鳥棲日本料理 (已結業)

觀塘工廈一向有不少有實力嘅小店，今日搵到位於駱駝漆中心工廈嘅鳥棲日本料理，環境舒適，好啱同朋友放工傾偈👍首先會送上一小碟小食，涼拌牛舌牛舌軟嫩，小小辣，惹味開胃鐘意食蟹嘅我哋點了兩款蟹嘅菜式😂蟹肉蟹膏炒飯 $148一碟金黃色的炒飯鋪滿了鮮嫩的蟹肉和濃郁的蟹膏。蟹肉的鮮甜和蟹膏的濃郁完美融合，很滿足呢！炒飯的米粒感與蟹肉的柔軟口感形成了絕佳的對比，令人難忘。松葉蟹甲羅燒 $148甲羅即係蟹蓋，以松葉蟹的甲羅作為容器，內部則填滿了鮮美的蟹肉和配料，濃郁的蟹香立刻彌漫開來。蟹肉滿滿，每一口都帶來了滿滿的海鮮風味，連烘至金黃嘅多士一齊食，正！汁燒魷魚筒 $88原隻魷魚筒上，魷魚肉的嫩滑又帶點嚼勁，咸甜的醬汁則為魷魚🦑增添了鮮美味道，唔錯燒雞腎 $30 雞軟骨$26還點兩串串燒，燒雞腎和雞軟骨。燒雞腎帶著微妙的內臟味道，烤得剛剛好，唔會好乾好硬，而雞軟骨則酥脆可口，咬下去時發出脆卜卜聲音，正‼️

駱駝漆大廈3座，上5樓，望到有個好靚既花花牆門口就係！ 入到去啲位都幾好坐，都係梳化椅，環境清新舒服。一坐低就有免費既牛舌漬前菜招待👍店員介紹要用QR code落單,因為個menu新d！懷疑個工廠大廈啲網絡收得唔好,開頭有少少問題，不過啲staff都非常friendly，主動幫忙，仲offer畀部手機我哋點餐。建議link返佢個wifi, 咁scan QRcode落單就ok Scan咗會睇到個新menu比佢紙本menu其實豐富好多！🥘松葉蟹鉗海鮮鍋 $148日式火鍋系列，有白菜、金菇、生菜、香菇、松葉蟹鉗肥美嘅生蠔、魚片，整體不錯！個湯底仲幾好味，忍唔住係咁飲。中途Staff見到我哋個煲有小小滾起，就即刻幫我哋調火，又教好個冷氣，仲好細心講解，服務真係好好！👍🥟雞皮餃子超級推介呢個必試!!!超級特別,佢唔係用餃子皮,係用雞皮包!燒得香脆嘅雞皮,咬落勁卜卜脆！脆口之餘又滲出雞香味！😋後知後覺難怪店名叫"鳥棲"！主打無荷爾蒙雞既美食，下次要叫返多d雞類試先得！🍡黑豚荔枝卷$38燒得香脆嘅豚肉，包住清甜多汁嘅荔枝，味道平衡得好好，又減去黑豚肉嘅肥膩感。🍛滑蛋黑毛豬扒飯$82個汁甜甜地，都ok

今次放工嚟到睇吓晚市餐牌上有咩好食，其中小火鍋同燒肉都幾吸引，見到有好幾枱客人叫咗火鍋，但男朋友話想食串燒炒麵多啲🙄，所以最後就叫咗啲主食+小食+串燒。餐廳附送的餐前小吃🫶🏻，辣味青瓜蜆肉。🐙#七味墨魚咀 ($58)▪️普遍都幾大粒，特別有一粒超巨型(諗緊點解可以有咁大個嘴)▪️入面彈過魚蛋，外層好脆▪️加蛋黃醬同少少七味粉更好食🍝#鳥棲豚肉炒麵 ($82)▪️用鐵板上賣相又加咗啲分▪️熱辣辣老遠都聞到好香▪️豚肉份量多，仲有甜甜嘅洋蔥▪️麵條較為乾身，配埋有油香嘅豚肉就啱啱好🐷#滑蛋黑毛豬扒飯 ($82)▪️豬扒上半酥脆，下半吸晒啲蛋汁▪️醬汁調味剛好，鹹鹹甜甜嘅，撈飯食不錯▪️滑蛋加醬油味道更濃郁見到有一個#阿波尾雞串燒 系列，睇落好似幾特別咁😆。🐥#阿波尾雞手羽(串) ($34)▪️表皮焦脆，調味偏濃▪️肉質都算滑🐣#阿波尾雞肉(串) ($28)▪️雞肉大大舊▪️表面乾身，但內裏仲有肉汁🐤#阿波尾雞心(串) ($28)▪️店員話要快啲食，如果唔係好容易有腥味(我哋食唔覺得腥)▪️幾有咬口🥟#燒雞皮餃子 ($58)▪️店員特別推介😝▪️雞皮嘅邊邊勁脆，中間就似平時食雞翼嘅雞皮咁▪️雞油味突出但唔會好油膩▪️餡料主要係蔬菜

