鳳城酒家 (已結業)

其實o黎過幾次飲早茶。真係又好食，又抵食。雖然d點心好傳統，但係整得好食就得啦~炸ge點心又唔太油。魚湯鮮竹卷好清。腸粉好滑。唔錯。唯獨係冷氣太凍，好似趕客咁。

尋日(30-6-07 Sat)臨去做義工前同爸媽食lunch啦.爸始終都係鍾意飲唐茶,12:30左右,去到稻香,多人等位,爸話唔等.於是去英皇娛樂廣場,求祈o黎到呢間冇咩人等位o既鳳城,我係第一次o黎.我o地三人被安排到一間細鋪位o個邊坐,只有幾張枱,不過冇問題吖,好闊落舒服,而且唔嘈.我o地叫o左六樣點心.1.粟米魚球粥2.手拉腸粉(即白腸粉)3.叉燒腸粉4.海蜇手撕雞5.懷舊灌湯餃兩個第一樣只係我媽食,我冇食到,眼見有三粒鯪魚球,有啲粟米粒.其他全部都中規中矩啦.而懷舊灌湯餃,原來係一籠兩個,唔係有湯浸住o個種.原本諗住我同爸一人一個,因為個個都好飽,唯有我一人食兩個.一咬開,即食到冬菇味,而裡面有隻四隻蝦咁多添,蝦就好爽口囉.不過我死梗囉,又食咁多蝦.服務唔錯,只有一個女侍應負責呢個area都好快手,又密密加水同收o野,又好有禮貌,上菜都好快吖.價錢係14X,爸趁人去toilet埋單,激死.

開張已一段時間，又同屋企人來試下與其他鳳城有沒有分別。蜜汁燒脆鱔-唔夠蜜味、唔夠脆，鱔肉較腍，比起炳記的燒鱔又香又脆真是差得遠。芋頭粉葛扣肉-老豆話坊間好少會食到，所以點名要食。一件芋頭一件粉葛一件扣肉排列得好整齊，南乳味好香，芋頭及粉葛又腍又入味，我沒有食扣肉，但老豆話扣肉唔夠肥，生炒骨-食過好幾間鳳城的生炒骨(咕嚕肉)的水準不錯，今次當然不會放過，亦都是水準之作。炒鮮奶-應該係招牌菜之一，但係沒有鮮奶香，炒得又唔夠滑。啫啫生菜鯪魚球煲-鯪魚球沒有胡椒粉味，果皮味亦不重，證明鯪魚肉應該幾新鮮，唔?偪空{味料來除魚鯹味。生菜嫩綠爽脆，份量不少，老豆話應該有超過半斤之多。甜品西米布甸又點可缺少，叫了細size，所謂4人份量，其實可足夠6個人食。落單到起菜，唔夠10分鐘，已心知不妙。布甸面層不是焗到脆，是韌的，食得出不是即叫即焗的。水準比起其他鳳城真是差得遠，唔怪得其他鳳城要預訂，呢間可即叫即有。以下有食友彈呢度地方迫、食物味道一般、服務差等，其實我認為前兩者都ok，而後者只是侍應反應比較慢，其態度不算差的。

遲來的開年,與家弟,媽子相聚在荃灣鳳城.所有在鳳城飲食集團下之鳳城,全部非老字號.如果非媽子之選,一早去鴻星算.點菜時已經有預算,但侍應不斷硬銷一些非順德口味的貴價菜.我來吃河鮮,並非來吃海鮮.仲係都要我們來個西米布甸?!三個人四個菜已經剛好.真係當我係大胃王?所有硬銷我當耳邊風,三個人先來盅湯,菜膽花膠雞腳豬肉湯.好難煲得唔甜.家弟一人更連隊三碗.生炒桂魚卷兩食,一邊係炒一邊係炸.桂魚肉卷著腿絲菇絲,肉質又爽又鮮甜.媽子吃得滿意.炸子雞皮脆,肉嫩,但雞味唔夠.再來個瑤柱豆苗,剛好.當然,下次比我再揀,我寧願去鴻星.甚至海港,起碼沒有硬崩崩,操不純正口音的機械人,向你推介蒸條石班.

鳳城的荃灣分店開了近半年，我毫不知情，認真羞家。年初三，也是假期的最後一日，先去鳳城試一試，然後有親友來我家大戰四方城。地方如其他分店一樣狹窄，傳菜要上菜都須左借借右借借，花上九牛二虎之力才行。而且十分嘈吵，更播上大大聲既新年歌，難頂非常。不過，去得鳳城都預左有咁既遭遇。一時失策，本點了八道菜，其中一款售罄又唔記得添回一款，變了"食七"。算啦！白事剛剛才做完，仲有什麼禁忌呀！點了流沙飽、雞扎、蒜茸蒸土魷、咸水角、芋茸鳳尾蝦、菊花糕和古法牛河。流沙飽沒有流沙，但仍好香奶皇；雞扎明顯比昨日去既聯邦好，起碼色澤較好，也仕味，雞都唔"鞋"口。土魷幾淋幾有味，咸水角都夠熱夠脆。因本人對蝦敏感，沒有品嚐芋茸鳳尾蝦。古法牛河，賣相唔錯，看來那河粉真的似是舊式的那種，牛肉淋草菇入味，唯略嫌河粉味道較淡，加些少辣醬"鈎一鈎"味都岩岩好。甜品的菊花糕，好清新；菊花味好香，下層的椰汁味幾重，是合適的甜品。

