鳴越越式料理

營業中

休息中

星期日既晚上，無乜打工仔，唔駛等位就可入，餐牌都係典型越式料理既食物，我地點啲最普通亦最考功夫既餸蒜蓉炒芥蘭：好夠鑊氣，大份，芥蘭都幾靚，如要雞蛋裡挑骨頭就係油多左啲啲，除左呢樣都無可挑剔海鮮炒金邊粉：海鮮係堅海鮮，青口、蝦🦐都係手指公咁大隻，金邊粉唔油，非常難得，好多餐廳為左炒得靚而落好多油，唔油又可條條分明證明廚師功架勁﹗串燒豬頸肉：三串，切成一粒粒，粒粒都好厚實，唔會薄切切，我個friend 嫌三串少，應該係因為佢覺得好好味青檸薏米水：最岩夏天飲，消暑，去濕，如果可以稍為減少少甜更好埋單時，店員問我地覺得啲餸點，我同佢講芥蘭少啲油更好，佢就叫我地下次落單時講，廚師會落少啲油，呢種服務態度真係值得一贊

呢日唔想去老蘭唔想去soho，見到呢間係地庫既越南餐廳，價錢又合理，就去食了。極力推介香茅豬扒撈檬同埋咸柑桔青檸梳打！🔸呢塊豬扒係一流既，豬扒冇肥膏，炸得黎唔覺得膩，咬落去肉汁出哂黎，豬既質感剛剛好，唔會太焾或者太硬。檬粉有"qao"開過，唔似其他餐廳啲粉痴到199咁。撈檬個汁少許偏酸，剛好用黎開胃。🔸另外，咸柑桔青檸梳打，咸柑桔、青檸既分量比例啱啱好，飲落去非常舒服。🔸結論:中環貴價區中既清泉

簡簡單單的、較經濟的一餐。除了到茶餐廳、粥粉麵店用饍較經濟外，我們找到了中上環區，一間位於地庫的越式餐館。最近吃得有點肥膩，今晚想吃得清一點，所以沒有點越式炸物，而是點了兩碗湯粉及燒雞。越式火車頭檬粉$72，大大碗、用料十足；鮮茄牛腩湯河粉$56，味道香濃可口；至於南乳燒春雞（半隻）$78，今晚燒焦了一點，但味道是不錯、雞肉也嫩滑的。或許它位於中上環商業區，在晚餐時段也不爆滿，吃得自在。今晚服務員的服務也可以。

今日過開來中環呢一頭，成日都唔知呢一邊有咩好食，印象中中環都係又貴又唔好食嘅餐廳。朋友就同我去咗呢間食越南菜嘅餐廳，一睇個餐牌估唔到價錢都好經濟。我朋友就帶咗一碗湯麵食，我自己就因為唔係太肚餓所以叫咗一份串燒。🍢🍢豬扒湯粉: 豬扒上面加咗一啲黑椒幾香口，呢個係套餐加$8仲可以有特飲，我朋友叫咗鹹檸七。🍹串燒拼盤:呢份串燒有啲令我喜出望外🥰，雞牛豬各兩串，燒得剛剛好之餘，仲好大份，一大舊菠蘿喺度，燒菠蘿真係超好味，本身雖然唔肚餓但係都食唔停口🤤。

今日放假冇嘢做，就同老婆兩個人扮文青行下街，去咗中環PMQ行到腳仔軟，諗住是但搵個地方食碗麵就返屋企瞓覺。經過上環站 無限極廣場對面嘅招牌吸引到，就係依家越式料理，兩個人食，埋單$200有找，嘢食大件，地方都算乾淨，最搞笑就係餐廳有音樂，仲係好hit嘅Pop song。可惜嘢食相得有啲慢成半粒鐘先上咗個串燒俾我食，落單個侍應又黑口黑面，不過$200食個晚餐算係咁啦！

越南野係香港一向都好受歡迎，我自己都好中意食，串燒更加係至愛，今次就試下外賣呢間餐廳既串燒試一試佢既質素係點。我叫左串燒香茅雞肉串$36同埋香茅豬扒飯 $46。先講一講個串燒 雞肉多汁嫩滑，沙嗲醬惹味（仲食到有細細粒花生醬既花生），加埋一齊好食，更加難得既係，就算外賣都咁好食。豬扒飯 呢個相對比較普通，無太特別既地方，都係一般係越南餐廳食得既質素。Overall 黎講，我都會再encore 呢間既串燒，同埋下次可能試下佢其他既主食。

