鮮芋仙 (V Point )

營業中

休息中

成日都排哂長龍，今次我地都等左差不多30分鐘先入到去呀！店舖都幾擠迫。顧客要先去櫃檯落單，之後等食物，自助攞同收餐好多配料選擇呀！有豆花、芋圓、地瓜、薏仁等等... 任均配搭～ 我地一人叫一碗，食完飽到上心口呀！😆🥣芋圓2號 刨冰底 地瓜 薏仁 珍珠🥣仙草3號 紅豆 花生 珍珠🥣豆花2號 地瓜 薏仁 + #芋圓🥣熱芋圓(忘記幾號😅) 熱食係紅豆湯底！個人覺得地瓜必點！好甜好好味！芋圓都係必點之選，份量算多，又入味，大大粒超Q彈😋😋

招牌仙草冰 $49人氣必點！去台灣一定會食芋圓同仙草😋大熱天時食碗仙草冰真係好爽😋叫呢個必加芋頭 $6!個芋頭熱辣辣放入個仙草冰度真係世界級正😍芋薯圓幾特別個外皮係蕃薯入面有芋泥鐘意芋泥既朋友要點了🤣

又係食甜品既時候啦，依間鮮芋仙我想食好耐但一直都未有時間去食，終於今日得閒Ｄ又去開銅鑼灣就黎食啦。今次我就試下個Q麻糬雞蛋布丁拼盤，先講個雞蛋布丁，上面有Ｄ珍珠，食落口都幾得意，有珍珠既甜又有雞蛋布丁既滑，同時個布丁既雞蛋味都夠既。之後就係旁邊既Q麻糬，雖然睇落係兩隻色，但其實都係同一隻味，食落去幾有咬口，煙煙韌韌。加埋上面既黑糖真係甜入心！佢份量唔太大，所以搞到我想叫多碟食，但都係留番個quota等下次先。

喺香港開咗接近一年但人氣依然嘅台式甜品連鎖店💛除咗有芋圓揀之外，仲仙草、豆腐花、刨冰等🐷多選擇到揀唔到🤣🍧芋薯圓Q麻糬牛奶冰 $52一見到實物真係嚇親😱勁大碟，勁多配料，包括有8條Q麻糬、芋薯圓、小芋圓、冬瓜凍適合兩至三個人share食💛我哋仲另外加咗芋頭(+$6)最頂有雲呢拿雪糕，下面係好重牛奶味嘅刨冰，食到間仲有煉奶嘅刨冰，將成個冰嘅味道再昇華到去更高境界🤤芋薯圓皮薄兼黏韌，完全唔痴牙，裡面仲有芋泥💜而Q麻薯就有兩隻味，一隻係原味，另一隻係黑糖味，兩隻都軟糯彈牙，不過黑糖口味就甜咗少少(>﹏<)冬瓜凍同小芋圓依兩款就正正常常，有咬口~額外加嘅芋頭味道都好出，不過偏硬身，飽腹感極高( ´▽｀)

疫情放緩就約好朋友行街大家記得出街都要注意衛生呀~！我話一定要消費顏色圈，佢就話出街一定要嚟鮮芋仙😂好！批准！嚟到都有探熱搓手果d，出面好多店都無做朋友想食呢個大拼盤結果⋯⋯我地三個人都食唔曬因為個冰好大舊，越食越凍😆牛奶冰香甜，芋薯圓好得意，早知加多幾粒😋😋今次嚟終於加到芝麻湯圓，仲加埋芋頭大滿足😆😆

台灣人氣鮮芋仙😋我地今日都去左朝聖啦～一去到見到條隊排到出門口以為要等好耐 點知15分鐘都唔洗就入得 成個點餐過程30分鐘內 我地今次叫左芋薯圓Q麻糬牛奶冰 $52 係超級大碗 二個人先食得哂 首先有雙色麻糬 黑色個隻係黑糖味 黑糖味好濃烈 而且非常煙韌好Q 之後有小芋圓 口感幾得意但係味道就唔太濃 因為好細粒 大芋圓反而有驚喜 好軟糯 入面有蕃薯蓉 好特別口感好得意 另外值得一讚係雲尼拿雪糕 雪糕冇雪到硬 好軟 而且雲尼拿味超濃牛奶冰有淡淡奶味😋第二款係豆花（地瓜、薏仁） 豆腐花好滑有淡淡嘅豆味 蕃薯味超香超甜 好濃味又好淋 薏仁有少少咬口 整體來講算係唔錯 好大碗食得好飽 係幾抵食食物質素都好好呀