最近搬到觀塘住，想發掘下觀塘區的美食駱駝漆大廈都聽得多，只係以為係普通的工廠大廈，入到去行都發掘到好多特色小店，之後同朋友搵餐廳解決晚餐，試下呢間日本料理餐廳裝修有情調，而且座位寬敞，同三五知已可以詳談的地方首先，「青瓜牛舌」這個前菜，之後叫左兩個串燒黑豚荔枝卷HK$38 +手打免治雞肉棒HK$ 48用豚肉包住時令生果荔枝，不會太甜，和肉汁融合，清甜而不油膩雞肉棒，店員介紹將生蛋黃和豉油攪拌，之後點汁一齊食，值得一試👍🏻👍🏻👍🏻汁汁燒魷魚筒HK$ 88意外驚喜，不會燒得太乾身，而且份量很多牛肉稻庭烏冬HK$ 82原條鰻魚炒飯HK$ 148叫了兩個主食，烏冬好彈牙，是日本手打烏冬鰻魚原條上，份量極大，如果兩個女生食可能會有啲多，不過值得一試

🔆鳥棲日本料理🔆又嚟到駱駝漆工業大廈搵食です🔆去左依間幾多推介嘅鳥棲日本料理🔆👉🏻蒜蓉燒帆立貝 帆立貝幾大隻燒得好啱口，配上香蒜味，正🔆👉🏻黑豚荔枝卷 (串)呢個小食配搭好新鮮😂 甜酸鹹味都有仲好多汁🔆👉🏻味噌大腸 (串)幾鍾意佢個調味同埋佢真係好香炭燒味🔆👉🏻牛肉稻庭烏冬牛肉煮得好腍身，烏冬彈牙 ， 加埋好多乾醃海帶配菜，口感好豐富， 味道剛剛好唔會好重。👉🏻滑蛋黑毛豬扒飯Juicyyy eggg🔆炸豬扒入面都好嫩好多汁，仲有滑蛋同飯，夠飽肚又好味🔆🔆🔆👉🏻藍桔富士山＆洛神富士山畀佢嘅發光富士山吸引咗😂😂😂 上面仲有雲呢拿雪糕 又好睇又夠chill🔆🔆🔆同埋整體環境裝飾格調 都好舒適 坐得好舒服，係傾偈嘅好地方，店員都好友善👍🏻

曾經在觀塘返工經常跟同事食飯既地方今晚舊同事約食飯來到久違了的駱駝漆大廈我地又再去番我地既飯堂鳥棲不同的是今次是晚餐晚餐就有我最愛的串燒同甲羅燒呢度有個專食阿波尾雞的餐牌阿波尾雞來自日本 是德島縣最知名的食材自從某次食過之後就愛上 坐低之後，店員就送上麻辣青瓜牛舌這是一個免費前菜 青瓜同牛舌夠爽口少少麻辣味幾香幾開胃係一個開胃既前菜 //阿波尾雞尾 $34//雞尾肥美爽口咬落是濃香的油脂 油份好香稍稍灑了少少鹽燒過燒出黎好香脆!! //阿波尾雞頸肉 $28//雞頸肉是雞頭周邊的肉是一隻雞只有一塊的肌肉燒至表面呈金黃色 肉汁被緊鎖肉質具彈性有嚼勁炭燒香氣帶出雞頸肉的惹味 //雞軟骨 $26//雞軟骨粒粒有肉有軟骨灑上了七味粉 口感香脆惹味 //牛肉稻庭烏冬 $82//牛肉油脂分布平均入口肉質嫩滑，牛味十足烏冬爽口彃牙，湯底清甜配菜仲有大大塊鳴門卷呢碗烏冬夠大碗一個人食唔晒，二人分享剛剛好 //明太子雞翼 $48//這個明太子雞翼皮脆肉嫩外層雞味濃郁內裡明太子餡料豐富飽滿味道帶明太子微辣 口感香而不膩 //吉列廣島蠔 $58//外面炸至金黃酥脆入面的蠔肉大隻夠肥美入口勁多汁有蠔味又唔腥重

