鳥十 (已結業)

為左滿瀉三文魚子而黎，果然無令人失望🤩 <三文魚籽帆立貝丼>最特別係會係係客人面前直接加三文魚子~超多三文魚籽，多到要挖返啲飯出嚟食🤣帆立貝細細粒，不過好鮮甜~醋飯特別在係用紅醋調味，都幾特別~<日本火焰牛油蕃薯>一上枱既時候就開始點火，視覺滿分，不過味道普通🤣<日本生蠔>店員推介，唔係餐牌上面架，不過產地已經唔記得左🤣 不過味道好新鮮，creamy又唔會覺得腥，推介🔥<櫻花蝦炸豆腐>櫻花蝦包住豆腐再炸，將炸豆腐推左去新境界🤩 口感同鮮味都提升左唔少~<吉列佐賀和牛三文治>吉列和牛好淋，完全無筋，唔洗用力咬。不過麵包無烘底要扣分🤣

好耐冇食日本野，朋友推薦左食呢間鳥十😇事前睇到唔係好多評分同食評，加上價錢都唔算平，都驚有少少中伏😂但入到去環境係幾好的，睇耐去都算闊落，幾岩同朋友聚餐👯‍♂️ 第一碟黎嘅沙律已經有驚喜，睇落去好足料，食落去又幾易入口，我地差D想叫多碟。食完前菜之後，就是串燒，我覺得算係符合預期啦，最好食就係菠蘿同白鱔，食落去D汁滲出來又好味🙆🏼‍♀️ 佢地上菜速度都幾快，好快上埋個主菜火炙和牛刺身丼，呢碗野真係冇得頂，佢出來個賣相仲好睇過張餐牌，和牛上面仲有海膽同埋蛋，撈埋D醬油飯，真係正既👏🏻👏🏻

裝修好日本，食物價錢反應左出黎，食物方面，只可以話係用貴既食材堆砌出黎既美味，老實講你用呢d 食材好難整得差，而家你收到呢個價好食係應該；今日去唔算多人，伙記都唔係缺，但就硬係要既所有野都係要叫2次先至有反應，攞紙巾，加水，埋單，我無預計呢d 都要叫2次，食左勁少野已6舊水，以我本人黎計，應該唔會再幫襯五花肉，咸到無命，以為食緊金華火腿飛驒牛sushi 好食，overprice吉列牛肉三文治，整體ok , 但如果塊包烘熱d 會好d

是日庚子鼠年除夕，公司提早於下午１點放工，約了家人在又一城匯合，先在鳥十吃午餐，點了４份定食：#迷你飯餐自選迷你丼(６選１)、迷你烏冬、自選串燒２串(６選２)，我們點了２份迷你飯餐，我的組合：火炙魚生飯、迷你烏冬、青椒串燒、雞肉大葱串燒，，豐富的組合，吞拿魚片和吞拿魚蓉都很新鮮，串燒夠惹味！另一組合：吞拿魚三色魚生飯、迷你烏冬、串燒露筍、串燒芥末牛柳，全部都好味！#海老味噌湯拉麵，媽媽吃這個，味道挺鮮的，份量很足！她吃不完！#霜燒海鮮丼，這個等了50分鐘，吹了５次！用餐體驗大打折扣！

以過節為名，和朋友去試新(新哋的)餐廳。可訂位所以不用等。餐廳和隔壁的望月樓互通，座位寬敞。午市有多種選擇，壽司刺身、燒物、拉麵、御膳定食、丼飯等。壽司定食有沙律和味噌湯，感覺和在同一商場屬同一集團的穴蔵相似。朋友的丼飯都到了一段時間，壽司才姍姍來遲。飯是沾了醬油的，第一次吃這種米飯。各種海鮮配以不同醬料，如柚子、芥辣等，味道豐富，三文魚尤其肥美。玻璃小杯盛着的海膽，也很美味。

