鳳城酒家

營業中

休息中

幸福就是與家人一起分享美食。一年一度慶祝母親節，當然是依從媽媽的選擇。鳳城的經典名菜—當紅炸子雞、明爐燒乳豬和脆卜卜蝦多士，由細食到大，但自從太子鳳城光榮結業後，一直也想找個機會到僅存的「元祖店」尋回久違的味道。適奉晚市放寛，八人一枱，便成就了這個「歡樂晚聚」。在前枱舉頭一望就是蔡San 的墨寶😙 是老饕的心願吧！「中」豬比例牌多幾件。少了炸花生墊底，雖然皮脆肉香，骨酥肉嫩，但「化皮」程度不及以前，有點美中不足細窩雞燉翅：老媽子的選擇。自知不太環保，每人淺嘗幾啖。金華火腿高湯精華，喝一口也齒頰留香上湯龍蝦伊面：新鮮彈牙的龍蝦肉，還有少量的膏，沒有無謂的生粉芡汁，原汁原味蝦多士：金黃鬆脆，保持水準炸子雞：皮薄肉嫩，多汁香口雖然沒有附上檸檬一片以中和肥膩感，但美食當前，管它吧🤪 稍稍點一點准鹽，更惹味！免費奉上香草綠豆沙：完美謝謝在無常亂世中，依舊保存一貫的味道，令人感動

晚市剛剛可以重開，一定要再嚟食炸子雞。炸子雞炸得剛剛好，肉質鮮嫩，保持水準。蜆介鯪魚球炸得彈牙，梅菜扣肉入口即溶，鳳城炒飯加咗番茄🍅濕濕地又唔會太乾，加埋梅菜扣肉，非常好味😋

因疫情已無來此間酒家飲茶，昨日太太要食灌湯餃便到來飲茶，叫了灌湯餃但裹面不是湯而是有片片的湯膠，最差的是碟雞扎，衹得一片雞，一片竽頭，一片豬肚和今豬皮，賣到三十九元大點，又難食簡直性價不成正比。並且酒家服務極差，無伙記沖水，灌湯餃又無跟碟醋，最後要自己去取。雞包仔的皮太甜而雞肉落了太多胡椒粉，糯米雞的料又太咸。整體是一次失望的飲茶，什麽老字號的酒家，相信是這樣的水準下去必被淘汰，遲早執笠。

終於有機會俾我哋試埋喺北角嘅鳳城，環境俾其他分店差，唔係新裝修，有啲舊舖嘅feel。 叉燒包~個汁夠味啱啱好，唔太鹹唔會太甜，但係個包皮有少少乾，仍可接受。 腸粉~皮比較厚，但個餡係OK嘅，只係感覺個腸粉皮唔夠滑。 燒賣~切肉燒賣，彈牙好咬口。正。 炸粉~果個皮好實淨，但係佢係暖暖哋，唔夠熱，不過我都比好評。 灌湯餃~竟然一嚟就上兩個，嚇親，不過個餡就失色咗少少，因為同我哋之前去其他鳳城食嘅都係一樣，裏面嘅湯溶唔得切，食落去有啲啫喱感覺。但係比起上環銅鑼灣嗰間口感好少少，而且我哋拎起佢都冇穿到。 鳳爪~感覺好Standard，冇乜可以批評。 茶幾好，但係每位$14。

市面上有好多間鳳城酒家,但係心水清嘅朋友都知道要食地道順德菜嘅話都必定係去北角呢一間鳳城酒樓。順德菜有好多撚手嘢,但當晚只有三條友,所以食到嘅菜式有限。但係就呢幾樣嘢食都感覺得到呢間酒家係有心去做。D手功菜絕對有料到! 希望佢哋能夠長做長有,可以傳承落去。

