鳳鳴居

營業中

休息中

今日同朋友行山行八仙嶺行到落粉嶺就要諗有咩食朋友介紹上水有間幾好食嘅小店所以我哋就去咗嗰度去到見到都幾多人等位就知應該好食呢度出名係雞有蟲草花雞湯 醉雞湯 喇沙雞湯朋友叫咗蟲草花雞湯面湯底好鮮甜而且雞幾嫩滑我就叫咗喇沙雞油麵喇沙湯底同我之前去新加坡旅行食嘅好接近非常香同唔太辣雞亦十分juicy本身諗住叫啲小食可惜想要嘅春卷賣晒睇嚟要下次再嚟試吓整體來講價錢非常親民而且款式幾多絕對值得一試下次行完山都會再嚟食

癡線，好癡線。入中午13:30，午飯高峰期已過吧～整條街的食店也門可羅雀，就偏偏這裡多人排隊。我1人午餐，要拿飛排隊，好癡線，這是上水咋，我平日中午食餐普通飯啫，都要排隊。店內侍應很後生，有活力，最重要是很有禮貌，如果大家在上水普通食店食過野，就知上水食店的阿姐係點……。這裡沒有套餐，是散叫的，一碗麵一杯飲品不算平。但這裡食得舒服。說回主菜，我點了芫荽雞米粉，$53，似乎很貴，但看到份量大大的，雞是又大又滑的，另外又鋪滿芫荽，2樣味道很夾，好食的。再附加一碟豉油，好好味。中食完步出餐廳，仍然有人排隊，其他店呢？繼續冇人……會再食，值喎~

以前都冇發覺上水有間咁好食嘅小店真心$48一碗醉雞湯米 呢個價錢有呢個質素簡直係超級 優惠。➡️講吓個湯底先 我自己食過蟲草花 個湯底比較甜少少 但係我幾鍾意。➡️喇沙湯底都試過 係比較濃郁嘅味道少少辣幾香口➡️講吓佢個招牌醉雞湯底 嘩我食完簡直一試難忘 我可以將成個湯飲晒 而且係唔會口渴嘅。酒香味好重 係都會飲到啖啖嘅雞湯味講埋啲雞先 好滑 小店亦都會提供辣椒豉油 整體感覺好夾唔知佢落咗啲咩呢？我成日心思思想食 依家一星期食兩三次 變咗飯堂啦♥️

上水其實冇咩食咁 更何況話黃店🙈所以呢間真係必回頭黃店！平時晏奏都好多人架！要等一陣🤓-我必叫係醉香雞湯米線❤️真係好好食！個湯好甜，完全落足料煲，想飲晒佢！佢好大酒香同藥膳味，入面仲有紅棗，所以啱晒女仔食☺️好補🥰 冬天食應該更加正添！佢入面會有幾舊雲耳，同埋都幾多雞！😋仲有我食2次舊舊都係脾或翼！係有肉架，唔會係啲雞背😂米線爽滑彈牙，吸左啲湯好正！佢地仲會比個秘制辣椒豉油你點雞，好香小小麻好鬼刺激🥳所以呢碗我真係大推！-另外食過喇沙車仔麵湯底都唔錯。試過雞絲粉皮的小食，就好一般，都係估到的味😂麻醬就係日式個隻😌所以大家食左醉雞米線先！