星期日同太太在上環辦點事，處理完畢後已到傍晚時分，大家決定在上環食完晚飯才回家。路經德輔道中，見一越南食肆，同太太決定試試。食肆名鳴越，在一大廈地庫內。店內裝修帶點越南風情，座得頗舒服。二人點了越式豬扒拼雞扒飯、越式炸蝦餅、春卷拼盤及越南龍眼冰。豬扒拼雞扒飯份量頗大，豬扒醃得非常入味，雞扒比較多脂肪，但處理得頗滑。飯加上了越式蔥油及炸蒜片，及送上甜豉油，送飯一流。蝦餅炸得剛好及乾身，食落亦彈牙，不俗。春卷拼盤有炸春卷、鳳尾蝦卷及薯絲蝦卷各三件。當中以炸春卷做得最好，非常脆，加了越式甜酸汁同食，味道更好。鳳尾蝦卷亦不錯。薯絲蝦卷質感略軟，如硬度提高一點，相信會更好。越式龍眼冰清甜及解渴，亦不錯。埋單約200多元，以此價錢在中上環來說，CP值不錯。

今日過開來呢邊搵朋友，唔知食咩好求其見到呢間就入嚟試吓佢，夜晚時間六點幾都唔算好多人⭐️軟殼蟹米紙卷一共有六件，軟殼蟹係我嘅至愛，喺邊度見到有軟殼蟹嘅嘢都一定叫，米紙好薄，仲可以清楚見到入邊嘅餡料，軟殼蟹同蔬菜嘅混合，好清新，而且薄荷葉味道好突出，做前菜一流⭐️海鮮炒金邊粉好大碟，應該啱晒附近打工仔，海鮮份量都算多，金邊粉煙韌，吸收晒啲汁另外跟餐加錢叫咗香茅雞翼，有三隻，炸得香脆⭐️牛肉串燒牛肉燒得啱啱好，嫩滑，唔會過火，配埋沙嗲醬好夾

Randomly bumped into  this restaurant. It's located in the basement. Followed the stair and got inside.The decor was better than i thought.This restaurant offered many choices for tea time.Also, the prices were not high.Me and my friend also ordered the soup noodles.When the waitress served the noodles, she was quite rude.The lime put in the noodles. I preferred they  serve it separately.The portion was big.  I saw other table ordered the rice was much bigger. The presentation did not look good,

上環搵食艱難呀，大食妹今日身體抱恙，放工想食得清淡少少，快快手番屋企休息下但系大食妹唔系妹鐘意食粥品，所以最後簡左偏清淡的越南菜餐廳系地庫，要行落一層<香茅串燒雞肉$36> 三串雞肉36蚊系商業區黎講真系幾抵，仲環幾大串下，同朋友share 岩岩好<蝦頭膏海鮮炒飯$76>海鮮炒飯同湯河同雞串比相對遜色，可能系配色的關系，色調單調，外表唔算特別吸引，但系食落味道調味都唔錯，幾健康海鮮的份量都算多，有青口、蟹柳、元貝、蝦等等，七十幾蚊食到海鮮飯都抵食ge <扎肉拼雞絲湯河$64>咁多個菜暖鐘意呢個湯河，湯頭好鮮甜，飲完又唔會口渴扎肉四片，雞絲份量岩岩好，配埋鮮美湯底系正嘅<椰汁紅豆冰$30>大食妹偏好硬身紅豆，貪佢有咬口，呢杯紅豆冰D紅豆硬身得黎又起到沙

夏天行街行到好熱，肚餓又唔想食湯熱野就叫左個 札肉雞絲青木瓜沙律（$70）酸酸甜甜又有肉食😋😋😋都大碟架可以兩個女仔share黎食再叫左一碟香茅串燒雞肉（3串）$36本身已經ok夠香，雞肉啖啖肉😋😋但友人沾辣椒醬食🤣想再辣d wo食3串已經夠哂黃金一口豆腐（$60）炸個層都夠薄既，因為曾經食過好厚炸皮豆腐，呢碟就唔會，味道不錯👌🏻適合又想食豆腐又想食炸野既矛盾心態的同行女孩😂*我地去到5點幾，餐廳6點先開市既，但職員都會安排先就座（職員們仲食緊飯休息緊😯），單都係要6點先可以落單。