上個星期六d朋友同我預祝生日，我諗住試吓新舖頭，所以選咗這間．一坐低嗰部長好熱心介紹d菜式俾我哋，今晚七個人，他介紹咗一個花膠雞腳燉湯，佢話夠我哋七個人飲，好像$98，都算幾好飲．一隻招牌雞，由於這間舖新開，所以隻雞半價，都幾抵食．另外還有蝦窩貼，啫啫生菜鯪魚球煲，芝士龍蝦e麵，臘腸菠菜煲．碟頭都算大，味道ok喇．最後叫咗個西米布甸，真係好好味，好滑，好香，不過我就覺得甜咗d，淡翻一d就好．環境就一般，枱與枱之間好迫．其它總括都ok．

我就係同大刀王五尋晚貢去做老襯果個幾個侍應輪流游說我地整番兩盅貴價燉湯又勁hardsell 食條魽魚大姐呀，我咁大個人，行入去食乜，心裡有數啦你地盡力推介，係你地既服務政策，OK 算數但我都推話唔食，你地就唔應該鍥而不捨一lurn咀咁：條魚好靚喎，點解唔試？好新鮮架。D 湯好滋補架，要啦，要盅試啦。買唔買年糕呀？我地酒家自己整架，好好食架。就黎過年喎，點解唔買D 返屋企呀？我地一味擰頭，雖然我仲識得保持禮貌陪住笑咁推，但氣氛有D尷尬，個心好唔舒服，好煩悶，好後悔試新酒樓。未開餐已經想走....身邊阿姐，仲盡佢畢生最後努力，推個西米布甸唉，我衰心軟，見推佢地咁多樣，好啦，要個甜品啦點知食完飯一拎埋黎，嘩！足夠六個人食唔係嘛，個份量咁巨，點會介紹俾兩個人食架？結果，半碟野雞卷棄糊，三份二缽西米布甸打包我發誓，冇下次！執到錢都唔會再黎喱間謀人寺

兩個人去食，招呼坐低後不斷『殷勤』咁問要唔要試下燉湯呀？x魚呀咁，就算已經點左三味菜，仲要問多幾問，真係幾過份。記完菜後仲極力推介佢地招牌焗西米布甸，上檯後至知份量，對住一大砵野兩個人都唔知點食。完全唔識從顧客角度考慮，只識得一味推推推，推到你叫多幾樣野。食物味道不過不失，只係其中一味野雞卷食到有點起火！菜譜上謂係用豬肉雞肉捲起黎炸；問侍應就話有再加埋火腿；實則咬上口啖啖肥豬肉！野雞卷+ 大良炒蝦餅(蝦仁炒蛋) + 芥蘭臘味白飯一碗焗布甸茶介酸菜埋單三百一二！

鳳城食物水準都有保證，我地一家四口叫了炸子雞(新開張有半價)、炒鮮奶野雞卷(好似價錢貴好多，我係黃埔食雙拼便宜一點)、蝦窩貼(水準與香港大學舊生會有得比)，加上湯及布甸，食都要打包，由於侍應新手多，你要花d 時間同佢地溝通，佢先明白。食物就ok! 環境就真係有問題la! 你絕對可與鄰檯作無距離的接觸，撞正對面檯叫個鯪魚球，d 味方圓幾圍都感覺到，仲估自己去了扒屋! 加上酒樓策略錯誤，幾張十二人檯，鬼有人食咩，所以咪一有人等，即要表演馬戲，邊上菜邊換四人檯，有d混亂。希望佢地會改進la!四人食了五百元，都係幾個月掛住布甸先去多次l!

地方確比銅鑼灣細, 但伙計服務不俗, 比起同區好多酒樓的伙記有誠意.炸子雞確是招牌菜, 夠熱夠脆夠味, 可能因為人多, 師父出馬, 食物比上次美味. 你知啦, 同一間店, 同一味菜, 頭鑊同尾鑊, 師父賭馬有冇收穫, 味菜可以一分, 又可以十分.最可惜招牌布甸最細依然是四位一客, 兩個人始終無綠享受.最差係前菜酸瓜, 第一次來, 成碟結冰, 厲害; 第二次來, 冇味既!

上星期六, 一家6口去食LUNCH , 唔好講食物方面, 剩係裡面D環境又迫又噪吵, D檯真係擺到好迫, 已經印象分大打折扣..希望有關方面作出改善.