鳥棲日本料理 (已結業)

好耐無黎駱駝漆大廈呢邊食野，呢度一向都有好多種類既野食選擇😳今次就黎試吓呢間日式小店😳外面招牌都好吸睛，係一片清新花牆🐮牛舌積呢個係飯前小食，牛舌係厚切，仲有青瓜粒，味道酸酸地，好開胃🥗煙三文魚沙律$62煙三文魚以玫瑰花上碟😳十分吸睛。沙律菜新鮮爽脆👍🏽🍆田樂茄子$52茄子燒完好香，味道相對比較濃厚，但不知不覺就會狂食🫢🐚帆立貝北海燒 $38厚厚芝士🧀️，超邪惡🫢但帆立貝好大粒，啖啖肉，而且彈牙有口感🦀軟殼蟹天婦羅$72薄薄既一層炸皮，好香口，軟殼蟹都幾多肉，沾埋天婦羅汁，好滋味🍝鳥棲豚肉炒麵$82一上枱係熱辣辣，見到都覺得好吸引🤩豚肉既量好多，食極都仲有😳入面坐位都好舒服，因為大家都係坐sofa 😳好適合朋友聚會，因為坐得舒服，環境又輕鬆😌係呢度都比較放鬆心情

放工行完觀塘工廈，去左鳥棲食串燒，餐廳寬敞，坐得好舒服，最岩同同事吹水鹽燒牛舌-$42黎講十分抵食，有三大塊，每塊都好厚切-微微的黑椒調味，唔會搶過牛舌本身的味道呀波尾雞心-用左德島県冇激素呀波尾雞-雞心有5大粒，有口感但絕對不是難咬，有驚喜！呀波尾雞肉-姐十分欣賞的一串，雞肉燒得好香，雞味十足，唔肥的部位但完全唔鞋口！黑豚荔枝卷-加上荔枝獨有的甜，更突出黑豚的濃郁燒菠蘿-厚切，鮮甜燒油甘魚鮫-魚油好香濃，鮫位十分肥美juicy, 師傅火喉控制得好好煙三文魚沙律-煙三文魚好大塊厚肉，用三大塊做成玫瑰花🌹-沙律菜好新鮮脆口，仲加左蟹籽富士山特飲-唔單止打咭一流，仲好清新好飲，解膩一流！

今晚去到駱駝漆真係好靜，好可惜，趁有機會就好好珍惜一下目前所擁有的今晚到左百間日式店食晚飯，裝修顏色配搭好舒服，坐喺梳化上好好享用晚餐前茶牛舌漬微辣的醬汁配上清新嘅青瓜令我都食多左蔬菜牛舌細細粒爽口的1️⃣他他醬魷魚圈鮮烤魷魚圈，不油膩且香脆，與他他醬配搭得宜2️⃣鹽燒牛舌彈牙的，大小厚薄適中，想再order😋3️⃣燒雞皮餃子厚厚嘅雞皮包著非常滿嘅餃子餡，口感好豐富4️⃣滑蛋黑毛磅扒飯醬汁味道不濃，配上嫩嫩嘅豬扒，一面脆，一面淋，岩晒唔想食太脆口好似好熱氣嘅人口味，配上一碗白飯，對於二人嚟講都好滿足5️⃣巨峰富士山好驚喜，好靚，巨峰味好味唔太假，配上滑滑嘅雪糕，真係唔捨得飲6️⃣芝士蛋糕細細件，唔膩，為完美一餐畫上句號

鳥棲日本料理 (觀塘)觀塘開源道60號駱駝漆大廈第3座5樓S室。駱駝漆呢排都有d小風波，其實講到尾都係土地供應問題，希望政府係改善問題而唔係一刀切當搞掂 😔。放工走左上去八下仲有無食肆開緊，見到鳥棲仲係正常營業 😯 當然要支持支持。滑蛋黑毛豬扒飯（$82）、牛肉稻庭烏冬（$82）當茶仔都賣緊$7、80一個客飯，呢個價錢食到日本野都真睇抵食 👍🏻。燒雞皮餃子（$58）、阿波尾雞肉（$28）、鳥棲和牛（$38）唔好睇小呢度係工廈餐廳，串燒同小食都有好多選擇，味道比得上各大居酒屋，特別推介燒雞皮餃子🥟，雞皮燒到脆脆，高質之選 。衷心希望香港各小店都可以撐得住，要加油呀～ 🙌🏻