由於工作需要每星期都有一日要去上水返工而上水就無乜特別嘅嘢好食 同事一直推介鳳鳴居不過去過兩次都因為大排長龍 而有啲趕時間所以就無等到而無食適逢今日落大雨而又無咁趕 無乜人排隊 終於有機會一試 不過五個人都等咗差唔多20-30分鐘先有得入座點餐之後就上餐得好快 叫咗一個大家都推薦要一試嘅醉雞麵($48)轉烏冬麵底($8)加配一杯凍菊花蜜($8)醉雞麵嚟講我就只係食過台灣果款即食版嘅花雕雞麵鳳鳴居嘅醉雞麵酒味聞落都已經幾濃郁 飲落就都算幾甜 有啲似果種甜酒咁 不過個人就幾鍾意飲 配料主要有蔥花 紅棗 木耳 雞肉同麵 仲有辣椒豉油供點雞肉之用至於烏冬食落都唔錯 不過份量就相對米線少啲雞肉就唔算係太出色 本身無乜特別味道 而且唔算係好嫩滑 少少鞋 反而木耳就幾有味道野飲方面，菊花蜜就甜得濟總括而言 個人覺得湯底都幾好飲 幾乎不知不覺就飲哂成碗湯 而我就唔係太飲得嘅人 容易對酒精有反應 朋友話我食完面有啲紅 我都覺得有少少熱 用身體驗證咗佢酒精嘅成份應該的確有返少少濃嘅仲以為大部份酒精已經煮到蒸發無哂

入到黎舖頭😝😝已經聞到一浸藥材醉雞味🤩首先坐低之後餐廳職員好好又比口罩套俾你笠住個口罩,開頭睇張餐牌好多嘢都想食，但係見到周圍個個都嗌醉雞🤣🤣所以我都跟大數嗌醉雞湯配飯，個餐做得配米線做選擇，第一啖試佢個醉雞湯😍係好濃郁嘅花雕味👍🏻入口好舒服、甜甜地、飲得出唔係味精🤣，個雞都好好食👍🏻佢跟餐有個辣椒豉油脾你，不過個雞唔點豉油都好食👍🏻係有雞味嘅,果然係招牌👍🏻不過就要排下隊🤣好食嘅嘢就係要等下🤣呢一間我絕對會再幫襯

上水鳳鳴居成日排長龍，Keep住甘好生意唔係無原因嫁～因為佢地既湯底同雞都好鬼正！朋友叫左自選配菜，而我就叫左我最愛既蟲草花雞湯米線😋 雞湯湯底好鮮甜，而上面份雞肉都好足料，食落亦好滑～再配上自家製既辣椒豉油，小小辣好惹味，同雞肉真係好夾💕廢話少講，睇我食到甘乾淨，就知有幾好味啦🤤真係好鬼岩我口味，身邊亦好多朋友仔會黎食，一直都係街坊之選！甘啱黎上水一定要黎試下！🔊重點既重點係，黃店！支持黃色經濟圈，就要多啲黎支持下啦～

醉雞同米線我諗大家就食得多啦！有冇試過兩樣一齊食呢！估唔到呢兩個加埋一齊可以夾到咁樣😍🐣鋪面都唔算細，仲勁好有得比你拎信封入口罩😷-Menu：醉香雞湯麵🐣🍜$48-大概有7件雞肉：有雞胸雞翼等部位，肉質滑身唔會鞋，面頭仲有木耳同紅棗。最出色係佢個雞湯🍲，有醉雞味之餘又唔會太過藥材味，甜甜地但又有醉雞味，成碗飲晒都得啊！另外仲有隻碟附上辣椒🌶️豉油， 雖然原本湯底已經好夠味， 但點上呢個豉油簡直係畫龍點睛非常惹味😍瑞士雞翼🇨🇭$19（4隻）-甜甜地又平又好食！非常入味同濃味😍又唔會煮到爛哂，但又煲得好稔身！！

平時好少入上水，有機會去到就梗係要試高質的良心小店！呢間餐廳係經一位住上水朋友的熱烈推薦，未到七點去到已經有好多人排隊等外賣，而舖頭亦差不多坐滿。可想而知幾受歡迎。/醉香雞米線🌟本身以為是平常的花雕醉雞再加面，但呢度係佢既湯底有濃濃的酒香同雞味，飲一啖湯都幾喜出望外。/大三兄弟🌟有墨丸、魚片同爆丸三款，新鮮炸出黎外皮脆脆地，好正！但小心入面真係好熱，要慢慢食。/瑞士雞翼🌟瑞士雞翼煮到入哂味🤤，又唔會過太鹹，$19就有4隻真係良心價。/蜂巢春卷🌟出面係網狀既皮，入面係芋絲，同樣係即叫即炸出黎。/