今日天氣熱到不得了最適合食下d消暑甜品下午5點幾嚟到要等大概20-30分鐘先有位如果再晏少少就唔駛點等啦2個人叫咗2個甜品飽到飯都唔駛食了佢d份量真係好大份其實依家係食唔曬嘅但又想試曬2個仙草冰就比較消暑我覺得甜度都適中嘅依家咁熱嘅天氣食就最啱了牛奶冰就會甜少少但都唔會話太甜嘅d黑糖麻薯好好味好濃味又煙韌個芋圓入面真係有芋泥又係好夠味最驚d芋圓無味 坊間有好多總結嚟講水準係平均以上計埋份量嘅話 都幾抵食咖

今日嚟到銅鑼灣見到呢間鋪好多人，咁就一於入去試吓啦。一入到去等咗幾分鐘就有位啦，試吓佢個招牌芋圓同埋熱嘅仙草。食落係正宗嘅台灣味道雖然貴咗少少但係都係值得嘅，一個大約$50啦。至於芋圓彈牙，鮮草好味甜Q彈。芋圓多種類、粒粒大大粒，環境方面就比較迫人貼人，天氣熱要食返碗就啱晒啦。服務方面，唔知係咪人多嘅關係，職員都比較沒耐性煩躁。雖然呢個價錢比較貴，但真係大碗同好食，我一定會再去幫襯㗎大家都可以試試

夏天就係要食冰，呢碗冰，一個字：勁！👍🏻——食過幾次鮮芋仙，第一次食佢嘅冰😂.芋薯圓Q麻薯牛奶冰($52)原本嘅配料應該有芋薯圓、小芋圓、Q麻糬、同冬瓜凍。但因為Q麻糬冇嗮，換咗芋頭。意外驚喜！芋頭好好食😂芋頭嘅實在感同隨時融化嘅冰出奇地夾🤣牛奶冰，係有顆粒感嘅刨冰，唔係幼細嘅綿花冰。味道甜甜的但唔會過份甜，奶香味都幾出，加埋上面求牛奶雪糕個味道仲出！大大粒芋薯丸入面係有芋泥夾心，好特別，煙煙韌韌🥰冬瓜凍冇乜味，淡口d，但幾爽好似jelly咁！.重點係，呢碗野夠3-4個人share，勁唔勁！👌.Overall: 9.6/10Value for money: 5/5 (人均$13）——📍鮮芋仙銅鑼灣登龍街18號V Point 地下1號舖..

今次又係黎到熟悉既銅鑼灣揾食兩個為食妹終於去左食我地恨左好耐既💛小店！介紹哩間舖頭之前,首先跳一跳去飯後甜品🍮先本身已經食到好鬼爆既我地,諗起想食既甜品🍮所以都係受唔住內心既呼喚就去左@meetfreshhongkong 鮮芋仙兩個人最岩就係開心Share🤪💛小店既招牌 —芋薯圓Q麻糬牛奶🥛冰高高既牛奶🥛冰加雪糕配上芋薯圓/小芋圓/Q麻糬/冬瓜凍另外我地額外再加配左大芋圓/粉粿牛奶🥛冰食落好香甜,牛奶味都非常重👍Q麻糬超有口厚,煙煙韌韌😛本身係有黑白兩款,但白色的款,我去到已經賣晒lu😌冬瓜凍/大小芋圓口感同味道都正正常常既🙂我本人就比較鍾意❤️小芋圓,因為細細粒容易食😛芋薯圓/粉粿哩兩款係我最欣賞既,芋薯圓既外皮係用蕃薯🍠做既,而入面就有芋泥,可以話係皮薄餡靚😋味道亦出奇地夾！至於第一次食粉粿既我,食落就覺得好似大菜糕咁🤣幾得意💛我地係飽到爆既情況下,都食左九成以上！已經好叻架啦 ！🤣🤣🤣

身為芋圓控嘅我見天氣熱辣辣嚟試試芋薯圓Q麻糬牛奶冰，好大份兩個人食完已經飽，飲唔落布丁奶茶。牛奶味雪糕再另加奶精配上少見嘅芋薯圓、仲有小芋圓、麻糬同冬瓜凍好好味好煙韌😋不過對個冰有啲失望，係刨冰本身冇味，唔係綿花冰或者韓冰，要靠奶精同等雪糕融先有牛奶味。不過整體而言，份量加上配料數量同價錢成正比，消暑一流👍🏻

