鮮魚湯 (河傍街)

營業中

休息中

話說今日想食清淡D就揀左呢間黎食叫左個招牌4寶米線包括有蝦卷, 魚腐, 魚蛋,墨魚丸同紫菜湯底值得一讚, 飲晒成碗都吾洗搵水飲蝦卷並吾係煎炸個種, 浸左落湯底到, 淋晒 一般魚腐吾係實的的個種, 較軟棉 好食魚蛋係白雪雪個種, 口感彈牙但無咩味 一般墨魚丸係當中最意想不到但出色既一款 外表黑色, 加左墨魚汁做, 質感較實, 亦都好有味米線可能因為浸住左個湯底, 比較淋身.Encore 指數: ⭐️⭐️⭐️

疫情前食過一次招財四寶米線後，基本上個個月都會去食。其他蒸魚套餐也好好吃。 還有滾湯飯等等。疫情時，都會叫外賣回家吃， 還會打包回家給家人吃。 現在疫情過後個個出外不用戴口罩了，我就會到店裡吃， 始終新鮮熱辣辣出爐。 有時個個星期都想至少去吃一次。

餐廳大約有35個位，麻雀雖小、五臟俱全，最愛佢哋的墨魚卷河，湯底是奶白魚湯，冇味精味，所以次次我都飲唔少。另外，現場有唔少人都食佢哋果啲鮮魚加河粉，因為平時lunch time 好難喺街食到魚、所以我見有好多人都會喺度食魚！除咗墨魚卷，我亦鐘意加$15食塊豬扒，新鮮炸好比你食，配埋甜酸醬，好好食嫁！不過，有時都試過醃得太鹹，搞到有啲硬，所以豬扒好唔好食，都是撞手神😝大家下次經過巴倫紐，記得去食下鮮魚湯！啲湯底堅唔鹹！唔是冇味，而是鮮味！食慣味精的人，先會話唔夠味！😆😆😆

喺萬事時段，而家咁多人唔願意喺香港消費，仍然叫佢坐滿晒地方，實在好好奇佢煮嘅係乜嘢嘢食，因為今次係經朋友介紹過嚟食嘅睇一睇之後發現佢所有嘢食都係一啲住家菜！例如有緣條嘅魚啦跟魚湯系列亦都有好多配搭嘅選擇或者可以自由搭配基本上就好似返屋企食飯，再加多碗湯咁樣我叫嘅呢個酸菜魚魚湯湯飯酸菜唔會特別酸或者鹹，適合香港人口味！

琴晚食完覺得呢間餐廳既食物還可以今晚又黎，企係門口睇餐牌感覺麻麻地！但老闆娘不停力推b餐鴨腿湯飯我其實之前都中過招，唉....不過趕時間就唯有求其試多次啦！碗鴨腿湯飯黎到，其實我有d想嘔....先講鴨腿肉質未夠淋...用筷子做唔到骨肉分離...用牙咬，肉質有點硬....其次係所謂既羊肚菌，完全食唔到有味...成碗野有一塊午餐肉...完全唔夾碗野!呢碗野講真句，賣成77蚊，真係有d貴！係其他餐廳60蚊已經有找....食飯途中，老闆娘仲不停sell食客食鴨脾餐...又話羊肚菌配呢個湯真係一絕...sorry,我完全食唔到有咩分別.....感覺自己做左水魚....！另外叫左個 和風餃子....個皮真係炸得幾好...但入面全部豬肉！又冇肥肉 同 菜粒 38蚊5隻....7蚊一舊炸餃....質素完全唔掂無啦啦又食左百零蚊...食完完全唔滿足同唔飽肚...或許我真係對呢間野期望太高..哈哈

呢間舖之前因為一個鴨肶飯令我比負評及抗拒！估唔到原來都有好食既食物小弟近期對康麗商場所有餐廳都大失所望...所有餐廳只係貴，但食物質素差！有見及此，小弟決定離開呢個範圍尋找美食！好衰唔衰，見到魚魚魚呢個餐廳有我今日最愛想食果幾樣食物！包括 豆腐 雞 同 蕃茄....即係湯飯啦小弟衝左入去，2話不說就點左呢個餐跟凍奶茶！雖然成個套餐要77蚊，略為貴左少少！但如果係好食既，就真係物有所值！等左5分鐘，碗野擺係面前，好明顯睇得出係即整蕃茄同豆腐係大火煲4分鐘既情況下，軟硬程度剛剛好，蕃茄皮就黎甩既情況下，蕃茄真係好美味而雞肉更加唔洗講，剛剛熟既程度，食到有少少雞味，有口感既肉質！ 最重要唔似某間新舖頭，煲出名既雞粥全部都係骨黎另外跟碟雜菜，碗湯入面又有菜！真係菜放題，食菜都飽十分鐘食哂碗湯飯，好滿意！我諗暫時係我係新墟食過最好味既一餐，我會繼續幫襯