下午2點多，去了上水鳳鳴居，見無咩人去試下之前去永發雞煲，見這間舖勁多人，想找機會試下我唔覺好味醉雞米，大碗，可惜雞無味，湯底只有甜味舖頭音樂勁嘈!電視聲又嘈，兩種聲加埋，係想食完快啲走永發下午有雞米，上次下午食過，好味，有雞味

此店的雞湯麵好用心製作！完全食得出誠意！唔係hea 做！我叫了碗芫茜雞湯米線！雞湯好甜！我飲哂成碗！湯同米線好夾！上面加了芫茜，成件事好清新！美中不足的是雞有點「林」！過熟！希望可改善！食物份量我就覺得剛剛好！如果可要求加底就好！最多加返錢！店內好多年輕人做侍應/廚房。都好好禮貌！主動服務！令我有點意外！我星期五的下午去，客人都多！希望此店不會受疫情影響！長做長有！會繼續支持！堅好食！

黎過呢度食嘢好多次喇 寫開食評就寫多編讚下你地啦！晚飯時間一丁友黎 都keep住全場滿座 完全冇受疫情影響 同隔離d舖好似平行時空咁 一如以往係食醉香雞麵 次次都係連d湯都飲埋 真心足料 易醉既朋友要小心 上次同Friend黎佢真係食到醉左🙈好食 一定要挑剔的話 湯底甜左少少 不過都係可以接受既範圍不得不提喇沙麵係用原隻雞髀 見到隔離枱食得好開心 會一直支持💪💪💪P.S. 酒量唔好既人都唔洗擔心 可以叫其他野 屋企人唔飲酒既就食開蟲草花雞麵 都好推介

近排成日都喺上水出沒體育館出黎 望過對面馬路就職會有個誇張既人堆除左聽人講 睇到門口既人數都知好食係拎籌既 所以唔係打蛇餅既人龍好多人排隊 都等左好耐 都應該多過半個鐘 終於入到去啦 係好大陣酒氣(⊙_⊙)都啱 呢道出名既係醉雞米所以我嗌左一個黎睇下迫同行者食( ´▽｀)真係好香。。 拎到附近啲酒氣就湧哂過黎睇落都好補 又紅棗又木耳飲左一啖湯 有自家制雞酒既味道 略帶濃烈一啖就有種暖肚暖胃既感覺本來天冷都幾適合不過天氣都偏乾 個人都少少燥 怕喉嚨痛所以叫左芫茜雞湯米有個小小題外話星州炒米 雪菜肉絲米 喇沙米所以我嗰刻嗌米係諗米粉 冇特別諗過佢係米線舖 不過確實雞湯配米線更夾芫茜好多 好香( ´▽｀)食第一啖嗰陣要小心少少冇睇清楚放左啖薑蓉入口 嗆到咳死我。。即時惹來部分不友善既目光。。除左薑蓉仲加左幾片薑都係暖胃既 不過就冇醉雞米咁激雞湯好好飲( ´▽｀) 雞既份量都好多 只係比更多既芫茜遮左啲雞都尚算嫩口 食唔到有冰雞陣雪味處理得唔錯叫多左個雞絲粉皮嗱個賣相就唔太討好啦唔記得幾錢 但細細碟 同上海舖嗌既前菜份量相約冇撈埋 要自己撈 個味都ok既 粉皮都夠薄 雞唔算多 但叫雞米本身都多

好想推介俾大家，雖然對於我來講好遠，但係真係好值得去食嘅醉雞湯米線。一到中午時間座無虛席，雖然要等但係10分值得，除左雞啖啖肉外，個湯底又好濃。坦白講環境就真係比較逼，同好大可能需要搭桌。

假期在上水覓食，記得朋友介紹這間鳳鳴居，今次叫了醉香雞米線，喇沙雞米線，雞翼和菠蘿青檸蜜，醉香雞米線，雞肉嫩滑，上台時候很香的花雕酒味連湯也一樣，很足料。喇沙雞很香椰香味道，份量也很足料！