哩間台灣芋圓相信唔少人都食過，平時就算平日夜晚10點幾去都係排曬隊，以前上深圳都會食下，但自從6月起已經唔會再上，好彩佢開到來香港仲要係黃店就要時不時懲罰下啦！🙈🧊芋薯圓Q麻糬牛奶冰🍧（$52）哩個係最推薦同熱門嘅必嗌點，份量多而且乜都有，夠3-4個女仔分來食，牛奶冰底甜甜哋，加埋個雲呢拿雪糕啱啱好，夏天食解暑真係一流，配料乜都有，小芋圓細細粒好好咬丶芋薯圓以為係大粒芋圓但原來好似湯圓咁有芋泥係入面丶麻糬有分黑糖同牛奶味咁煙煙韌韌好好食丶冬瓜凍好似啫喱咁Q彈，啱曬中意食煙韌嘢嘅你😗🍭芋圓二號及四號（$45）基本上個底係一樣，凍嘅就牛奶冰，熱嘅就紅豆湯，仲有芋圓同珍珠，不過啲配料就唔一樣。二號就有地瓜，即係番薯甜甜哋係幾好食同薏米細細粒淡淡哋幾有口感幾清新。四號就有芋頭綿綿哋咁唔錯同紅豆夠甜。食唔到咁多咁大碗，又或者冬天唔想食冰都唔緊要，因為仲有其他款式，例如仙草(不過🐖就唔食仙草因為唔係幾受得，但有朋友食過話好味嘅👍)丶豆腐花丶布丁丶紅豆湯同飲品等等，都值得一試。店內採取快餐店模式，自己搵位排隊買嘢食，食完自己執番好擺去佢個收餐位度，記得做番個有質素又合作嘅食客。多次遊行集會示威時哩間

呢間鋪頭已經係第二次推介啦！鮮芋鮮同香港一芳總代理係同一個老闆，之前試過派野飲比手足，又開放比人避難同換衫，仲試過送糖水比受驚市民！💛💛⁣⁣招牌仙草冰沙 （$45） ⁣呢款係我每次必嗌嘅甜品🤤 配料有芋圓、仙草凍同鮮草冰沙😍 一次食晒店舖嘅招牌野 💯 芋圓一如既往地煙銀💯而啲冰好綿滑，冰沙嘅質感一啲都唔粗，食落仲甜甜地！⁣大推🥰🥰🥰⁣芋薯圓Q牛奶冰（$52）個冰一上台既時候我地都嚇親，勁大碗！我哋三個人都係勉強先食得晒😵配料有小芋圓、芋薯圓、雲呢拿雪糕、Q麻糬同埋冬瓜凍✨ 芋圓夠煙銀，特別一提既係芋薯圓，呢個既皮係係用地瓜整，再以芋頭做餡料，大大粒口感十足💯 Q麻糬都幾特別，只係略嫌有少少過甜，而啲冰嘅表面都有焦糖同煉奶，食落唔會淡味，整體來講都值得推介👍

終於俾我食到鮮芋仙💛次次經過都好多人排隊今日我5點鐘去食終於唔使排不過店內都係keep住full house人氣指數唔講得笑☺️-餐牌多野揀 好多都好正咁呀☺️-先黎招牌仙草沙冰好大碗 份量超多😆入面有芋圓 仙草凍 仙草沙冰另外再加左湯圓同珍珠你睇相都見啲珍珠多到爆😂芋圓口感當然出色 一定唔會粉 而且好chewy 好煙韌 好有咬口☺️-另外叫左芋薯圓Q麻薯牛奶冰😋超震撼！勁大碟！最頂有雪糕 然後有好重牛奶味嘅冰 係幾甜嘅我好中意😂其他配料逐一講下-芋薯圓！ 我大推呢個比起芋圓 我更中意有料係入面嘅芋薯圓咬出黎睇到入面嘅芋料 有層次而且好好味個皮嘅質感 厚薄程度剛好超正呀！話說我好想食嘅Q麻薯賣晒店員話我可以揀兩款加3蚊嘅配料 或者一款加6蚊嘅配料我揀左6蚊嘅芝麻湯圓返黎睇返啲相原來Q麻薯有8件咁多我揀芝麻湯圓得兩件咋😭😭😭😭😭講返個湯圓入面芝麻料好多 個皮我就覺得稍為厚左少少冇芋薯圓個皮咁出色不過整體都係好好味-冬瓜凍同小芋圓都係一貫嘅出色口感 賣相 完全無問題-呢個牛奶冰真係好大碟 大過我塊面😂如果我食到Q麻薯就好了😭同埋轉左芝麻湯圓俾多少少我都好呀😭-叫之前唔知會咁多咁飽仲有杯小芋圓冬瓜

鮮芋仙應該好多人聽過！佢哋啲珍珠同芋圓完全出面冇得比 口感一級捧！價錢仲要同街上面啲珍奶舖 糖水舖差唔多 佢仲要碗碗冰都好大 記得搵朋友陪去～ 今次叫咗芋圓麻薯牛奶冰($52）同 綠茶鮮奶霜加珍珠($33)有齊晒我最鍾意嘅嘢食 所以都係我最愛🤍講有幾好味真係好難 反正真係好正架-雖然地鐵站出去可能要搵下先見到 但係換來啖啖幸福 真係抵返晒 超推！must try!!!