在又一城修完眉，就約老公係附近食埋野係地下味千集團嘅金色不如歸同埋LUBUDS集團嘅鳥十之間我揀咗呢間畢竟LUBUDS旗下多數係日本餐廳，唔係真係純想食拉麵嘅，我就揀咗呢間了。本人點咗個定食，雖然3點幾都仲有得食定食，我覺得算係唔錯前菜係三文魚沙律，雖然賣相一般，不過我覺得都唔錯，菜又爽口。同埋都真係少餐廳，定食嘅沙律都會有幾塊三文魚，畢竟好多都係求其沙律菜俾啲醬就算。麵鼓湯唔算好咸，而且有啲年輪狀的腐皮也少見，口感不錯。係食主菜前，我仲貪心叫咗呢度出名嘅串燒，丫，單係賣相嚟講，真係幾好，雞皮唔會乾哂，雞軟骨都唔係hea你，一串四粒都真係每粒有骨有肉，下次有開心事都可以係度食佢地個串燒套餐，都係四百幾一個。我係好鍾意去每一間日本餐廳都點返個煎餃子，如果sort out得好，其實可以開個blog嚟寫咁滯。呢個個賣相係平時日式餃子嘅傳統煎法，所以賣相不錯。不過見到佢真身嗰時，又覺得有啲弱咬到入去仲無乜料，無乜口感之餘，料又唔多，真係有啲失望。不過跟住嘅生姜豚肉燒就無失望勒，沙律配料就可以不吃，因為一般，但係本身個生姜豚肉燒真係整得好好食，係忍唔係會：「丫!」 點頭嗰種~ 而且豚肉同洋葱都好

肥姑姐飲食推介 - 三文魚籽帶子丼鳥十ToritenAdd.: Shop G25, G/F, Festival Walk, 80 Tat CheeAvenue, Kowloon Tong地址：香港九龍塘達之路80號又一城商場G層G25號舖Tel.: 233782231）環境衛生鳥十是一間新開的中高級日本料理店，提供收費HK$6xx的廚師拍板，串燒，魚生，壽司，丼飯，拉麵及一些小食，應有盡有。店內以黑色及啡色為設計主調，有大量木元素的牆身裝飾，燈光較昏暗給人一種悠閒的用餐感覺。目測店內可容納30人，另設開放式廚房可以睇住廚房整個烹飪過程。此外鳥十同相連的望月樓（高級廣東酒樓）係同一集團期下, 所以同時可以係鳥十點望月樓的點心及小菜。2）食物質素三文魚籽帶子丼之前睇過其他食家嘅介紹得知此店有呢個丼飯，所以我今日都去咗試一試，點左呢個飯之後約10分鐘就會上菜，首先侍應會端一個玻璃碗上枱，碗內裝滿了已調味的暖醋飯，醋飯面鋪滿了迷你帶子，跟住侍應會端一個大木碗，大木碗內有已經預先醃製咗嘅三文魚籽，跟住侍應會將一匙一匙的三文魚籽舖滿飯面直至滿瀉為止。未食飯已經一飽眼福。值得一提嘅係呢個丼飯內嘅迷你

這天放工到又一城行街，就順便吃個晚飯，好好享受靜靜的一個人時間。一個女人食飯，吃酒樓就難一點，始終吃不多。西餐的話，離不開意粉或焗飯。行過這間鳥十，見門口放了「一人前料理」，查詢下可以堂食，當時未夠6點，就成為當晚第一枱客。有前菜、剌身、串燒、壽司、湯及甜品，六道菜都相當吸引。前菜:松葉蟹膏豆腐。是一口豆腐，有蟹膏味道，質感比豆腐厚實，有點點似糯米糍的煙韌。剌身:四品剌身。一人份量算合適，若然吞拿魚腩多一片就會滿足多一點。串燒:牛舌及豆腐。牛舌燒得不俗，厚薄適中。而豆腐真是讚，外脆內軟，就是我想要的豆腐，非常之滑。壽司:四品壽司。每款都有特色，就算不沾壽司醬油也可以，因為本身都夠味，沾了醬油就蓋過原味。湯:舞茸清湯。忘記拍照！起初以為清湯，會是像茶漬飯的湯，淡淡的。但原來用舞茸作料，湯也不算淡，相當味濃。甜品:柚子雪葩。味道很好，用心製作。總結:整體上都很滿意，以六百多元的一個晚餐，味道及服務合格。若然能在餐內加上一個素麵或冷烏冬，就更加性價比高了！！

誤打誤撞去咗間好好味嘅高汁日本餐廳‼️忍唔住要即日介紹比大家先HAHA「鳥十採用高質日本食材 堅持提供高質素水平嘅菜式比客人」一定! 一定要試佢哋設計嘅獨一無二秘製湯底!!🔖海老麵豉湯拉麵超濃郁蝦湯味 再加埋麵豉湯 鍾意重口味嘅岩晒加上佢哋完全唔吝嗇咁放咗超多櫻花蝦令到個湯超鮮甜 忍唔住飲完一啖又一啖🔖京都胡椒白湯拉麵對比起海老湯底 成個感覺變得清新好多超勁胡椒味 辣辣地但又帶有少少柚子味🌱🔖薄餅角食落去幾驚喜 係著咗咖喱角衫嘅PIZZA🔖炸北海道魔鬼魚翅其實即係變咗粒粒版嘅炸魚柳UMM 個炸粉配翻傳統炸雞會好食啲🙈

