味，全部都好煙韌☺️刨冰淋上黑糖漿和煉奶，加上雲尼拿雪糕，每一口冰都充滿濃郁牛奶香🥛性價比高💯仙草系列基本配料有芋圓，仙草凍和仙草冰沙，4️⃣號加上了芋頭，紅豆和珍珠，仙草清新滑溜，芋頭粉香鬆化，甜品真的會令人特別幸福🥰➰👅 味道：🌟🌟🌟🌟👀 環境：🌟🌟🌟👩🏼‍🍳 服務：🌟🌟🌟💫💰 抵食：🌟🌟🌟🌟

之前已經嚟試過一次，覺得幾好食所以一直都想再試😆不過每次經過都見有好多人排隊所以放棄咗😖今日經過嘅時候都見有人排隊，原本諗住都放棄，但突然見到有幾枱同時食完出咗嚟，所以即刻衝咗去排隊，等咗幾分鐘已經入得🤪• • • • •🧚🏻‍♀️招牌仙草沙冰🧚🏻 [$45]食之前可以落埋附上嘅奶油球先，可以令到仙草食落更加香滑😌招牌手工芋圓真係幾好食，食落煙韌又彈牙🤓中間係一層滑嫩嘅仙草😜最底層仲有仙草冰，有淡淡嘅仙草味，幾特別❄️成碗加埋都幾有層次感😉.🧚🏻‍♀️芋圓4號🧚🏻 [$45]如果叫凍嘅話基底會係刨冰，熱嘅話湯底會係紅豆湯，因為已經叫咗個招牌仙草沙冰，為咗養生啲唔食太多凍嘢，專登叫咗個熱嘅芋圓4號嚟中和返🤣佢嘅紅豆湯甜度啱啱好，仲要冇陳皮味，所以如果平時食紅豆沙唔鍾意陳皮味嘅人應該會幾鍾意佢嘅紅豆湯🤣佢入面有兩大塊芋頭，口感綿密😛仲要有好多紅豆/珍珠/芋圓，好足料👍🏻.🧚🏻‍♀️花生麻糬🧚🏻 [$8/1]本身諗住叫哂芝麻麻糬同花生麻糬，但芝麻麻糬已經賣哂，所以唯有試咗花生麻糬先🙈花生麻糬好好食！😋麻糬嘅外皮雖然厚厚地，但食落好煙韌🤓入面嘅餡食落好滑，好似花生醬咁嘅味🥜成粒一齊食好夾🤤• • •

我哋四個女仔叫咗3份，食完都好飽，因為每份都好大份😂 如果係一心想食芋圓嘅，建議叫芋圓仙草少冰，其餘芋圓菜式都好多冰，食到後期都係食冰。佢嘅芋圓唔錯 係銅鑼灣附近可以同朋友去食吓

每次食完飯唔食返個糖水硬係覺得爭啲嘢😙😙😙，雖然喺銅鑼灣選擇有好多😌但要數食芋圓，一定諗到鮮芋鮮🥄平時大排長龍👥👥👥👥嘅鮮芋鮮，最近人流都冇少到，隔枱嘅措施坐得疏落啲，可能要排耐少少，但坐落感覺舒服過以前😊🥄招牌鮮草沙冰 $45🥄冰芋圓4號 $45兩款都係鮮芋鮮招牌糖水🌟，芋圓煙韌有咬口，真係食唔停口😋😋好鍾意芋頭嘅朋友（我🙋🏻‍♀️），必點冰芋圓4號🥄，有齊芋頭同芋圓，配料有紅豆同珍珠，但美中不足今日嘅芋頭唔夠腍好生咁。而另一款招牌鮮草沙冰🥄，岩哂想健康啲朋友，女仔始終唔好食咁多凍嘢嘛，仙草凍係基底，配料都有芋圓同仙草沙冰😋

😍😍終於一嘗鮮芋仙💛.見又見到好多人post ，聽又聽過好多人話好食🤤🤤仲要係💛💛💛既舖頭👍🏻一定要黎食😋食完再食，再介紹埋朋友黎食，跟住再食🤤真係好好食又好抵食😋.$52 一大碗芋頭牛奶冰😍非常足料大大碗有成6大舊芋頭，雖然睇落好似好硬🙈老人家我食落又覺得可以✌🏻用支羹刮呀刮都變左芋片😆又甜又香☺️如果有埋芋泥就Prefect 喇🙈🙈未去台灣之前我同波波都要黎呢度止下芋泥癮先得🤣

一早知好出名，但未有機會試...實不相暪～ 這家店在一年前朋友介紹加帶路時候下在大陸終於食到，大陸有好多分店...原意為喱間係大陸野，但原來係台灣品牌！本身諗「仙草」喱樣野，台式手搖店大把...無咩期待下試...點知點龍點精在「奶精」本人因腸胃敏感，唔太好太奶既野點知個味係似Cream咁加上大熱天時，配合仙草味冰底，不得了！各樣配料水準都不錯*芋圓，不過不失*薏米比較硬身，有口感重點是香港老闆仲要超級黃金💛💛