收工跟同事食晚餐，佢提議去食物選擇多的鳥棲，無論日或料理、串燒、鍋物、拉麵同特色飲料都有。餐廳坐位全部都係軟綿綿嘅沙發，坐得舒服😌，坐低就慢慢選食物，我哋點了幾款食物分享。煙三文魚沙律🥗 ，煙三文魚比一般三文魚卡路里低一些，沙律菜健康又好味，配合醋酸的醬汁，非常醒胃的前菜。牛肉稻庭烏冬，湯底濃度適中，牛肉質軟淋有咬口，配料份量恰當，有雞蛋🥚、魚蛋、紫菜同蔥，烏冬亦都很清嘟嘟。滑蛋黑毛豬扒飯，豬扒炸得很脆又香口，咬落油脂甘香，將滑蛋配合飯內一併食，好正啊。鳥棲和牛串🍢荔枝豚肉卷🍢燒得熟度剛剛好，調味得宜，咬落好香口，各有特色。

夜晚經過見到諗住試下，餐廳唔算好多人，但叫完等咗半個鐘先黎第一樣嘢🥺就係個松葉蟹鉗海鮮鍋😂唔知點解唔洗煮都咁耐🤭有3隻松葉蟹鉗，個湯底都ok ge，個底有豆腐同菜～清清地一餐lol鰻魚飯就等咗45分鐘先上🤭但個飯唔係熱的只係微暖，中間加左青紅椒點增加咬口感，好在鰻魚夠厚身啲肉唔煤，加埋啲鰻魚汁可以的半生牛肉他他燒都等咗半個鐘先上，但仲要未解凍，硬到敲到有聲😂牛肉本身冇咩味，要靠汁吊味，個汁酸酸地我就不太喜歡，男朋友表示普通，我點鰻魚汁覺得幾好食😂走嗰陣睇到廚房得一個人，連侍應都要入去幫手煮，睇cm都見唔少人話等好耐，其實有呢個問題咁耐真係建議請多個人lol

呢排經常黎駱駝漆買野，放工時間既駱駝漆相對無咁多人黎食野，靜靜地幾適合約朋友黎食飯傾下計！經過見到呢間日本野幾企理，兩個人都可以坐大梳化位，幾舒服。鰻魚炒飯呢到鰻魚炒飯加左洋蔥同翠玉瓜粒，整體口感食落好有咬口，而且加埋鰻魚汁炒，食落好香口。燒芝士雞肉棒食落啖啖芝士，雞肉同雞軟骨混合後即刻提升口感，不過食既時候好掛住日式生雞蛋，如果有得加錢簡就更加好芝士燒帆立貝原隻帆立貝連外殼燒起黎更加風味，芝士好足好CREAMY，唔錯！牛肉壽喜燒 味道正常，甜甜既日式壽喜燒風醬汁，而且係個超級多牛肉既火鍋，不過配料相對無咁多，食完可以加個烏冬放入鍋煮！

觀塘真心多嘢食 (雖然好多人又逼)，呢排需要去觀塘無計🫠駱駝漆依家好多新鋪，行街食飯又得~呢度座位係sofa，可以坐得好舒服🤣會唔小心傾耐咗計🤣🤣· 蜆肉青瓜青瓜爽口，辣辣地幾開胃~作為前菜都幾好😝· 松葉蟹甲羅燒 $148甲羅燒係想食好耐😍上面會有蟹子同鵪鶉蛋黃，記得撈埋！蟹肉同蟹膏都好多，所以會重鹹味，會跟2塊蒜蓉多士比你一齊食夾埋中和返啲鹹味，又食到蟹味😋· 原條鰻魚炒飯 $148好大條嘅鰻魚😍肉質係唔會太腍唔會太實，炒飯用咗鰻魚汁，飯係粒粒分明嘅～有啲秋葵粒，我未食過秋葵都接受到佢嘅存在！撈埋甲羅燒落炒飯到仲正🤤🤤· 滑蛋黑毛豬扒飯 $82吉列豬幾好~唔會太硬，不過覺得無乜滑蛋，好似變咗濕咗嘅吉列豬咁😛但味道係ok嘅！撈飯食唔錯~· 百香果乳酸梳打 $34出親去食都會叫百香果嘅嘢飲同埋天氣咁熱好啱飲梳打類~呢個組合正😍· 抹茶拿鐵 $36抹茶味ok~個漸層好啱打卡🤣🤣。整體都幾好，人均$200左右，日式嚟講都ok~。有叫飯類+甲羅燒可以撈埋食~😋😋😋。飲品係有優惠！叫2杯會1杯半價~🍽 鳥棲日本料理 | 觀塘📍 觀塘開源道60號駱駝漆大廈第3座5樓S室

