鮮茶道 (已結業)

而家係戶外行得耐, 唔飲返杯野解下暑, 分分鐘真係會中暑.黎到大圍港鐵站一出, 就有間鮮茶道, 雖然唔係大牌子, 見個餐牌都幾多選擇, 一於試下佢.雖則係夏天, 但都唔敢飲太凍既野, 始終係唔太健康, 所以通常都會揀去冰. 近期當造既鳳梨應該好香甜, 再加埋百香果應該甜上加甜啦, 而通常手搖飲品都偏甜, 所以都會選擇半糖. 飲落去居然有少少失望, 就咁食倒鳳梨係OK甜既, 不過如果啜唔倒果肉, 茶底就會好"劫"同偏酸. 而寒天唔係我認識既寒天黎, 食落去似蒟蒻多D. 雖然麻麻, 天氣太熱既關係, 都好快啜晒成杯, 下次都係揀少甜試下先.

維他奶麥精奶蓋❤️面嗰陣奶蓋好好飲❤️麥精豆奶在下邊其實係有啲豆腐花🥰溝埋一齊嗰個效果好好😆😆仲有而家大圍買緊第二杯半價🥰真係好好飲啊～大家一定要試吓～鍾意飲麥精嘅一定要！

召集麥精迷😍😍近日見到鮮茶道出左新口味飲品，原來係麥精豆奶做主題既🤤--我見佢係期間限定，即刻試！🤤第2杯半價係好吸引，但係比平時既size細杯啲。我揀左麥精豆奶飄雪，麥精味同奶蓋都幾夾，可以一試🤤

@kan.teen其實我本身就好鍾意鐘飲乳製品🥚豆製品🥛呢類 所以連帶木瓜牛奶、朱奶、奶茶☕️總之任何牛奶豆漿都深得我心😻都唔係想理佢有咩功效🤣反正今次去到呢間手搖店 一心諗住買珍珠奶茶🖤🤍但竟然比我見到佢有賣少有嘅 鮮榨木瓜奶🧡要試！.👅木瓜牛奶 $32佢係沙冰黎 店員話無得少冰🧊但我就叫左走甜 想飲原汁原味✨但飲落覺得佢本身嘅木瓜唔夠熟🙈飲得岀係偏生未熟嘅木瓜味道 所以甜度又會降低～如果木瓜熟啲就好啦🧡整體上 奶香味較重 見佢都係用日本🇯🇵明治奶🥰成杯嘅質地方面都滑身幾smooth🤍.👄總結勝在夠大杯 可以慢慢飲🥭有機會下次試埋佢嘅珍珠奶茶？！👀———@presotea_global📍鮮茶道 (大圍)大圍大圍站TAW52號舖

之前路過大圍一直都未有機會試，今日終於可以試下火車站附近 <鮮茶道> 款式都有Q彈珍珠，鮮奶茶系列，抹茶系列，養身系列，等等今次我試期間限定<維他奶麥精奶蓋> 共有三個款式，我喜歡抹茶所以揀 <抹茶豆奶飄雪>味道幾特別用維他奶麥精做奶蓋，同平時出邊嘅奶蓋唔同，我唔喜歡太甜，而尼一杯唔可以微甜，店員話已經Set好甜道，驚喜嘅係一啲都唔甜，抹茶加維他奶味道好正 下次回去再飲

點咗杯珍珠奶茶，接既時候個封杯薄膜根本未封好，珍珠奶茶漏晒落隻腳同鞋到，女職員一句sorry都冇，態度奇差，沒有歉意，仲要我主動同返佢講你杯野未封好。。。。。。

經e字頭訂枱網站取得半價優惠，試咗餐牌上皇牌嘅芒果芝士奶蓋珍珠，一飲就覺得好難飲，第一冇芒果味第二冇芝士味。味道就似稀釋左嘅融咗嘅芒果布甸。本來想喺訂枱網站留評價，但佢冇登出嚟。

第一次似鮮茶道！叫左杯抹茶紅豆白玉 （熱）真心冇誠意同吾好飲熱飲吾熱 三分甜 甜到嘔 白玉好硬成杯野好hea 冇下次！好耐未飲過咁hea ga野飲！勁失望$29杯 我寧可去對面買豆漿飲！

同事今日提議叫外賣手搖飲品返黎飲，見佢有熊貓珍珠，咁我就揀左杯熊貓珍珠綠茶。佢可以揀甜度、冰量同邊款奶（全脂或者高鈣低脂奶）。我揀左無糖，走冰同高鈣低脂奶。叫左二十分鐘左右，5杯野飲就送到，都幾有效率。味道方面，綠茶味好足，不過口感就唔夠滑。應該係奶既份量問題，如果再多少少奶，茶味同奶味會平衡d，同埋滑度都會再好d。熊貓珍珠就分黑白（似透明）兩款，兩款味道應該冇分別，都唔會過甜。珍珠口感都唔錯，唔會好霖，係有咬口嗰種。

大半年前係尖沙咀飲過鮮茶道既抹茶紅豆白玉，一試愛上。到終於俾我等到大圍分店開，於是開鋪第二日就再買杯黎飲。一樣係抹茶紅豆白玉，已經同店員講左走甜，等左20分鐘，可能新開張既關係，個店員好似唔識沖o甘,我見度杯野成杯得綠色，一d漸層都冇就知衰左一飲～勁甜，成口都係糖水味⋯根本甜到飲唔落，返到屋企加返1:1比例既水先叫正常，可想而知甜得幾過份。白玉同紅豆就正常既。今次真係期望愈大，失望愈大，希望下次有改進