鳳鳴居

營業中

休息中

醉香雞湯麵同黃金魚皮💛雖然上水有啲遠，不過如果去開個頭真係推薦試試～呢碗醉香雞湯麵真係超足料，有好多件雞而且煮得好嫩滑，一啲都唔鞋，仲要每件雞都食到酒味懷疑係即叫即煮💛個湯底係雞湯，有少少酒味，仲有棗嘅甜味添～粉麵方面都有唔同嘅選擇，可以跟翻自己口味不過就唔推薦黃金魚皮啦...雖然都夠脆，不過就冇乜咸蛋黃味🥺.醉香雞湯麵 $48黃金魚皮 $38———不專業評分💯食物指數 🍴: 💛💛💛💛🤍環境指數 ⛱: 💛💛💛🤍🤍抵食指數 🤑: 💛💛💛💛🤍推薦指數 👾: 💛💛💛💛🤍———📍鳳鳴居 Feng Ming House上水馬會道154號地下———

呢間係上水食雞湯麵嘅...真係無時無刻都咁多人排隊或者外賣有一次因為番工，同事介紹呢間上水必食店之後，之後去親上水都要嚟食第一次嚟食係食蟲草花雞湯米線，今次就試吓醉香雞湯河粉啦雞件嫩滑，即使係雞胸都好滑醉雞冇得揀部位，撞彩睇吓佢會唔會俾到你鍾意嘅部位你醉香雞湯河粉（$48）湯底濃郁，酒味突出而不苦唔會搶去清甜湯底嘅味道配料仲有雲耳、大大粒紅棗，非常滋補食完成個人暖笠笠😋蟲草花雞湯米線（$56）蟲草花份量十足河粉索哂湯汁真係不得了，湯底非常清甜雞湯麵都會配辣豉油，辣得好過癮🌶，但其實佢嘅雞唔點任何醬料都已經夠哂味。重點係食完飲埋湯都唔會口渴，無味精👍🏻

經過成日見到門外好多人等，我都好想試下咁今日我地搭正12點等佢開舖就衝入去，唔洗等坐下order左佢個醉雞米線雖然仲係2人限聚令，舖面唔多人，但都等左一陣試下個湯先，正呀，酒味ok，湯有少少甜，可能係紅棗關係雞還好，不過啲酒唔算好入味，如果入埋味就正佢仲好窩心咁比埋個碟你裝骨有兜辣油，幾辣食到尾段其實係有啲漏，覺得甜得濟然後出面超多人等位/外賣總括黎講係相當唔錯，要讚下啲店員做野幾快手btw如果下次再食要等位，可能take away

上次傾計朋友特別推薦呢間餐廳叫我試吓，所以我專程入上水試吓呢間餐廳係咪真係好似佢講到咁好食。因為我係下午茶時間去，唔駛等位就直接入得。-🍜麻辣雞湯麵（米線）($48)我個朋友真係無介紹錯，呢碗野真係我食過最好食的米線！我本人都鍾意食辣，但呢碗湯底唔係死辣，有唔同的香料令到個湯都幾惹味，而且雞湯係真係有雞味，飲完一啖好想繼續飲落去。雞的份量都好多，加埋大概有9件，而且肥瘦啱啱好，唔會食到成口都係油但係有肉咬吓。米線份量啱啱好，食完唔會太飽或要叫多碗。我覺得好值得再嚟食過呢間米線！

睇完果籽介紹兩位90後老細之後，好佩服佢地認真做飲食既態度，所以第二日就去左上水試下佢地既米線。揀左喇沙雞湯米線，一上枱有d嚇親，因為份量比一般米線鋪多，唔係淨係碗大，係連米線同配菜都特別多，真係真材實料。喇沙湯好濃好creamy，有椰奶同香料既香味，仲有少少辣，成個層次好豐富，米線粗幼適中，質地非常爽口彈牙，好意外係上水食咁高質既米線! 另外好欣賞佢會比一個空既碟仔，一開始唔知用黎做乜，但食米線果時就知原來係用黎裝雞骨! 十分貼心!雖然住得遠，但絕對會為左佢再黎上水食! 睇得出係有心做好飲食既小店，highly recommended!

