鳳鳴居

營業中

休息中

下午2點多，去了上水鳳鳴居，見無咩人去試下之前去永發雞煲，見這間舖勁多人，想找機會試下我唔覺好味醉雞米，大碗，可惜雞無味，湯底只有甜味舖頭音樂勁嘈!電視聲又嘈，兩種聲加埋，係想食完快啲走永發下午有雞米，上次下午食過，好味，有雞味

此店的雞湯麵好用心製作！完全食得出誠意！唔係hea 做！我叫了碗芫茜雞湯米線！雞湯好甜！我飲哂成碗！湯同米線好夾！上面加了芫茜，成件事好清新！美中不足的是雞有點「林」！過熟！希望可改善！食物份量我就覺得剛剛好！如果可要求加底就好！最多加返錢！店內好多年輕人做侍應/廚房。都好好禮貌！主動服務！令我有點意外！我星期五的下午去，客人都多！希望此店不會受疫情影響！長做長有！會繼續支持！堅好食！

黎過呢度食嘢好多次喇 寫開食評就寫多編讚下你地啦！晚飯時間一丁友黎 都keep住全場滿座 完全冇受疫情影響 同隔離d舖好似平行時空咁 一如以往係食醉香雞麵 次次都係連d湯都飲埋 真心足料 易醉既朋友要小心 上次同Friend黎佢真係食到醉左🙈好食 一定要挑剔的話 湯底甜左少少 不過都係可以接受既範圍不得不提喇沙麵係用原隻雞髀 見到隔離枱食得好開心 會一直支持💪💪💪P.S. 酒量唔好既人都唔洗擔心 可以叫其他野 屋企人唔飲酒既就食開蟲草花雞麵 都好推介

近排成日都喺上水出沒體育館出黎 望過對面馬路就職會有個誇張既人堆除左聽人講 睇到門口既人數都知好食係拎籌既 所以唔係打蛇餅既人龍好多人排隊 都等左好耐 都應該多過半個鐘 終於入到去啦 係好大陣酒氣(⊙_⊙)都啱 呢道出名既係醉雞米所以我嗌左一個黎睇下迫同行者食( ´▽｀)真係好香。。 拎到附近啲酒氣就湧哂過黎睇落都好補 又紅棗又木耳飲左一啖湯 有自家制雞酒既味道 略帶濃烈一啖就有種暖肚暖胃既感覺本來天冷都幾適合不過天氣都偏乾 個人都少少燥 怕喉嚨痛所以叫左芫茜雞湯米有個小小題外話星州炒米 雪菜肉絲米 喇沙米所以我嗰刻嗌米係諗米粉 冇特別諗過佢係米線舖 不過確實雞湯配米線更夾芫茜好多 好香( ´▽｀)食第一啖嗰陣要小心少少冇睇清楚放左啖薑蓉入口 嗆到咳死我。。即時惹來部分不友善既目光。。除左薑蓉仲加左幾片薑都係暖胃既 不過就冇醉雞米咁激雞湯好好飲( ´▽｀) 雞既份量都好多 只係比更多既芫茜遮左啲雞都尚算嫩口 食唔到有冰雞陣雪味處理得唔錯叫多左個雞絲粉皮嗱個賣相就唔太討好啦唔記得幾錢 但細細碟 同上海舖嗌既前菜份量相約冇撈埋 要自己撈 個味都ok既 粉皮都夠薄 雞唔算多 但叫雞米本身都多

好想推介俾大家，雖然對於我來講好遠，但係真係好值得去食嘅醉雞湯米線。一到中午時間座無虛席，雖然要等但係10分值得，除左雞啖啖肉外，個湯底又好濃。坦白講環境就真係比較逼，同好大可能需要搭桌。

假期在上水覓食，記得朋友介紹這間鳳鳴居，今次叫了醉香雞米線，喇沙雞米線，雞翼和菠蘿青檸蜜，醉香雞米線，雞肉嫩滑，上台時候很香的花雕酒味連湯也一樣，很足料。喇沙雞很香椰香味道，份量也很足料！

行完山返到上水，見到門口大排長龍，心諗一定好野，果然沒令我們失望。我們兩個人叫左四樣嘢：醉香雞米線蘿蔔清湯腩飯蒜蓉辣辣雞翼尖白灼鵝腸雖然我不喜歡吃雞，老公話店名叫鳳鳴居一定是拿手之作，看看左右大家都叫雞，所以也order了一客試試，沒想到一試之下驚為天人，雞肉鮮滑湯汁甜美，最後喝到一滴不剩，還打算下次再來外賣一客醉香雞煲與家人共享。反而我本來喜歡的清湯腩相比之下黯然失色。兩客小吃水準出色，雞翼尖夠入味，鵝腸洗得乾淨灼得火候剛好。很滿意的一餐，期待下一次再去。