行完中環永安發貨，夜晚差唔多收到的時候，好肚餓，又即刻去搵美食。去到電車路附近，有一間越南餐廳，叫做越嗚，睇賣相好似幾吸引，所以就二話不說咁落咗去食，拎住一袋二袋唔想行是常識吧。我地點左一個魚香肉碎茄子煲配白飯，馬拉盞炒通菜，仲有一個蝦餅湯河粉。個蝦餅湯河，蝦餅煎得好香口，點埋個泰式辣醬，一流。個馬拉盞通菜熱辣辣，味道夠，唔會太咸，送飯一流。至於個魚香茄子煲，熱辣辣咁上菜，聞到都加左分，咸香味加埋白飯就岩岩好，正呀食完嘢，口都有啲渴，飲埋杯健康檸水就岩哂啦。野飲跟埋餐叫，夠哂抵食。中環黎講，又坐得舒服，呢到真係好選擇。

又到一個月一次嘅同日本朋友嘅聚會由於朋友晚飯後要去機場搵佢朋友所以決定搵間近地鐵站嘅地方搵到呢間越南餐廳, 一於試試餐廳位置係地庫一行入去有一種懷舊香港情懷我地決定點啲食物一齊分享要左個火車頭湯河, 軟殼蟹米紙卷同馬拉盞炒通菜個火車頭湯河明明寫住一人份..但上到檯時個份量真係大到我同朋友都好鄂然XD 湯頭清甜, 配料有牛栢葉, 牛筋, 牛腩, 牛肉片同牛丸日本朋友對牛筋同牛腩表示唔係好理解所以我成為最大受益人XDDDDDDD全部配料都好軟稔軟殼蟹米紙卷~ 好爆饀! 入面有青瓜, 生菜, 酸紅,白蘿蔔絮, 薄荷葉軟殼蟹非常香脆馬拉盞炒通菜非常惹味, 一開始就停唔到..不停一啖接一啖我同朋友都好滿意今次嘅選擇. 已經期待下個月嘅飯聚喇

友人剛去完華欣回港，話想同我分享下旅程，當然求之不得。因她在上環返工，所以揀了附近一間越南餐店。其實之前也來過，但也不緊要，反正已有一段時間沒有吃越南菜。眨眼看，裝潢沒有改變，全店翠綠色為主調，各塊牆身仍掛上色彩繽紛的油畫，朝氣十足。餐店以卡座為主，設有多排闊落的四人卡座。有兩份餐牌，一份精選套餐和飲品，另一份是散點菜式，全份均附有菜式相片，設計清晰。分別有湯粉類、撈檬類、越式傳統海濱、沙律、飯類、炒粉飯類、地道小食、紙米卷、湯、主食、燒物、田園青菜等等。*********************精選套餐最實惠，主菜連飲品，仲可追加小食。揀了一碗蝦頭膏酸辣湯河 Spicy shrimp paste with flat noodle in soup ($68)，熱辣辣上枱，稍稍酸辣香的味道。滿滿一大碗，面頭放了些海鮮，配上生洋蔥絲和蔥花。先嚐熱湯，有點甘香，酸酸辣辣，少少嗆喉，味道不錯。夾起碗中的河粉，份量很足，一起共享就岩岩好。河粉煮得合時，滑身而不散爛，舀一羮酸辣湯同吃，很滋味！河粉份量多，但餸料就一般。只有兩隻爽彈的蝦仁、一些柔軟的蟹柳、數粒小帶子、一些清爽的芽菜和洋蔥絲。****

上環📍 地鐵站E出口行過去大約3分鐘，竟然有一間係地庫食 #越南菜 嘅餐廳🔷~*~*~*~*~*~*~*~*~*~*~*~*~*~*~*~*~*⭐️越南火車頭 $78 雖然寫住一人份量，但係我絕對認為係兩人份量🍜兩個女仔share一碎剛剛好！同埋好足料！好重嘅牛肉味👍🏻~*~*~*~*~*~*~*~*~*~*~*~*~*~*~*~*~*⭐️香茅豬扒湯檬 $66 亦都係好大一碗！個豬扒一啲都唔難咬開，亦都好有香茅味道⭕️~*~*~*~*~*~*~*~*~*~*~*~*~*~*~*~*~*⭐️馬拉盞通菜 $68 比較多汁，建議可以撈飯或者粉面一齊食🥢同埋唔會話炒得太老✋🏻~*~*~*~*~*~*~*~*~*~*~*~*~*~*~*~*~*⭐️越式香茅雞中翼 $42 香脆唔油膩💯~*~*~*~*~*~*~*~*~*~*~*~*~*~*~*~*~*🛑大部份都係四人或者六人卡位，環境亦都好闊落，店員態度非常良好🔺仲可以叫番罐 #越南啤酒 🍺~*~*~*~*~*~*~*~*~*~*~*~*~*~*~*~*~*