除左令我一再回頭既醉雞米，春卷都好脆口點醋可以平均番油炸既膩，不錯的小食。但今次個奶茶稀左好多，同上次濃郁既口感味道差好遠，希望水吧留意下。...#test_sheungshui#test_yellow______________________________🏠 鳳鳴居 💛💛💛💛💛💵 $66 per head📍 上水馬會道154號地下______________________________ig : eatesterhk

上水難得有咁好食嘅米線食雞食雞食雞仲要係可以揀蟲草花又可以揀醉鄉雞麵真心超抵食又豐富鍾意重口味嘅一定唔可以錯過醉雞超級香，香濃嘅酒香再加埋雞份量勁多而且我每一次呢都要糾結到底食蟲草花定係重口味啲嘅醉雞所以呢通常都會同男朋友一齊兩樣都嗌晒互相share

為左搵朋友配眼鏡入左上水, 咁梗係唔可以放過搵好野食既機會啦😆 問一問住喺天平邨既好友, 佢二話不說就推介左<鳳嗚居>呢間「醉雞」既地區名店比我地😎😝1️⃣ 😳🐔醉香雞湯米線🍜就咁睇賣相真係平平無奇😧 但當你親身黎食過就會明白點解咁多人喺店外面等候😳 (同一條街唯一一間有人龍既食店😲) 👦🏻🧒🏻見到幾乎每一檯都係衝住醉雞湯而黎😊醉香雞湯底個酒味實在太香了吧⁉️ 入口有一陣清甜既味道😚 我認我醉喇😍 雞肉🐔沾少少辣椒🌶️豉油配上熱辣辣既醉香雞湯底&米線, 會有一種前所未有既滿足感🥰 無得輸💯係都要挑剔既係湯面會有一少浸雞油🙈 同埋略嫌雞肉🐔既醉雞味道唔夠濃烈🙈 不過醉香雞湯底實在太無敵😆😆 最後差唔多成碗飲曬添呀🙈唔係講笑食過真係會為左呢個醉香雞湯心思思甚至特登走黎上水一趟既衝動🙈 另外不得不讚全男班店員服務都很不錯🥰 支持小店😘

雖然一直都係新界牛，但係真係好少好少會去上水粉嶺個邊食嘢，咁啱去上水探朋友，朋友就帶路帶咗去一間出名食醉香雞湯嘅餐廳🤩舖頭開12點，我哋12點3左右到，已經要排長隊，估唔到上水都有咁熱門嘅排隊店💛~🍁 醉香雞湯米線($48)本身對雞湯都係一般般，見醉香雞湯係皇牌就試一試，朋友就嗌咗蟲草花雞湯米線($56)💁🏻‍♀️上檯後，第一時間試下個雞湯，估唔到真係好有驚喜😍湯底好鮮甜，酒味突出但可以接受，平時唔會飲湯底嘅我都忍唔住飲多幾啖🤤米線索晒湯嘅味，好好味，唯一挑剔就係有一兩件雞肉有啲鞋，不過其餘都好嫩滑嘅，仲附有一碟辣辣地嘅豉油for點雞肉🤩除咗雞件之外，仲有紅棗同雲耳，好養生嘅一碗米線🥰呢間餐廳絕對會係我再去上水嘅原因之一💛💛💛

好日都唔會嚟一次上水，朋友推介入到嚟一定要試呢一間 <鳳鳴居>, 我哋好好彩呢到都唔使點排隊， 聽聞平時成日都大排長龍㗎知道呢度係最出名係醉香雞湯麵，個湯底真係好正， 除此之外，我哋仲嗌咗黃金炸魚皮，辣豉油爽脆鵝腸， 呢兩個小食都好出色 值得推薦

