鮮芋仙 (青衣城1)

營業中

休息中

個幾月前去食鮮芋仙，臨走嗰陣時冇為意留低咗手機，之後好彩店員好心追出嚟商場俾返我哋，如果唔係都唔記得咗留低咗，真係多謝嗰個熱心店員。嗰日同朋友食完晚飯，朋友話想食甜品，即刻諗起去食鮮芋仙，今次我哋食咗「超級芒果冰」，份量十足夠我同朋友兩個人一齊share食，另外芒果都超級新鮮甜，之後會繼續幫襯試唔同嘅甜品。店舖環境良好，環境好舒服，好適合同朋友點綴，食品製作時間和店員服務態度都10分良好，會繼續支持！

今晚喺青衣城食完晚飯覺得未夠滿足決定食返碗甜品呢間夠晒選擇多大大碗，夠晒一家四口食家姐最愛煙靭，彈牙小芋圓橙色紫色，夠晒吸睛仲有珍珠㖭啊配埋紅豆沙簡直一絕加多一碗冰凍滑捋捋涼粉配刨冰涼浸浸夠晒消暑食完真係大滿足

幅相係我攞到到餐之後即刻影，我無做過任何野，攞餐時見個托盤可以咁濕漉漉都照俾個客，都心知不妙，試左一啖，我覺得應該問佢退返錢。我叫熱芋圓紅豆沙，但碗野係一啲都唔熱，連暖都唔算，但諗下，就係員工差先會夠膽將啲咁質素低食物俾客，同佢講可能重要再受氣，都係算，除咗唔熱之外，味道同樣差，勉強食左細平碗，我之後唔會再去，同埋叫其他人唔好去

紫米飲料系列買一送一限時優惠（星期一至星期五，下午六點前），有四款（紫米小芋圓、紫米奶茶、紫米珍珠、紫米鮮奶）可以揀。紫米小芋圓（$43），超多紫米同芋圓，各佔三份一杯。紫米有𡁻口，夠口感；芋圓軟糯，唔會死死實實。紫米珍珠（$40），同樣超多紫米同珍珠，又係各佔三份一杯。珍珠整粒都好Q彈，唔會外層糊口或者中間好硬。兩杯嘅甜度剛剛好，唔會太過甜而感到好"漏"。

其實呢類型連鎖式嘅甜品舖，應該水準好平均好穩定至係，但係我唔明點解佢呢間分店可以整到特別難食。。本身呢間舖係半開放式個環境已經唔係好好， 職員態度服務又麻麻， 試過幾次堂食都等勁耐又唔跟單。。。。已經唔係一次，地瓜同芋頭都係生嘅，咬落去索索聲。 其實都係用糖水煮架唧， 佢可以我買5次有3 次都係咁。。呢間分店真心唔會再幫趁。。。基本上依家我寧願搭多幾個站去葵芳買， 葵芳每次買都好好食， 地瓜芋頭都係軟熟嘅。。究竟要做到有幾求其先可以做到有呢個效果。。。

一直覺得青衣城最大缺點是沒有糖水舖，終於等到鮮芋仙開，所以同男友又出動去試下。芋圓3號 紅豆、花生、珍珠這個推介之選，每次來，我們必定會點，首先是芋圓，口感QQ。芋圓通常會搭配其他配料一起食用，例如紅豆、花生等。其中，紅豆是我最愛的配料之一。紅豆的甜味和芋圓的Q彈口感非常搭配。花生也是配料中的一種，它的香氣和口感加入糖水中，讓整個糖水更加豐富。珍珠糖水則是另一種口感獨特的糖水，珍珠的Q彈加上糖水的清甜，讓人吃到不停口。芋圓紫米粥(熱)紫米粥補血，所以很適合我這個小廢人吃。紫米含有豐富的維生素和礦物質，而芋頭則含有豐富的膳食纖維，總之感覺讓人能更健康。但可能這間店是新開，員工對流程好像不太熟悉，感覺比較混亂，還有很大的進步空間。