最近駱駝漆大廈雖然充滿風波，但都好想同大家介紹番一啲有心嘅小店，呢間日本菜小店規模不大，但勝在性價比高又坐得舒服。🐮前菜牛舌粒一坐低就會送上涼拌牛舌前菜，配有青瓜粒 非常開胃🐟原條鰻魚炒飯 $148鰻魚好大條好厚肉，魚肉肥美，小骨唔多。配上鰻魚汁炒飯，飯粒粒都充滿饅魚汁味，甜咸適中，外面餐廳好多時係白飯加鰻魚汁 ，呢到用上炒飯比較有特式。份量亦都好足，兩個人都夠食🍡燒芝士年糕 $38非常推薦呢個！即叫即燒，外層燒得夠熱夠脆，一咬落去年糕好軟糯，芝士半溶餡料極足！🐓明太子雞翼 $48炸雞翼內裡釀有超飽滿嘅明太子+豬肉，明太子微辣好惹味。🍙日式燒飯團 $48燒飯團面層燒得夠乾身夠脆，飯團加左飯素同蝦花蝦，充滿日式風味，不過如果飯團有少少醬汁食落冇咁乾就會更好！

觀塘工廈食肆多，呢間日本店環境舒適，飲品有驚喜，啱曬同聚會打卡❤️🥢洛神富士山、藍桔富士山：係雪糕梳打丫！雪糕融化時起泡，形成火山爆發的樣子😳。香草雪糕同果味梳打好夾，泡化後更creamy。🥢粒粒牛舌冷盤：牛舌爽口又醒胃，必試！🥢燒雞皮餃子🥟、明太子雞翼：雞皮餃子香口，明太子釀雞翼飽滿結實🤤。🥢鳥棲和牛串、黑豚荔枝卷：荔枝卷清新解油膩👍🏻。🥢鳥棲豚肉炒麵：好香鑊氣既炒麵呀！豚肉也很多，可以開心share 。味道：🔅🔅🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

位於觀塘的抵食日式餐廳！餐廳裝潢雅致，環境氣氛悠閒舒適，空間大 座位寬敞舒適，是約會的好地方，好適合放工同朋友來享受美食🤗💖💖💖食評💖💖💖一入座便送上涼拌前菜原條鰻魚炒飯 ($148)✨長度好誇張😆 鰻魚肥美厚身 好嫩口 配上醬汁一流，值得一試！炒飯有水準，混有豐富蔬菜，飯粒Q彈 香濃惹味，份量多😋👍🏻鳥棲豚肉炒麵 ($82)✨炒麵熱騰騰 鹹香惹味，配上大量豚肉片，好好味😋 豚肉口感爽口彈牙，好正呀😋一口芝士 ($38/4件)✨香脆可口的炸芝士😍 鹹香十足

今日嚟到駱駝漆大廈食嘢 想食日式料理 朋友就揀咗呢一間 佢主要係食日洋式料理 食物選擇都幾多 有火鍋 串燒 同其他燒物 🤣 同朋友尼chill下就啱曬🥰-🐮麻辣青瓜牛舌呢一個麻辣青瓜牛舌喺餐廳送嘅小食 🥰麻辣味唔太辣 不過好夠麻 青瓜牛舌夠爽口 幾開胃🙈-🐮和牛串燒 $38牛肉鮮嫩多汁 覺得唔夠味 可以點鹽食😂-🍘燒飯團 $48呢度嘅飯團都幾大嚿 燒完之後外層好脆 入面暖粒粒 都算足料 ☺️-🥥椰子雪芭 $48好refreshing ge甜品 椰子味好出 有啲似冰 唔會太甜🤪-🤣八爪魚丸唐揚 $58其實係章魚小丸子 醬汁好夠 但出邊唔夠脆 🤣-🐷黑豚荔枝卷 $38用煙肉包住左荔枝 荔枝嘅清甜中和左煙肉嘅鹹味🥓-😎翠玉瓜 $22燒翠玉瓜都幾多汁☺️-🧀🍰芝士蛋糕 佢係日式芝士蛋糕 好鬆軟 芝士味好濃半嘅🤪-📍鳥棲日本料理觀塘開源道60號駱駝漆大廈第3座5樓S室