今日來屯門, 見好耐無食又行來幫襯一下, 叫左個生菜南瓜鲩魚腩轉准山麵, 等左一陣送上來, 先飲啖湯, 好香濃👍, 魚味唔係太飲到, 食舊南瓜, 唔係好甜, 份量都幾多👍, 食啖准山麵, 正常味道份量亦好多, 再食件鲩魚腩, 見到舊魚應該好大😅, 唔係好似某d店煎炸過, 食到好新鮮, 無泥味亦無腥味😚😋 個人不食生惠, 叫左店員走蔥, 整體好滿意, 價錢也可以接受😍😍

同老公入V city採購完，咁岩經過就入去試吓，本身淨係想食米線都冇乜期望，點知佢個湯底又有啲驚喜✨😮 我地本身鍾意食魚，試過好多間魚湯底，佢呢個價位咁嘅水準都算係唔錯👍🏻湯底有魚味，食完嗰日又唔特別頸渴，我當佢冇落味精😂 同埋個辣都幾特別，呢間係再經過會想試第二次嘅食店。

外賣漏單半個鐘後，堅持無我張單由18:24等到19:00,又話我未確認比錢，我話no.都有喎，最後原來有個阿姐換單紙漏左印，但最過份係無一句對吾住，可能意為我係送外賣，狗眼看人低。

好坦白，小弟我真係唔鍾意食魚，唔鍾意腥味，早班同事買咗呢個外賣俾我，咦有驚喜喎，個魚湯我居然可以飲晒，那應該冇味精嘅（可能）今日完全冇口渴。其實全個米線嘅精華就喺個湯頭嗰度，冇諗過對魚湯完全冇抗拒。

有約行到V city諗住搵嘢食，但間間都好多人排隊，之後就慢慢行去新墟街市嗰邊睇吓有咩食，經過見到呢店有魚麵食未食過諗住試吓，估唔到幾有驚喜。叫咗一個菜脯煎蛋可以加$18試個魚麵，菜圃蛋好食，唔會太鹹調味啱啱好，魚面比我想像中有驚喜，比較煙靭，我食得出有魚嘅質感，同埋食完都唔會咁有負擔，因為真係食得出用魚肉早出嚟嘅，澱粉質比較少，加上個魚湯嘅湯底都好好味另外，仲叫咗個金銀蛋菜，同樣因為湯底可能用咗魚肉嘅湯底好鮮味。真係估唔到隨意入嘅一間舖頭會咁有驚喜。再經過一定會食。

出開屯門做嘢，梗係唔想喺V city食連鎖店啦，即刻上OpenRice搵吓附近有啲咩好食，見到有間寫住食魚湯米線嘅，即刻非常有興趣，就行咗去試吓。食落個春卷唔錯，但係魚湯比較淡，唔夠濃郁，而食魚湯米線個魚湯應該係精粹，所以都有啲失望。意外驚喜係，佢有啲支裝飲品，話係自家製嘅，我叫咗個紅棗杞子桃膠，一人之下真係非常好味，甜度同濃度都啱啱好，我買咗四支返去。

唔駛等好耐已經有位魚湯味道鮮甜魚肉新鮮唔會梅一碗大約有四舊魚腩欣賞呢度即叫即做天氣凍嘅時候飲落去暖笠笠😆如果住喺附近應該會成日黎買就算差唔多成碗湯飲晒都無嘜口渴

金磚西多士朋友唔想夜晚食咁飽，所以叫左西多士。果然炸得金黃，外脆內軟，加埋煉奶同牛油，勁邪惡。雲吞6粒（淨食）皮薄餡靚，連埋魚湯一齊食，非常鮮甜。自由選米線(墨魚卷)墨魚卷炸得好香，好彈牙，裏面有一粒粒嘅墨魚，好有口感。自由選米線(雞扒、雲吞)略嫌雞扒塊皮煎得燶咗少少，但啲肉都仲係嫩的。

下午茶炸雞髀配金磚西多士 $45送熱飲一杯好味指數 4.5/5 🍭🍭🍭🍭🍬{炸雞批炸既時間剛剛好 皮與肉既脂肪不多 皮好薄好脆 入面既肉多汁嫩滑 西多有4件 每件都好厚 中間有花生醬 西多入口好香蛋味 加上淋上一層煉奶 配合一齊食真係超正👍}蠔仔黃金蛋飯 $56好味指數 3.5/5 🍭🍭🍭🍬{蠔唔係好多粒 但勝在粒粒都唔細同新鮮 蠔同蛋都好香 蛋既厚薄適中｝