之前lunch食過幾次覺得幾好食所以我冇理過佢哋啲服務態度五係話好差但個阿姨個面口好似睇您五起咁兩點鐘先嚟食lunch都要等成半個鐘其實好食等半個鐘都唔係問題問題係等得耐又好難食我食既係壽喜燒鍋個湯底又淡到好似無味D肉茶冬菇好似白恰菜粉絲豆腐又無俾我呢兜白烚菜仲要收我120同佢講佢就咁比兜濃湯我叫我自己加落去壽喜鍋啲餸要煮先會入味你就咁d濃湯我啲餸都入唔到味架D廚房有無食過自己d煮既野俾錢黎睇人面色又要食白恰菜無下次附上一張佢補俾我嘅粉絲🌝🌝🌝見到都唔開胃

觀塘平價日式串燒料理餐廳 觀塘駱駝七都好多嘢食，今次就嚟呢間日式料理餐廳試吓！餐廳大部份都用上呢種梳化椅，坐得好舒服好舒適😆餐牌主打日式串燒同各種鍋物料理～鹽燒牛舌($38)燒豬頸肉($32)鳥樓和牛($38)手打免治雞肉棒($48)阿波尾雞頸肉($28)芝士燒帆立貝($38)啲串燒都調味適中，而免治雞肉棒味道都唔錯，雞肉棒嘅肉質都唔會幾鞋，而牛舌同雞頸肉都好爽口！鳥棲豚肉炒麵($82)炒麵幾好味，而且好夠鑊氣！唔會好咸！而且豚肉嘅份量都幾多！可以叫一份兩個人share你黎食再叫啲串燒小食就岩岩好！牛肉稻庭烏冬($82)烏冬好大碗！牛肉嘅份量都係好多！

松葉蟹甲羅燒 ($148)壽喜牛肉鍋 ($148)燒芝士年糕 ($38)池魚仔唐揚 ($68)日式燒飯團 ($48)藍桔富士山 ($38)巨峰富士山 ($38)竟然有松葉蟹甲羅燒可以食😍😍佢會另外跟多兩塊蒜蓉包🥖想講嘅係真係好香，而家蒜蓉包嘅味道比起好多地方都仲要好食。而夾埋甲羅燒一齊食嘅話，一嚟可以食到有好豐富嘅蟹肉，二嚟蒜香同甲羅燒嘅味道好夾，有一陣好濃嘅味道😋真係值得一試架！另外就叫左一份燒芝士年糕，有燒過嘅真係會正好多🤩🤩首先令到個皮多左種焦黃色，淨係賣相都吸引左好多，同埋咬落去嘅時候真係感受到外脆內軟嘅口感，最緊要芝士係燒過之後係流心嘅，做得到拉絲嘅效果，好抵讚👏🏻不過食落口真係要小心因為係即叫即燒嘅，所以都偏熱架，千祈唔好諗住一啖就食哂佢🤣🤣慢慢咬會更好仲有就係池魚仔唐揚，份量好多🫢🫢多到兩個人都差啲食唔哂。而每一條都係炸到好香口，蘸埋蛋黃醬多左一陣酸酸甜甜嘅味道令人覺得冇咁熱氣，係一個非常好嘅配搭👍🏻🤤評分：10/10😊觀塘開源道60號駱駝漆大廈第3座5樓S室

觀塘真係越來越多正餐廳呢間又平又好味嘅日式餐廳真係唔推介唔得🤩🤩個壽喜牛肉鍋睇相都知幾誇張佢根本係一個超級牛肉山🥳🥳他他魷魚圈真係唔叫唔得炸得香脆可口超級好味🤯🤯煙肉蝦卷燒得啱啱好唔會太乾身🥰🥰香口得來，仲有少少油脂味燒牛舌既牛味超濃亦都唔會燒到好韌正😍😍芝士免治雞一睇就見到有幾咁澎湃嘅芝士超值得一試👍🏻👍🏻燒冬菇係我最鍾意嘢食之一呢度燒得香口得來又好Juicy我超滿意☺️☺️

今日去咗鳥棲日本料理食飯餐廳喺工廈入邊嘅平價版日本料理, 環境都幾闊落, 菜式都有唔少選擇我就叫左蟹甲羅燒, 上面有唔少松葉蟹肉, 有d麵豉係蟹肉到, 仲有勁多蟹膏, 加埋鵪鶉蛋, 超級鮮味😋配埋啱啱烤好嘅法包, 好脆身牛肉他他燒, 牛肉外層有輕輕炙燒, 半生熟呈現粉嫩色, 口感冰凍, 配埋個醬汁同埋葱, 味道更昇華😋蕃茄豬骨豚肉鍋,湯底蕃茄味超級濃郁, 豚肉質素都唔錯, 面頭怖滿豚肉片, 油脂味幾香川海老唐揚 海老份量都唔少,第一次食到唐揚嘅海老, 一口嘅份量, 整得香脆爽口, 岩唒送啤酒