鳥棲日本料理主打傳統和食 有串燒 鍋物 一品料理 揚物 食事等等 種類非常多👅牛舌漬餐前小食竟然有牛舌食 好驚喜✌🏼牛舌切左粒 加埋青瓜一齊醃 酸酸地 帶微辣 幾開胃🥗煙三文魚沙律 $62呢個沙律CP值都幾好 好多煙三文魚 卷成花花 好打卡👍🏻沙律菜好新鮮 青綠 爽口🍍燒菠蘿 $20外面燒到有啲焦香 糖分出曬黎 幾甜 多汁🐔芝麻雞翼 $28/2隻雞皮脆脆 加埋芝麻好香口入面雞肉幾嫩 夠juicy 仲熱辣辣 出曬煙🐮壽喜牛肉鍋 $148。鳥冬 +$15超多牛肉 壽喜燒汁香甜 點埋蛋醬 幾滑溜仲可以加15蚊跟飯或者烏冬 咁就變做個set 一定夠飽肚 🦑魷魚圈 $58新鮮炸好 脆卜卜 做小食一流💭餐廳既坐位系sofa 又有咕𠱸 所以坐得幾舒服 日本菜餐廳又有cafe既舒適度👏🏼幾岩同朋友聚下 傾下計🤪

今日又去駱駝漆廈搵食😋呢間行和風路線嘅鳥棲日本料理, 裝修有情調, 而且座位寬敞👍🏻講起日本人的家常菜, 你會諗起咩? 我毫不猶豫就會諗到豚肉生薑燒🍲🍚我本身唔鍾意薑嘅味道, 但加左味醂等調味料之後, 甜甜地又幾好食!! 個餐又湯又沙律有野飲, lunch time一流, 性價比高☕️💡小知識: 薑所含嘅營養素以鉀質為主, 主要功能為改善高血壓及預防心血管疾病, 薑嘅抗氧力比薯仔或番薯高出10倍, 能延緩人體細胞老化; 薑醇類成分可抑制血小板凝集, 也有預防身體發炎, 減輕關節疼與退化性關節炎等功用....

環境舒適，座位闊落，岩哂黎傾計食飯原條鰻魚炒飯😀肥美鰻魚大大條，淋上鰻魚汁配上干身香噴噴既炒飯食起上黎仲有D蛋香味~ 鰻魚唔會好咸又冇腥味，味道啱啱好~ 鰻魚肉質較腍，份量都好足。松葉蟹鉗海鮮鍋😎一黎就見到3隻大蠔同5隻松葉蟹鉗，已經覺得好豐富! 其他材料有 粉絲 冬菇 蔬菜，賣相精美，放埋同一煲，食起上黎好鮮甜。而且食完一D都唔會話好想飲水。炸魷魚圈🤤香酥既口感帶點魷魚既嚼勁，夾埋個酸酸甜甜沙律醬，好味!

去過幾間餐廳，儲咗幾篇食評想慢慢同大家分享，估唔到呢一篇可以跑出成為我嘅No.1，實在打遲D都驚唔記得呢個咁「特別」嘅用餐體驗一直都聽聞觀塘多好嘢食，但平日放工放得夜又怕人多，所以特登捉住暑假嘅尾巴，揀左8月最後一個weekend嚟食好西。我同朋友都鐘意食日式串燒，第一擊就係嚟食Bookmark List 第一位既「鳥棲日本料理」  我哋一行二人冇Book位，6pm上到去，我估我哋應該係當日晚市嘅第一枱客。入到去第一個感覺係: 全場都有唔少梳化位，空間夠晒闊落唔會話枱貼枱，吹水食飯都坐得舒服嘅，同埋個冷氣好強勁～我哋點咗：1)阿波尾雞烏棲盛盒 2)串燒: 燒冬菇、燒菠蘿、荔枝豚肉、和牛粒 3) 花魚一夜干------------------------------1)阿波尾雞烏棲盛盒 呢個盛盒 共有7串燒物 (左至右：免治雞肉棒、雞心、雞皮、雞軟骨、雞胸軟骨、雞肉、雞尾、雞翼)。侍應放低時未有介紹呢７串係乜嘢嚟，好彩轉頭相信係廚師嘅男人行出嚟同我地介紹返，咁我哋都立即開餐喇。味道唔錯有雞嘅鮮味，燒得外脆內Juicy，唔會乾到縮埋一舊。2)串燒: 燒冬菇、燒菠蘿、荔枝豚肉、和牛粒 唔知係

