鳳城酒家 (已結業)

鳳城的荃灣分店開了近半年，我毫不知情，認真羞家。年初三，也是假期的最後一日，先去鳳城試一試，然後有親友來我家大戰四方城。地方如其他分店一樣狹窄，傳菜要上菜都須左借借右借借，花上九牛二虎之力才行。而且十分嘈吵，更播上大大聲既新年歌，難頂非常。不過，去得鳳城都預左有咁既遭遇。一時失策，本點了八道菜，其中一款售罄又唔記得添回一款，變了"食七"。算啦！白事剛剛才做完，仲有什麼禁忌呀！點了流沙飽、雞扎、蒜茸蒸土魷、咸水角、芋茸鳳尾蝦、菊花糕和古法牛河。流沙飽沒有流沙，但仍好香奶皇；雞扎明顯比昨日去既聯邦好，起碼色澤較好，也仕味，雞都唔"鞋"口。土魷幾淋幾有味，咸水角都夠熱夠脆。因本人對蝦敏感，沒有品嚐芋茸鳳尾蝦。古法牛河，賣相唔錯，看來那河粉真的似是舊式的那種，牛肉淋草菇入味，唯略嫌河粉味道較淡，加些少辣醬"鈎一鈎"味都岩岩好。甜品的菊花糕，好清新；菊花味好香，下層的椰汁味幾重，是合適的甜品。