仙草6號，追加芋薯圓芋薯圓係外面地瓜糯米皮入面芋泥餡嘅湯圓來🤤口感超正。仙草下面係刨冰來，刨冰吸收哂珍珠仙草同冬瓜蜜嘅汁，令刨冰味道豐富好多。不得不提佢個外表好似啫喱，但口感煙韌嘅螢光黃色粉粿，想試好耐。竟然無味係唔甜架，仲有裏面一條條嗰啲粉條其實都係啫喱咁嘅野，再加啲仙草咁就一大碗，兩個人食都夠。

曾經去深圳搵食既時候想試既一間店，可惜個次排到話冇晒芋圓！最想食既話冇，咁就梗係轉頭就走人喇！直至佢黎香港開左店，初時又係大排長龍，咁當然唔去排！心諗等多幾個月先去食一定唔使等位。呢一日收早，咁岩有舊同事係附近放緊lunch，就話去試下佢！我揀左芋薯圓紅豆湯，唔知係咪向台北食過有對比！香港呢一碗紅豆湯感覺好稀同淡一d！而芋圓係可接受既！舊同事話佢地既都係普普通通，一致認為冇下次。總結: 香港店係令我失望既！反而早兩個月去台北旅行時食左兩次都覺得好好食！歡迎Follow IG :  f.nbreak

今日去Sogo補給，由於未諗到晚餐食咩，同肥仔先食個甜品🍮，又再諗下晚餐❤️今次係第1次係香港食 Meetfresh鮮芋仙！（我哋淨係早2年係上海食過咋🤣🤣）真係大鄉里出城，因為平時係夜貓，次次都關門食唔到，今日有得食🍻🍧#招牌仙草沙冰🍧 $45果然芋圓、地瓜圓，非常軟糯，比起康瑞更勝一籌👏🏽仙草下面有沙冰🍧沙冰加咗黑糖，OMG 唔太甜勁好味（建議沙冰融融地食更好，沙冰比較粗粒）呢個價錢咁大碗，抵食‼️而且一定1個人都食得哂🤣📍鮮芋仙 (銅鑼灣)銅鑼灣登龍街18號V Point 地下1號舖𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌𖠌#食好西 #肥dodo食記 #TR90達人 #foodie #hkfoodie #foodporn

其實小編相信大家對喱間甜品一d都唔陌生，因為佢喺上年一開業既時候，經常大排長龍🙈.#芋頭牛奶冰 🥛牛奶冰味道普通，係大家可以想像到既味道～🙈 其實小編都唔知佢究竟入面有冇真係落到牛奶🤔，但係你會食到煉奶嘅味道，甜甜地，食落好幸福！☺️ 而佢d冰就係比較大粒嘅粗沙冰。而佢啲芋頭呢，大家睇相都睇到係好大一舊，但係就唔會好硬，反而食落口係有啲沙嘅感覺，同埋芋頭味都幾濃郁👍🏻😝 芋頭控一定鍾意😉.而今次小編同朋友就加配咗以下嘅配料：#芝麻湯圓 🍡味道正常，但係湯圓都係熱食好過凍食😂 同埋留意，擺得太耐係啲冰附近嘅話，d湯圓皮會變硬😵#芋薯圓 🍠小編覺得好好味！出面陣外皮係用番薯整成既，味道好濃郁！好香☺️ 入面啲芋頭嚟都好滑，正😍#雞蛋布丁 🍮動L動L！望見都吸引，食落仲好好味添🤪🥳.🏆 「豬」味指數：6.5/10 （因為主體係個芋頭牛奶冰，所以分數都唔係特別高）📌 溫馨提示：甜品係一件令人覺得好幸福嘅事！想食就記得搵人開心share啦🤗

芋薯圓Q麻糬牛奶冰 $52。大大盤牛奶冰上面有一條條黑白Q麻糬、冬瓜凍、小芋圓同埋芋薯圓🌝芋薯圓係外面蕃薯糯米皮，入面有芋泥餡，這個不會太甜超正的。冰好多但都食得出牛奶香，上面最頂係一舊牛奶雪糕焦糖漿加埋煉奶醬淋面，底下仲有仙草汁同黑糖浸住啲冰，整體ok只係麻糬食多好易飽滯。芝麻/花生麻糬 $1，買任何食物加一蚊有一粒抵食到唔信，我覺得芝麻黑色果粒會甘香味突出好多，花生味則偏甜同更creamy。不過就糯米皮太厚食兩粒好喇，食左三粒就全日都好似卡住喉嚨咁滯無哂胃口。