位於香港觀塘駱駝漆工業大廈的餐廳，得天獨厚地坐落在這個熱鬧的區域。大廈有好多餐廳，收工約朋友就最方便！今次，愛玩小生找到一家日式料理試試食！和牛串燒和牛串燒實在是太正了！這和牛肉質極為鮮嫩多汁，每一口都帶來無比的滋味享受。透過炭火燒烤，肉的香氣與風味得以完美凸顯，讓人回味無窮。大蔥雞肉稻庭烏冬大蔥雞肉稻庭烏冬，融合濃郁大蔥香氣和嫩滑雞肉，口感獨特。稻庭烏冬寬扁有嚼勁，搭配豐富雞肉，每一口都充滿滿足感。大蔥提升了風味層次，讓湯底更加豐富。壽喜牛肉鍋壽喜牛肉鍋，日式鍋物中的經典之選。鍋內結合嫩滑牛肉片、新鮮蔬菜及特製壽喜燒醬汁，豐富的味道令人驚艷。牛肉在湯底中瞬間沸騰，保持肉質的鮮嫩。經典的壽喜燒醬汁帶來深厚的日式風味呀。松葉蟹味噌甲羅燒松葉蟹味噌甲羅燒，融合新鮮松葉蟹肉與濃郁味噌醬，肉質鮮甜多汁。經過炭火烘烤，賦予蟹肉獨特香脆焦香。濃郁蟹味噌醬凸顯了海鮮的鮮美，每一口都充滿深厚風味。餐廳：鳥棲日本料理地址：觀塘開源道60號駱駝漆大廈第3座5樓S室更多香港🇭🇰好去處： www.iPlayHK.com

駱駝漆大廈有好多特色小店，平價波鞋，同埋餐廳，可以食，買，行足一日。餐廳門口有個好靚既植物牆，餐廳 logo 就係牆中間，座位闊落，有梳化。- 燒雞皮餃子 ($58)雞皮好薄，本身有少少油份，所以燒得超級香脆。 食落有雞油香味，但又唔覺太油膩，一定要試下。- 吉列廣島蠔 ($58)廣島蠔肉質飽滿肥美，外皮香口鬆脆。- 原條鰻魚炒飯 ($148)好大條鰻魚，仲要係原條上，好滿足。鰻魚肉厚肥美，燒得好香，上面有略帶甜味的燒汁。炒飯乾身爽口，配料豐富。- 松葉蟹鉗海鮮鍋 ($148)海鮮鍋好足料，主角當然有松葉蟹鉗，另外仲有大大隻廣島蠔，帶子，冬菇，粉絲，雜菜。湯底好鮮甜，味道唔會太濃。蟹鉗已經拆咗殼，唔使食得咁辛苦。整體而言，食物種類豐富，有特色，而且性價比高，下次去駱駝漆行街可以再試下。

想係觀塘搵食好容易，因為想食咩都有😋但係收工後既工廠大廈，有間好似隱世既日式餐廳，入面sofa座位，舒適休閑🔮▫️雞皮餃子超特別菜式，極少見。簿簿雞皮包坐餡料，唔會有油膩感🫶🏻◾️原條鰻魚炒飯份量足夠，炒飯有洋蔥+翠肉瓜粒，唔會太單調，配上鰻魚汁一流👏🏻👏🏻▫️蕃薯天婦羅香甜蕃薯配上薄薄既天婦羅衣，食落唔會好粉，非常香口😋◾️他他醬魷魚圈每粒都係迷你魷魚仔，一口一個，配上好味既他他醬，食唔停口💕▫️巨峰富士山+藍桔富士山🗻富士山系列飲品都會有盞冰燈係入面，會閃下閃下，勁有心思