影片
電話號碼
28897082
營業時間
今日營業
07:00 - 17:00
星期一至六
07:00 - 17:00
星期日
全日休息
以上資料只供參考, 請與餐廳確認詳情
喺近住小西灣返工，附近真係冇咩好食，今日朝早咁啱好鬼肚餓，咪叫外賣食啦！附近試過多美，嘉嘉，還是覺得依間最好叫沙爹牛肉面餐，配腿蛋，同牛油多士。 沙爹牛肉有蒜味又夠香，火腿就一般野啦，蛋就意想不到，外賣都有咁滑
繼續閱讀
第一日荃灣千里迢迢碌去柴灣返工，第一日lunch就被同事帶嚟呢度，話係好嘢。人多到嚇親，每張枱旁邊都有客企喺度等位，而且大部分都係大圓枱，所以基本上一定要搭枱。我自己覺得lunch時間好寶貴，仲要花時間等位，咁邊夠時間如尊貴睿智嘅特首講飯後游廿分鐘水呀。在人迫迫嘅情況下等咗五分鐘，每日大約有五個快餐、五個粉粉麵餐、一個焗飯，再加燒味常餐。叫咗個快餐黑椒雞扒火腿飯，同事會推薦呢度係因為碟頭大，更稱為上品。飯嘅份量的確多，但我認為味道幾強差人意。傳統頹飯，兩塊火腿+一塊雞扒，要多滴菜都無，啲汁有啲漂白水味，唔知係咪啲廚具洗得太乾淨嘅源故。之後再嚟食多兩次tea, teatime時間人少好多，服務都好返好多。西多同雞翼都好香口唔滴油。下午茶沙爹牛麵份量都幾大，有條菜食吓，當bonus.
繼續閱讀