住左上水多年， 未見過有間店 長期大排長龍，就排下隊試下點知一試愛上雞肉好滑好嫩，一大碗都係💰48花鵰酒味濃，正正友人試食芫茜雞米，我覺得一般，唔夠多芫茜，最值得一讚係有凍純茶飲，岩哂唔飲甜野既靚靚

出街食飯，戒左食牛，通常我都唔食豬，會揀雞食🐔，今日朋友介紹去食鳳鳴居。呢度主要食雞食湯麵嘅🍜，就試下店員介紹嘅醉雞啦，碗麵一擺低，勁香酒味🤤！先飲一啖湯，嘩，酒味濃，略帶甜味😍，食完個人暖笠笠，雞肉都算滑，十分出色喎！呢度仲有花茶🍵都好出名架，如果大家食完想解膩都可以點黎試下

收工肚餓，忍唔住要食啲嘢先回家～見到好多人推介，咁啱自己又想食湯粉，就嚟試下啦～估唔到佢真係名不虛傳，真係超好味！Order了最多人介紹既醉雞湯米線🍜湯汁非常濃郁，酒味濃，同事有妃子配合，令湯底變得香甜～米線唔會整得太冧，好好食👍🏻而雞係選用了滑雞，很易咬又易入口，唔會鞋濕濕，正呀食完整碗麵，我仲飲埋全碗湯🤣🤣因為實在好甜好好味架個湯底～最緊要係佢價錢唔太貴，48一碗，配飲品只需加$8就有👍🏻

呢一間餐廳係朋友口中得知，一直都好想搵機會試下，不過呢排每次經過都好多人係出面等位，所以一直都冇機會可以食到。今日經過見係出面等既人比平時既人小，所以決定等位試下🌚等左15-20分鐘終於到我入去，呢間餐廳主要係食雞件雞湯，醉雞係佢地既招牌菜，價錢40-90，貴既款式係因為加左花膠，小食都有不少種類，飲品方面都有不少特色飲品。而我今次就叫左蟲草花雞湯烏冬，黎到之後我第一樣試既當然係佢個湯，好清好甜既湯，好好味，好味到唔知點形容，雞件超滑，今次因為自己一個食既關係，所以冇叫小食，等我下次同朋友一齊食先再叫。P.S. 呢間餐廳我一定會好再食😤

每晚放工都要諗一個人食乜好，自問對食都有啲要求，上水真係無嘢好食。自從鳳鳴居開左之後，終於在晚餐列表可以加多一間，都食左好多次，每次只會點同一招牌菜：醉雞米粉。成條馬會道有好幾間食店，但每晚食飯時間只有它是人頭湧湧，所以我大多數都買返屋企食，返到屋企啲湯仲係熱辣辣，米粉和湯分開放，唔會令米粉過淋，第一時間先飲啖湯，超甜有酒香，雞件大約6件，好多時都有2-3塊雞肶肉，皮滑肉嫩，回味無窮，配料有2粒紅棗、2塊木耳，附加的辣椒豉油都係佳作，最後成碗湯都飲晒，好滿足。

估唔到上水都有好西食，呢間超好味嘅湯麵店就係舊墟，上水運動場對面，一到中午就超多人排隊！即使係呢段時間裏面，其他鋪頭生意都麻麻地，但係佢都有人排隊，就知真係唔錯啦我第一次黎食叫左醉雞米線，湯底清甜滋潤，有種酒嘅香味，雞肉唔會老曬好滑，我特別欣賞嘅係呢一間嘅醉雞米線，係會送埋辣椒豉油比你點雞食，令到雞肉可以有啲醬汁提下味，唔會太清淡，好似你打緊邊爐咁樣，可以定時止下邊爐癮！我朋友叫左麻辣味湯米線，我試左少少發覺自己更鍾意麻辣味哈哈！不過有時想食清淡啲就會食醉雞，一定會再黎食！保持水準！

今日去左上水呢間食米線，因為佢最出名係醉香雞米線。我地叫左3樣野，醉香雞米線，雞絲粉皮同蜂窩春卷。先黎個雞絲粉皮，裏面有蟹柳芝麻醬粉皮同雞絲，都好食，份量適中。再黎既係醉香雞米線，個湯好正，一食已經知道係藥材湯做底，不過酒味都幾重，但味道好正，甜得黎有醉香酒味，啲雞都滑👍。個蜂巢春卷都好好食，應該即炸，好脆，，間野都有人排隊，我地仲要3點先去食，所以想去食都可能要等一陣，佢d座位都好多，所以等都唔洗太耐。

今日第一次光顧，成日門口都勁多人，入口後終於明白，呢個天氣一口雞湯，一口麵，真心正食左蟲草花雞米粉及花膠雞飯，不得了而且現場有種親切熱鬧又唔嘈既氣氛，同聲同氣，食完唔口渴就知唔係味精，一試難忘，決定變成長期食堂，上水終於有名店，極推