在附近體育館做完運動，一行四人在渣華道搵地方醫肚，德成號隔離見到懷舊味嘅鳳城酒家，由於上環同旺角店都食過，相信水準有保證。先來一個出名嘅「鳳城炸粉果」 $120 一打，叫咗半打。 新鮮即製，熱辣辣，外皮脆，餡料足 。另一名菜，大良野雞卷 (應該唔駛$200)同樣炸得鬆脆，懷舊菜式真係好少舖頭會做。咬開見到一層層嘅肥肉，食第一件冇事，第二件都 ok，但第三件入口時已經覺得滿口油，投降啦⋯⋯所以話少食多滋味，係真㗎⋯⋯😅梅菜扣腩仔 $138 腩仔係三層肉，梅菜同腩肉都炆得入味，送飯一流，可惜之前食咗三件野雞卷，所以只食到一件😔勝瓜炒雲耳 $98食咗咁多肥膩嘢，有碟青菜大家都好開心爭住食，勝瓜炒得爽口。姍姍來遲嘅 「油浸筍殼魚」之前四個餸食得七七八八，向經理追咗條魚兩次，最終上枱啦。新鮮魚油炸出來，侍應幫手開魚，感覺有少少炸得過乾，不過不失。果然係隔離飯香，隔離枱嘅荷葉飯、脆皮炸子雞，飯又香，雞皮顏色炸得好誘人，好似好食過我哋枱面啲嘢。坦白講，有覺得呢餐有一啲偏貴。始終係懷舊酒家，每一碟都係手工出品，唯有這樣諗會好過啲 😥

20/9/21下午2:00生日飲茶，開心地選擇了北角鳳城酒家，四個人點了十一款點心，大約吃了一半，當吃义燒包時，搣開包底紙時發現一隻約1.5cm大的曱甴🪳黏在包底🤢，立即叫了一位著黑色西裝的男部長給他看，他立即收走籠點心及說會取消此點心錢😧算！雖然已經沒有胃口了！不過都小心哋吃其他點心，點知竟然在另一碟黑椒豬肚發現另一隻曱甴🪳🤮咩事呀？此時有位着白衫類似cashier立即走埋嚟收走曬全部點心，她解釋可能是之前滅蟲引到啲曱甴🪳走晒出嚟！吓！咁個廚房咪好多小強，我哋一枱都中咗二隻了！當時大家都好掃興、冇晒胃口，又失望又好嬲！😓😓真係未試過咁黑仔同嘔心嘅經歷！😡😡

這趟是要到 北角 海逸酒店 Staycation 在家中出發時 仍未吃午餐 就先到了 離酒店不遠的 鳳城酒家 🫖🫖大約二個月前 曾來嚐過這裡的 上湯炸粉果 非常美味 這天同樣點了這款 🥟🥟還有店家巧手的 傳統正宗 鳳城灌湯餃 沒泡湯那種 老媽從未吃過這款 以為是隻大餃 就用筷子去挾來吃 結果弄穿了外皮 湯汁都流到枱上 😅😅還點了以往舊社會 婚宴時 機乎都有的 精緻菜餚 百花釀蟹鉗 🦀🦀 八十元壹隻 兩隻百六元 即叫即做 可以相同價格 點一份炸蝦丸 不過 還是想 回憶以往飲宴 必吃手工菜 當吃過後回味 以後到這裡飲茶 必定會想再吃 這款名菜的 🦐🦐

Really tasty dim sum here. It was my third visit. I particularly liked the steam squid in shrimp paste. The squid was thick and the sauce was just right and not too salty. The deep fried chive dumplings was my favorite as it was stuffed with chives. The fried dough is a rare offering (at most restaurants) and I was only able to have it because my table was close the the kitchen entrance. Outside was a bit crispy and inside was soft and chewy ….. 👍The bill only came to about $300+ for two. 👍

第一次來鳳城飲茶，雖然無點心車仔，但係一入到去已經感受到陣懷舊氣息。燒味檔設喺酒樓入面，同新式酒家不同。本來地方已經唔大，疫情下加了隔板就更加逼窄。先試兩款懷舊點心，喺出面都好少地方有得食。其實味道平平無奇，只是這兩款在其他酒樓都比較少見，有點新鮮感。兩款點心的餡料都唔太多，貪得意試了一次，下次應該不會再點。灌湯餃就真係好出色。將啲湯包埋入皮呢種做法已經好少見，亦好考師傅的手藝。好似食緊巨大版的小籠包咁，足料又多湯，推薦乳豬好香脆 叉燒無咩肥肉，但肉質出奇地淋，蜜汁味濃，有驚喜入面嘅鮮蝦大大粒，腸粉亦夠滑。反而蒸排骨同魷魚就好一般，蒸太耐好韌口。總括嚟講，當食吓風味，感受吓環境就好。食物質素其實都唔太出色

朋友生日慕名而來試試炸子雞，果然好味道，一上枱大家都互相拍照，外皮香脆，肉質鮮嫩。家鄉煎藕餅口感爽脆，瑤柱雜菜煲，鳳城炒飯相當有水準，尤其是椒鹽鱔球，師傅刀功一流，炸出來爽口彈牙，值得推介！

