鰹烏冬 (駱駝漆大廈第三座)

營業中

休息中

叫左個黑胡椒粒拌蛋🥚烏冬+味噌焗鯖魚🐟 個烏冬令人好失望 食落好林 出面一pat 漿咁 但個芯就硬硬地 好似格硬了散同快速煮好個烏冬咁☹️☹️☹️鯖魚就正正常常 冇乜特別

呢間餐廳係喺駱駝漆工業大廈上樓嘅，上到去都唔難搵。個環境坐得都算係舒服，唔算太迫，但係感覺係唔會坐得好耐就要走。佢落單係唔係QR code落單冇餐牌可以睇。佢烏冬有好多唔同湯底揀，揀完烏冬之後就可以再揀啲配料或者係餸。我今次叫咗一個鰹魚湯底，佢魚味唔算係太濃，但係食落都幾好食嘅。佢份量好大下，個烏冬差唔多係填滿晒成個碗。送我一個就叫咗鯖魚，另外一個就叫咗雞。佢個雞燒得係幾好食嘅，所以如果要揀配料，首選一定係佢個雞。佢食物同環境算係唔錯，但係以工業大廈上樓黎計，一個烏冬再加埋餸要成大約$80以上就真係有啲貴，如果用得$80的話可以去其他地方食個更加好嘅午餐。

同事介紹呢間鰹烏冬，入到去真係幾似去左日本。我哋每人都叫左唔同既烏冬。魚湯豆乳烏冬套餐，配味噌焗鯖魚，日本蘋果汁 $96我揀左豆乳湯烏冬配鯖魚，仲有額外叫左罐日本富士蘋果汁。豆乳湯好幼滑，烏冬幾柔軟。鯖魚燒得幾好食。 骨付雞賣相都幾靚，下次要試下。同事叫左海苔竹簾烏冬 配 骨付雞 $88我試左一啖個烏冬，都幾彈牙！

🚶🏻‍♀️每次無論咩時候上駱駝漆都見呢間有人排隊，👀而望一望入面無特別裝修，但就勝在夠曬大，等一陣就入得🤗🍗堅魚湯白味噌鍋仔燒烏冬配骨付雞（$111）🍗⏱呢個餐等左半個鐘先到，等到同行既已經食完，上菜速度真係有待改善。🍲烏冬大大鍋，餸既份量都唔少，但烏冬食落無味，要加七味粉先好D。👏🏻而好評如潮既骨付雞確係好正，雞腿皮脆肉嫩，夠熱又夠多汁，挽回唔少分數✔️🥚黑胡椒粒拌蛋烏冬配金菇牛肉卷（$90）🥚😬烏冬係好彈牙，但相對要咬一段時間先吞到。🧂而即管撈完有唔少黑胡椒粒同蛋汁，😩但食上去仍然好乾身，食每一啖都要飲水💧😋總體 (味道, 性價比, 環境, 服務態度) : 6/10——————————————————————————————🚶🏻‍♀️There are queue outside this restaurant every time we passed by, 👀but then they have lots of seats inside, so we just waited for 10 minutes to get in🤗🍗Hot Pot Udon with chicken ($1

呢間烏冬係自家制工場製作✨ 手打烏冬除左原味之外，每日有2款限定既口味 (包括海苔、柚子、抹茶)建議想試既朋友要早d去排隊，好快就賣哂～　♡ 抹茶竹簾烏冬(冷) 配 骨付雞 $90今次終於食到抹茶味烏冬😆口感好煙韌好彈牙，但唔算食到有好濃既抹茶味🍵不過整體配埋醬汁都唔錯；反而友人既柚子烏冬更出色～..個人覺得骨付雞比烏冬更勝一籌🖤雞脾多數都會比烏冬後上，成隻雞脾好大隻！雞肉切落去已經好多汁，食落好嫩滑同好juicy～外皮加左辣辣地既調味粉，一定要襯熱食！

鰹烏冬🍗🍜今日終於帶到🐣🐠兩姐妹去食烏冬🙂呢間位於觀塘工業區都好出名嘅鰹烏冬😎好有特色嘅鋪頭😍入面嘅烏冬係手打架😎除咗烏冬出面，佢嘅骨付雞都非常之馳名🤩🏆🏆🏆🏆骨付雞佢呢隻雞髀有手掌咁大隻，仲要超嫩滑😚切落去勁多汁，超好食。佢嘅皮好香脆，有少少類似七味粉嘅調味料係上面，一切開已經勁香🥳一個人一隻雞，加埋碗湯，真心飽到癲。🏆🏆🏆🏆鰹魚湯咖哩烏冬好香濃嘅咖哩湯味，食落去較少鰹魚味，烏冬彈牙，因為佢嘅咖哩湯比較稠嘅，撈埋烏冬一齊食，超好味😋再配埋骨付雞，真心絕配。🏆🏆🏆🏆 天婦羅炸吉列廣島蠔 配 鰹魚湯烏冬廣島蠔一咬勁多汁，佢本身無提供沙律醬，但都超好味😎鰹魚湯烏冬..🐣就略厭湯個味道麻麻，所以偏向咖哩湯烏冬多d🥳總結係...碗烏冬好大碗，再加埋雞髀真係好飽，得🦦唔夠飽。鰹烏冬 (駱駝漆大廈) (觀塘)🍗🍜觀塘開源道60號駱駝漆大廈3期11樓O室味道：3.8/5環境 : 4/5服務：3.8/5衛生：3.5/5價錢：4/5