依家喺上水相當出名 成條街唯一一間要排隊嘅舖頭就係佢12點鐘開門 一開門就要排隊 真係好誇張到咗夏天就真係辛苦 好多時都等三個字以上出面熱到爆炸 未入到去都身水身汗 但佢依然係咁多人等 可想而知有幾吸引因為嚟過好多次 已經試過好多種麵款可以介紹吓#清雞湯麵 $48最簡單普通樸實無華嘅一款 但係佢個雞湯真係好有雞味！唔會太淡亦唔會太濃！但比起其他相對上會淡少少簡單得來又唔會話有味精味 每次食都會成碗飲晒！#醉香雞湯米線 $48都係好受歡迎好多人叫嘅一款真係好有酒煮嘅香味 如果鍾意食醉香雞嘅應該好鍾意不過呢款啲雞件係整定 可能就冇咁新鮮同咁靚 不過一樣係好味嘅！只係呢款我唔會飲晒啲湯#姫松茸雞湯米線 $56比起普通款會貴8蚊味道上係偏甜！幾條姫松茸咬落去會有好特別嘅香味同甜味！個人最常食係呢款！#蟲草花雞湯米線 $56相對之下呢款就偏鹹 但又唔算太鹹有蟲草花獨有嘅味道 蟲草花本身都好爽口 彼得亦好多 更加帶出雞湯嘅鮮味！#麻辣雞湯米線 $48係幾刺激過癮 都唔會算得上太辣 還可接受#喇沙雞湯米線 $48呢款我覺得仲辣 不過又真係好有喇沙嘅香味鍾意喇沙嘅朋友可以一試！呢度嘅雞我都好鍾意食 不

醉雞聞名傳到街知巷聞一直都好想搵機會去試但耐何去親都係排長龍證明 佢係有實力既 長期keep到咁多人等位個個講到佢個醉雞米線幾咁出色我真係真係忍唔住喇我決定打電話叫外賣跟住過去拎外賣唔算等好耐 大概15mins左右啦門口仍然係大排長龍接電話既男生好有禮貌 呢點都好想讚揚下講返個外賣先啦湯同麵係分碗 好細心味道好濃 好香米線軟硬度適中雞夠大件 足料配料份量都唔少辣鼓油好正雞比較’鞋’口 唔滑只係食到酒味可能假期人多既關係啦 下次搵日平日去試下先

上水應該好多人識呢間黃店, 一去到都見到店外排滿左人, 幸好我地到左無耐就有一堆人食完走, 所以等左大約十分鐘就入得。今次黎到試左最出名的醉香雞,配米線。上菜時會有一碟辣辣地的豉油, 用黎點啲雞, 好好食。仲有隻碟俾你放骨, 好貼心啊., 最唔鍾意食到成枱都係骨.講返個醉雞湯, 一上枱都聞到好香, 飲落好大陣甜味, 唔會覺得有酒精味, 一啲都唔刺鼻。 VERY GOOD米線仲有兩粒紅棗(已去核), 仲有少量雲耳.   食下食下,唔知唔覺就飲左一大碗湯, 就黎飲晒.... 哈哈哈哈 今個LUNCH, 我要不醉無歸!

難得去到上水，好想搵d特色餐廳，見到呢間D湯底好吸引，一於試下呢間啦! 雖然已經過左晚飯時間，但係都有一條人龍排緊隊，令我對呢間餐廳充滿期待。等左大約15分鐘，終於可以入去啦。一入到去，店員都好nice，最重要係一間湯麵店竟然播住流行曲，然後店員會一齊唱，好有熱血青春的感覺。1.蟲草花雞湯麵今次我只係叫左一碗麵，但呢碗麵真係好抵食。蟲草花雞湯清甜，冇落味精，我差唔到飲左大半碗湯。另外，蟲草花竟然比出面的連鎖店多，完全係真材實料。身為主角的雞都好吸引，滑得黎唔算好油，最小俾左5舊雞件，$48完全係超值。______________________________

聽人講鳳鳴居呢間黃店好食，一試之下驚為天人，醉雞湯米粉好夠酒味，湯底甜甜地，有藥材紅棗感覺幾補，推薦叫米粉更加索湯汁，辣豉油另上一人一碟幾衛生。蕃茄雞米就清新啲，微酸甜岩夏天食。..______________________________🏠 鳳鳴居 💛💛💛💛💛💵 $66 per head📍 上水馬會道154號地下______________________________