之前堂食過幾次，食物本身ok, 但今次買 晚市 外賣時中伏 ，其中嗌咗一個燒玉子壽司給2歲半小孩食用， 居然有一粒膠環喺蛋入面， 之後打電話去鋪頭未9pm已經冇人聽, 之後叫屋企人去同返舖頭講返， 職員有立刻通知經理， 但經理完全冇follow up 講咗唔好意思就算 ，亦冇到廚房同 廚師了解返 ，因何事咩程序 會引致 ， 畀呢個價錢完全接受唔到 咁嘅質素

我叫咗龍蝦🦞雜錦刺身丼及豪華四色丼飯，飯到才知道飯已有色有味亦較咸添，飯又凍又硬，頓時無胃口，加上飯已有味道會影響刺身的鮮甜味，兩個丼就只是 海膽 食得到鮮甜味。我從未試過食日本飯係食唔晒，以往我只會同同行者說：別打我的飯既主意。帶子刺身得個多字，一點鮮甜味都冇。招待普通，其中一個放下甜品時候，佢幾乎係掉落枱面，飛快速離開，當時我睇緊手機，還以為發生咩事。一、佢哋應該通知客人，飯係已有色有味道二、應該比客人選擇白飯 定係 有色有味飯三、雖然我係食刺身飯，但都唔應該感覺到飯係冰凍而又硬

從前的又一城是一團獨大的，被某某飲食集團壟斷了八成餐廳，現在時移世易，Lubuds飲食集團由初時的一間餐廳增至現在的三間了，聲勢一時無兩。新增的其中一間名為鳥十，表面看似是主打燒鳥串燒的，但實則卻是一間包羅萬有的日式餐廳。雖然是款式齊備的餐廳，但卻有一隊專責串燒工作的廚師團隊。除了燒鳥外，還有不少其他款式，而且全部都使用最新鮮的食材製作，如用上佐賀和牛的【鹽燒A4佐賀和牛牛肋肉串】及來自北海道赤豚的【五花腩芝士明太子串】，前者油香豐富，軟腍又帶點嚼感；看著後者半溶的芝士明太子，實在非常邪惡，令人垂涎。另外，還有主打鹿兒島赤雞的【梅醬紫蘇雞肉串】，清新的紫蘇遇上鮮味的梅醬令雞肉吃起來鮮味又多汁。前排非常火紅的【吉列A4佐賀和牛三文治】也有供應，和牛炸得外脆內嫩，中心部份仍保半熟，一口咬下，肉嫩又多汁，非常美味，絕對是打卡必點的招牌菜式。然而，餐廳另一主打就非丼物莫屬，除了食材新鮮外，還有使用地道的食材，如越光米等等來製作。首先來的又是必點的【三文魚籽帆立貝丼】，先會送上調了味的帆立貝丼，接著就由大廚即席添加至滿瀉的三放魚籽在碗內，否則絕不停手，份量之多，澎湃之極，亦是另一招牌打卡點。味道

$680/10 貫 omakase 竟然有蛋，好cheap 遮。每次三四件一碟上枱，唔係人地正宗的一件一件上，所以真係一分錢一分貨。串燒不錯，推介白鱔牛舌，價錢不是太貴。

我哋一行四人，難得約到早啲出嚟食飯，加上生日之星好想食串燒，於是揀咗一個中間點，方便我哋四個人飯後回家， 加上知道呢間係新開嘅日本串燒魚生店，所以一於一齊試吓佢哋嘅串燒雞翼及豬豚肉，我哋食完再叫多一次， 因為調味得好好味，另外雞軟骨同白鱔都燒得不錯，一點腥味也沒有，至於價錢係走高檔日本菜，裝修及服務員的友善態度令你賓至如歸!

第一次來這間提供多元化日本菜式的餐廳，如餐廳的自我介紹，真的能讓人慢活在傳統日式居酒屋的悠閒環境中。意料之外的是它只提供兩款拉麵，二選一，免去了選擇困難症（講笑而己）！拉麵質素不錯，如能讓客人有多點選擇，就更好了！一碗拉麵令人意猶未盡，當然要試一下那裏的串燒，因為它是餐廳的主打之一，選擇夠多的，點了幾款，感受到正宗的日式風味，好滿足！