之前去過長沙灣店食烏冬，感覺非常良好😏今次見去開附近買野，二話不說，來試下觀塘店，睇下有冇機會食到柚子烏冬，點知去完發現，長沙灣店比觀塘好🤦‍♀️去到餐廳係六點左右，可能時間尚早，所以餐廳唔多人~揀左個舒服嘅位就坐低，staff之後會擺低qr code俾你自己點餐~但坐低後覺得張枱有D黏立立，以致於食物未到前我都係攞住餐具，唔敢放枱面🤦‍♀️睇左陣menu，冇晒特別口味嘅烏冬，惟有叫其他啦😢我地就叫左：🥚流心蛋🐟味噌焗鯖魚🍲鰹魚湯白味噌鍋仔烏冬🍲山藥月見烏冬🥤可樂點餐到上菜，成個過程都好快👍🐟味噌焗鯖魚 (+$32)見上次食過🐔骨付雞，今次就試其他野~🐟條魚幾大份，但口感有D乾，同埋唔多食得出味噌味🤷‍♀️似乎食🐔骨付雞先係精明選擇🤦‍♀️🍲山藥月見烏冬 ($75)、🥚流心蛋 (+$13)既然冇得食特別口味嘅烏冬，惟有試一個自己覺得稍為特別嘅烏冬啦😂山藥可以降三高、補氣護胃，呢點正正係我會揀呢個烏冬嘅原因😂上枱覺得賣相幾吸引😳山藥就好似蛋白咁，包圍住蛋黃😍食落淡淡地，冇乜味，有D黏黏粒粒嘅感覺，幾得意😂不過之後浸左湯就同湯底融為一體，想食都難不🤦‍♀️湯底幾清，微鹹~烏冬質感好煙韌彈牙，好食😋流

繼續小店之旅！呢排好鐘意睇火影忍者，所以想食下傳統日本野食。聽到友人推介話觀塘有一間食雞扒烏冬好出名的鋪頭，細個睇電視知道日本人好鍾意食雞扒豆腐烏冬，估唔到喺香港都可以食到。午餐時間都要排一陣，大約10人，而入面係坐滿的。我食醬油冷烏冬+骨付雞。首先講下烏冬係自家製，所以係好有彈力，食落好有咬感，唔易斷。當然亦都有手打烏冬嘅爽滑，加上份量剛好的醬油汁，唔會太寡。配菜有紫菜，蔥花，檸檬汁，蘿蔔蓉，全部加起上嚟就係滿滿的日本感，好幸福😋當然要講講主菜雞扒。因為佢係上等雞髀肉，所以好鮮嫩。食落係有豪大大雞扒嘅感覺，但佢肉身會更加厚。加上碟底秘制醬汁，推介大家要必試！朋友食原味竹廉烏冬，做法似蕎麥麵咁樣；另外湯烏冬都好味每人$90左右，價錢係觀塘工廠區lunch 來講算偏貴，但好味的。味道: 8/10服務: 6/10環境: 6/10性價比: 7/10

十一點半上到去，店入面都未坐夠一半，門口個recept就叫我哋門口排隊入去。前面嘅人陸續入去，我哋隨即跟住慢慢入店內，男recept 無啦啦對住我哋同後面客人大嗌 請出去! 沒有任何解釋，只係不停重複，態度非常差。

係搵緊觀塘有咩好食嘅時候見到呢間鋪頭有好多特別味道嘅烏冬😳推出過 咖啡、薄荷、紫菜等等口味就決定去撞下睇下今次遇到咩款🤣12點3去到估唔到都差唔多爆滿想食真係要記得預早少少去😯.🍴抹茶竹簾冷烏冬 配 骨付雞 $92 💛8.5/10不愧係自家製手打烏冬而且可能因為唔係放湯所以更加彈牙😆抹茶烏冬個顏色好靚 就咁食落口的確有淡淡抹茶味🍵切記千其唔好成條烏冬點哂個冷汁會比個汁cover哂個抹茶味食唔出😶‍🌫️骨付雞大隻肉嫩多汁 調味亦出色七味粉同大蒜經過燒焗後香噴噴🧄試完明白點解差不多枱枱都叫.🍴竹簾冷烏冬 配 炸多春魚 & 蘋果汁 $78 💛7.5/10友人驚中伏唔敢試新奇野叫返普通版😂原味版本個冷汁會有少少唔同會另外附上檸檬、芥末、蔥花、芝麻可以就自己口味小小變化一下👀炸多春魚正常質素未有驚喜友人表示超後悔冇揀配骨付雞😆另外仲跟左罐日本蘋果汁🧃100%果汁個種濃縮香味係幾好飲但真係稍為有少少細罐😶