香港人 識飲識食 對選擇食物 的執著 挑剔程度 亦是世上 數一數二的 很自然 新派 創新 精緻程度等 特別受年輕代喜愛 傳統的 古早味的 懷舊的 亦隨著那些 老派廚師 年華老去而 買少見少 🤔🤔正派 鳳城酒家 以往較多分店 現已所餘無幾 所以 必須多去品嚐 否則難說 老店能否傳承下去 👴👴👵👵這天 下著大雨 中午前去的 客滿九1成 點了 🫖🫖上湯炸粉果 🥟🥟即炸 熱燙嘴 極度鬆化 咬落有點像芋角 沾湯吃 滋味無窮 絕對是水準之作 👍👍鵪鶉蛋燒賣 合桃叉燒酥 🥚🥚外面粵菜館 也難找到 而且用料十足 😋😋雞扎 叉燒腸粉 🐔🐔件頭特別大 雞扎的芋頭 外實內粉糯 而且有爽肚 這些用料少有的 美味 只是蒸腸粉 皮略厚 但也好吃的 夠滑的 🥰🥰每款點心都是 即點即蒸 上桌時像 剛出蒸籠的熱 而且用料 高質 難怪可以成為 米芝蓮 必比登推介食店 🥢🥢

入到北角鳳城酒家，好像時光倒流一樣，我變了一個小孩子，跟爸媽去飲茶。牆上仲有一個「壽亅字，兩邊有金龍，而且老闆滿頭白髮同每台茶客打招呼，很有人情味。既然要懷舊，當然係食小時候最喜歡的灌湯餃，已經很久未見過那個鐵匙羹，真係唔係周圍有得食㗎。還點了腸粉，最傳統的叉燒腸，和鮮蝦粉果。還有普洱茶，就是和小時候幾乎一樣！餐牌上有很多懷舊菜式，例如蝦多士，都很吸引，或者下次來吃晚飯吧！現在香港比鳳城酒家好吃的點心，有很多，但能吃到小時候的滋味，這個確是難能可貴吧！

星期六早上9:30去到，都好容易搵到位。傳統中式酒樓裝修。茶錢每位$14。另外星期六、日及公眾假期所有點心跟正價收費，比起點心紙上星期一至五特價收費，每款點心大概貴八、九蚊。服務方面，大致上係有禮貌嘅👍🏼食物方面，今次專登嚟試佢個懷舊灌湯餃，好掂👍🏼👍🏼👍🏼 皮薄，𥚃面真係有湯嘅 (而唔係杰撻撻一pat嘢咁)，個湯仲要係幾好味添，一籠兩隻大大隻，同細個嗰陣跟老豆去飲茶食嗰啲一模一樣。以依家仲食到懷舊灌湯餃嘅酒樓嚟講，真心覺得呢間最好味😋上湯炸粉菓，個皮炸得好鬆脆，熱辣辣，好香口好正！薑葱蒸爽肚，啲豬肚大大件，唔會切到碎濕濕，配上薑葱蒸好夾好好味😋 (太好食唔記得影相)鳳城蝦餃皇，呢個比較一般，冇咩特別。蛋黃千層糕，依家都唔多酒樓有呢款點心，比較甜同漏，味道就好似雞尾包啲餡咁，如果有三、四個人share食就幾好🤣懷舊糯米雞，唔掂！太乾同無咩餡料嘅👎🏼香滑牛肉腸，都係唔掂！失敗在個皮，上枱嗰陣已經見佢「爆皮」！一食之下發現完全唔滑，唔知係咪返蒸。飲完茶可以順便過隔離嗰間舖買蛋卷，聽講係好出名嘅！

前排驚覺太子鳳城結業，呢類舊式酒樓也真是買少見少了，趁北角店還在就快啲去試下。當然點了招牌菜蝦多士，油分重而且蝦味也不是特別濃是意料中事，可喜的是沒有用上萬年油，完全沒有令人難受的油膱味，多士也炸得非常香脆，甚至有妹仔多過主人婆之感😆其他點心就不過不失，老式酒樓必點嘅灌湯餃係蒸籠上，而唔係有啲地方已經將粒餃放湯然後一盅上嘅做法。兩種做法各有捧場客，不過籠上就好明顯睇得出師傅嘅包功😜 呢度嘅功架當然無令我地失望！一啖咬落去好滿足！最後再叫左炸子雞，水準好驚喜。皮炸得非常脆而肉質保持到非常嫩滑，火候剛剛好。由於種種加租、師傅退休等等原因，這些老牌酒樓已不多見了。如果未來過的話非常值得一試呢！