💛 HKG - KATSUO UDON 💛ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Isn’t easy to look for a decent good udon in HK. And here you go 😌Reasonable priced udon 👍🏻 chewy , light soup base. @udon.hk makes me wanna fly to Japan 🇯🇵 now ! ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇#cass_udon#cass_觀塘#cass_kwuntong #eatwccinhk

骨付雞鰹魚清湯烏冬🍗首先講咗烏冬先，麵質好煙韌，好有咬口，非常好食😋而骨付雞其實姐係雞髀，肉質好嫩滑，亦保留到肉汁，配以辣粉調味，真係唔錯嫁。而湯底味道較清新，亦都保留到鰹魚嘅味道，配合隻骨付雞，食落就唔會太油膩。味噌鯖魚鰹魚清湯烏冬🐟依個就冇骨付雞咁驚喜，但都還好，鯖魚肉質都唔會太乾，亦唔太腥，配上一塊檸檬，都還好。天婦羅鰹魚清湯烏冬🍤依個就冇骨付雞咁驚喜，但都還好，天婦羅都係即炸，食落唔會太厚粉。總括而言，鰹鳥冬都算抵食，人均消費大約$100，大部分嘢食都即叫即整。至於環境同服務就唔要求得太多，座位唔算太寬敞，而冷氣大番少少會好啲。

《📍鰹烏冬の食評》小編今日同大家介紹位於觀塘一間隱世烏冬-鏗烏冬‼️唔單至店員非常有人情味，自家製烏冬同小食仲要超有水準，每次lunch都會大排長龍，一齊睇吓到底有幾「堅」啦🥴！🔸『夏一烏冬配天婦羅 - $102.6』話明夏一烏冬，就梗係「夏天」必食啦！夏一冷烏冬特別加檸檬及日本雞蛋，超fresh，為夏日帶來一抹涼意❄️！烏冬亦係自家製作，非常Q彈煙韌，再配上超級香脆嘅天婦羅，非常之豐富😳！🔸『鏗魚半湯冷烏冬配關冬煮 - $69.4』鏗魚湯十分之香濃，經過冷凍嘅烏冬格外煙韌🧊，再配上超級入味嘅關東煮，簡直係神級美味！小編特別想讚下本店嘅關東煮，每一樣食材都非常入味，每一啖都充滿濃湯，好味程度達致五粒星，令小編食唔停口🤤！🔸『竹簾烏冬配骨付雞 - $78.9』本店特意將烏冬放在竹簾上，皆因竹簾可保持麵身較乾爽，保持Q彈煙韌🤩！而本店嘅名物莫過於骨付雞，雞肉非常柔嫩，咬口淡淡肉汁，而且得滯醬料十分香濃，配上煙韌到十足嘅竹簾烏冬，絕對係Perfect match‼️🤪 iHungry肚餓指數：9/10分

駱駝漆大廈食肆林立，但係要排隊嘅舖頭就唔算多，而家食烏冬嘅係其中一間，大概等咗半個鐘左右入座，提一提大家先，佢係人齊入座嘅。朋友就叫做一個湯烏冬，我就叫咗一個冷烏冬我嗰個烏冬係配炒烏冬，食落係有少少配茶嘅味道，但係如果點埋鰹魚汁嘅話，味道就冇咁濃烈啦。佢哋嘅烏冬比起其他地方食到嘅彈牙。我就叫咗鯖魚，但係見到隔籬枱好似食雞髀同埋天婦羅比較吸引，下次你都係會試返天婦羅以佢嘅質素，真係唔怪得有咁多人排隊

朋友介紹觀塘工廈一間烏冬店，上網睇發現店主曾經係日本學藝，之後先返香港開鋪，講到咁勁就一於去試下😚餐廳有茶免費供應，可以唔洗另外叫野飲🍵鰹魚清湯烏冬 $43烏冬份量都偏多，湯無特別。麵配菜有紫菜、蔥、鳴門卷同少少薑蓉，但薑蓉份量唔多，撈勻之後唔太食到薑味。烏冬口感真係好係好滑好彈牙👍🏻骨付雞 $43⭐️⭐️極度推薦⭐️⭐️雞髀好大隻，差唔多成隻手掌咁大✋🏻外皮香脆，雞肉唔榎，有肉汁👍🏻七味粉加蜜糖甜甜辣辣，而且充滿蒜香，非常惹味😋天婦羅5件 $51天婦羅有五件，分別係牛鰍魚(如果無食錯🤣)、多春魚、冬菇、茄子同蝦。炸得都脆口，但好失望無南瓜或者番薯🥲天婦羅價錢$51都偏貴，下次再食都係食骨付雞比，骨付雞性價比較高🤑鰹烏冬觀塘開源道60號駱駝漆大廈3期11樓O室#bei9sik觀塘#bei9sik💛#hkig#hkiger#hker#foodie#foodiehk#hkfood#hkfoodie#hkfoodblogger#foodblogger#foodblog#黃店#黃店推介#黃店推介#hkigshop#烏冬#手打烏冬#鰹烏冬#天婦羅#骨付鳥#骨付雞#觀塘#觀塘黃店#駱駝漆#駱駝漆大廈三座#